رد: فوق هام السحب ( الشعر الشعبي) على متن القوافي
 

قلب الثقه مقتول من سهم خذلان
ماعد تضره منك اليوم. طعنه

ماعاد هو مهتم بفلان وفلان
اهتم لاما خاب فالكل ضنه

اخذ وعلمته من. الوقت. لا. الان
ولو دخلته بخرجك غصب. منه

رد: فوق هام السحب ( الشعر الشعبي) على متن القوافي
 

يارب جملني مع كل محتاج
ولا تدع لي عند الانذال حاجه

نفسي عزيزه والكرامه كما تاج
والقلب حاكم جيد والعز تاجه

رد: فوق هام السحب ( الشعر الشعبي) على متن القوافي
 

يامتابع الحاله جوابك لي نجاه
بالله تعطيني من علمك نيوز

ذي مايصدقني وانا صادق معاه
يجوز انا اكذب عليه او مايجوز

رد: فوق هام السحب ( الشعر الشعبي) على متن القوافي
 

‏هذي حياة مسطرين التواريخ
وهذي مضاربهم وهذا دبشهم

من دونها كم راح شيخٍ ولدشيخ
ماتروي حياض المنايا عطشهم

رد: فوق هام السحب ( الشعر الشعبي) على متن القوافي
 

‏فقدنا وجيهٍ بالثرى جعلها الفردوس
معاها طراة العمر شدت ركايبها

فقدنا زحازيحٍ تدوس النوايب دوس
تشين المجالس لأنفقد صوت شايبها

رد: فوق هام السحب ( الشعر الشعبي) على متن القوافي
 

‏الردي لو يستره ثوب وش يستر رداه
دام مايحشم قرابه ولا يحشم وجيه

إنصحوه يبيع ثوبه ويشري له عباه
طاح من عين المراجل ولا عادت تبيه

والسفيه إن ما تبلاك ما تسلم غثاه
حاول إنك ماتقرب يدينك في ايديه

وصافح كفوف الزمن وإبتسم للحياه
وإعلم إن الله اذا احب عبده يبتليه.

رد: فوق هام السحب ( الشعر الشعبي) على متن القوافي
 

‏بيض الله وجه من سدد وقارب
‏وكمل الواجب وعن ربعه تغاضى
‏
‏الصبر مطلوب في وصل الأقارب
‏ومن يشيل الحقد ماعمره تقاضى
‏

رد: فوق هام السحب ( الشعر الشعبي) على متن القوافي
 

‏الله يبيض وجه صكات الضروف
‏الي عن الاصحاب تكشف ماخفى

‏منها عرفت الطيبين،،،من الضعوف
‏ وجحادة المعروف ..واصحاب الوفى

‏

رد: فوق هام السحب ( الشعر الشعبي) على متن القوافي
 

‏لو كل زلة رفيق اشيل منها واضيق
‏عذّرت في الرفقه وصكيت بيبانها
‏
‏ماكل من قال اناصاحبك اعده صديق
‏ولاكل زلة صديق ازعل على شانها
‏

رد: فوق هام السحب ( الشعر الشعبي) على متن القوافي
 

‏منهج كرامتنا على العز ما مات
‏نموت لاجل نصونها ما ارتخينا
‏
‏من طيبنا نرقى بروس الطويلات
‏ولا ننشد اللي قال وش قال فينا
‏
‏نسمع وندفن جمرها داخل الذات
‏نضحـك لها لو كان كبرت علينا
‏
‏نواجه الصدمات باحساس الاموات
‏ونقول ما ندري ..لو انا درينا
‏