رد: اخترنا لكم
 

‏لا طابت نفوسنا من شيء وأقفينا
لا عود اللي خذاه الموت عودنا

.....

رد: اخترنا لكم
 

‏لا مات الشغف فالادمي كل شي مات
حتى اغلى طموحاته مع الوقت يهملها

.....

رد: اخترنا لكم
 

‏كنت انتقي لعيونها عيون القصيد
‏وأقول دوك عيونها ياعيونها

‏واليوم لا شاعر ولا عندي جديد
‏الشاعرية ناقصه من دونها

.....

رد: اخترنا لكم
 

‏عداك الملام وشرهة الولف يا نزّاح
‏عن دياري اللي منت بأول خسايرها

‏تبعت السراب الين سلمك للمرواح
‏ولديت وعيوني تزوّر عبايرها

‏قنعت وتركتك للزمن والزمن فضّاح
‏على مهله اسرار المخاليق يظهرها

‏بقى لك معي ذكرى ليا غمّض المرتاح
‏تمشط بقايا كبدي بروس أظافرها

.....

رد: اخترنا لكم
 

‏برّاقة الجيد لك سقت القصايد مهر
‏ما تطلبيني رضاك أنت ِ علي تامرين

‏لك التغلّي ولعيوني عليك السهر
‏ ازعل على كل غالي لو علي تزعلين

‏ما يغري البدر طرف ٍ من سناك انبهر
‏عليك كبدي تسيل مْن الوله والحنين

‏أنت ِ من آل الندى ولاّ من آل الزهر
‏ولاّ من الفجر وأنوار السماء تنتمين

.....

رد: اخترنا لكم
 

سنّد على اللي في يده ملك الأملاك
اللي ملوك الأرض عنـده مماليك

اليـا عطى لـو ضدّك العالم أعطـاك
وإليا منع ما أحدٍ من الناس معطيك

.....

رد: اخترنا لكم
 

‏والله ما مثل التوكل على الله
يملا لك الدنيا سعاده وتوفيق

واللي يردد دايم أسـتغفر الله
تلقاه مايدري عن الهم والضيق

.....

رد: اخترنا لكم
 

مصير الأيام تضحك لي وتفرحني
من بعد لوعه وضيقة خاطر ودمعه

والانسان يقضي حياته دوم متعني
والله مجيبً الدعاء في ليلة الجمعه

.....

رد: اخترنا لكم
 

انا عرفت الناس ما اجهل الناس
حتى غدت نفسي من الناس حذره

ماهو لزوم اللي زرع يحصد احساس
احيان تزرع لكن الارض قذره

.....

رد: اخترنا لكم
 

سلفوني وسع خاطر وخلوني اعيش
‏والله ان بعض الليالي تضيق خاطري

.....

رد: اخترنا لكم
 

أنا على وضح النقا صنت مبداي
أموت قبل أفقد مقامي وأنا حي

من تزعله يمناي ترضيه يسسراي
ومن راح من لاشي يرجع بلا شي

.....

رد: اخترنا لكم
 

من لا ملك روس الرياجيل بالطيب
لا يحـسـب أنـه بالدراهـم ملـكهـا

واللي يجنـب لا نصتـه المـواجيـب
يبطي دروب المـرجلـه مــا سلكـها

.....

رد: اخترنا لكم
 

قالو من انت وقلت انا انسان عادي
مجهول عند أهل الرتب والسلاطين

عايش عن ثقال النفوس انحيادي
عندي غناة النفس تسوى ملايين

.....

رد: اخترنا لكم
 

لاتحسب الأرزاق تاتي بحيله
لاجات بالحيله غدت مثل ماجات

ومن لايقدر جيتك لاتجي له
واخذ الحذر من باقي العهد بالذات

.....

رد: اخترنا لكم
 

‏يا مراسيل الغلا ودي سلامي
‏واحذري لا ترجعين الا بردّه

‏بلغيه أشواقي ولهفة غرامي
‏فوق باقة ورد مع زود الموده

.....

رد: اخترنا لكم
 

ما أخترت غيرك وقلبي فيك وصاني
‏إنت دواء النفس غيرك مايداويها

‏يحرم علي حب غيرك واحدثاني
‏ياطب قلبي وياروحي وأمانيها

.....

رد: اخترنا لكم
 

الدنيا تمد الناس بالخير والمكروه
في خيراتها شتى وفي شرها خشره

وسمات البخت لاشافو النور ما غطوه
واقوى رابطه في الزاد والملح والعشره

.....

رد: اخترنا لكم
 

‏اقــول لك شـي ما قلتـه لأحـد مره
ابختصــر لك شعـــوري فيـــه وأقوله

العشق مثل الممات ان جا يجي مره
ياخـذ مساحات قلبـك عرضـه وطوله

.....

رد: اخترنا لكم
 

‏ما يفهم إحساس القلم غير اï»·وراق
‏والكف يكتب ما يحسه خفوقي

‏الصمت يفرض هيبته وسط اï»·عماق
‏ويبعث لي إحساس الغلا في عروقي

.....

رد: اخترنا لكم
 

‏نور الـمساء اللي على طلتك فاق
يقطف من اشواق المحبين باقـه

بينك وبين المساء تحتار الأذواق
سكـر حضـورك نادراً في مـذاقـه

.....

رد: اخترنا لكم
 

عطـني من البومك ولو كان صـوره
‏يسلى بها الناظـر ويضحك ويختال

‏الفقد موحـش والمشاعر غيوره
‏وانا من الثنتين حـاير ومهــتال

‏خـلي سـموّ الشــوق يرضي غروره
‏حـتى يجي له بين اياديك مدهـال

.....

رد: اخترنا لكم
 

جيتك توقعـت الغـلا مثل ماكان
‏واثرك على فرقـاي عجـلٍ ذهابك

‏ادوّ الزلـه معي قـدر الامكـان
‏من شأن تصّـنع من وراها غـيابك

‏ليت الليــالي علّمت عنّك يافلان
‏قدام أعيشك حلم واطرد سرابك

.....

رد: اخترنا لكم
 

لد النظر في عيون اللي يحبّك وشوف
‏اشيا واجد بتعرف ويش تفسيرها
‏
‏ماهو ضروري احبك تنقرى بالحروف
‏عيـون الاحباب تغني عن تعابيرها

.....

رد: اخترنا لكم
 

يوم حزني في ضلوعي التئم
‏هيضته احلام وبيحت الكنين

‏في دويتو شاركت هي وسهم
‏حركو فينا المشاعر والحنين

‏شاعر سطر حروفه من الم
‏راح وخلانا على قاف حزين

.....

رد: اخترنا لكم
 

عيـن بدويه فارقــــه فـي حــلاهـــا
‏تأخـذ من عـيون الغزال التـواصيـف

‏الشعـر كــلـه والـقـوافـي فـداهـــا
‏الرمش فتنه والخشم سلة السـيـف

.....

رد: اخترنا لكم
 

‏يالله إنّك تغفر لمن هو نسى يستغفر
وترحم اللي ما ترك ذريّةٍ تدعي له

بقلمي

رد: اخترنا لكم
 

مرّت علي أيام من دون تحديد
أعيشها كأنّي بسجن انفرادي

أتصنّع الفرحة من بعيد لبعيد
حسّيت بالغربة وأنا في بلادي

حاولت فالفرحة مساء ثاني العيد
وأفرحت من حولي وأنا صرت هادي

ماعاد تغريني طبوول وزغاريد
والعيد كله صار لونه رمادي

بسّام بن عَشق

رد: اخترنا لكم
 

رح للسعة وش دخّلك بالنوايا
مالك بغيب الخلق لك في علنها

وكانك من اللي يبحثون الخفايا
حنا من اللي لا لقاها دفنها

ولا فيه أحد ماله ذنوب وخطايا
لا تشغل العالم ولا تمتحنها

أبك الرجال الكاملين المزايا
اللي يروح ويرجع العلم منها

نوبٍ تزل أقدامهم في قضايا
كانوا يردّون الجهاهيل عنها

.....

رد: اخترنا لكم
 

وجهٍ على راس المواجيب موشوم
ياكيف يرضى بالثرى والعدايم

عينٍ تطاول شهب وتسامر نجوم
لا ما تناظر بالسماء كل حايم

.....

رد: اخترنا لكم
 

يا طارد اللي راح خلّه وملواه
ما يستقيم الظل لا اعوجّ عوده

ولا ينفع الندمان قولة حلولاه
جحرٍ لدغ يمناك لا لا تعوده

مدّ النظر في خلق ربّي تمنّاه
إلى انتقص من حال حالٍ يزوده

الله جعل للمبتلَى داه ودواه
وكلٍّ على عزمات قلبه حدوده

الأمير خالد الفيصل

رد: اخترنا لكم
 

أما تجي حكمة وتغلب على الصمت
ولا التزم بالصمت والصمت حكمة

سعد بن جدلان

رد: اخترنا لكم
 

والله إني مفارقٍ شعر الغزل
بس من شفتك وأنا ببحره غريق

كامل الأوصاف والحسن اكتمل
كمّلك ربي وخصّك بالخليق

من كحل عينك عيوني تكتحل
وإن تناظر بي يجي بعيني بريق

.....

رد: اخترنا لكم
 

سريتك والسّماء ليلة وداع وقلبها مرتاب
‏وخذيتك وجهةٍ عن غربة الأرواح مجهولة

‏ما هو من طبعي أملّ المدينة وأتبع الغيّاب
‏أنا يوم إنّي اتبع ضحكتك لي عام وشهو له

.....

رد: اخترنا لكم
 

‏يمر الحزن في صدري ولا يلقى حضن وأعذار
‏وأفتّش عن عذر واحد ولا ألقى سوى الخيبة

‏تعلمّت الوقوف اللي يبعثر كومة الأسرار
‏وقفت بصف أحلامي وأماني ماهي قريبه

‏على درب الوفاء أمشي وأسكّت قلبي الثرثار
‏وأشيل من الغلا واجد ـــ وأشيل الضيق والطيبه

.....

رد: اخترنا لكم
 

‏تعال والله مالك الا العفو والي راح راح
‏انا ادري انك منت ناسيني وانا ماني خلي
‏
‏انا دوافع غيبتي اكبر من حدود السماح
‏لكن تعال وكل شي صار ف غيابك علي

.....

رد: اخترنا لكم
 

‏معه نفس لاعافت تفارق معاد تشين
‏فلا تختبر صبره معك طالبك طلبه

‏يحبك لكن ما ودّه إنك تعرفه زين
ولا ودّه تشوف الموازين منقلبه

‏ليا صد ماعاده مع الذكريات يلين
لو إن الهوى غلاب ماتقدر تغلبه

‏ولو حنّ له قلبه ورفّت عليك العين
‏يده سكرت عينه ورجله وطت قلبه

.....

رد: اخترنا لكم
 

‏ولا زلت اشوفك بوصلة قلبي الشكاك
‏وانا التايه اللي دل دربه مابين ايديك

‏تسريني انسام الهبايب على ذكراك
‏عساي اهتدي للمفرق اللي يدل إليك

‏مع اني بذلت الجهد كله عشان انساك
‏ما عندي سبب مقنع يخليني اخليك

عبدالله السراهيد

رد: اخترنا لكم
 

طواري الغايب اللي كل ما هبّ الهوى تنتاب
ضميري، والضمير الغايب أصلًا ساس تأنيبه

جذبك لخاطري تفكيري اللي مانساك وتاب
يعاتبك الغلا في بُعدك ويسأل عن الغيبه

نديمي لو تبعدّنا الليالي فالقلوب أقراب
يمر الوقت والدنيا تلهينا ماندري به

تأكد بأنك الحاضر في بالي لو وجودك غاب
ولوّ لرجعتك قيمه يا كل المال أفادي به

.....

رد: اخترنا لكم
 

الغلا اللي كنت اخاف انه يعدّي عدّى
اسرع من الليله اللي مستحيل أنساها

كل ما حبيت لي هامش يصير مبدّى
فالعيون اللي تراب الأرض ما يملاها

.....

رد: اخترنا لكم
 

‏كلّ ما في هذي اللّيله يقوم بدوره
‏ذكريات وهبّ نسْناس ومواري مسرا

‏تكثر أخطاء الحزين إذا اختلى بشعوره
‏ووالله إني بالشعور اللي في صدري أدرى

.....