منتديات قبائل شمران الرسمية

منتديات قبائل شمران الرسمية (http://vb.shmran.net/index.php)
-   المنقولات الأدبية (http://vb.shmran.net/forumdisplay.php?f=153)
-   -   فوق هام السحب ( الشعر الشعبي) على متن القوافي (http://vb.shmran.net/showthread.php?t=46693)

الحمدان 06-24-2024 12:49 AM

رد: فوق هام السحب ( الشعر الشعبي) على متن القوافي
 
‏خذ ياسحاب الشوق من قلبي الشوق
‏وارحل جعــل مسعاك درب السلامة

‏صــوب الذي له شــآن ومكانته فوق
‏وسط الضلوع العـــوج ساكن غرامه

‏قله قسم قلبي من الشــوق محروق
‏والنار تنهــش في الخفـــوق إلتهامه

‏والجسم كامل صابه الياس والعوق
‏والقلب ينـــزف داخلي مـن سقامه


......

الحمدان 06-24-2024 12:50 AM

رد: فوق هام السحب ( الشعر الشعبي) على متن القوافي
 
‏ليتني دم بوريدك أدخل القلب وأشوف
‏هل أنا ساكن بوسطه أو أحد غيري لفاه

‏ليتني حبر بإيدينك أقلب أفكارك حروف
‏أكتب إللي قد كتمته وما تبي غيرك يراه

‏ليتني ظل بنهارك ليتني بليلك طيوف
‏اسهر الليل بخيالك وأسمعك لاقلت اه

‏ليتني كلك وكلك ليتك بحالي تشوف
‏غيرة العاشق مصيبه والمصيبه في هـواه


......

الحمدان 06-24-2024 12:52 AM

رد: فوق هام السحب ( الشعر الشعبي) على متن القوافي
 
‏قالوا تحبه قلت من قلب حبيت
اعجبني اسلوبه وذوقه عجبني

يقطر حنان ومن غرامه تقهويت
وجنني احساسه وصوته جذبني

ولاصاح ياعالم من الجرح غنيت
ونبض المشاعر لوعصيته غصبني

ينبض درر ويفجر الشعر بالبيت
وانا الشعر لو ماكتبته كتبني


......

الحمدان 06-24-2024 12:54 AM

رد: فوق هام السحب ( الشعر الشعبي) على متن القوافي
 
اللي على البال ياجعلي على باله
‏وعساه قد الغرام .. وصادق النيّة

‏للبيدددد قطاعته وللخيل خياله
‏وللوصل لذه وانا فيهم شقاويّه

‏العطر فوّح وغنى . الشوق مـواله
‏وتجمع الشعر... يومه حلّ طاريّة


......

الحمدان 06-24-2024 12:55 AM

رد: فوق هام السحب ( الشعر الشعبي) على متن القوافي
 
هـيه يـاالمقفي ولاخـفت الـملام

‏طـعنتك بـالقلب وصلت للصميم

‏ماقدرت اوصف شعوري بالكلام

‏والـعـيون. دمـوعها دمـعة يـتيم

‏لـيتني مـاعشت لحظات. الغرام

‏دام عـرفك هـم فـي قلبي مقيم

‏مـاتـحب. الـنـور دايــم بـالظلام

‏لانـت لاخـير ولا ..قـلبك سـليم


......

الحمدان 06-24-2024 12:58 AM

رد: فوق هام السحب ( الشعر الشعبي) على متن القوافي
 
.
‏انت تستوعب مدا ضـيقة فؤادي
‏من غـيابك يــوم قربك لي سعاده

‏والله ان الشوق فينـي غير عادي
‏وانت تعرفني عن العالم زيااااده

‏كم احبك كـم اودك كــم انــــادي
‏بأسمك اللي يمــتلك كل الــسـياده

‏لك مقامك لك مكانك بإعــتــقادي
‏انت موطن قلب تايه في بلاده

......

الحمدان 06-24-2024 02:49 AM

رد: فوق هام السحب ( الشعر الشعبي) على متن القوافي
 
‏صعبه تحب فلان وفلان معشوق
‏وصعبه تحب فلان وفلان عاشق

‏الأوله في تهمة الحب مسروق
‏والثانيه في تهمة الحب سارق


......

الحمدان 06-24-2024 02:52 AM

رد: فوق هام السحب ( الشعر الشعبي) على متن القوافي
 
‏الحب ماهو حب إقامة علاقات
‏الحب أنفس بالمعزه تلاقت

‏تلك النفوس الراقيه تلك بالذات
‏احساسها لاداعب الروح راقت


......

الحمدان 06-24-2024 04:37 PM

رد: فوق هام السحب ( الشعر الشعبي) على متن القوافي
 
‏قولـــوا لـ اعز الحبايب طالــت الغيبه
ثلاث ساعـات عن عينــي وهو غايب

مايعـــرف ان الدقيقــه تعتبـــر غيبه
والوقــت يمشـــي وقلبي للقاء ذايب

كافـــي فـــــراق المولــع زاد تعذيبه
والقلب من غيبت الغالي بدا شايب

ليه القسى يا غنات النفس والخيبه
ليه التغلي على من في الهوا تايب


......

الحمدان 06-24-2024 04:39 PM

رد: فوق هام السحب ( الشعر الشعبي) على متن القوافي
 
‏الحـــب عذبني كما عــــذب الزير
يوم طاح قلبـه في غـــرام الجليله

يكابر وقلبه وســط الاعماق بيطير
ومحبوبته صــارت لـ وائـل حَليله

اصعب هوى ماكان مقسوم للغير
واصعب فــراق اللي يفارق خليله

واكبر عذاب إذا انقطع منه السير
وصــار مالــه في التلاقـي وسيله

......

الحمدان 06-24-2024 04:46 PM

رد: فوق هام السحب ( الشعر الشعبي) على متن القوافي
 
انشهد أن الحيا يسرق قلوب الرجال
‏مثل الزهر طلعه الاول خفيف وندي

‏اجحد ليا شفت منسوب الحيا لايزال
‏واقول ماشفت ويشوف الغشيم بعدي

‏الطف من الحلم واحلا من نسيج الخيال
‏واطهر من المدلهمْ اللي يصب بردي

‏عذراً تقول انها يوم اعتراها الجفال
‏ورعٍ يبا يهج لكن مايعرف يعدي

......

الحمدان 06-24-2024 04:48 PM

رد: فوق هام السحب ( الشعر الشعبي) على متن القوافي
 
‏أحرص على الكلمة ، والمنطق الزين
أكسب رضا نفسك ولاتجرح النـاس

بعض الكلام أثقل ، من الهم والدين
يقطع غصون الود والغصن حساس


......

الحمدان 06-24-2024 04:50 PM

رد: فوق هام السحب ( الشعر الشعبي) على متن القوافي
 
تدري وش الي غير الناس يفلان
‏شرع المصالح وانعدام الصراحه

‏صرنا نجامل بالخطاء كل غلطان
‏لين اكثر الغلطات صارت مباحه

‏نمدح كلام فلان وفعول علان
‏ وفلان نجرح بالتجاهل نجاحه


......

الحمدان 06-24-2024 04:57 PM

رد: فوق هام السحب ( الشعر الشعبي) على متن القوافي
 
ناسٍ لهم عند العرب قابلية
وناسٍ مجالسهم بها ضيقة البال

ناسٍ مقابلهم كما الصيدليه
تشفي وجع من يشتكي جورالاهوال

اللي لهم بالطيب روحه وجيه
احرص عليهم صدق ياطيب الفال

ولايخدعك ضحك الوجيه الرديه
اللي تبيعك باول السوم بريال

......

الحمدان 06-24-2024 05:00 PM

رد: فوق هام السحب ( الشعر الشعبي) على متن القوافي
 
‏لنا مواجيـب وعـلينا مواجيـب
ياللي تجـيـب العلم تقدر توديه

حنا نجازي راعي الطيب بالطيب
وراع الردى على الردى مانجازيه

لأنا مانعرف للردى والردى عيب
هـذي مباديــنـا وكل ومـبـاديـه


......

الحمدان 06-24-2024 05:04 PM

رد: فوق هام السحب ( الشعر الشعبي) على متن القوافي
 
ياعظيمه وانتي الاشياء الجديده والقديمه
وانتي اللي لو تصد الارض ماصديت عنها
ٰ
وانتي اشجع الانتصارات وملذات الهزيمه
وانتي اللي وين مالقّيت قلبي قال عَنها
ٰ
وانتي اعجوبة زمان الشاعر اللي هلّ ديمه
وارتوت جدب القصايد لين صح الله بدنها


......

الحمدان 06-24-2024 05:09 PM

رد: فوق هام السحب ( الشعر الشعبي) على متن القوافي
 
ليت النوايا مالها ستر و لباس
تظهر من صدور المخاليق جردى

اللي تظنه غير عن كل هالناس
بكره تشوفه مثل هالناس واردى


......

الحمدان 06-24-2024 05:11 PM

رد: فوق هام السحب ( الشعر الشعبي) على متن القوافي
 
حنّا فقدنا منهو أغلى من الروح
لكن عشنا عقبهم غصب عنّا

هذي هي الدنيا مسرات وجروح
محد يحقق كل ماهو تمنّا


......

الحمدان 06-24-2024 05:12 PM

رد: فوق هام السحب ( الشعر الشعبي) على متن القوافي
 
تهب الذكريات ويصبح الصبر الجميل حطام
ودمع الفقد يجري ما نوى طرفي على وَقفه

فراقك ما يهّووونه الزمن لو مّر ميـة عام
فراقك جرح مع زُود السنين يزود في نَزفه


......

الحمدان 06-24-2024 05:14 PM

رد: فوق هام السحب ( الشعر الشعبي) على متن القوافي
 
لعنبو بعض الغنادير لو أنها نصوف
أتصبر مير لا شفتها باااح الصبر

كل ماشفت النحر والعواتق والردوف
راحت الدنيا ظلامٍ ورحنا في خبر


......

الحمدان 06-24-2024 06:01 PM

رد: فوق هام السحب ( الشعر الشعبي) على متن القوافي
 
خلّ لك فوق الشّواهيق والعليا مكان
‏اِردع النفس العنيدة وخالف ودّها

‏لا تحدّك سود الأيّام وظروف الزّمان
‏كل ما شفت اللّيالي تحدّك حدّها


......

الحمدان 06-24-2024 09:00 PM

رد: فوق هام السحب ( الشعر الشعبي) على متن القوافي
 
من عطاه الله محبة فـ القلوب
‏أشهد أن الله معطيه .. الكثير

‏جعلني لاجيت للناس محبوب
‏وجعلني لاغبت .. مذكورٍ بخير

......

الحمدان 06-24-2024 09:04 PM

رد: فوق هام السحب ( الشعر الشعبي) على متن القوافي
 
قدر مـقام اللي يقدر مـقامـك
‏واجز الذي عاملك بالخير خيرين

‏أحـذر تـنقص لـلـوفـي اهتمامـك
‏مايجحد الـوافيـن غير الرديين


.......

الحمدان 06-24-2024 09:06 PM

رد: فوق هام السحب ( الشعر الشعبي) على متن القوافي
 
في القلب قصرٍ للغـــلا وأنت بانيه
حراسه أشواقـــــي وطيبة ظنوني

أظن بك ظن الوفا وأنت راعيــــــه
ياللي طيوفك في الغياب إسكنوني

أنا بدونك باقـــــــــــي العمر ما ابيه
هـــــل تستطيع تعيش عمرك بدوني


......

الحمدان 06-24-2024 09:13 PM

رد: فوق هام السحب ( الشعر الشعبي) على متن القوافي
 
يامدور الهيّن تـرى الكايد أحلـى
وأسأل مغنّـي كايدات الطروقـي

الزين غالـي لكـن الأزيـن أغلـى
والكلّ شـرّاي ٍ بضاعـة وسوقـي

النوّ عالي و السمـا فوقـه أعلـى
ولا فاق علم ٍ جـاه علـم يفوقي


......

الحمدان 06-24-2024 09:14 PM

رد: فوق هام السحب ( الشعر الشعبي) على متن القوافي
 
‏لا حدٍ يقول ان المواجع تخصه
‏وهو الوحيد اللي شكى من عناها

‏كلن وله في بنك الاوجاع حصه
‏متشابهه لو يختلف محتواها

‏وبقلب كل إنسان موجود قصه
‏لو يزعم ابنسيانها مانساها


......

الحمدان 06-24-2024 09:18 PM

رد: فوق هام السحب ( الشعر الشعبي) على متن القوافي
 
يابحر انا بنشدك كم ضايقن جاك
‏ وكم شاعرن حولك يخط القوافي

‏ تعرف خوافي ناس ماتعرف خفاك
‏ تبلع هموم الناس ماقلتزكافي

.....

الحمدان 06-24-2024 09:54 PM

رد: فوق هام السحب ( الشعر الشعبي) على متن القوافي
 
استــاذ عـلمـنـي تـــرى مـا تـعـلـمـت
قـلـبـي بـلـيـد اسـتـوقفنّه وصـوفـك

فاهك يقول ان النظر حكمة الصمت
وعينك تـقـول ان السوالف ضيوفك


......

الحمدان 06-24-2024 10:02 PM

رد: فوق هام السحب ( الشعر الشعبي) على متن القوافي
 
لا غـــبت عن عيني وطول غيابــك
ماغبت عن قلبي ولازلت موجــود

مهما تــعاندني تــغلق حــــسابــك
لابد ميجي يــوم ياخــل وتعــــود

غـلقت في وجــهي وصـكيت بابــك
خليت باب الود والوصل مسدود

عذبت قلب انسـان ما يــوم سابــك
حبك وكفه لك على طــول ممدود

......

الحمدان 06-24-2024 10:04 PM

رد: فوق هام السحب ( الشعر الشعبي) على متن القوافي
 
يا مرحبا باللـي يـدور حضـــوري
‏يا مرحبا مليـار مــن داخـل الروح

‏ناسـن تواجدهـم يداوي كسـوري
‏بلسم مداوي كل ضايق ومجروح

‏غاليين في قلبي وغايه ســروري
‏شمعه حياتي قربهم راحه الروح

‏ملزوم انا في قربهم شي ضروري
‏اصبح تواجدهم بالاعماق مطروح

.....

الحمدان 06-24-2024 10:05 PM

رد: فوق هام السحب ( الشعر الشعبي) على متن القوافي
 
معنقك شبر فوق متونك وقفلتين
ويديك منجم ذهب وشفاك حانة خمر

مدري وش اللي خذا الله منك واعطاك زين
مالا عطا فارعات الطول بيض وسمر

ما شفت ذا الوردتين وشفت ذا الجمرتين
لهن ثلاثين عاااام ولا يزالن حمر


......

الحمدان 06-24-2024 10:07 PM

رد: فوق هام السحب ( الشعر الشعبي) على متن القوافي
 
‏انت الشعور الصادق و غيرك سراب
‏و انت المقرّ الثابت و غيرك ممر

‏غلاك بضلوعي تربّع ليين ذاب
‏يفوح مثل العود من فوق الجمر

‏يا أغلى البشر وجهك علاج الإكتئاب
‏و مواصلك مثل السحاب المنّهمر

‏حتى و لو قلبي شَعر بـ الإغتراب
‏انت الوطن و اجمل ملذّات العمر


......


الحمدان 06-24-2024 10:10 PM

رد: فوق هام السحب ( الشعر الشعبي) على متن القوافي
 
‏كل مانسيت الحب رجعني شعور
‏كنه موكل للمحبه محامي

‏كنت اسكنه بالحب شرعً ودستور
‏كان الوطن والحكم حكم اهتمامي

‏وقصور حبه يوم جا منه قصور
‏هجرتها واصبحت لاجىء غرامي

‏ياطير وصل له قصيدي ومشكور
‏لكن طلبتك لاتوصل سلامي


......

الحمدان 06-24-2024 10:12 PM

رد: فوق هام السحب ( الشعر الشعبي) على متن القوافي
 
‏محمد بن فطيس
‏عام ٢٠٠٩ قال بلحظة كبر:
‏وش عاد اسوي يومك اقفيت عني
‏لا انا اتبع المقفي ولا احب فرقاك

‏بعد 11سنة هزمه الشوق وقال :
‏متحسف ومستسلم بين اياديك
‏ما للعتب داع وانا جيت مهزوم

الحمدان 06-24-2024 10:25 PM

رد: فوق هام السحب ( الشعر الشعبي) على متن القوافي
 
‏وقلب جرحته لاتحاول تداويه
خله يعاني من قساوه طعونك

بالله قلي ماحصل وش تسميه
أغلى حبيب لك بلحظه تخونه

حاولت بك ولاحصل شي ابيه
وخيبت ظني خيب الله ظنونك

تصفي لغيري بالمحبه وتغليه
وتبيع ناس بالموده يبونّك


......

الحمدان 06-24-2024 10:26 PM

رد: فوق هام السحب ( الشعر الشعبي) على متن القوافي
 
يارب تسعد ضايـق الصدر والبال
عجل فـرج مخلوق بالحيل ضايق

بدل عسر دنياه في يسر الاحـوال
وعسى مزاجه .. ويـن ماراح رايـق

بقلمي

الحمدان 06-24-2024 10:29 PM

رد: فوق هام السحب ( الشعر الشعبي) على متن القوافي
 
ليه واقف بين وصلي والمسافه
‏تطرق ابواب الأماني ثم تروح

‏ليه صوتك فيه ربكة وارتجافه
‏حايرٍ بين المشاعر والجروح

‏ليه احس بخاطرك شيٍّ تخافه
‏هات خوفك واتبع احلام الطموح

‏جرب اقرب ماعلى الدنيا حسافه
‏الغموض أول مشاوير الوضوح

‏لا الهوى ذنبٍ ولا القرب اقترافه
‏لا الرحيل اجرٍ ولا التوبه نزوح


......

الحمدان 06-24-2024 10:32 PM

رد: فوق هام السحب ( الشعر الشعبي) على متن القوافي
 
عطيتك الصدق والتقدير والاحترام
‏من طيب حظي عطيتك وانت تستاهله

‏ماعندي مجامله باعطيك زبدة كلام
‏ولاهيب ياغايتي في قدرك مجامله

‏حبيت حكيي معك لوه سلام بسلام
‏وشلون لاصار حكيي فيه شوق وله


......

الحمدان 06-25-2024 01:46 AM

رد: فوق هام السحب ( الشعر الشعبي) على متن القوافي
 
ياوجودي كل ماحال دون الراي راي
‏والظروف القاسيه ساري مفعولها

‏كم نويت اقول كلمه تبيّن وش بلاي
‏وامنعتني شيمتي واستحيت اقولها


......

الحمدان 06-25-2024 02:02 AM

رد: فوق هام السحب ( الشعر الشعبي) على متن القوافي
 
‏الصـــداقة تراهــا فعل ماهي كلام
واصدقاك الحقيقيين مثل النجوم

ما تبين النجـــوم إلا بوقت الظلام
ولا يبين الصديق إلابوقت اللزوم


......


الساعة الآن 10:45 PM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية