رد: فوق هام السحب ( الشعر الشعبي) على متن القوافي
 

الشيب ماهو عيب يا معذرب الشيب
الشيب في راس الولد له سبايب

إما كريمٍ شاب يبحث عن الطيب
وإلا شجاعنٍ عذبته المصايب

....

رد: فوق هام السحب ( الشعر الشعبي) على متن القوافي
 

أضحك وخلّك لوجه الله متوّجه
والمجتمع لايضرك كثرة أزعاجه

أطلق صراح الزعل والضيق والصجه
وأرفع كفوف الرجا للخالق وناجّه

خذ لك عن الحزن في جو الخلا سجّه
حاجتك لله ومالك في البشر حاجه

....

رد: فوق هام السحب ( الشعر الشعبي) على متن القوافي
 

ما تغيرنا هم اللي غيرونا
ما عرفنا الصد لكن علّمونا

خيرونا بين زين الطبع وشينه
وقبل لا نختار بَ الشين أجبرونا

....

رد: فوق هام السحب ( الشعر الشعبي) على متن القوافي
 

بخروها عن عيون الحاسدين
وعلموها كيف تذكر ربها

جعلها من العايدين الفايزين
طفلةٍ تكبر ويكبر حبها .

....

رد: فوق هام السحب ( الشعر الشعبي) على متن القوافي
 

العيد عند الناس ملبس ومركوب
اما الوفا شده مع الناس وارخه

كشخه وشخصيه وموترك مرغوب
وش فايدتها والمعاليق وصخه

الكشخه اللي قلبه انضف من الثوب
اما نضيف الثوب ماهوب كشخه

....

رد: فوق هام السحب ( الشعر الشعبي) على متن القوافي
 

كفيتني عن الرفيق المسلِي
واغنيتني عن الحياة الرغيدة

يكفيني انك بين الاحباب خلي
ويكفي قصيدي فيك لا قمت اعيده

والله يا حبك ما نقص منه ملي
ما تِنقصه ولا تزيده قصيدة

....

رد: فوق هام السحب ( الشعر الشعبي) على متن القوافي
 

حفظتك بقلبي وأنا قلبي كسير
كان الأمل في قلبك وقلبك قسا

أجي لك بقلبي عتب ثم أستخير
وأرجع وأنا قلبي رمى اللوم ونسى

أنت تغفى عينك وأنا أسهر مايصير
ماغمضت عيني صباح ولا مساء

....

رد: فوق هام السحب ( الشعر الشعبي) على متن القوافي
 

الهمّ لامن زاد حان انفراجه
والعبد يسعى لكن الأمر لله

اصبر على حرّ الزمان وعجاجه
بكرة تحقّق كل حلم اتّمنّاه

وكثر التشكّي في المجالس سماجة
لا ضاع عزّ النفس وشلون تلقاه

الرجل لوّ يواجه اللي يواجه
ما يحزن أصحابه ولا يفرح عداه

....

رد: فوق هام السحب ( الشعر الشعبي) على متن القوافي
 

الله يجعلني على مايظنون
اهل النوايا الطيبه والشريفه

عندي يقين اني على الطيب امون
حسب المبادي والقلوب النظيفه

....

رد: فوق هام السحب ( الشعر الشعبي) على متن القوافي
 

عن الخطأ ماني منزه ومعصوم
لكن احاول قدر الإمكان ما اخطي

وان جاتني غلطه من انسان محشوم
اغض عنها الطرف لا اخذ ولا اعطي

الصمت يحميني من العيب واللوم
والهرج تأثيره يطول ويبطي

....