|
رد: فوق هام السحب ( الشعر الشعبي) على متن القوافي
لاتقول ابشر لانخوك الرجاجيل
الا انت قدّن له وكفو وصتيمه النعم كايد مايجي بالتعاليــل قول وفعل ماهو سوالف هليمه اليا بغيت النعم خاو المشاكيل وافزع لمن ضاقت عليه الخريمه وخلك على ماقيل طيب وحلحيل عزيز قوم وفيك نخوة وشيمه محمد بن طواله |
رد: فوق هام السحب ( الشعر الشعبي) على متن القوافي
غياب الكفوا يوّجع وفرقىَ الردي نعمه
وأنا اقولها من واقع .. التجربه برهان أعز الكفوا وأغليه ... في ذمتي ذمه وأقدر جنابه زانت أو شانت ألأزمان ووجه الردي ما يفقده غير قلب أمه خوي الفلَس ماينحسب حسبةألشجعان النجم العالي |
رد: فوق هام السحب ( الشعر الشعبي) على متن القوافي
ياباغي الرفعه ترى العز بالدين
لا عـز للانسان مـن غيـر دينـه والمرجله عشق الرجال المديحين ومـن كبها يا عنك تربت يمينه سعود القت |
رد: فوق هام السحب ( الشعر الشعبي) على متن القوافي
أنا أشهد ان الصمت للعاقل علاج
والعذر منكـم كان طـوّل سـكـوتي لاكثـروا أهل الهرج ماني ب هـراج ولانـي على بلـوى الخلايق شموتي امـا كـلام ً مطلـعـه نـور وسـراج ولا بلاشـي تسمـع النـاس صـوتـي أعيـش لـي سيـرة ومبـدا ومنهـاج مـن يـوم ميـلادي لـيـا يـوم مـوتي ماجد المسعودي |
رد: فوق هام السحب ( الشعر الشعبي) على متن القوافي
بيض الله وجه الايام ياوجه الحسود
أنت والرديان مثلك وجيه مصديه يالوجيه اللي من الذل والخذلان سود حظكم جاب النطيحه مع المترديه العلوم الغانمه مالها معكم وجود كل يوم تمر من عندكم متعديه والكريم ليا تضايق من الدنيا يجود يوم يعطي كنه آكل حبوب مهديه ...... |
رد: فوق هام السحب ( الشعر الشعبي) على متن القوافي
مر با الصدفه امامي وابتسم
وابتساماته بقـلبه. مخفيه من حلا الموقف.تلوا.وابترم يوم شافتني.توارت مقفيه شفت يده ترتعش بعد القدم كنها للموت تمشي. مــلفيه هو مثيل الشمس نوره عم عم والقمر جنبه قـــدي متخفيه صوتها قـــوه.بيتناغم.نــغــم البشر من بعد صوته معفيه للفواد اجتاح والقلب اقتحم والصبايا بعد شوفه منفيه حاز باالحسن الانيق اعلا رقم والتحيا في هـــوها موفيه ...... |
رد: فوق هام السحب ( الشعر الشعبي) على متن القوافي
انت الذي اهواك يانور عيني
وانت الذي ماشفت مثلك وشرواك تبقى حبيب الروح طول السنيني ويبقى على مر الزمن دوم ذكراك اي والله احبك وابي تحتويني انت الغلا والحب لايمكن انساك ياحي زولك يوم اشوفك تجيني يرتاح بالي كل ماصرت وياك ابيات شعري طالعه من حنيني احب انا قربك وضحكت محياك ...... |
رد: فوق هام السحب ( الشعر الشعبي) على متن القوافي
آلله يمسي كل من مر بالخير
ولا يهون اللي حدنة ضروفة ولذا وذا كل احتراماً وتقدير واللي نشوفة والذي ما نشوفة ناسا بطلتهم نشوف التباشير وناسا بغيبتهم نشوف الحسوفة بقلمي |
رد: فوق هام السحب ( الشعر الشعبي) على متن القوافي
ياويل قلبي منك ياكثرمغليك
أغلى من الدنيا ثرها وسماها ياويل قلبي منك لاحل طاريك نفسي وهي نفسي تشك بغلاها انسى اسامي الناس واغلط واناديك قلبي معك وكل الاسامي نساها ياويل قلبي منك شوق يداهمه ان لاح منك ماضي كنت أخفيه ...... |
رد: فوق هام السحب ( الشعر الشعبي) على متن القوافي
ياشوق خبرنى عن اللى انا اغليه
عن واحد روحى بحبه ...مشوقه اغليه من بين الخلائق ...وافديه واحس للفرحه طعم يوم اشوفه يطلب عيونى يطلب القلب اعطيه وارهن حياتى بين ضمة...كفوفه ...... |
رد: فوق هام السحب ( الشعر الشعبي) على متن القوافي
تبرّيت من صوتي بعد ماعلي قسّاك
ووقفت لا ذاكر دروبي ولا ناسي أعرف أتكلم لين أجي لزعلك ورضاك أشوف الكلام أصغر بواجد من أحساسي وأنا والله أن البسمه اللي تمر شفاك أدوّر عليها كنّي أدوّر أنفاسي ...... |
رد: فوق هام السحب ( الشعر الشعبي) على متن القوافي
عطاك الليل ياسِهد العيون سْهاده المعتاد
على سِلمه، وأنا رجل يقدر من على سِلمه ياسيدي فـ الصدر ذاك الشعور اللي كسى بغداد بعد ماصارت حقوق المواطن في الوطن حلمه جفن ليه أبتلي بك والسهر، هو عاد فيك رقاد ؟ تحت سودك خذا مدري عطاك الليل من دِلمه تريّح، مابقى غصنٍ يعشمّه الهوى معواد ولا طيرٍ يرجعه الشتاء فـ الليله الظلمه ولا عاد السفر يغري وراه، ولا البلاد بلاد ولا صبحٍ، ولا طارش يرد العلم من علمْه ربيب الذاكره، صدر الحليم أوسع من المعتاد على خبرك إلين أحباب قلبه تختبر حلمه تشابه قسوة أيام الغريب أن مرّها الأعياد طواريك الجميله .. ياكريمٍ عادني ظلمه تحسب أن الكلام أخف جرح، وغايبه ماعاد أنا اللي حال مابيني ومابين الكرى: كلم ...... |
رد: فوق هام السحب ( الشعر الشعبي) على متن القوافي
مرّي على البال مثل الريب والإشتباه
عندك مايبعث شعور الزعزعه فـ جسدي الصمت مالي زوايا يومي ولا وراه الا إعتراضي على صمتي وقَلّ جْهدي مرّي مثل ذُعر في غمرة سبات الرفاه مرّي مثل دمعة المستهتر إليا هُدي مستاحش البال مايدعوه للإنتباه وأنتي جميع الحلول الممكنه في يدي يمكن يحايل رهيف الضحك معك الشفاه وتحايل القلب والقلب الشقّي أجودي وأنتي من أول ماخلّتك الدروب إتجاه كني من إعراج ناصي قبلتك ومهدي أستقبلك كن مالي قبل عرفك طرَاه وأستدير الأرض عنوه والبساط أحمدي سمي دروبي بـ أساميها، مضيق ونفاه وإخذي من الشعر إذعان الرضا وإخلدي محتاج وجهٍ يرجعني أحب الحياه وأنتي جميع الحلول الممكنه في يدي ...... |
رد: فوق هام السحب ( الشعر الشعبي) على متن القوافي
الفزعة اللي ماتجي وقت اللزومّ
أقسم برب البيت ماودي بـها في ذمتي ماينفعك غير القرومّ أهل الوفاء وقفاتها من طيبهاا وشريحة الجوال مليانه أرقومّ لكن بعضها قل الله صيبها ...... |
رد: فوق هام السحب ( الشعر الشعبي) على متن القوافي
الجادل الي لها ارخصت العمر والشفوف
وعرفت معنى النوايا البيض من لونها قولو لها ان الهوى مايعترف بـ الضعوف واني لو ابطي عليها ما آخلف ظنونها بدري على الوقت والغربه وعوج الصفوف تحوول من دونها وانا انثني دوونها كسرت خشم السلوم العايقه والظروف وكسرت حتى بيوت الشعر لـ عيونها ...... |
رد: فوق هام السحب ( الشعر الشعبي) على متن القوافي
حـلـيت في قلـبٍ يـحـبـك ونـورت
واخـذت مـن دلـة محبتـه فنجـال واخذت جوله في ربوعـه وصـورت واخترت لك باجمـل روابيـه مـنزال واعطاك فوق اللي رغبت وتصورت حب وغلا واصدق تراحيب واجـلال ...... |
رد: فوق هام السحب ( الشعر الشعبي) على متن القوافي
الصمت بوح لبعض حالات الانسان
يشــرح لـه أحزانه ويشــرح سروره حتى ترى الشاعر وهو شاعر أحيان يحتاج له شاعـــر يترجــم شعوره ...... |
رد: فوق هام السحب ( الشعر الشعبي) على متن القوافي
انـا احبـك ياهوى البـال واغليـك
وان غبت عني يالغـلا ضاق صدري قلبـي يحبـك لـو دروبـك تهاليـك وش حيلتي لا صرت مغرور تـدري انت الوحيد اللي احبك واداريـك انت الحيـاه يانبض قلبي وعمري امـر تدلل يالغـلا عند غاليك قلبي يحبك يالغـلا وانت تدري ...... |
رد: فوق هام السحب ( الشعر الشعبي) على متن القوافي
ما درى باللي تكن الضلوع الّا الضلوع
وش تبي تنفعني الناس لو تدري بها اثرني في ضحكة الزيف لي عام مخدوع اتصنعها ولا ادري وش انا ابي بها صاحبي مابعد ونس الليال الّا الدموع معك ياخوف الاحاسيس من تغريبها الغلا له عدة انواع وانت اشر نوع جعل روحي همّها منك ما يبطي بها ...... |
رد: فوق هام السحب ( الشعر الشعبي) على متن القوافي
يا نعمة أيامي ويا حكمة الغيب
يا ألطف مقاديري وأحب الحبايب غيرك خذا معزة القلب بالطيب الا أنت اخذت القلب مني غصايب من دون ليه أرهى حشاي التراحيب ضيفك قلبي والمحبة وهايب يحبك اللي حب فيك العذاريب من دون ما يعرف لحبك سبايب ...... |
رد: فوق هام السحب ( الشعر الشعبي) على متن القوافي
ارتحت من حبك ورجوى وصالك
وارتحت من كثرة محاتاة فراقك وارتحت من كثر انتظار اتصالك ومن حفظ جدول يومك ووقت ممساك ماعاد جاني قبل لا ارقد خيالك ولا عاد تشغلني الى اصبحت ذكراك جدا طبيعي يوم جابو مجالك ابشرك قلبي بدا صدق ينسّاك سلم على روحك وخلك لحالك قلبي خلص والشوق والحب يفداك ...... |
رد: فوق هام السحب ( الشعر الشعبي) على متن القوافي
ما هو جفا لو شفتني عنك صديت
عمر الجفا ما راود النفس يمك باسم الغلا ساكن وبالقلب حليت بقصى خفوقي مسكنك يوم ضمك لا ما تخلى عنك لو غبت وأبطيت غلاك يسريبي مثل ما سـار دمـك ...... |
رد: فوق هام السحب ( الشعر الشعبي) على متن القوافي
قلوبنا ماهــي كـراسي للأغـراب
ولامحطــّه فـي دروب التـجارب مو كل من يطـرق فتحنا له الباب ولا كل من جانا بالاشــواق راغب ...... |
رد: فوق هام السحب ( الشعر الشعبي) على متن القوافي
لها من ورى عوج الحنايا وطن ومراح
ومكان ٍ ما غير جاير الوقت منزلته اغني لها المنكوس واردد الرواح وا قاوم وصدري نار الاشواق مشعلته على مدهله حلم توفى وحض ٍ طاح وحنين ذبح روح التفائل معاملته من العام وعيون المضحي على السراح ولازال يبني حلم ويكرر اسئلته ...... |
رد: فوق هام السحب ( الشعر الشعبي) على متن القوافي
سلامي على المتحكمة بـزعلي ورضاي
وعلى الغرة اللي طوقتني على غرة ولا هان عود شوفته تطلق محياي نسيم الهبوب يداعبه كل ما مره هذي جرته في مرتع الصدر رايح جاي من أبسط حقوق الحر خطواته الحرة يا محبوبتي لا زال كوعي على مركاي تحلويت صكات الليالي و هي مرة أنا أجر قلبي مع طريقك وأجر خطاي وأخاف أجرحه ويسيل دمي على الجرة تغربت حتى عن ربوعي وعن مرباي أحس الوطن ما فيه عارض ولا حرة بعدك الليالي صوتها صوت عازف ناي يهيض جروح القلب ويقلب الصوره اذا ما بقى حنيةٍ تستعيد قواي حنانيك باللي يقطع الشوق بالمرة وقوف الحياد أستنقصه من سنين صباي أشوف أهله في الغالب أصغر من الذرة لا شان الزمان يضرني واحد من عداي ولا غاليٍ لا سر وضعي ولا ضره لو الموت مرة ما تعنيت في دنياي أنا أشوف لي حيين ماتوا مية مرة ...... |
رد: فوق هام السحب ( الشعر الشعبي) على متن القوافي
معاه السوالف غير يا حلوها حلواه
تذوب الحروف الأبجديه وأنا معها لذيذه مساء الخير لا قالها بشفاه يا حلو اللي قايلها ويا حظ سامعها ...... |
رد: فوق هام السحب ( الشعر الشعبي) على متن القوافي
لا عشت ياراع النمايم والانفاق
عقرب ثرى تلدغ على دفعتيني اهل الحسد ماقفلو باب الارزاق رزقي على اللي كاتبه في جبيني شذابة العرقوب قطاعة الساق تقصر يمينٍ ماتساوي يميني خلف قطنان |
رد: فوق هام السحب ( الشعر الشعبي) على متن القوافي
ماشفت من بين المخاليق مخلوق
اردى من اللي فيه حقد ونذاله قلبه على كل المطاليق محروق بالحقد لجله قاصرات ٍ حباله على النذاله دوم ماهو بمسبوق طبيعته من قشر حظه وفاله بدر الجميلي |
رد: فوق هام السحب ( الشعر الشعبي) على متن القوافي
وعد اللقاء طـــول وانا ياخي اشتقت
والشــوق مالــي فيـــه يا حب حيله ذايب وميت فيك واشتقت وادمنت والبُعـــد قاتـل والمراحـــل طويله ياحـب يا اللي في خفوقــي تمكنت على اللقاء ياحـب شف لي وسيله ماعاد اطيــق البُعــد ياخي تجننت والشــوق قطــع قلبــي الله وكيله ...... |
رد: فوق هام السحب ( الشعر الشعبي) على متن القوافي
وافين ونخاوي مطاليق وافين
وعمر السنافي مايبيع السنافي ونسري معا ليل الرفاقه مطفين ولا غاب نور البدر مابه خلافي وحنا فلا جات المهمات صلفين ولا نحب الزوبعه في العوافـي ...... |
رد: فوق هام السحب ( الشعر الشعبي) على متن القوافي
كل شي فاني ويبقا سواء فعل الجميل
طيبة الرجال مع ذي قرابه والبعيد الوفاء والطيب والجود والشبر الطويل والمعرفه والجمايل هي الكنز المديد كم بشر كانو وقد غادرو الدنيا الرحيل حد بقا علمه وحد مابقا منه جديد بعضهم ماله مع اهل الوفا مبدى جزيل مايجمل في المواجب وفي ملقا الوعيد ان حضر ون غاب لافرق في كثر اوقليل ون هرج ماحد سمع له ولا هرجه سديد ماهو اخساره ولاهو بربح اولأ ظليل بس فقدانه على اهله امد وقتآ عديد والبعض ذكره مع الناس جيلآ بعد.جيل حي ذكره عند لجواد ماكنه فقيد لا ملك مالآ ولاكن عريق اساس اصيل فعله اينومس علومه وباسه ذي شديد كل ماصكة صدوف الزمن بلمستحيل حل صكات المغالق ولوهي من حديد تفقده ربعه وقومه ويفقده الدخيل يفقدوه اهل المواقف ويفقده العديد خبر الي مايشل الخفيفه والثقيل والجماله ما كسبها ولا الفعل الفريد ...... |
رد: فوق هام السحب ( الشعر الشعبي) على متن القوافي
على الوجه الأبيض والمراجل وطيب الفال
أخذنا من دروس الليالي شهايدنا رخصنا الرصيد المعتبر في بنوك المال و كسبنا من بنوك الجمايل فوايدنا وقفنا على شان الكرامة وقوف جبال و لا غـيّـرت سود الليالي عـوايدنا ...... |
رد: فوق هام السحب ( الشعر الشعبي) على متن القوافي
المواقف عز والصاحب مدد
والمخوه مال والجوده رصيد والجماله ربح والوحده سند والنشاماء كنز للوقت الشديد والوفاء عنوان للوافي وعد مثل ما المعروف ماينساه جيد ...... |
رد: فوق هام السحب ( الشعر الشعبي) على متن القوافي
والله يارفيقي ماعد ادري وش اقول
والوضع ماهو مثل وضعي من اول اجاهد الدنيا من العرض ل طول وارقى على راس الطويله واحول ولا عاد اروح شوي ورجع على طول ان رحت ذي المره تراني مطول ...... |
رد: فوق هام السحب ( الشعر الشعبي) على متن القوافي
لي عيونــن كل ما اغفـت تشوفك
ولي خفوقــن كل ما تنبـض تراك ولي خيالٍ واسعٍ يهـوى طيوفك لو تغيــب اسنيـن ما والله نساك ياملاك الروح انا عاشق وصوفك وروحـي الحيــه مذوبهــا حلاك وعقلي الواله تجنن في شغوفك وقلبـي الولهان ذايب في هواك ...... |
رد: فوق هام السحب ( الشعر الشعبي) على متن القوافي
لي عيونــن كل ما اغفـت تشوفك
ولي خفوقــن كل ما تنبـض تراك ولي خيالٍ واسعٍ يهـوى طيوفك لو تغيــب اسنيـن ما والله نساك ياملاك الروح انا عاشق وصوفك وروحـي الحيــه مذوبهــا حلاك وعقلي الواله تجنن في شغوفك وقلبـي الولهان ذايب في هواك وقلبـي الولهان ذايب في هواك يا ويــل قلبي منّـــك لاحــل طاريك نفسي وهــي نفسي تشــك بـ غلاها أنسى اسامي الناس واغلط واناديك قلبي معــك كـل الاسامـــي نساها ياساكـن اعماقــي انا ميت ن فيك ومشاعــري بالقلــب حُبك خذاها وقلبي مولَـع بك وهايـــم بطاريك وروحي تحبـك حُــب لآخـر مداها ...... |
رد: فوق هام السحب ( الشعر الشعبي) على متن القوافي
ذبحني غيابـك يامــن الروح لك بيت
والقلـب فاقـــد لك من اعماق ذاته بكيــت مــن بُعـــدك عليـا وونيت ونت مصـاب اليــآس دمـــر حياته في كـل لحظـــه لاذكرتــك ووليت اصيــح لك من قلـب واضح شتاته فيك الامل ياللي في القلـب حليت وانت الحيــاه للروح وانت امنياته ...... |
رد: فوق هام السحب ( الشعر الشعبي) على متن القوافي
ودي اخبرهــم على الخاص والعام
وانشرقصيدي لك وهوجس وغني واطلع في التلفاز واعلـن خبر هام هـذا حبيبــــي مالكم دخــل مني انا عشقتـه اي وربــــي عشق تام وعشقــه تملكنــي وحُبــه سكني وقلبي تعلق به وميـت من اعوام وزينه اسر روحي وحسنه غمرني ...... |
رد: فوق هام السحب ( الشعر الشعبي) على متن القوافي
فيـــك الرفاهيــــه لهـا عــــدة الوان
ذوق ودلال وعِــــز واحســـاس راقي اعميت عينـي من هـــواء اي انسان واخــذت قلبــي يا الغـلا من عماقي واشلون ما احبــك وما اكون سكران من خمــــر حُبــك يا لذيذ المذاقي اشتاق لك شـوق المهاجــر للاوطان واعشق وجودك من صميم اشتياقي ...... |
رد: فوق هام السحب ( الشعر الشعبي) على متن القوافي
الصـبــر يا قلبـــي على مُـــر الايام
لاتنطـــوي ياقلــب خليـــك رايق مَنتةلحالك في همومك والاوهام كم يابشر قلبـه مـن الحال ضايق ياقلب هذاالوقت صابك بالاسقام وحمــلك احمــال مَنتـه بِطـايق لاكــن عسى بالصبـر تنزاح الآلام وتنزاح من دربك جميـع العوايق ...... |
| الساعة الآن 08:34 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية