رد: اخترنا لكم
 

‏لاتسأل الشـــوق عنـي وانت أدرابي
نفسي تمنـاك وانـت أغلـى حبايبها

أغلى من عيوني الثنتيـن وأصحابي
وأغلى من الناس حاضـرها وغايبها

ياراعي الحـب حبك ذوب اعصابي
والهجـــر والبُعـــد ذابلها وذايبها

والروح تشكي غلايا جــور الاغيابي
بالله عليـــك يا غــلايا ليـه سايبها

.....

رد: اخترنا لكم
 

‏طبعـي على جبـــر الخواطــر تربيت
ودرب التواضــع والتفاهـم مساري

ماعمــــري اتخليــــت وإلا تغليت
ولا خذلــت انســان فــي انتظاري

وانا بفعل الطيــب دايــــم تعليت
وصنايع المعروف عنــدي ضماري

ولاجانــي الصاحــب اغثته ولبيت
وفعل الجمايـل في حياتي شعاري

.....

رد: اخترنا لكم
 

‏جیتك علی طاري مساء الورد مشتاق
جیتـــك وانا محتـــــاج منــك زيارة

عملت لك منشـور ونشرت هشتاق
خايف یبيت الشـــوق خـــارج دیارة

ياساكن أعمـــاق أنا حيـــل مشتاق
وعقلي مـــن الأشــواق خارج إطاره

إحساس قلبي يرتجي ضمــة إعناق
ولا غيــر شوفــــك من يطفي نياره



.....

رد: اخترنا لكم
 

‏تبعـد على عيني وباقـــي في القلب
وسط الخفوق اللي ذبحها التنهات

غالي ومايعلـم غلاتك سوى الرب
اللي زرع حبك معي داخـل الذات

مهما افترقنا يا حياتـي في الدرب
ذكرك مساير خافقي كل الاوقات

واتذكرك دايم ولاانساك يا حب
وطيفك بروحي مافرقني ولامات

.....

رد: اخترنا لكم
 

‏جیتك علی طاري صباح الورد مشتاق
جیتـــك وانا محتـــــاج منــك زيارة

عملت لك منشـور ونشرت هشتاق
خايف یبيت الشـــوق خـــارج دیارة

ياساكن أعمـــاق أنا حيـــل مشتاق
وعقلي مـــن الأشــواق خارج إطاره

إحساس قلبي يرتجي ضمــة إعناق
ولا غيــر شوفــــك من يطفي نياره


.....

رد: اخترنا لكم
 

‏حاول توازن بين عقلك والإحساس
‏وعيش الحياة اللي تبيها لذاتك

‏إن كنت بتوّقف حياتك على الناس
‏بتموت ما سويت شي بحياتك

.....

رد: اخترنا لكم
 

من يرخصك بالتجاهل اكرمه بالرحيل
‏ومن يقطعك بالمواصل احذر تواصله

.....

رد: اخترنا لكم
 

الليّ بدون أسباب صد وتجاهل
ماعندنا إلا غير نفس التصرف

يجوز في بعض الأمور التساهل
إلا التساهل بالمقام المشرّف

.....

رد: اخترنا لكم
 

‏يا لله العجب وشلون ورد الحب صار اشواك
‏جرح قلب المشاعر من قبل لايجرح إيديها

‏دموع القلب لو كفت مواجعها لعين رضاك
‏عزفها الناي باوتار الحزن وابدى خوافيها

.....

رد: اخترنا لكم
 

أجـي قد الهقاوي البيض لو فيهـا علي إرهاق
ما أجي قد الظروف اللي علي الوقت فارضهـا

.....

رد: اخترنا لكم
 

ياللي لك الشعر يُكتب والمشاعر تذوب
الشوق ماهو بيرحم والطواري بلا

تعال ما فيه واحد خالي من الذنوب
اما كذا مواصل العشاق ولاّ فلا

ان كان للحب دوله تستضيف القلوب
من غيرك اباييعه واقدّم لْه الولا

انا معك خاطري واسع وصدري رحوب
حتى لو اني حزين وخاطري ما سلا

.....

رد: اخترنا لكم
 

صدق الشاعر الامير خالد الفيصل :


من باعني لو تكون أجداده أجدادي
بعته وبعت الديار اللي سكن فيها

رد: اخترنا لكم
 

تشيب العقول ولاتزال القلوب اطفال
تحب الفرح واقل حاجه تبكيها

.....

رد: اخترنا لكم
 

علاج الكبود من الغثاء تلت الموتر
وفرقا الغثاء ومزاحم الناس والصجه

.....

رد: اخترنا لكم
 

‏لا تقول ان الليالي فرقتنا
لاتقول ظروفنا عيّت علينا

الليالي يوم ودك جمّعتنا
يوم ودك كل شيٍ في يدينا

يوم همّلنا الليالي همّلتنا
كيف تعطينا وحنا ماعطينا

الليالي عن هوانا مانهتنا
البلا حنا على البعد انتهينا

.....

رد: اخترنا لكم
 

تركتك تروحين من يوم حسّيت
إنّك عمر والعمر مقدر أعيده

عزّيت نفسي فالغياب وتقوّيت
حتى لو إن أقرب سعاده بعيده

لو قلت أحبّك فأي جمله وصدّيت
من صدقها بتصير جمله مفيده

اعتبري إنّك بيت دايم وأنا بيت
يمكن يجمّعنا القدر في قصيده

.....

رد: اخترنا لكم
 

تعال شوف الي ما عمره تاه تاه
والي ما عمره ضاع ضاع القايله

عساني اخر من يضمه في الحياه
واٌول مـــن يضمه بــكرت العايله

.....

رد: اخترنا لكم
 

يابنت انا فالحب ما اداني اللعب
ما الله مفهمني بلعب الكراسي

لو اتنازل واتجاوب مع الشعب
قلبت قلبي فندقٍ دبلوماسي

ماطعت عقلي لين قلب العنا تعب
وانا الضحيه بالخلاف السياسي

والذكريات مسببه ليّه الرعب
اللي تغربلني ليا صرت ناسي

.....

رد: اخترنا لكم
 

اللي ماعرف يلبس ثياب الصداقه زين
ولو يدّعيها يفضحه وجهه الغابر

ماحنا على بوق المواثيق مترَبين
ويدري بنا اطيب منه في ذي ويكابر

طويل اللسان يعَيّن اللي طويل يدين
على فركة الخشم وعلى وطية الصابر

.....

رد: اخترنا لكم
 

ليا شانت وجيه الليالي وقلّ الراي
وخلايا الدماغ من التفاكير مضطربه

عط الراي عمرك لا تشاور به الحكاي
لو ان الطواري سربةٍ من بعد سربه

فلا تزتمل وتقول ماجت على مشهاي
فرجها ليا ضاعت على فارج الكربه

ترى شرهة البندق على وقفة الرماي
مثل شرهة الفارس على زرقة الحربه

.....

رد: اخترنا لكم
 

ساترين وجيهنا بالعوايد والسلوم
ومن خِلقنا ماطلعنا على يدين احد

ننطح كبار المواجيب ونسد اللزوم
ومانعرف الا هلا وارحب وهل من بعد

حتى مع قل الفوايد ومع كثر الرسوم
النواجد مسفهله واهل باس وجهد

ماتضيق الا على اللاش وعيال الرخوم
وان حدتنا شهب الايام سقناها جلد

.....

رد: اخترنا لكم
 

الليل توّه راح منه النصيفه
وأنا من التفكير والضيق زاهق

والغالي اللي كل ما مر طيفه
قامت دموعي عن بعضها تفاهق

راح وترك لي ذكرياتً خفيفه
اليا طرت في خاطري قمت أشاهق

أثر المُحب اللي يفارق وليفه
يصير عقله مثل عقل المراهق

.....

رد: اخترنا لكم
 

بالثقة والعزم والعقل أتحلا
عارفٍ وش مستواي ووين حدي

ماني مغرم بالجديل اللي تدلا
أنا مغرم بالنعارة والتحدي

أكتب أبيات الغزل لأجل أتسلا
والا أنا ذا الخربطة ماهيب عندي

.....

رد: اخترنا لكم
 

احضر ومثلي صهيله يسبق قدومه
واغيب لكن تجيب الكسب غيباتي

لو ان مالي جناح ونفس ملزومه
ماكان تفخر مواكيري بهداتي

خلقت فالراس عز وفالنسم زومه
وتدنيقة الراس ماهي من خياراتي

من كثر ما ابوي علمني على القومه
نسيت كثر المطيح وقوّ وقعاتي

.....

رد: اخترنا لكم
 

ياعيونٍ .. في أنتباهتها تغاضي
مرّي المتضايق وخليه الأرحب

وأشغليني لي ثلاث شهور فاضي
وّدي أرجع من جديد أحب وأنحب

.....

رد: اخترنا لكم
 

امي وليفة خاطري نور عيني
حتى وهي قربي لها احن واشتاق

كل مااضيق بها الزمن تحتويني
يارب تشرح صدرها كل ماضاق

.....

رد: اخترنا لكم
 

‏ياهيه ياللي تنقل القال والقيل
‏وتحطني في موقفٍ ما حصلي

‏بيني وبينك دعوةٍ تالي الليل
‏اخذ بها حقي وانا في محلي

.....

رد: اخترنا لكم
 

يا آخر الليل عطني العلم من بدري
ويش انت ناوي ترجع لي من الذكرى

إن كانها حزن فـانا ممتلي صدري
وإن كانها خير يمكن ضيقتي تبرى

.....

رد: اخترنا لكم
 

الحب غفوه نوم في جفن سهران
سحابه الاشواق والوصل ديمه

والبعد جرح انسان في داخل انسان
تبطي وسومه بالحنايا مقيمه

.....

رد: اخترنا لكم
 

‏لا تهدر اوقاتك ومالك وحالك
‏الا على ناسٍ تحبك وتغليك

‏لا تنتظر فالوقت منهو صفالك
‏من راح خلّه جعل ربي يعافيك

‏فنجال شاهي وانت جالس لحالك
‏عن شوفة العالم تعزّك وتغنيك

.....

رد: اخترنا لكم
 

‏لا تساومني على جاهي وقدري
‏ويش ابي بالعمر من دون الكرامه

‏ان لفيت اهلاً وسهلاً وسط صدري
‏وان بغيت تروح مرواح السلامه

.....

رد: اخترنا لكم
 

‏تدري متى تعرف ضعيف الروابع
‏من يلحق الحاجه حسافه ومنّه

.....

رد: اخترنا لكم
 

‏يالله انا طالبك عفوك وحسن الخشوع
‏تقبل صلاتي وتغفرلي وتهديني

‏احمدك واشكرك فالدنيا وعبدك قنوع
‏معاد حاجه من الأيام تغريني

‏اسجد لوجهك عظيم الشان ذل وخضوع
‏فضلك عن الناس والمنّات يغنيني

.....

رد: اخترنا لكم
 

يا من تحبّ ابيات الابداع جدّا
كتبت لي بيتين يمكن تفيدك

الشعر فنجال الصباح المبدّا
ماهو بكيف الحال عطنا جديدك

.....

رد: اخترنا لكم
 

من طاروق مطلق الثبيتي وصياف الحربي
الله يرحمهم و شدتني أبيات منها

قال مطلق الثبيتي :

أنته عيونك يوم تنظر بها مثل الكشاشيف
دايم تحرّى بيننا للصباح وللهجادي

رد صياف الحربي و قال :

حنا ليا قمنا على الهون فرقنا المواليف
وإلا أنت غير إتحرث الجمر من تحت الرمادي

رد: اخترنا لكم
 

راكب إللي لو يطوفك ما قدرت تطوفه
سيّد الألوان لا فضّي ولا فيراني

وشوشة مراوحه يوم إشتغل وبلوفه
وشوشة عجمي يسولف له على قحطاني :)

لين قال :

ليتني بالشعر يوم أبرد حشاشة جوفه
يستحي منّي ويذكرني ولا ينساني

مدغم أبو شيبه

رد: اخترنا لكم
 

ضاقت الآرض صارت كنها خصر خلّي
ليتها ماخذه من عين خلّي رحابه

آمشي مع الدروب أنا وهمّي وظلّي
جرة خطاي فوق القاع جرة ربابه

لين قال :

كل شغمومً يشوف المعارك تسلّي
يسمع الرمي كنه سامعٍ له دُعابه

جمال بندر

رد: اخترنا لكم
 

جماهيري الشعّار والمفرده والقاف
أنا مجرم الأبداع ويحق لي لا أجرمت

على شطر بيتي كل الإبداع حج وطاف
تولّو جميع و يمّمو حيث ما يمّمت

مطلق بن شويه

رد: اخترنا لكم
 

ماهيب قباً جموح ولا غزال ٍ لعوب
حورية ٍ حولت مع َ نزول الحيا

يغار منها القمر ويصير وجهه شحوب
اما عن الشمس تاخذ من ضياها ضيا

لو مرت العاشقين الاوفيا فالدروب
ماعاد خلت بدرب العاشقين اوفيا

.....

رد: اخترنا لكم
 

‏الي بدون أسباب صد وتجاهل
‏ماعندنا له غير نفس التصرف

‏يجوز في بعض الأمور التساهل
‏إلا التساهل بالمقام المشرّف

.....