|
رد: فوق هام السحب ( الشعر الشعبي) على متن القوافي
ياربي الرزق بيدينك مفاتيحه
مايملكون البشر قفله ومفتاحه يالله برزقٍ يسر البال وْيريحه والنفس تنعم معه بالخير والراحه نحتاج والحظ له قومه وله طيحه والقلب حسن الظنون بربه سلاحه دام الرجا فيك والعةٍ مصابيحه قلبي هموم الليالي صعب تجتاحه ممدوح التويجري |
رد: فوق هام السحب ( الشعر الشعبي) على متن القوافي
الحب معناه انجذاب المشاعر
واحساس صادق يفهمه من تحبه ماهو بنزوة شوق أو طيف عابر ولافقط إعجاب واشباع رغبه الحب بالإخلاص باطن وضاهر ومسكنه داخل قلوب الأحبه ياسعد حُب ً قابله حُب طاهر وياسعد قلباً يعشقه من يحبه وياويل قلباً ينخدع بالمظاهر وياويل عاشق يخدعه من أحبه ومن يخون الحب خاين وماكر ومن يخون العهد ف الله حسبه ...... |
رد: فوق هام السحب ( الشعر الشعبي) على متن القوافي
خذ ياسحاب الشوق من قلبي الشوق
وارحل جعـل مسعاك درب السلامة صــوب الذي له شــآن ومكانته فوق وسط الضلوع العــوج ساكن غرامه قله قسم قلبي من الشــوق محروق والنار تنهــش في الخفــوق إلتهامه والجسم كامل صابه الياس والعوق والقلب ينـــزف داخلي مـن سقامه ...... |
رد: فوق هام السحب ( الشعر الشعبي) على متن القوافي
يانسمة اجواء الخميس اسعديني
قلبـي علـى لقياه ذايـــب وخفاق ماابغى الهموم اليوم لحظةتجيني ابغى اعيش الليل في ضم وإعناق اسهــر مع المزيون وانسى سنيني ونبقـى طوال الليل لاحد الإشراق يضمنــي بالحيـل ويــذوب فيني وانا أضمه حيل من قلب مشتـاق ...... |
رد: فوق هام السحب ( الشعر الشعبي) على متن القوافي
دام الغلا في القلـب مابقدر انساك
ودام الهـــوا بتنفســــه مانسيتك قلبـي اخذته والمشاعـــر بيمناك والنبض لك ياروح روحـي عطيتك كيف اتركك والقلب دارك ومأواك والروح منزل لك وقصـرك وبيتك ياجعل قلبــي ياغلا الروح يفداك وبكل غالــــي يا حياتـــي فديتك ...... |
رد: فوق هام السحب ( الشعر الشعبي) على متن القوافي
للوساع السود جيت أعلن ولائي
الحكم حكم المظاليل الوسيعة يالجمال المستحيل اللا نهائي الغزل في حضرتك تجديد بيعة سلهمة رمشك تحطّم كبريائي لك تداعى قلب ٍ أسواره منيعه ثغرك الضاحك بلادي وانتمائي ضحكتك عن كل غلطاتك شفيعة ...... |
رد: فوق هام السحب ( الشعر الشعبي) على متن القوافي
الحب معناه انجذاب المشاعر
واحساس صادق يفهمه من تحبه ماهو بنزوة شوق أو طيف عابر ولافقط إعجاب واشباع رغبه الحب بالإخلاص باطن وضاهر ومسكنه داخل قلوب الأحبه ياسعد حُب ً قابله حُب طاهر وياسعد قلباً يعشقه من يحبه وياويل قلباً ينخدع بالمظاهر وياويل عاشق يخدعه من أحبه ومن يخون الحب خاين وماكر ومن يخون العهد ف الله حسبه ...... |
رد: فوق هام السحب ( الشعر الشعبي) على متن القوافي
خذ ياسحاب الشوق من قلبي الشوق
وارحل جعـل مسعاك درب السلامة صــوب الذي له شــآن ومكانته فوق وسط الضلوع العــوج ساكن غرامه قله قسم قلبي من الشــوق محروق والنار تنهــش في الخفــوق إلتهامه والجسم كامل صابه الياس والعوق والقلب ينـــزف داخلي مـن سقامه ...... |
رد: فوق هام السحب ( الشعر الشعبي) على متن القوافي
والجوء رومنسي وهادى وخلاب
والغيث يسكب من مزون السحابه آلتم في وادي بناء شمل الاحباب وآلتم جرحي رغم هول الاصابه محلا لقاء الخلان والسيل سكاب والطير يعزف وسط عشه ربابه طاب اللقاء مابيننا والسلا طاب والبال رايق والاحاسيس طابه والشوق ذي ناره بالاعماق لهاب من نظرت المحبوب خف اللتهابه في طلته ارتاح بالي والاعصاب واحياء الامل في روح ڱڵـه كآبه الله محلا رمش عينه والاهداب والكحل جنني ونقشة خضابه حطيت يدي في يده والكبد ذاب من لمسته عقلي مضيع صوابه ...... |
رد: فوق هام السحب ( الشعر الشعبي) على متن القوافي
لليل سكنـة من وراء هجعت النـاس
تحس فيها النفس ساعــة صفاهــا ولليــل لمســة كنها قطع الانفــاس تطلــق خيــال الشاعــر اللي يبـاهـا ولليل لوعة تضرب أخماس واسداس تحبـس في العينيــن دفــاق ماهــا ولليــل طلــة كنها فــرحة اعــراس بنجــومه اللي مــوغلة في سماهــا ولليـل عتمــة منها خـوف ونعــاس تلــف الغـريب اللي طريقــه نساهـا ولليـل وحشـة كنهــا دق الاجــراس فلا قد رياح الصـيف تمحــق مساها ولليــل غيبــة لان له حكـم وقيــاس فلا الشمس اطلت ينسحب من مداها والله من قلــب مـع الليــل حســاس والايــام تظــهر قسـوته من قساهــا فلا اظلمت يـذكر طـواري وهوجـاس واذا اشـرقـت يـرقب مبـادي بـداهـا ...... |
رد: فوق هام السحب ( الشعر الشعبي) على متن القوافي
جت تدفعها الثقه و الفخامه و الغرور
هيبة تمشي على الارض فوق اقدامها اقبلت شيخة نسا جيلها بدر البدور وارفعت من فوق عرش الجمال اعلامها ...... |
رد: فوق هام السحب ( الشعر الشعبي) على متن القوافي
لافاح عطرك وتذكرت ذكرياتي
لباك قلبي والمشاعر تناديك يانور صـبحي بالغلا وأمسياتي يأجمل خواطر خاطري يوم يطريك الله عليك اكبر دخلت بحياتي وعلمتني كيف افهم الحب واغليك يامالك احساسي وروحي وذاتي لاشفتني خذني على راحت ايديك ...... |
رد: فوق هام السحب ( الشعر الشعبي) على متن القوافي
إذا بغيـت أفــرح وخانقني الشوق
أرجع و أدور راحتــي فـي الرسايل اقراء كلامـك يبتعـد منـي العوق واحس راحةتنعش القلب واصل لاكن فديتـك يا غلا الروح برفوق قلبي تــرئ ماعاد للشـوق شايل ارحم متيم قلبه اليــوم محروق من غيبتك ضاقت عليةالوسايل ...... |
رد: فوق هام السحب ( الشعر الشعبي) على متن القوافي
وصفك على وصـف المخاليق يفرق
مــدري حــواك الزيـــن ولا حويته وطلتك في العيـــن تنـــور وتشرق مثل القمر والشمـس نورك فديته لي قلب متعذب وبي شوق محرق ولك عشق طاغي بالحشا ماقويته وفيني محبــه لك في الروح تغرق عالم بأسره في ضلوعـــي خفيته ...... |
رد: فوق هام السحب ( الشعر الشعبي) على متن القوافي
مالي غنا عنك.. أنا الله فيك مغنيني
ولالي عوض عنك.. أنا الله فيك عوضني ماغيرك انسان.. يسعدني ويشقيني وصلك دوا.. والغياب إن طال يمرضني الأمير بدر بن عبدالمحسن |
رد: فوق هام السحب ( الشعر الشعبي) على متن القوافي
احاول اسلا ولو ما خاطري سالي
واحاول اصبر وانا ما آخالف السنه لا انعادت الذكريات الي بجوالي جاء للمشاعر ورى عوج الصدر حنّه لا يا وجودي وجود ويا بري حالي الي خذته الليالي ما يردنه ذي حالة الغالي الي فاقد غالي اليا ذكرته بكيته جعله الجنه ...... |
رد: فوق هام السحب ( الشعر الشعبي) على متن القوافي
دار الفكر مع هجعة المستريحين
وابحر بي الهاجوس في بحر الالهام وكتبت شعر فارقٍ بالمضامين وعبرت عن شيٍ بصدري من العام شاعر ولي بالشعر نهج وقوانين وقصايدي ماهيب في حاجة اعلام شعرٍ يقدم في صدور الدواوين ويطرب لعده كل وافي وضرغام معانيٍ ترجح بكل الموازين ماهي حكايا خايب وهرج نمام امشي على نهج الرجال العزيزين كل ارجحٍ في منهج العز مقدام ولا اتسموى لي بناسٍ بعيدين اسمي مشرفني على طول الايام ولا ارافق الا الطيبين الميامين اهل العوايد والمراجل والاقدام وابعد مجالي عن مجال الرديين ولا ابعدت عن الانذال مانيب منلام رفقة رخوم الناس لو كان يومين تحصد نتايجها ردى عشرة اعوام واهل الحسد لو تنعق يسار ويمين في كل درب ادوسها تحت الاقدام واليا حكى فيني من الناس مسكين ماهو منقص قيمتي هرجة خمام مادام لي في ذروة المجد تمكين وكفي على كسب النواميس عزام القى المدايح من رجالٍ مسمين اهل الفعول اللي مدايحهم وسام وترى الضعيف من اول الوقت للحين دايم خلاف الناس ماهوب قدام كل الملا عن منهج اللاش دارين من شبته في غبة الحكي عوام كنه بشذب الناس يربح ملايين على الهروج الضايعه يضرم اضرام ياما اعترض له بالمجالس مقفين يذرع لسانٍ بالمخاليق ذمام يمقت عباد الله على الشين والزين من اليمن للشرق للغرب للشام ويمدح لروحه راعي المنهج الشين و يسرد علومٍ كنها بعض الافلام ويعد نفسه وين وان سيرته وين ضعيف راي وغرته بعض الاوهام متخيل انه من حساب السلاطين ما يدري انه ينحسب ضمن الاقزام قصير شبرٍ لا غدا العلم علمين لا نومس اصحابه ولا ضد الاخصام وطير الرخم لو كان يملك جناحين ما صاد صيدٍ يعجب العين لو حام والفرق واضح بين روس وكراعين فارقهم اللي جاعلٍ خلقه اقسام ومن ضيع حقوقٍ عليها براهين يعيش عمره طول الايام منضام ومن لا جمع بيض الفعايل مع الدين اخطى مناهيج الرجوله والاسلام خليل بن هدلان |
رد: فوق هام السحب ( الشعر الشعبي) على متن القوافي
ماعاد يزعلني جفا بعض الاصحاب
ولا عاد قلبي ينكسر من جفاهم قلبي تعوّد دايم" يخسر احباب ولاهي غريبه ينصدم في خفاهم صح الامل ياثر على النفس لاخاب بس العمر ماهو رهينة وفاهم ..... |
رد: فوق هام السحب ( الشعر الشعبي) على متن القوافي
كم سؤال مات في صدري جوابه
وكم اجابه حية قبل السؤال السؤال يتيه في ليل سرا به والاجابه ثابته في كل حال والسؤال اللي له بنفسي مهابه ليه احبك حب متعدي الخيال ...... |
رد: فوق هام السحب ( الشعر الشعبي) على متن القوافي
استنسخ الفرحة من افواه الأطفال
الي تفر حهم من الضيق لعبة وامرر الواقع على حلو الآمال لو كانت احلامي من الوقت صعبة واكتب حروف البوح عن راحة البال والضحك فيني داخل البوح كذبة ...... |
رد: فوق هام السحب ( الشعر الشعبي) على متن القوافي
اضبط لسانك لابديت وتكلمت
خل الحكي مثل الشهد منك حالي لاتجرح الانسان لو كان بالصمت قدّر من اجناس العرب كل غالي ...... |
رد: فوق هام السحب ( الشعر الشعبي) على متن القوافي
خل صدرك على جور الليالي وسيع
واعرف ان كل عسرٍ مقتفيه اليّسر ولاتحسف على طيبك لو انه يضيع راعي الطيب رابح لو خسر ما خسر ...... |
رد: فوق هام السحب ( الشعر الشعبي) على متن القوافي
أنت الوحيد اللي مع الوقت نبغاك
ونرخص لأجل عينك نوايا كريمه خلك بجنبي كان وقتك تحداك وشوف الفعول الراقيه والعظيمه في ذمتي لأشيل حزنك وما جاك واسقيك حبي من مشاعر رحيمه ...... |
رد: فوق هام السحب ( الشعر الشعبي) على متن القوافي
عطاك الليل ياسِهد العيون سْهاده المعتاد
على سِلمه، وأنا رجل يقدر من على سِلمه ياسيدي فـ الصدر ذاك الشعور اللي كسى بغداد بعد ماصارت حقوق المواطن في الوطن حلمه جفن ليه أبتلي بك والسهر، هو عاد فيك رقاد ؟ تحت سودك خذا مدري عطاك الليل من دِلمه تريّح، مابقى غصنٍ يعشمّه الهوى معواد ولا طيرٍ يرجعه الشتاء فـ الليله الظلمه ولا عاد السفر يغري وراه، ولا البلاد بلاد ولا صبحٍ، ولا طارش يرد العلم من علمْه ربيب الذاكره، صدر الحليم أوسع من المعتاد على خبرك إلين أحباب قلبه تختبر حلمه تشابه قسوة أيام الغريب أن مرّها الأعياد طواريك الجميله .. ياكريمٍ عادني ظلمه تحسب أن الكلام أخف جرح، وغايبه ماعاد أنا اللي حال مابيني ومابين الكرى كلمه ...... |
رد: فوق هام السحب ( الشعر الشعبي) على متن القوافي
طويتك حافظ الصفحه ممله والسنين كتاب
كتاب العمر عنوانه: نغيب أن ضاقت البقعه فمان اللي كتب بعد هذا العمر نصير أغراب ولا به شيء يعطيني على وصلك أبد دفعه فمان الشوق والذكرى وأماني لمة الأحباب فمان الله وخذ حبك ماعاد الصدر يتسعه ...... |
رد: فوق هام السحب ( الشعر الشعبي) على متن القوافي
كل ما في هذه الدنيا اختبار
و النتائج عند علًظ“ام الغيوب و الحوادث كلما ثار الغبار في خباياها نجاحك و الرسوب التواضع يثبت اخلاق الكبار يا من أفسد كبركم ود القلوب ...... |
رد: فوق هام السحب ( الشعر الشعبي) على متن القوافي
يا عـذاب القلب من بعد القنوع
افتــرقنــا والحبـال مقطعـــه قـرر الفـرقى وانا انويت الــرجوع رغبتــه .. وانا استحيــت اتمنعـه انقلب طبعــه علي زيـــن الطبوع يعلم الله اش جـرى له ايش معــه قمـت اودع في سكـون في خشوع وهو يـــودع في بـــرود اتصنعـــه مشهد يحبـس في العين الدمــوع ولحظــة كنها الفصـــول الاربــعه يا عــذاب القلـب من بعد القنــوع الرجـــاء في الله والدنيــا ســعـــه ...... |
رد: فوق هام السحب ( الشعر الشعبي) على متن القوافي
تدري وش اللي غيّر الناس يا فلان
شرع المصالح وانعدام الصراحه صرنا نجامل بالخطا كل غلطان لين اكثر الغلطات صارت مباحه ...... |
رد: فوق هام السحب ( الشعر الشعبي) على متن القوافي
نسمع كلام وعندنا مثله علوم
لاشك عن هزل الهروج اعتلينا عن الطمان يردنا طبع وسلوم وعلى العلوم الهينه ما ربينا اليا بسط برخيصة السعر مذموم لو يعترض في دربنا ما شرينا ننصى الثمين ونشتري منه بالكوم لو كان سعره غاليٍ ما علينا عاداتنا بالمعتلا نشهر الحوم ومن الوفاء والطيب تكسب يدينا نرهي على الطاله بوقفات وعزوم حتى على عرش المديح استوينا الله خلقنا روس ودهاة وقروم وغير الدروب الطيبه ما مشينا خليل بن هدلان |
رد: فوق هام السحب ( الشعر الشعبي) على متن القوافي
ماكان عادي تجرح الروح وتروح
لو قلتلك من طيبة القلب عادي وبابي على كثرة خطاياك مفتوح لو شفتني عن عزة النفس غادي فضفضت لك يوم إنك أقرب من الروح وكني وأنا افضفض لقلبك معادي أنا هذاك الي من الضيقة ينوح ماني هذاك الي ليا ضاق هادي علمتني إن الحب جارح ومجروح وعلمتك إن الحب ود وتهادي ...... |
رد: فوق هام السحب ( الشعر الشعبي) على متن القوافي
انا عايش في الارض جسم بليا روح
سبايب ظروفي جعل ربي يزينها ترى والله انه ما يزيد الجروح جروح الا من نشد عنها وهو داري عنها ...... |
رد: فوق هام السحب ( الشعر الشعبي) على متن القوافي
الضيقة اللي منت عارف سببها
ومنها توارى عن عيون الرياجيل كان الاطباء حايرة في طببها ترا دواها سجدةٍ ف اخر الليل عبدالرحمن القوس |
رد: فوق هام السحب ( الشعر الشعبي) على متن القوافي
باب السوالف يدخلونه ملايين
وباب الفعايل بس لاهل الفعايل والعاقل الواعي منول وهالحين يربط علومه بالحكم والدلايل صالح الناصر |
رد: فوق هام السحب ( الشعر الشعبي) على متن القوافي
من يــدوّر للمشــاكل والكلام الفــاضي
بشّره يلقــاء بها قسمــه ويشبــع منها عزتي لـه كانه بوضعــه ونفســه راضي ويحسب العالم بترفعــها اليا طمّــنها لايقول أن غلطتي بكره بتصبح ماضي لا أحصلت ما عاد ينفع لو تراجع عنها عبدالله حمد |
رد: فوق هام السحب ( الشعر الشعبي) على متن القوافي
لا صار صاحبك بين الرَيب والشِكّة
لا تعطي الأجودي قدرٍ ماهو قدره لو هو ضحك والسنون البيض مصطكّه ماتامنه و الزمن ماينومن غدره وإن جيت فالموقف اللّي ما مِنْه فكّة الله لا يحداك فوق الفزعة الودره أحدٍ ليا قلت تكفى يضرب السكّة و أحدٍ ليا قلت له تكفى ضرب صدره عيضه الثبيتي |
رد: فوق هام السحب ( الشعر الشعبي) على متن القوافي
تدري وش اللي لافقدته خساره
ماينتعوض لو رصيدك ملى ابنوك اخوك لا منك هفيت بوقاره وخاويتلك من نايد الناس صعلوك مكسبك فالدنيا وساس التجاره تراه اخوك ولا احد ايعوّض اخوك مادامكم حيين خلك جواره ماينفعك لامات لو فيه عزوك حراز البقمي |
رد: فوق هام السحب ( الشعر الشعبي) على متن القوافي
الطلقة اللي بالظهر من ولد عّم
أنشهد إنها يافهد روعتني حاولت أغطي جرحها واستر الدم وأقول ثارت بالخطأ ماوجعتني زياد بن نحيت |
رد: فوق هام السحب ( الشعر الشعبي) على متن القوافي
على الهون يا وقتٍ خذا كل راحة بال
عزاز النفوس لذلّها منت حاديها ليا هانت العشره وجات القصار طوال تموت الرجال بعزّها ..وبمباديها ترى اللي تسوق إله الغرابيل فالفنجال كبار الخطوب وهو صبي متقهويها من إشتدّ عوده في معافر ردى الأحوال بعد ما بلغ شدّه ماهو مبتلش فيها فهد سفر |
رد: فوق هام السحب ( الشعر الشعبي) على متن القوافي
تغاضى وخلك سمح وابعد عن الواشين
ترا اهل الوشا دايم على النار وقاده تعايش مع الافكار مابين زين وشين وحذرا تحلل كل منطوق يزياده ولاجل ماتعيش العمر كله مابين وبين تجاهل ترا بعض الجهل نوعه عباده يقولون لاتسمع سواليف ابووجهين وانا اقول سور الصين من يقدر ابعاده نواف العضياني |
رد: فوق هام السحب ( الشعر الشعبي) على متن القوافي
تـدور السنين وكـل عـود مكانه عود
عـلى مـانـبـت والاول يـورث الثاني هل الجود لوبيض الليالي تعود سود مواثـيـر راع الطيب تبقى للازماني وعود الردا لوخالط الراك مامن فود يعود عـلى مجناه طيـر ابن برماني هذاه الصحيح وكل بند عليه شهود ولافيه عـود يشب من دون دخاني نواف |
| الساعة الآن 10:37 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية