رد: فوق هام السحب ( الشعر الشعبي) على متن القوافي
 

‏يوم الوفا طبعك وانا عند ظنّك
أعاتبك وأشره ولا رحت عوّدت

واليوم لا تشره لو أبطيت عنّك
على كثر مافي وصالك تجوّدت

لا عاد تنشدني عن الشوق لأنّك
عوّدتني على الفراق وتعوّدت

....

رد: فوق هام السحب ( الشعر الشعبي) على متن القوافي
 

تدري وش الي يذبح القلب مرات
انك تحب انسان ما هو من حلالك

وتدري وش اصعب حب بالذات
انك تشوفه وتحضنه في خيالك

....

رد: فوق هام السحب ( الشعر الشعبي) على متن القوافي
 

من لا يودّك لا تبيّن له الودّ
مودةٍ بالكذب ماهي مودّه

وحبل الريا والكذب لو كان يمتدّ
دايم قصير حبال مهما تمدّه

وشيٍ بني بالكذب مبناه ينهدّ
دورات الأشهر والليالي تهدّه

....

رد: فوق هام السحب ( الشعر الشعبي) على متن القوافي
 

يامساء الخير من بعد السلام
ويامساء الذوق ي اهلًا هلا

يا مساء الورد بالناس الكرام
يا مساء الشوق وحروف الغلا

بقلمي

رد: فوق هام السحب ( الشعر الشعبي) على متن القوافي
 

وش ذكرك بحبٍ طوته الليالي
حبٍ مضى ما بين قلبي وبينك

راح الزمان اللي من أول وتالي
اللي عليه اليوم تبكي سنينك

ياما رجيتك متعبٍ فيك حالي
يوم الهوى واقف على رمش عينك

خلاص لا تذكر زمانٍ مضى لي
ولا تذكر اللي فات وتقول وينك

إنسى وبنسى كل شيٍ جرالي
والله على باقي حياتك يعينك

....

رد: فوق هام السحب ( الشعر الشعبي) على متن القوافي
 

لاتوصيني ماني بحاجة وصاه
ياحبـيبٍ ما بعد حبه أحد

من يلوم القلب يوم اسرف هواه
يا جعل يفداك من خان وجحد

لاحياة بدون وصلك و١الحياه
كل شيءٍ في وصالك يتحد

فارضٍ حبك مثل فرض الصلاة
حاجةٍ تبقى معي حتى الابد

رد: فوق هام السحب ( الشعر الشعبي) على متن القوافي
 

خلك معي وأبشر بقلب يداريك
يصون حبك في زمان المجامل

يغليك يعني في عيونه يخليك
واعرف ترى ما بالمخاليق كامل

....

رد: فوق هام السحب ( الشعر الشعبي) على متن القوافي
 

ودي اضم حكاويك واعيد الكلام
واحفظ كلامك في خلايا مسمعي

انا ضحية كيف حالك والسلام
وشلون لآ طالت سواليفك معي

....

رد: فوق هام السحب ( الشعر الشعبي) على متن القوافي
 

من لا سأل عني وقدّر ظروفي
والله لاسلي خاطري واتناساه

لو أنه أغلى من عيوني وشوفي
من باعنا بالهون بالرخص بعناه

وحنا علينا المخطيه ماتطوفي
ودرب المهونه نتركه وأنتعداه

هرج القفى معروف طبع الضعوفي
وكلٍ يبين موقفه فعل يمناه

....

رد: فوق هام السحب ( الشعر الشعبي) على متن القوافي
 

أسهى و إذا مرت على خاطري ليش
تجرح كبر نفسي فصول ارتجافي

الاهتمام اللي تجازى بتهميش
مثل الغريب اللي نفوه المنافي

يا ليتني ثقلت قلبي عن الطيش
ولا خطت كفوفي حروف اعترافي

وليت المزون اللي بعيني مراهيش
تمطر على قلبً شكا من جفافي

....