رد: فوق هام السحب ( الشعر الشعبي) على متن القوافي
 

قلبـي وإعجابي بكم ما ترك لي
غير التعب والعين تمسي سهيره

داريت لٰـكن عارم الشـوق يصلي
وش حـيلتـي دام المحــبه كبيره

ما عــاد في دنـيا الهوى ما يسلي
والقلــب يا قلبـــي همومه كثيره

....

رد: فوق هام السحب ( الشعر الشعبي) على متن القوافي
 

صدق المشاعر تصنع إحساس شاعر
والناس تقـرا وش كـتب في جديده

عينه تشــوف ان القصـايد مشاعر
والناس يشوفـون المشاعر قصـــيده

....

رد: فوق هام السحب ( الشعر الشعبي) على متن القوافي
 

عندي طموحات بس الحـظ عندي عقيم
حتى لو لقيت فرصه رايحه رايحه

والله يابعض الحظوظ تقول دمعة يتيم
مهما يدارى عليه طايحه طايحه

....

رد: فوق هام السحب ( الشعر الشعبي) على متن القوافي
 

عادت الضيقه على الوجهه الحزين
طبع من ضــاقـت عليه وما شكى

ما قــدر حـتـى يرتب كلمتين
ان سكت مخنوق وان سـولف بكى

....

رد: فوق هام السحب ( الشعر الشعبي) على متن القوافي
 

انت طبّ الجـرح وعيون الطريق
وأنت لك في خاطري قدر ومقام

لا تغار ولا تشـــك ولا تضيق
دامك انـت الأول ومســك الختام

....

رد: فوق هام السحب ( الشعر الشعبي) على متن القوافي
 

ياحلو الايام لو ترجع على كيفي
ما كان قلبي شكى فرقا مواليفه

كانوا بـ قربي ولا يحـتاج تكليفي
واليوم راحوا وحالي صعب تعريفه

من عقب الاحباب مكسورة مجاديفي
غرقان والموج يلعب بي على كيفه

....

رد: فوق هام السحب ( الشعر الشعبي) على متن القوافي
 

يا هوىٰ البال عدّاك العتب والملام
لو غـيابك مـسـوّي شـيء ماهو قليل

تقتل احزان صدري منك كلمة سلام
مـثلـما تقتل الافـــراح يـــوم الرحيل

من ثناياك سم ومن رموشك سهام
لين ماطاح حزنـي من ضلوعي قتيل

من بقــــايا تناهـيد وبقـــــايا حطام
كل ماهب نسناس النسيم العليل

انتظرتك على بحر الهوا والغرام
وانت ماجـيت حـتى مثل عابر سبيل

....

رد: فوق هام السحب ( الشعر الشعبي) على متن القوافي
 

‏اكبر خطا تبكي على انسان ناسيك
‏ويضيق صدرك فيك و تموت حره
‏
‏اللىء نسـاك انسـاه لو كان يـطريك
‏و الليء يبرك في مواصلك بره

....

رد: فوق هام السحب ( الشعر الشعبي) على متن القوافي
 

يامرحبا يوم جيتي ياشبيه القمر
‏يامنوة العاشقين وعزوة اخوانها

‏يادرة ماتحصل وسط جوف البحر
‏ويالمهره اللي وهبني ربي اعنانها

‏ماأختارت من العيون الا عيون الصقر
‏يوم ان ربي عطاها زين حجانها

‏مرات اقول اني بحاجة لشمس الظهر
‏وان اقبلت قال قلبي عانها عانها

....

رد: فوق هام السحب ( الشعر الشعبي) على متن القوافي
 

يمناك لو خانت مع الوقت يسراك
محدن يسرك غير مــدت يمـينك

لو تنبت الدنيا ذهب تحت ماطاك
ماينفعك بالآخـرة غــير دينـــك

بقلمي