|
رد: فوق هام السحب ( الشعر الشعبي) على متن القوافي
يامن احبـك خاطـري بالجفا ضاق
وبُعــدك عليا صـاب قلبي بضيقه قلبي قسم بالله يحــرق بالاشواق والشوق في صدري مولع حريقه يامن احبك غيبتك صعب تنطاق قلبي بدونك عايشن وسط ضيقه ماريد تبعد يوم عن ضو الاحداق ولا اطيق بُعدك ولو هي دقيقه ...... |
رد: فوق هام السحب ( الشعر الشعبي) على متن القوافي
يا الله يامن فــوق عرشـــك تعليت
يامــن تدبـــر كل زينـه وشينه ادعيك تغفر لي خطايا اذا اخطيت وتمسح ذنوبي كل ذنبٍ بحينه يارب يااللي لك عبـــدتك وصليت عبــدك لجا لك يا إلهي تعينه ترزقني الراحـــــه علــى ماتمنيت وتملا حياتي بالفرح والسكينه بقلمي |
رد: فوق هام السحب ( الشعر الشعبي) على متن القوافي
الصمت بوح لبعض حالات الانسان
يشــرح لـه أحزانه ويشــرح سروره حتى ترى الشاعر وهو شاعر أحيان يحتاج له شاعـــر يترجــم شعوره وانا بجو الصمت مدمن به إدمان أخفي ورا صمت المحاني كسوره ماحـب احكي ما بقلبي من احزان وصمتي يترجم كبر ضيقي وجوره ...... |
رد: فوق هام السحب ( الشعر الشعبي) على متن القوافي
يارب تعرفني وتعرف نواياي
وتعرف جميع ظروفي المستبده احيان اصيب الراي واضيع الراي واحيان افتح باب واحيان اسده ...... |
رد: فوق هام السحب ( الشعر الشعبي) على متن القوافي
ياقلبي ادري داخلك شي حساس
لاباس وان كانت جروحك كثيره حزنك وضيقك وانفرادك عن الناس صدقني انها بعض الاحيان خيره بقلمي |
رد: فوق هام السحب ( الشعر الشعبي) على متن القوافي
اعط الحقوق لراعي الحق لا اخطيت
وحاول مثل ماتـاخذ الـحـق تعطي مـاهوب عيب ان قلت مخطي وزليت العيب تنكـر زلـتـك وانـت مخطي بقلمي |
رد: فوق هام السحب ( الشعر الشعبي) على متن القوافي
من ينتظر رد الجمايل من الناس
كفه على فعل الوفاء لا يمده واللي يبي له ذكر طيب ونوماس شيٍ يسوي للبشر لا يعده بقلمي |
رد: فوق هام السحب ( الشعر الشعبي) على متن القوافي
الناس ماعادها بالطبع تتشابه
ماعاد بالارض واحد يشبه الثاني تدري متى الشخص مايسال عن اصحابه لا صار حتى مع الاصحاب وحداني وتدري متى الشخص مايشتاق لاحبابه لاصار في قربهم مهموم ويعاني وتدري متى الشخص مايتمالك اعصابه لا صار مجني عليه ويعتبر جاني بقلمي |
رد: فوق هام السحب ( الشعر الشعبي) على متن القوافي
بعض البشـر محتـاج للذوق خبره
عنـدي نصيحه له على مر الازمان المرء باخلاقه وذوقه وفكره وبروعة اسلوبه يصير اجمل انسان بقلمي |
رد: فوق هام السحب ( الشعر الشعبي) على متن القوافي
الطيب جمع ناس لا عرق فيها
والحقد فرق ناس من صلب جدان عمر الردايا ما تمثل ذويها والطيبين اخوان لو ماهم اخوان بقلمي |
رد: فوق هام السحب ( الشعر الشعبي) على متن القوافي
افتحوا باب التسامح عساكم تسلمون
العمر ماهو بمضمون والدنيا سعه انخدعنا بالمظاهر وغرتنا الظنون وضيعتنا كلمة ابليس من باعك بعه ...... |
رد: فوق هام السحب ( الشعر الشعبي) على متن القوافي
فاح القصيد اللي مع هجعة الليل
وارسلت نجمه ساهره في سماها يا معشر العشاق ما عاد بي حيل تاهت دروبي و الأمل في لقاها مهره أبد ماتقرب الشك والميل متربعه في صدر شخصٍ شراها ...... |
رد: فوق هام السحب ( الشعر الشعبي) على متن القوافي
قلبي اللي مايبــي غـيره وسـيـم
ياعيونه .. ياقصيده .. ما اجملـه والله انّي في نعـيم .. وفي نعـيم مِن عَرفـتـه .. ما اذكر إنّي مزَعلـِه "عين"حرفه مُبتَدا اسمه مستقيم والعـرب ... كل العـرب ما تجـهـله والله إنه في حشـى جوفي مقيـم وغير حُبّه .. والله انـي ما أقـبلــه ...... |
رد: فوق هام السحب ( الشعر الشعبي) على متن القوافي
في معزل عن جميع الخلق وازعاجه
م اسمع من الناس لو تكثر لجالجها ما غير اهوجس تقول مضيعٍ حاجه واخذ واسسند على روحي واهرجها وادوج لو كان رجلي غير دواجه ادله النففس لين الله يففرجها ...... |
رد: فوق هام السحب ( الشعر الشعبي) على متن القوافي
اترك الناس فيها مايكفيها
واجتهد في صلاح القلب والسيرة دايم النية اللي ماتصفيها عاقبتـها عليـك الهـم والحـيرة كل نار لها شي يطفيـها غير نار الحسد والحقد والغيرة ...... |
رد: فوق هام السحب ( الشعر الشعبي) على متن القوافي
نقول للمقفي محلل ومسموح
حتى لو انه بـ بالنهايه خذلنا من عادت الدنيا ابتسامات وجروح حنا نعرف اطباعها ما جهلنا اللي بيتركنا على الدرب ويروح لا يبتسم في وجهنا لا وصلنا ...... |
رد: فوق هام السحب ( الشعر الشعبي) على متن القوافي
احيانا الصده عن العالم علاج
ويشهد على قولي كلام السديري ابعد عن اللي قلبه اسود من الصاج وترى الزمن مثل الرحى يستديري ...... |
رد: فوق هام السحب ( الشعر الشعبي) على متن القوافي
يارب و انت بكل ما فيني عليم
سخر لي اصحاب النفوس الصافيه لو شحت ظروفي فلا غيرك كريم وان جارت ذنوبي عساها خافيـه عن كل ذنب استغفر الله العظيم عن كل كسرة نفس اجر وعافيه ..... |
رد: فوق هام السحب ( الشعر الشعبي) على متن القوافي
يقول حمد السعيد فالعتاب
جَرْح قلبي من الصدَّه وقل السؤال و الهواجيس ذيبٍ و يتحوَّف نزّل ما حصلي رقاد في الليالي الطوال وخايف من اتصال فيه أكابر و أَزِلّ ويقول تركي الميزاني في الالم على الهون ياجرح المفارق وضيق البال على الهون ياهمٍ سطابي وقدرته لجل من ملك قلبي من الجال لين الجال وفكيت له بابٍ عن الناس سكرته |
رد: فوق هام السحب ( الشعر الشعبي) على متن القوافي
انـا احبـك ياهوى البـال ، واغليـك
وان غبت عني يالغـلا ضاق صدري قلبـي يحبـك لـو دروبـك تهاليـك وش حيلتي لا صرت مغرور تـدري انت الوحيد اللي احبك واداريـك انت الحيـاه يانبض قلبي وعمري امـر تدلل يالغـلا عند غاليك قلبي يحبك يالغـلا وانت تدري ..... |
رد: فوق هام السحب ( الشعر الشعبي) على متن القوافي
ما درى باللي تكن الضلوع الّا الضلوع
وش تبي تنفعني الناس لو تدري بها اثرني في ضحكة الزيف لي عام مخدوع اتصنعها ولا ادري وش انا ابي بها صاحبي مابعد ونس الليال الّا الدموع معك ياخوف الاحاسيس من تغريبها الغلا له عدة انواع وانت اشر نوع جعل روحي همّها منك ما يبطي بها ...... |
رد: فوق هام السحب ( الشعر الشعبي) على متن القوافي
تسوقنا الاقدار ونسوق الاقدام
يومٍ لنا يحسب ويومٍ علينا للخلف ماننظر والارزاق قدام ومقسومنا الطيّب تحوشه يدينا ...... |
رد: فوق هام السحب ( الشعر الشعبي) على متن القوافي
يا نعمة أيامي ويا حكمة الغيب
يا ألطف مقاديري وأحب الحبايب غيرك خذا معزة القلب بالطيب الا أنت اخذت القلب مني غصايب من دون ليه أرهى حشاي التراحيب ضفتك بقلبي والمحبة وهايب يحبك اللي حب فيك العذاريب من دون ما يعرف لحبك سبايب ...... |
رد: فوق هام السحب ( الشعر الشعبي) على متن القوافي
وليف الروح يا حلو الوصايف
يا بعد من شافت عيوني عيونه ايه احبك غير عن كـل الولايف حب صعب ان الاوادم يفهمونه الغلا لك والمحبه وانت شايـف كيف عذال الهوى منك مغبونه وانا قبلك من دروب الحب عايف لين شفتك واخلف الخاطر ظنونه ...... |
رد: فوق هام السحب ( الشعر الشعبي) على متن القوافي
غديتي على بال القصايد بدون شعور
مثل كلمةٍ دايم على البال موجودة وش العذر يا غصنٍ تعدى حدود السور والأعذار ماتت والمراسيل مفقودة أنا قد خلقت من العتم والغياهب نور مشيت بذهابٍ ما تمنيت به عودة عزاي إن قريتي وصفك اللي ما بين سطور وعرفتي مقامك وإنك الحين مقصودة ...... |
رد: فوق هام السحب ( الشعر الشعبي) على متن القوافي
عيونك الكحلا وخدينك الحُمر
تسوى القمر والشمس والارض جمعه تميزك عن باقي البيض والسمُر فيه اختلاف الله ابدع بصنعه ودي معك ارتاح في باقي العمُر واتأملك في كل سهره وطلعه ...... |
رد: فوق هام السحب ( الشعر الشعبي) على متن القوافي
إن ضاقت أيامك وتحتاج تغيير
لا تظهر الأوجاع والحزن خبّه العمر ضحكه ضيّعتها المقادير وماعاش غير اللي رضا بحكم ربّه دايم تظاهر لـ الجميع إنّك بخير أقل حاجه لو عشان " الأحبّه " مافيه حاجه تستحق الحزن غير وفاة غالي .. أو مرض من تحبّه ...... |
رد: فوق هام السحب ( الشعر الشعبي) على متن القوافي
اصبر على دنياك وإقبل بما جاك
وحبل الرجا خله مباري لحبلك لو تضرب الدنيا من هناك لهناك مالك من الدنيا سوى ما كتب لك بقلمي |
رد: فوق هام السحب ( الشعر الشعبي) على متن القوافي
ما طفت ضوّه ولا عقّد حجاجه
لو تكبّد من ظروفه ما تكبّد كل ما كبرت وجا وقت المواجه ازهمه ويجيك يرثع ويتهبّد يقضي الحاجة وهو بـ امسّ حاجة ويعتق المسجون لو سجنه مؤبّد ..... |
رد: فوق هام السحب ( الشعر الشعبي) على متن القوافي
ذات ليـلـة كنت في قمـــة كسـوفي وإنكــــسـاري
كانت احلامي ليالي ســـــود وافكاري ســــقيـــمة بين ثقل الجــفن والتفكيــــــر في قــــادم نهــاري شلني حلمي وســــافر بي من شـــعور الهــــزيــمة من على بحر العـرب خَذني مع الفُلك الجـــــواري من جنوب افريقيا والصيـــن والهـــند القــــــديمة في ظـــــلام الليل يهدينا سبـــلنا نجــــم ســــاري مبتـعد عـنا وتجمــــعنا مـــــعه قــــــصة حمـــيمة وانتهينا عند شــــــط البحــر في مــــينـا تجــاري من خـلاله تظــــهر اسرار الحضــــارات العظيــمة في قنا حيث انحنى التاريخ للعـــــرش الحضاري واكتسب من شهرته تخليــــد للماضـــــي وقـيمه واعـلنت ضـــفة قنا بوصـــــولنا حـــــــالة طـواري واقبل التجار ينقــون البضــــــاعات الســـــــــليمة واستقــر البــــــحر يتفرج عــلى بائع وشــــــــاري وابتســـم من روعـــة المـــــــنظر وداعبنا نســيمه واشرقت شمس الصــــــباح تغازل الحان القماري وانطـــــلقنا في قــــوافـــلنا تســايرنا العــــــزيمة من هضاب جنوب شبوة سرت لدروب الصحاري حيث لامســـــنا رغيـد العــــــيش وادركنا نعيمه بين ســــاحــــات القصور الشاهقة طال انتظاري راقب امجادي وهي في شاهق الماضي مقــيمة واذهلتني قوة البــــنيان والنقــــــــش الجــداري والسيـــــــــادة وامتلاك الراي بـسياسة حكــيـمة والقرار الصلب للمســـــؤول والعقــــــل والإداري حيث ما يلقى كبــــير البطن فـــ السفـرة ولـيمة تزدحم فيها القوافل عاكـــــــــسة لون ازدهـاري كن شـــــبوة قلب للتـــــــاريخ والميناء صميمه في شــــــوارعها يــــمر العطر في لنفاس عاري والبخور يلقــــح افــــــواج الهباهـــيب العقيمة صرت ذاهـــل ما عــــرفت ان البلد والدار داري وان قبلي ناس عاشوا في الوطن عيشة كريمة يا رجــــال المجــد ما زال الأمل* والحلم جاري دام وانتوا تحــــــملون قلوب حســاسة رحيمة دام وحــــــــدتوا هدفكم والمقــاصد والمـهاري سوف نتـــــجاوز بكم كل الصــــراعات الألـيمة وش جنينا من صــــراع الغاب وقتال الظواري غير ثكلى تستمد الجــــــرح من صرخة يتيمة غير شائب دمعتــــه تفضـــــح وكفّينه تـواري يذرف العبـــــرات من قهر النــهايات الوخـيمة بارك الله مؤتـــــمرنا من يميني لا يســـــــاري واتحاد الصــــــف قوتنا عسـى المولى يـديمه مد لي كــــفك وســـايرني وكتفك لا جـواري ســـــر معي قدام بانمشي بخطوة مـستقيمة وليكن اول هـــدفنا العلم نوجـد شعب قـاري جهلنا هو ذي يعــــززنا بلــــفكار الغشـــــــيمة حين تتـــبدل حقيب العلم بشناط الجــــفاري تذهب الرحمة ونتربى على فعل الجــــــريـمة عودة حقوقي وارضي مطلبي هو واختياري كيف تقتلنا سيوف الجوع والثروة جـــسيمة كم مـــوارد في بلدنا سايبة والشـــــعب داري منشــــأة بلـــحاف والعقـــلة وجنة والنـشيمة والســــمك من كل صنفه أين تخفيه الهـواري والمــــواطن ع الرغيف الحاف يتمنى كـزيمه والسـرائر والخــوافي في السواحل والبــراري كلما راحـت مصـــــائب فاطمة عادت حــليمة مؤتمرنا لو صـــــدقنا با يرجـــــع لي قـــــراري في المـــوارد والمناصب يــ هل لبـــاب الفهيمة أملك العقـــل الرئاســــي وأملك العقل الوزاري وأملك العـــقل الإداري وأمتلك من كل شــيمة بملك الســـــلطة وبتــــحرر وبارد اعــــــــتباري موطني ملكي وانا تاجه وانا حــــــضرة زعيمه عادني بنـــــشد قـــصيد الحب عـ اللون النزاري بعد ما بدعس على روس الشــــياطين الرجيمة أحمد بن فرج الجبواني اليمن |
رد: فوق هام السحب ( الشعر الشعبي) على متن القوافي
اكرمـت فـقر الشـعور من القصيد الجزيل
واسقيت بيض الذوايق مـن دُرر محتواي ابيات شعري تردد جيل من بعد جيل ولا بها يليق شاعر غيري ولا سواي يبقى سهيل القصايد بالقصايد سهيل مزجـت مضـمونها بقوتي وماي وهواي واعطي ضعيف المشاعر لو طلبني بديل افـضل مـن أنه يـحاول يوصل لمستواي انا فــقــط بلتفاته طــوّع المــستحيل وكــل داء فـ الــبلاغه عــالجــه من دواي ناصر الرخيص |
رد: فوق هام السحب ( الشعر الشعبي) على متن القوافي
يا واثق في مشيتك كنك الخيل
انت شموخ العز وانت سنامه نفرح بشوفك فرحة البدو للسيل عشق بدوي يا فرحتة يا غرامه نظرة عيونك تجذب الليل وسهيل والفارس اللي ملك وانته مرامه ...... |
رد: فوق هام السحب ( الشعر الشعبي) على متن القوافي
ماعاد يزعلني جفا بعض الاصحاب
ولا عاد قلبي ينكسر من جفاهم قلبي تعوّد دايم يخسر احباب ولاهي غريبه ينصدم في خفاهم صح الامل ياثر على النفس لاخاب بس العمر ماهو رهينة وفاهم ...... |
رد: فوق هام السحب ( الشعر الشعبي) على متن القوافي
كان في قلبه لقلبي محنيّة
يدري ان الحال عقبه مهوب اللي وكان لي عنده علوم خصوصيّة احضنيها يالهبوب احترماً لي وارسليها عبر الاقمار سريّة هو طبيبي والرسايل علاجٍ لي ولا يواخذني على قلة الجيّة ود عيني مير ماهو بجايٍ لي ...... |
رد: فوق هام السحب ( الشعر الشعبي) على متن القوافي
صف النوايا واذكر الله وترتاح
واللي تشوفه قابله بابتسامه خلك وسيع البال طيب و مزاح ترى الزمن ما يستحق الملامه ...... |
رد: فوق هام السحب ( الشعر الشعبي) على متن القوافي
صب الوجع وأغسل همومك من الدمع
ترى البكا في بعض الاحيان لايق مع عبرتك لا تتخذ منهج القمع الدمعة اللي ماتحوّل تضايق ...... |
رد: فوق هام السحب ( الشعر الشعبي) على متن القوافي
التيس الاجرب فالجبل حك ظهره
قصده يلمع صورة الراعي الخيس راعــي دراهــم مـا معه أي مهره يدور الشهره على صفحة الفيس خلو قصير الباع يذرع بشبره على أساس انه حفيد امرؤ القيس سيل الجبل ما يبطي إلا لكبره لا روح الراعي ولا روح التيس صالح الاحمدي |
رد: فوق هام السحب ( الشعر الشعبي) على متن القوافي
اصبــر على الـــدنيا وقــدر ثمنهــا
ولا تبيــع الاخـــرة لاجـــل دنيــاك بالعقـل تعـرف قبحهـا من حسنـها وبالقلـب تعرف من يحبك ويشناك ان اقبلـت لا تأمـــن العيـــب منهـا وان ادبـرت نـوخ على الله مطاياك الاقــدار ما تعمـي اذا الله دحنـــها والابصار ما تنجيك لو جت منـاياك علوي الباشا |
رد: فوق هام السحب ( الشعر الشعبي) على متن القوافي
العافية والستر مع راحة البال
هذي الثلاث اعدها راس مالي ياللي تقول الغالي اشريه بالمال اللي يجي بالمال ماهوب غالي ...... |
رد: فوق هام السحب ( الشعر الشعبي) على متن القوافي
القناعه كنز في وسط السطور
للسعاده وللحياه الصافيه لو ملكت المال وانواع القصور كلها تنباع لأجــل العافيه ...... |
| الساعة الآن 03:33 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية