رد: اخترنا لكم
 

من رافق الطيب شرب صافي الماء
ومن رافق الهافي جفا الما كفوفه

....

رد: اخترنا لكم
 

‏قدمت لك كل التحايا والاشواق
ياروح روح اللي يحبك ويغليك

والله تراي لشوفتك صرت مشتاق
لو غبت عني دوم عيني تراعيك

يالي غلاك بوسط قلبي بالاعماق
لو رحت عني دوم ماني بناسيك

.....

رد: اخترنا لكم
 

‏ﻋﻠﻴﻚ ﺃﻫــﻴﻢ ﻣﻦ ﺍﻟﻈﻤﺎ ﻛﻞ ﻣﺎﻏــﺒﺖ
ﺗﺒﻌﺪ ﻭﺃﺟﻴﻚ ﺑﺼﺪﻕ ﺍﻻﺣﺴــﺎﺱ ﻭﺍﺭﺩ

ﺟﺎﻣﻠﺖ ﺟﻴﺖ ﺍﻗﻔﻴﺖ ﺻﺪﻳﺖ ﻋﺎﺗﺒﺖ
ﺗﺒﻘﻰ ﺍﻟﺤﺒﻴﺐ ﺍﻟﻠﻲ ﺑﻪ ﺍﻟﻘﻠﺐ ﺷـــﺎﺭﺩ

.....

رد: اخترنا لكم
 

‏تعال ياملح الغلا ولذة الشوق
تعال ياروح الحروف بقصيدي

تعال واسمع نبرة الوجد برفوق
تعال واقرى في عيونك جديدي

.....

رد: اخترنا لكم
 

ياحروفــي وإن حصــل مني خطـأ
‏خبّري المحبوب مو قصدي سهيت

‏ياحروفـــي والله اتعبني البطــآ
‏كل ما طالعت أشباهـه بكيــت

.....

رد: اخترنا لكم
 

‏ماني اجمل بنت لكني جميله
‏من عرفني صعب ينساني بسهوله

‏فيني خفة دم لو اني ثقيله
‏وفيني جرأة عين لو اني خجوله

.....

رد: اخترنا لكم
 

‏مع حروف الوفا تشرب معانيها من الاعماق
‏وعـلى نهر الغلا صارت زهور اشواق مياله

‏سكنت بداخلي حتى غديت النبض للخفاق
‏عطيتك من وفا روحي غمرتك باطهر اشكاله

‏احبك حـب لـو قلته تضيق بلفظه الافاق
‏احبك حـب ماحبه سـواي ولا احد قالـه

.....

رد: اخترنا لكم
 

يكفيني انـك في حـياتي حياتي
ويكفيني اني في حياتك حياتك

انت امنيه من بـيـن كـل امنياتي
وانا امنيه من بـيـن كل امنياتـك

انا مـزعــزع راي وانـت ثـبـاتي
ممكن اعرف شلون عقبي ثباتـك

.....

رد: اخترنا لكم
 

الصبر زيـن وراعـي الصبـر ماجور
‏ولابــد لليـــل الظـليـم انبــلاجه

‏لـولا عـزايـمنــا لهـا فــالـزمـن دور
‏ما شفت واحدنا تنهّـض حجاجه

‏اضحك وخلّك دايـم الدوم مسرور
‏محدٍ يبا ياخـذ من الـوقت حاجه

‏ما قِدمك الا بيـت فالقـاع محفور
‏ثم عقبـها بتـواجـه اللـي تواجه

.....

رد: اخترنا لكم
 

‏فديت قلبك لاتسولف عن الصد
‏عندي وعندك من جروح الجفا خير

‏عطني علوم الشوق والشعر والود
‏ملييت من صوت العتب والمعاذير

.....

رد: اخترنا لكم
 

مالي معك حل إلا الصمت والحيرة
‏‌ تـركـت درب العتب من كثر مافيني

‏‌ طـبعك تغيّر معاي وصعب تفسيره
‏‌ تجرح شعوري جفى وتقول تغليني

.....

رد: اخترنا لكم
 

‏والله انك لــو تغيب وتلتهي بظــروفك
‏انك اغلا من حظر واغلا مساكن روحيّ

‏ياوليفي لو تشوف العين كيف تشوفك
‏والله ان تقول لجروح المفـارق رووحي

.....

رد: اخترنا لكم
 

‏سوالفك تكفي عن الشعر ياروحي
ياللي على راحات كفينك ارتاح

فيك الحلا والذوق يامنبع الذوق
هاك الغلا من دلة الشوق قد فاح

.....

رد: اخترنا لكم
 

والعـين تاهت والمواليـف عنوان
‏والشوق حاگم شعب فيني تجبّر

‏والليل عـازف والغرابيل الألحان
‏واقلبي المضيوم تكفى تصبّر

.....

رد: اخترنا لكم
 

‏اغار انا لاشفت غيري يحاكيك
‏واموت انا ياعمري مليون مره
‏
‏اي والله احبك ومن قلبي اغليك
‏وحبك ياروحي وسط قلبي مقره

.....

رد: اخترنا لكم
 

جيت اتقهوى الغلا من دلة اوصالك
واذوق طعم الحلى من ريقك الحالي

صبه فديتك ولا تبخل بفنجالك
انت المعزب وقلبي ضيفك الغالي

.....

رد: اخترنا لكم
 

‏يا مدعين المحبة زايفين الشعور
سوق المشاعر جحدكم قال محدن شرا

شرهاتكم تلحق الموتان وسط القبور
ونياتكم ما تقدي الساري اللي سرا

خافوا من الله ترا الدنيا متاع الغرور
ارخصتو الحب كنه سلعةٍ تنشرا

الحب حاجة ما تدخل ضمن آخر ظهور
يبقى مخلّد لو ان صاحبه تحت الثرى

.....

رد: اخترنا لكم
 

ﻫﺎﻙ ﺍﻟﺠﺮﻭﺡ ﻭﻫﺎﻙ ﻣﻌﻬﺎ ﺍﻟﻤﻌﺎﺫﻳﺮ
‏ﺁﺳﻒ ﺗﺮﻯ ﻛﻨﺖ ﺃﺣﺴﺐ ﺇني أﻫﻤﻚ

‏ﻻﺗﺬﻛﺮ اللي ﻓﺎﺕ ﻭﺃﺷﻮﻓـﻚ ﺑﺨﻴﺮ
‏ﻭﻻﺗﺤﺴﺐ إني ﻓﻲ ﻏﻴﺎﺑﻚ ﺃﺫمـك

.....

رد: اخترنا لكم
 

اشاهدك متصل وقول في نفسي
ياليت تقلي ولوحتى مساء الخير

وان قلت شبدأ انا اتحاكا ولك مسي
اخاف تجرح شعوري بالسكوت والضير

ارحمني ياذاك حبك قد ربش حسي
وانت جالس تدردش تعتني بالغير

آخر ظهورك اشوفه وآنا بس منسي
ماتدري عني متى ادخل ووقت السير

حولتني في الصحاري عنتره العبسي
هايم مشرد بأرض الله مثل الطير

ونا الذي كنت ريد الحب رومانسي
لكنني اخطأت في التفكير والتقدير

مجروح من داخلي وفي الكتف قوسي
مااقدر ادافع على نفسي ولا لك شير

اعبر بحورك ولا أعرف متى ارسي
ماقد جنيت منك غير الصد والتبرير

بجولة الحب مستني على تكسي
ارصد مرورك ولوم نفسي على التقصير

سلبت عقلي بحسنك ياالرشا المكسي
لكنني مالقيت منك ولا تعبير

توجتك التاج واعليتك على الكرسي
بخرت عرشك ولكن مانفع تبخير

حطيت حبك وتقدريك على راسي
وصرت حبك وقلبي قد تفائل خير

لكن خساره فؤادك قد طلع قاسي
وصمتك المستمر قد زادني تاثير

.....

رد: اخترنا لكم
 

أي والله إني أحبّك والمحبه جمر
يشبها الشوق وتدخن عباراتها

يامرحبا وأقلط بصدري وأخذ لك عمر
لا بارك الله بدنيانا و صكّاتها

.....

رد: اخترنا لكم
 

فديت وقتن حطّ في دربي رفيق
واحدن يضحك معي واضحك معه

واحدن لا صار وسط القلب ضيق
بالسّوالف والمزايح والسعه

وإن حكى بأسلوبه العذب الرّقيق
يسرق من الجوف قلبن يسمعه


.....

رد: اخترنا لكم
 

يا وجهك اللي عطاه الله ملح وقبول
محظوظ من يقدر يشوفك ويقدر يجيك

من يوم ماصرت محبوبي وقلبي يقول
اسف على أيامي بدونك وشكرًا عليك

.....

رد: اخترنا لكم
 

تصبح على خير والنية هي النية
الشوق يمسي بي ويصبح على بابك

وانتي بسرقة مشاعرنا حرامية
ياويلك من الله إذا فاحت أطيابك

لا تتركي الكبد بالأهمال مشوية
دخيل قومك وناسك وأقرب أحبابك

.....

رد: اخترنا لكم
 

المـال كانـه مـا نـتـفـع فيـه راعيه
هـو والعـدم واحـد بـكـثره وقـله

كم جـامـعٍ مـالٍ وهو ماهتنى فيه
غــيره بـنى بـه ثـروتـه واسـتغـله

من لاغتنت نفسه فلا المال مغنيه
يفنى ومضمون الغنى ما حصل له

.....

رد: اخترنا لكم
 

لاتخسر الطيب على شان زله
ياما عن الزلات ناسٍ تغاضت

سلّم عليه وقابله في محلّه
وأترك كلام اللي بالاعراض خاضت

ناسٍ تفرق بين خلٍ وخلّه
ويغيضهم صلح العرب لاتراضت

.....

رد: اخترنا لكم
 

يا صاحبي دنياك حظوظ ومقادير
تضحك معك والله يعينك عليها

ناسٍ بقوّه حظها يطرح الطير
وناسٍ تطير طيورها من يديها

.....

رد: اخترنا لكم
 

‏أسمـع مـن العقّـال حتـى تستفيـد
وابعد عـن الجهّال قـدر المستطاع

يدلّك العاقل على الراي السديد
ويـدلّك الجاهل على درب الضياع

.....

رد: اخترنا لكم
 

‏أمْدَحْ الطيب وزود في مديحه
والمدايح للردي عيب وخساره

وانتبه خلك صدوقٍ بالقريحه
لاتعيب أنسان مرفوعٍ وقاره

الصراحه طبع للناس الصريحه
والفخر للنفس هو راس التجاره

والمصادر خلها دايم صحيحه
لاتجي في علم مجهولٍ مساره


.....

رد: اخترنا لكم
 

ودي يجي المحتاج والخير موجود
واعطيه في ما املك يداي وجيوبي

ولا يجي يمي من الوقت محدود
في ساعه ما املك بها غير ثوبي

.....

رد: اخترنا لكم
 

ياللي تبي تزعل من الحق مسكين
تزعل وترضى والعرب مادروبك

الناس ماهم عنك لوقلت دارين
قبل تعيب الناس صحح عيوبك

يامعدل المايل ترى الناس صعبين
ياليت تفكيرك بشيٍ يصوبك

عامل جميع الناس بالمنطق الزين
واطلب عسى مولاك يغفر ذنوبك

.....

رد: اخترنا لكم
 

المزح مثل الملح يفسد إذا زاد
لكن لا تفقد ما يقوله لسانك

معاد للكلمة إذا جات معْواد
يا طيب المجنا لسانك حصانك

ولسانك أما جملك بين الأجواد
ولا على قول الرجاجيل هانك

.....

رد: اخترنا لكم
 

يالله دخيلك من طعون المناقيد
ومن غلطة العاقل وقل المروه

ومن كلمة تفهم على غير ماريد
يمسك طرفها منك خبل مفوٌه

.....

رد: اخترنا لكم
 

أقنع بحالك والضروف المحيطه
دام السعاده بالــرضـا بالمقادير

بسيط وأحب الحـيـاه البسيطه
خلّك على ذا القاعده وأبشر بخير

.....

رد: اخترنا لكم
 

مافيه مخلوقٍ من العيب سالم
الا النبي المصطفى منبع الجود

والله جعل بالناس جاهل وعالم
واسعد بشر من كان بالفعل محمود

ولاخير باللي للمخاليق ظالم
حبله قصير وعنده الحق مفقود

ليته قبل موته يرد المظالم
والعمر لو طالت لياليه محدود

.....

رد: اخترنا لكم
 

‏ارفع مقامك فوق لاتتبع الهون
من عاش في حب المراجل عشقها

ومن عاش بالدنيا على الذل مغبون
كم حاجةٍ في خاطره مالحقها

......

رد: اخترنا لكم
 

الصاحب اللي مايجي منه تقصير
يبقى بعيني دوم راعي طويله

ادمح له الزله واسوق المعاذير
وارضيه وارضى عنه لا جات ميله

.....

رد: اخترنا لكم
 

من لاحسب قبل النسب معدن الخال
لاينشـد المولـود مـن ويـن عيبـه

ومن لادفع في ما قف الربـع مثقـال
لاينتظـر تعطيـه ربـعـه زبيـبـه

ومن لاطلب للمشكلـه نـاس عقـال
يجيـه مـن عميـان الاريـا كتيبـه

سمعـت ما قالـوه قبلـي بالامـثـال
من لاكسـب كلمـة نِعـم وش تبيبـه

.....

رد: اخترنا لكم
 

تسوقنا الاقدار ونسوق الاقدام
يومٍ لنا يحسب ويومٍ علينا

للخلف ماننظر والارزاق قدام
ومقسومنا الطيّب تحوشه يدينا

العمر يمضي والرجل يبني أحلام
والوقت يهدم حلمنا اللي بنينا

مانعرض الذمه لشاري وسوّام
ومعروفنا ينساه ابن الذينا

.....

رد: اخترنا لكم
 

لاتحرق أعصابك على شي ماضي
مافات فات ومستحيلٍ رجوعه

خلك على ماجاك صابر وراضي
ولحدن خبر دنياه تمشي بطوعه

ولا لك على حكم الإله أعتراضي
والصبر مبدى كل نفسٍ قنوعه

واشتك على خلاّق سبع الاراضي
اللي جلى عن كل مهموم رَوْعَهْ

.....

رد: اخترنا لكم
 

‏لا تنقدونـــــي لــو عليكــم تأخرت
يا احبابـي الغاليـــن ماهو بقصدي

نفسيتــي صعبــــه ومنهــا تأثرت
والحظ الاقشر حال بالياس ضدي

ياما من اتعاب الزمـن قد تصبرت
وشلت فيـه احمال ماهــي بقدي

والان عذري لو تباعــدت وادبرت
فتــــره عساها يا رفاقـــي تعدي

.....