رد: فوق هام السحب ( الشعر الشعبي) على متن القوافي
 

عزاز النفوس تعيش في قمة الاحراج
‏من الوقت وظروف الزمن ذاقت المُره

‏ياليتك قتلت الفقر يا يوسف الحجاج
‏عشان الكبود اللي من سنين محتره

....

رد: فوق هام السحب ( الشعر الشعبي) على متن القوافي
 

اكثر اللي ضيّق اخلاقي وفوّر دمّي
‏موقفٍ يوم القيامة ما حسبت حسابه

‏مقدر اعطي حسنةٍ وحدة لبويه وامّي
‏واعطي اللي كنت ماحبّه وكنت اغتابه

....

رد: فوق هام السحب ( الشعر الشعبي) على متن القوافي
 

‏من عقب ماكانت الأيام تجمعنا
ماكنت متصور أنك تبتعد عني

شكراً على كل حاجه مالها معنى
وآسف على الأهتمام اللي بدر مني

....

رد: فوق هام السحب ( الشعر الشعبي) على متن القوافي
 

‏ودي ارد قلبي بالغزل ياغزاله
‏لايسوي سوات اللي يهمّل رفيقه

‏الهوى لذّته في طيشه وفي هباله
‏ولذّة اول شعور وربكة اول دقيقه

‏وجهٍ اللي يشوفه ينبهر من جماله
‏وطلةٍ تجعل الرجال يشرق بـ ريقه

‏ودي امثل مثول المتهم للعداله
‏ماعلي دامني بين اليدين الرقيقه

‏العفو ياشبيه اللي جفل من ظلاله
‏نظرتي في التفاصيل الدقيقه دقيقه

‏انت حتى الذهب يزهاه جيدك لحاله
‏ويتلاشى على غيرك ويفقد بريقه

....

رد: فوق هام السحب ( الشعر الشعبي) على متن القوافي
 

‏اهتديت لباب وصلك وانا عابر سبيل
‏ايْه يازين الهدايه عقب طول الضلال

‏جيت في ثوب البشاره بعد صبرٍ طويل
‏مرحبا يا قالط النور فلاج الليال

‏ردني لمسامر الليل وعتاب الخليل
‏قد خذيت من الغرابيل فصْل من الدلال

‏اثر عاد البدر وضاح والغربي عليل
‏والعمر فرصتْه مره وزينته الوصال

....

رد: فوق هام السحب ( الشعر الشعبي) على متن القوافي
 

قلبي مساك وليلي بشوفتك غير
يااللي غشاك الليل قلبي يحبك

يسعد مسا قلبك انا قلبي بخير
بس انت قلي يا الغلا كيف قلبك

....

رد: فوق هام السحب ( الشعر الشعبي) على متن القوافي
 

‏أجمل عطور الشوق من كف مغليك
‏كنــه يقول امسيت والنور نورك

‏اقلط على دلة غرامك واقهويك
‏واقند قصيد مايبي غير شورك

‏ايوالله ان الغيم يشبه معاليك
‏وان المطـر يــروي ضماي بحضورك

‏تعــال نرسم بالثرى طبعة يديك
‏وارســم على كفي غلاي بشعورك

....

رد: فوق هام السحب ( الشعر الشعبي) على متن القوافي
 

‏لاكثرت علوم العرب فالزم الصّمت
الخوض فالمجهول مابه فوايد

هاذي نتايج مادرست وتعلّمت
من واقع الخبره وزين العوايد

....

رد: فوق هام السحب ( الشعر الشعبي) على متن القوافي
 

لاتوصّي و أنت ما تحتاج في حبك وصّايه
وين أروح ووين أوجّه وأنت في كل النواحي

ما يفرّط فيك غير اللي معه قِلة صحايه
مستحيل إنه يفرّط فيك مستبصر وصاحي

....

رد: فوق هام السحب ( الشعر الشعبي) على متن القوافي
 

ما كل من يضحك سعيد بدنياه
وما كل من يبكي دموعه حزينه

أحدن بكى والكل يدري عن بكاه
واحدن مع الضحكه تحس بونينـه

....