رد: اخترنا لكم
 

‏لا صـار حظـك مـع غـلا الروح مـايل
‏اصبر على ظرف العنــــا يوم يشتد

‏لأن الأصــــــايل مـا تخـون الأصـايل
‏يـردهـــا طبـع الوفـــــــا منبـع الجد

.....

رد: اخترنا لكم
 

‏يغنيك عن ود النفاق الجماعي
‏وِد الرفيق اللي تسرّك حماياه

.....

رد: اخترنا لكم
 

طبع الردي ما يحسن الظن في الناس
دايــم يـظـن الـنــاس مــثــلـه رديــه

......

رد: اخترنا لكم
 

والله لو تبطي عن القلب وتغيب
ماضخت عروق المحبه لغيريك

.....

رد: اخترنا لكم
 

نسري مع الـليل ونسامر مواجعنا
ونهيم في لحظة الذڪرى وطاريها

رد: اخترنا لكم
 

والمـعـزه عـزة النـفـس لا ذل الذليل
لعنبو من ذل نفسه على ادنى ما لقى

.....

رد: اخترنا لكم
 

معوّض خير ياحيٍ تهقوى في الزمـان ومـال
سنينك لو رقيـت بعدلهـا يطرحـك مايلهـا

تعلّم وإعرف إن الدرب قدامك سهـل وجبـال
جبـال تطولهـا وجبـال بعيونـك تخايلـهـا

ومعوّض خير ياحيٍ وردت الماء بدون حبـال
يطول بك الوقوف وشربة المـاء ماتحصّلهـا

وقوفك عند راس البير مايسقيك لـو فنجـال
ولاينفعك شوف الجمـه اللـي منـت طايلهـا

ومعوّض خير ياحيٍ خدعك من الرجال أشكـال
تشوف أشكالها وتحطها أرفـع مـن منازلهـا

تعلّم من زمانك لاتصير مـن أجهـل الجهـال
ترى في كل يـوم تجيـك عبـره لاتجاهلهـا

إذا ربي وهب لك عقل تلقى في الرجال رجـال
تعرف اللـي يطلّـع قيمتـك واللـي ينزلهـا

ترى من بعض مايندي الجبين ويحرج الرجال
لياسـاق الميانـه فـي نفـوسٍ ماتقبّلـهـا

ومهما شفت في صاحبك من نخوه وطيبة فال
ترى بعض السجايـا كثـرة الإلحـاح يقتلهـا

معاريف الرجال ديون وديون الرجـال ثقـال
لياصرت متعافي ليش تغـرق فـي جمايلهـا

رصيدك في حياتك سمعتك مع طيبيـن الفـال
رجال الطيب والمعروف بالمعـروف عاملهـا

ولاتبدي بجاهـك فـي مقـامٍ مايسـر الحـال
ولاتشفـع لنـاسٍ ماتنومـسـك بفعايلـهـا

لياجاتك تعذّرهـا مـدام العـذر لـه مدخـال
ووقت الجد قول لهـا الصحيـح ولاتجاملهـا

وخذ منـي نصيحـه لاتصـدق كـل ماينقـال
يجـرك للنميمـه ليـن يطرحـك بحبايلـهـا

يجيلك ناقـل النمّـات بهـروجٍ تغـث البـال
سوالف في قفاك وحظك أطيب يـوم تجهلهـا

يبـرر بالحميـه والصداقـه شينـة الأفعـال
يجمّـل صورتـه بعلومـه اللـي ماتجمّلـهـا

ولو كانت حميه فيك رد المخطيه فـي الحـال
ولاكان إستمعها فـي قفـاك وجـاك شايلهـا

ترى من جاب لك ودّى وهذي عـادة النقـال
يحاول يقتنص من فمك كلمـه لأجـل ينقلهـا

ومثل ماقال عندك راح عنك وعند غيرك قـال
وزوّد عشر فوق الكلمه اللـي كنـت قايلهـا

تجنّب مجلسه لاتجلس إلا مع كريـم خصـال
تحمّـل ميلتـه وإن ملـت ميلتـك يتحمّلهـا

ولاتصبر على الجار الردي لوهي ثلاث ليـال
تضـرك جيرتـه لوكـان بيبانـك تقفلـهـا

وبيع الدار بأول سومةٍ تعرض علـى الـدلال
ورزقـك عنـد ربٍ كاتـب اللقمـه وكافلهـا

وبنتك لاتزوجها الردي لوهـو كثيـر المـال
تربيهـا علـى الطـالات وتشـوّه سلايلهـا

وكم من لاش يرمي خيبة إبنه فوق راس الخال
لوإن الخال من روس الرجال ومـن دلايلهـا

ليامنك عرفـت تميّـز الطيّـب مـن البطـال
وفادتك التجارب في الحيـاة وفـي مسايلهـا

وكشفت الفرق مابين الصحيح وحيلة المحتـال
وتعلمت الفراسه في الوجيـه اللـي تقابلهـا

بعد هذي ترى مالك غنى عن صحبة العقّـال
يدلونـك بـرايٍ ينقـض الدعـوه ويفتلهـا

يقولون الرجال اللي سوالفهـم حِكـم وأمثـال
ليامن ضاعت الحيلـه يـدل القـوم عاقلهـا

نصيحة واحدٍ جرّب وشاف من الزمان اهـوال
يقدّم لـك خلاصـة هجـرةٍ جـرّب هوايلهـا

عبدالله الطلحي

رد: اخترنا لكم
 

ياليل وش غير ظلامك بهالليل
كن القمر نور بصدرك قلاده

.....

رد: اخترنا لكم
 

المواقف دين والصحبه تجارة
والرجاله ربح ياحيدي اكيد

والرجال الصادقه ماهي خسارة
الخسارة للذهب يرجع حديد

.....

رد: اخترنا لكم
 

‏يجور الوقت والدنيا علينــا
ولو طالت علينا ما شكينــا

هممنـا ما يحطمهـا وجعنا
يطيب الجـرح ما كنا درينـا

يطير الرأس ما انهدت عزيمة
عليهــا من طفــولتنـا ربيــنا

تـربينــا على كـــره الـمذلـه
وحب الخيـر من مالله عطينا

وما دامــت كـرامتنا مصـانـة
كأن الارض في قبضـة يدينــا

.....