رد: فوق هام السحب ( الشعر الشعبي) على متن القوافي
 

‏أنتي أطهر ذنب وأجمل غلط وأشجع قرار
‏حطك الله في ليال العمر ليلة قدر

‏الهزيمه في عيونك بطعم الإنتصار
‏من يقاوم سحر عينك ورمشك لاخدر

‏مادريت إنك مسحتي دموعي بالخمار
‏لين قالت رعشة إيديك يامجنون إدر

‏وإدفنيني في بياضً نشع فيه الحمار
‏عاشقً فارق حياته على مفرق صدر

....

رد: فوق هام السحب ( الشعر الشعبي) على متن القوافي
 

‏ودي أخشه عن العذال في عيني
‏وأنا أستفرد بطلته وبهجة وصوفه

‏من الغلا عن جميع الناس معميني
‏وغيره من الزين مايعجبني بشوفه

....

رد: فوق هام السحب ( الشعر الشعبي) على متن القوافي
 

‏أحبك كنّ ما قبلك عزيز ولا سواك شعور
‏لو إن الناس مرتني أحبك من حناجرها

‏كأنك أرض تأويني وكن العالمين بحور
‏وكني شعب ما يقدر يسافر أو يهاجرها

....

رد: فوق هام السحب ( الشعر الشعبي) على متن القوافي
 

‏على وين رايح عاد عمري معك مامل
‏تعوشب معك واخضر عوده على نبعه

‏يا دربي الوحيد شلون اهدك وانا مادل
‏سوى وجهك اللي يهدي الرشد واتبعه

‏ على دربك تفل الخطاوي وينبت فُل
‏هذا الدرب وهذي زحمة اهله وذا طبعه

‏عليك البشر تفتح شبابيكها وتطل
‏من يشوف وجهك شاف روحه على ربعه

....

رد: فوق هام السحب ( الشعر الشعبي) على متن القوافي
 

طرب طرب لاتخفض الرتم والصوت
‏سولف علي دام المساري طويلة

‏الصبر فرض العمْر والعمر موقوت
‏وأيامنا مهما تزايد قليله

‏خلّ التشرّه والعتب في بطن حوت
‏ليالي الفرقا على بُعد ليلة

‏بيني وبينك نازح البعد ممقوت
‏لو ان ما فـ القرب منّك فضيله

‏سلك الحرير يفوّت العقل ويفوت
‏اثر الهقاوي فـ الهوى مستحيله

‏مدري وش اللي ساق رجلي على الموت
‏جيته قبل لاياخذ الروح غِيله

‏صرت المساء والصبح والشرب والقوت
‏منّك وإليك الدرب وأنت الدليله

‏الغاية أنت ودونك سلوم وخبوت
‏والا الثلاث حروف هذي وسيله

....

رد: فوق هام السحب ( الشعر الشعبي) على متن القوافي
 

بعض البشر يعجبك حتى احترامه
وتحب فيه تجمل صفآته وترتاح

ان غاب تشفق في لقاه وسلامه
واليا حضر همك من القلب انزاح

....

رد: فوق هام السحب ( الشعر الشعبي) على متن القوافي
 

‏أنا اشهد ان الذوق معروف راعيه
وانا اشهد ان الزين يغري حضوره

طاريك عندي كنه العطر لافاح
يابدر في كبد السماء شع نوره

....

رد: فوق هام السحب ( الشعر الشعبي) على متن القوافي
 

دروس الأيام خذنا قسمنا منها
وأسرار الأيام ما نعرف خوافيها

اللّي حفر حفرتن لأخيه يدفنها
يمكن يدور الزمان و يندفن فيها

....

رد: فوق هام السحب ( الشعر الشعبي) على متن القوافي
 

ياهوى البال عدّاك العتب والملام
لوغيابك مسوّي شي ماهو قليل

تقتل احزان صدري منك كلمة سلام
مثل ماتقتل الافراح يوم الرحيل

من ثناياك سم ومن رموشك سهام
لين ماطاح حزني من ضلوعي قتيل

من بقايا تناهيد وبقـــــايا حطام
كل ماهب نسناس النسيم العليل

انتظرتك على بحر الهوا والغرام
وانت ماجيت حتى مثل عابر سبيل

ارحب ارحب وعداك العتب والملام
من عينك اليسراء تفعل المستحيل

....

رد: فوق هام السحب ( الشعر الشعبي) على متن القوافي
 

والله انك ياعديل الروح غاليي
واثمن من السر بأعماق الضماير

فرحه عيوني ليا شفتك قبالي
فرحه الكسبان من بعد الخساير

....