رد: فوق هام السحب ( الشعر الشعبي) على متن القوافي
 

ما رهمت ويانه تگول ماعيش
بَ محگمة القدر طلگنا الأفراح

طيور الخير هچن عافن البيت
وغراب الفگر بمچانهن صَاح

مسودن بختنا وحظنا مشلول
ومن گثر الحزن منهم عَ راح

على الچاهل گبل نتنگب نگاب
هسه يموت أبونا نكول يرتاح

مدام الموت أرحم لليموتون
دمشونه لعد گل أحنا نرتاح

چبار رشيد
شعر عراقي

رد: فوق هام السحب ( الشعر الشعبي) على متن القوافي
 

دنيا بلون واحد مستحيل تصير
قانون الطبيعة اعله الجزر والمد

مو كل بيه بياض ابيض گلب تلگاه
ولا كل لون اسود يعني گلبه اسود

ولا كل التسمعه من البشر يغريك
حرك ساكناته واحكم أعله الرد


شعر عراقي

رد: فوق هام السحب ( الشعر الشعبي) على متن القوافي
 

اكو يعوفك سنين وجنها ساعات
اكو يعوفك دقائق جنهن سنين

اكو مايباوسونك بس يحبوك
اكو رب المباوس بس شياطين

اكو بالكبر بس مو موته عاشو
اكو مو بالكبر بس همه ميتين

اكو جفه انكطع بس موش عباس
اكو ذبحه الشمر بس موش الحسين

شعر عراقي

رد: فوق هام السحب ( الشعر الشعبي) على متن القوافي
 

لو ما صورته بألبوم الاحلام
ما جان انطبع بروح محبوب

المصبرك شنو مادام تعذيب
يسئلني الظنون شبيك متوب

اهز ايدي واكلهن ماكو ربحان
اذا عفته انغلب ويروح مغلوب

لان ماكو وفاء بهاي الايام
وطبع بية من احب ما اشيل مذبوب

ولان عشره زرعتها وكاعها الروح
من اول ما بدت لليوم متعوب

وحرك دم وتعب واهات ودموع
وسلب راحة وسهر ونوم مسلوب

وكل موعد فرح واعياد وياه
وشوف الكون من يروح مكلوب

كل هذا وتكول نعوف وانساه
لا ايوب انه ولا انه يعكوب

شعر عراقي

رد: فوق هام السحب ( الشعر الشعبي) على متن القوافي
 

يَجوّز اشَوّفِكَ هَايّ دِنيَا وَلازِمَ

تِمُر بَينِا صِدفَة وَبيّهَا اشَوّفِكَ يَجوّز

امِوّتَ وَأنتَ مَاكوّ يَجوّز إمُر

جَناِزةَ مِتسّلمَ عَليهَا

وَانتَ تَمشِيّ وَيّا التحِبَةَ يَجوّز

الله يَقوّيَ كلبَيّ وَالزمَ سَوّارِكَ وَاذبَة

يَجوّز تنِصَابَ بَمرضِ وَالدنيَا

تِصغرّ مَا يَطُب ريَتكَ هوّىَ

يَجوّز تِتمَرض حِبيّبيَ وَانِيّ أنِطيَكَ

الدِوّةَ يَجوّز إبَنيّ يَلاعبَ ابنَكَ

بَالدِرابَينّ المِشيّناهَن سَوّةَ

شعر عراقي

رد: فوق هام السحب ( الشعر الشعبي) على متن القوافي
 

بَالليَّل جَرحِي رَطبَ

بَس الصُبح نِاشِف

وَأضحِكَ بكُل قوّتِي

مَاچنيّ ذِاكَ الچنِتَ

بَالليَّل مِترَاجِف

وَالخِوّف مَاكلنِيّ أكِل

بَس مَا مِبيّن أبَد

وَتعِرُفنيّ كُلها القَويّ

بَس بالَصِدُكَ خِايَف

شعر عراقي

رد: فوق هام السحب ( الشعر الشعبي) على متن القوافي
 

شدّه وما تعدت عُمري عدى
ومن يوم الصرت لليوم شدّه

ولله تبهذلت بَس الله موجود
لو ما الله ما اضل ساعه وحده

لأن مَليت من الناس يا ناس
والباب المشَرِع راح اسّده

لا خليت راسي براس مخلوق
ولا خليت راسي عَلى المخده

شعر عراقي

رد: فوق هام السحب ( الشعر الشعبي) على متن القوافي
 

وصيت الهوى يحاچيك
يذكرك باللي ما ناسيك

يمته تحن عليّ وتعود
يمته الله عليّ يهديك

شعر عراقي

رد: فوق هام السحب ( الشعر الشعبي) على متن القوافي
 

‏وَاخْتَارهُ اللهُ العَظِيمُ لِدَعْوَةٍ
هِيَ لِلْأَنَامِ بَصَائرٌ وَثَبَاتُ

صَلّى عَلَيْكَ اللهُ ما سَطَعَ السّنَا
وَتَعَطّرَتْ مِنْ ذِكْرِكَ الصّلَوَاتُ

اللهم صل وسلم وبارك على نبينا محمد

رد: فوق هام السحب ( الشعر الشعبي) على متن القوافي
 

‏يقول طلال الرشيد :
‏المسافة شوق والخطوة جفى
‏والجفى يا سيد احبابي خذاك

‏ويقول مساعد الرشيدي :
‏شوقي مسافة وهمساتي مدار وفلك
‏ ان ماضميتك غلا ياعلني مارتويك