رد: فوق هام السحب ( الشعر الشعبي) على متن القوافي
 

النفس طابت والكرامه كرامه
ومن عافته نفسي حشا ما التفت فيه

قلبك وروحك رافقتها السلامه
وكلن على كيفه ونفسه توديه

....

رد: فوق هام السحب ( الشعر الشعبي) على متن القوافي
 

الخوه اللي تعز الرجل وتسرّه
‏أتعب على شانها وأختار راعيها

‏صميدعاً ترسي الهقوات في برّه
‏مايستمع للضعوف ولايحاكيها

....

رد: فوق هام السحب ( الشعر الشعبي) على متن القوافي
 

‏إن شلت لك من جور وقتك حمولة
‏لا يبيح سدك لو غزا رأسك الشيب

‏صبرك على زلات ربعك رجولة
‏وسبك لهم وسط المجالس عذاريب

....

‏‌

رد: فوق هام السحب ( الشعر الشعبي) على متن القوافي
 

ما كل من تحسن به الظن طيب
احيان ظنك مـا يجي في مـحلـه

مثل السراب اللي تشوفه قريّب
واليا قـربـته بــ النظـر ضاع كـله

....

رد: فوق هام السحب ( الشعر الشعبي) على متن القوافي
 

ترى الفخر بـ العقل والعِرف والدين
قبل الفخر بـ اسمك وجيبك ولبسك

بتشوف نفسك حاول تشوفها زين
لو شفت نفسك زين ماشفت نفسك

....

رد: فوق هام السحب ( الشعر الشعبي) على متن القوافي
 

يامرحبا باللي له القلب خفّاق
شخصٍ يساوي في عيوني ملايين

صارت غلاته شي لا يمكن يطاق
الله يحفظه ياعرب قولو امين

....

رد: فوق هام السحب ( الشعر الشعبي) على متن القوافي
 

هذا الزمن لاتنتظر عودة انسان

‏لاتنتظر غير انتظار الفريضه

سياف بن عبدالله

رد: فوق هام السحب ( الشعر الشعبي) على متن القوافي
 

مساء الغلا والشوق لعيون مخلوق
أخذني عن العالم بحاسيس روحه

مسائي معه رايق وله منزلا مرموق
احاسيسنا وحده وبوحي على بوحه

....

رد: فوق هام السحب ( الشعر الشعبي) على متن القوافي
 

يا غرام القصايد والغلا والجروح
يا هيام المشاعر في قصيد الغرام

انت نبع القصيد اللي عشانك يبوح
وانت شوق المشاعر والغلا والهيام

....

رد: فوق هام السحب ( الشعر الشعبي) على متن القوافي
 

‏معه نفس لاعافت تفارق معاد تشين
‏فلا تختبر صبره معك طالبك طلبه
‏
‏يحبك لكن ما ودّه انك تعرفه زين
‏ولا ودّه تشوف الموازين منقلبه
‏
‏ليا صد ماعاده مع الذكريات يلين
‏لو ان الهوى غلاب ماتقدر تغلبه
‏
‏ولو حنّ له قلبه ورفّت عليك العين
‏يده سكّرت عينه ورجله وطت قلبه

....