رد: اخترنا لكم
 

يا دار الاحباب كلن له من اسمه نصيب
وانا نصيبي من البيبان مقفولها

غربت نفسي بنفسي لين صرت الغريب
اللي عجز ياصل الديره وهو حولها

احتاج لاطيب خوي واحتاج لافضل حبيب
لين الغلا والهموم يقل مفعولها

ياصاحب الخاطر المكسور خلك قريب
عندي قصيده حزينه يمكن اقولها

.....

رد: اخترنا لكم
 

دموع الفقد ما يقدر يكفكفها طرف منديل
تقول ان الحزن يغرف دموعي من طرف غيمه

.....

رد: اخترنا لكم
 

عباديّه شعوري لو تبكيها لحون العود
محاجرها قصيده والدموع حروف قافيه

……

رد: اخترنا لكم
 

تعلقت بك واثر التعلق مثل الادمان
يضر البن آدم بس مايقدر يخليه

فلا تستفزك غيرتي في بعض الاحيان
أنا لا ملكت الشي ما ابغى خشيرً فيه

.....

رد: اخترنا لكم
 

‏تعجبني اللي في الشعر ذوقها ذوق
ماھوب حي الله قصيد يعجبها

دايم نظرھا وإختياراتها فوق
تعرض مفاتن ذوقها في أدبها

.....

رد: اخترنا لكم
 

القهوه اللي تعدّل راس شاربها
ماهي تعدّل مزاجه لانها حلوى

تبقى المراره على كبده تحاربها
ويقلّب الراي ملوى تقتفي ملوى

يبني هجوسٍ كثير الهم خاربها
لعل نفسيته تصبر على البلوى

حتى يعلق رسنها فوق غاربها
مادامها من غرابيل الزمن تلوى

.....

رد: اخترنا لكم
 

أتخيل وجهك الزين وأمسسي عليه
كل وجهٍ غير وجهك مايغري ناظري

.....

رد: اخترنا لكم
 

مفروض كحل العيون يزيد فيه الغلا
ولا ينشرى الا لعين المهره الشارده

الكحل في عين عذرىً ماعليها حلا
مثل القصيد القوي فالحفله البارده

.....

رد: اخترنا لكم
 

نشّت من القبله قنوفٍ محاديب
‏يا حيّ فضل الله وحيّ المخيله

‏لاعاد تنشد عن سموم اللواهيب
‏البرق يلعج والنسايم عليلـه

.....

رد: اخترنا لكم
 

طبعك تغيّر معاي وصعب تفسيره
تجرح شعوري جفا وتقول تغليني

.....

رد: اخترنا لكم
 

‏عميقات الرسايل مايجي من قبلها توقيع
‏عط الأنسان وجهٍ غير وجهه يقدر يواجه

‏شعور المقتدر لامن عشق حاجه ماهي للبيع
‏تراه العن من شعور الفقير اللي يبي حاجه

.....

رد: اخترنا لكم
 

‏انا لولا الوفا ماجيت درب الشوق واقداره
‏وتركت اللي يبي قربي عشان اكون مسجونك


‏سعود بن محمد العبدالله الفيصل

رد: اخترنا لكم
 

حتى لو الارض ضاقت فيك خلك ضحوك
وأحرص على الواجبات وخل صدرك ديار

لا صرت راعي صلاه ومرضي امك وابوك
لا ضاقت الأرض تضرب راسها في الجدار

.....

رد: اخترنا لكم
 

من عذوبة ما تقول العرب لا خاطبوك
تسمعك بقلوبها ما تسمعك بالاذان

يرحم الله شايبينٍ من الغيم قطفوك
وتركوك تعمّر الارض ورد وزعفران

....

رد: اخترنا لكم
 

عسى المترف اللي تشبعه حبتين التوت
يعوّد على خبري وأعوّد على خبره

حزمي بن سعد

رد: اخترنا لكم
 

عسى اللي هواه يهون البعد والمشوار
يعود على خبري به يحن ويواصل

عويد النجود

رد: اخترنا لكم
 

تصدّ القلوب من الغلا والنفوس تملّ
يا هُون الجفا لا شافت العين ما تكره

على رمح صوتك ماتو المشكله والحلّ
سراب الدروب أصدق من الحرف والنظره

أحبـك طواري بس ماعاد أحبك خلّ
ولازلت أحب العذر بشفاك وانتظره

على رمشك تسيل المحابر وينبت ظلّ
انا تحته المحتار واللي غريب أمره

تزلّ إيدي برقمك مثل ما اللسان يزلّ
مع اللي تحده كلمتينٍ على صدره

تورّيني ابواب المفارق وانا ما ادلّ
مثل من يورونه قبل موتته قبره

تغلى بكيفك لو تصير المحبه غلّ
لكن لا تساوم من يحبّك على قدره

تراي الفقير اللي غناته بكلمة ذلّ
تساما وهو لو جاد فيها دفن فقره

.....

رد: اخترنا لكم
 

وصلك يزيح الهم واقسى الاكتئاب
ويجعلني امن الحزن بظلال وذرا

وصوتك يذكرني بزخّات السحاب
اثنينكم في ردّة الروح اخشرا

.....

رد: اخترنا لكم
 

لو ينفجر صدري من الكتمان
خذيت من طبع البشر درسي

ودي افضفض لي على شيطان
واذا خلصت اقرا ايه الكرسي

.....

رد: اخترنا لكم
 

‏تخطي واسامح وانا الحين سامحتك
‏لا عاد تخطي لان خطاك يزعجني

‏احرص على القلب دام العين رافعتك
‏ان طحت منها قسم بالله تكرهني

.....

رد: اخترنا لكم
 

‏لا تذل النفس دايم وترضى بالنزول
‏ولا يجي منّك رخامه وتحريض وريا

‏مستحيل تحصل العز وتنال القبول
‏وانت ما عندك كرامه ولا عندك حيا

.....

رد: اخترنا لكم
 

‏الود بين الناس ماهو مطر صيف
‏تضحك سماه وتختفي في ثواني

‏الود له قيمة ومعنى وتشريـــــــف
‏فيه احترام ووصل طيب ومعاني

.....

رد: اخترنا لكم
 

على الهون ياسود الليالي تراني ماش
ونفسي من ظروف الزمن باح خافيها

عيوني على حظي وحظي طريح فراش
والآمال ماندري على وين تاليها

.....

رد: اخترنا لكم
 

‏لا صار لك غالي وشانت علومه
‏إصبر ولا تشكي همومك والاحزان
‏
‏إذا تغيّر صاحبك لا تلومه
‏هذا الزّمن تغيّرو فيه الاخوان

.....

رد: اخترنا لكم
 

نعيش الحياة ومانبي الا سلامتنا
‏لنا بالظواهر مالنا في خوافيها

‏ولو الناس فب بعض القناعات لامتنا
‏ترى أهم حاجة فالاوادم مباديها

‏على كل حاجه نصبر إلا كرامتنا
‏هي الحاجه اللي ما نساوم حدٍ فيها

.....

رد: اخترنا لكم
 

ما بين الصعب وبين الخوف والتجريب
أحاول ما أميل بيوم ولا تتشرد أفكاري

أمرّ بمرحلة صح أو خطأ أو صدق أو تكذيب
كأني تايه في شيء ولاني عارف أقداري

أنا يارب ما أدري وش اللي ينكتب بالغيب
ولكن رحمتك أكبر من اللي فيه أنا داري

.....

رد: اخترنا لكم
 

‏وشلون إنسان واحد يملك احساسك
وتصيـر دنـيـاك تتمـحــور حـواليـنـه

انا شربت الهـوا بـيديـك ومن كاسـك
والقلب لآمن عطش بالوصل تسقينه

.....

رد: اخترنا لكم
 

يازين عز النفس لو كان يفقرك
وياشين ذل النفس لو كان يغنيك

.....

رد: اخترنا لكم
 

كل هذا الغيث قطره من سحابه
وكل هذا الحب نبذّه من غلاي

من دريت إن بالمطر دعوه مُجابه
وأسمك أكثر أسمٍ أذكره في دُعاي

.....

رد: اخترنا لكم
 

الجو يرسم للوجيه ابتسامه
كنه يقول لضيقة الصدر ولي

.....

رد: اخترنا لكم
 

نجبر خواطرنا لنا اعوام وسنين
عسى الفرج لو طال دربه يجينا

.....

رد: اخترنا لكم
 

سلامي على الدنيا اذا كان فيها الناس
تحب الطمع حب المفاتن في العذراء

ولا جارت الايام وابكت شديد البأس
وسالت دموع الجيد من غير ما ندرى

.....

رد: اخترنا لكم
 

يرزقني إلي رزق مرزوق
بندق وموتر ومصريه

من أولٍ ياكل المرقوق
واليوم ياكل مولوخيه
😂

رد: اخترنا لكم
 

نزلّت لي طليان 🐑 للبيع بأعلان
وجاني عليه اللي بسومه فرقهن

قال أرسل الموقع وانا أرسلت فرحان
اثره عقبني للمراح وسرقهن
اهب هههه

رد: اخترنا لكم
 

‏نوفي مع الوافي بكل المطاليب
‏ونشـدّ ظهر الكفوو لاضاق حالة

‏وكلـن على عرقه يدق المواجيب
‏وكلـن على مربـاه ينطـق لسانه

.....

رد: اخترنا لكم
 

‏أصون عهد الوفاء وأحفظ مواثيقه
وأموت ماخنت عهد اللي مأمني

ولا أحب حكي القفا فيني ولا أطيقه
اللي يبـي شي في وجهي يقـــابلني

.....

رد: اخترنا لكم
 

يا ليت لحلوق الملاقيف ريموت
اليا دبل كبدك بضغطه تصكه

أذا تمادآ حيل حطه على ميوت
وأذا ضبط حآله ترد وتفكه

.....

رد: اخترنا لكم
 

ياعـذب حروف الشعر وأبلغ معانيه
ياحساس قلبي لا نكتب في قصيده

وياجمل شواطي العمر وآخر موانيه
الشــوق في قـلبي تــزايد رصــيده

اسمع صـدى صوتك واقول لبيه
لــبيه يانـبض الخـفـوق ووريـده

.....

رد: اخترنا لكم
 

ياونتي ونة ضلوع الدجاجه
لاخمها اللي لامس(ن)بطنه الجوع

ذيب الصحون اللي خبيث مزاجه
كفه كما المسحاه للزاد بالوع
هههههههه

رد: اخترنا لكم
 

جرحك تبيّن على الوجه وعلى النبره
الكل شافوه وانت تقول وش يعني

هذا القسى فيك ما اعرفه ولا اخبره
بس اعرفك واحدٍ ما كنت توجعني

.....