رد: اخترنا لكم
 

مداهيل حبه بين حدب الضلوع العوج
‏مراتع غرام ٍ عن هوى الغير محميه

‏عناقيد ورد العشق بفياضها منسوج
‏سقاها من قنوف الغلا ديم وسميه

.....

رد: اخترنا لكم
 

‏لو خاب ظني بالزمن والمخاليق
ما خاب ظني في جزيل العطيه

نصبر على الدنيا ونصبر على الضيق
وعزومنا من فضل ربي قويه

.....

رد: اخترنا لكم
 

عذوبة الفجر نور البدر لين الحرير
‏آمنت باللي نثر هذا وفيك اِجْمَعَه

‏تشتّتين الفكر مثل السؤال المثير
‏وتبقين في النفس مثل الحجّة المُقنعة

.....

رد: اخترنا لكم
 

‏برّاقة الجيد لك سقت القصايد مهر
‏ما تطلبيني رضاك أنت ِ علي تامرين

‏لك التغلّي ولعيوني عليك السهر
‏ازعل على كل غالي لو علي تزعلين

‏ما يغري البدر طرف ٍ من سناك انبهر
‏عليك كبدي تسيل مْن الوله والحنين

‏أنت ِ من آل الندى ولاّ من آل الزهر
‏ولاّ من الفجر وأنوار السماء تنتمين

.....

رد: اخترنا لكم
 

‏أصون عهد الصداقه وأحفظ مواثيقه
‏وأموت ما خنت عهد اللي مأمني
‏
‏ولا أحب حكي القفا فيني ولا أطيقه
‏اللي يبـي شي في وجهي يقـــابلني

.....

رد: اخترنا لكم
 

‏أنا في رجا الله لو ما تنصفني الأقدار
‏أوقف وانا متسامي وخاطري راضي

‏تهون الحياة من وين ما شفت لطف البار
‏لو يروح حلمي من يدي عشت متغاضي

‏تمنيت شيء وقَدّر الله شيء وصار
‏يعيض الله اللي راح حلمه على الفاضي

.....

رد: اخترنا لكم
 

سكب وصلك على قلبي رذاذ من الغلا والود
وغمرني بالدلال الراقي بأعذب تفاصيلة

أحبك غيث هماله على متن السماء يرعد
واحبك وبْل في صحرى الفيافي دارجٍ سيلة

واشوفك لاوصل فيني الحزن والضيق لآخر حد
سحابٍ يروي احساسي وتنعشني هماليله

.....

رد: اخترنا لكم
 

تروح مْن السنين أقسى السنين وينولد ترحاب
إذا شفتك وحسّيت الليالي معك محفوفة

أضيق و معك تتيسر ظروف وينفتح لي باب
ورحاب الارض تاتيني على البيبان مصفوفة

وهبك الله إلى قلبٍ ماخاف من الزمان شجاب
مدام إنْك الحبيب اللي لغيرك العين معيوفة

.....

رد: اخترنا لكم
 

الصــاحب أليا صار فالطرقه ردي
‏اســـايره حتى انتهـــي مــن طرقته

‏ومن بعدها قص شنبي واقطع يدي
‏إن عـــاد جيتــه لجـــل ادور رفقته

.....

رد: اخترنا لكم
 

معادن الناس ماهي بالسهولــه تبيـن
‏ياكثر الأصحاب دامك في نعيم وسعه

‏لكن الليا منّها جـارت عليـك السنيــن
‏تحمّد الليا صفا من الأربعــين أربعــه

.....

رد: اخترنا لكم
 

مابين هرجة سفيه وبين نظرة فطين
‏تـلقى كـلام الحقيقة وإختصار الكلام

‏مـا يـشـره الطيبين إلا علـى الطيبين
‏والا ضعاف الـروابـع مـا عليها مـلام

.....

رد: اخترنا لكم
 

خيــر الكلام اللــي قليله يدلّك
‏أخير من واجد ولا فيه مضمون

‏بعض العرب هرجه كثير ويعلّك
‏دايم وهو ما بين قـالوا يقولون

.....

رد: اخترنا لكم
 

يا صاحبي لا تنشد الا عن الطيب
‏رغـم الظروف القاســية ما علينا

‏دايـــم وحــنا للهقـاوي معازيب
‏شف كيف هقـوات الرياجيل فينا

‏الطيب يولد من بطون المواجيب
‏وحـــنا وراه مشمـــرين ٍ يـديـــنا

‏ما نعرف الا نمد ونجــود ونطيب
‏هـــذي الخيــارات المتاحه لدينا

.....

رد: اخترنا لكم
 

‏على كثر الوجيه الغايبة عن راسي المزحوم
‏حضر وجهك نيابه عن عموم وجيه غيّابي

‏يعسّ بقاع بالي فيضة جروح ومناقع لوم
‏وينصب له خيام من السهر ويطيّر أسرابي

‏خذاك الحلم من نوم العوافي لين صح النوم
‏وخذاني ليلٍ لا جيت أرقده وقف على أهدابي

.....

رد: اخترنا لكم
 

‏والله أني جيت ماني بمحدودي
‏ماخذك من زاوية طب وتخيّر

‏لين خوفي من مسامير الكبودي
‏ردني لأجيك ضيف ولا مسيّر

‏والغلا زاد وتعدا بي الحدودي
‏وأنت ماترحم كبيرك يا الصغير

‏لعنبو جدك تقول أنك يهودي
‏ماتقول أني برّي وأنسان خير

‏أنت حبك كنه الحكم السعودي
‏ثبته عبد العزيز ولا تـغيـر

.....

رد: اخترنا لكم
 

الصبح ربح وراقـد الصبح خسران
‏حتــى ولوّ ان مرقــده فيه ما فيه

‏واللـــي رفع راسه قبل رفع الآذان
‏شيطانه اللــي صـــافيٍ له يجافيه

‏الليـــل سجن وشقة النـــور بيبان
‏وظروف من ضيّع مخارجه تشقيه

.....

رد: اخترنا لكم
 

‏يشح البخيل وراعي الجود ماينذم
‏لو انه يبيح الكيف قهواك من دمه

‏وانا مايفـــور دمـــي الا ثقيل الدم
‏ليا قام يقـــدح فالنشاما وهو رمه

.....

رد: اخترنا لكم
 

‏ياعلي صب من أحمر الشاي كاسه
‏دام الطبيب يقول ماهو بممنوع

‏الاجـــودي يـا كـثـر شـكـواه راسـه
‏ولا عـاد عـنـده حاجـة تهدّي الرّوع

‏تـستكثـر الــدنـيـا علـيـنـا الوناسـة
‏مـا كنّــها للآدمـي حـق مـشـروع

.....

رد: اخترنا لكم
 

‏لا تحسبون العمر في طول الاجيال
‏عمرك لصــرت ابخير والجو طايب

‏احيان شايب وانت في عمر الاطفال
‏واحيان في عمـر الصبا وانت شايب

.....

رد: اخترنا لكم
 

أصعب شعور انك تمثل على الناس
‏وتظهر قبل حلـــو الكلام ابتسامه

‏ويظهر على وجهك علامه من الياس
‏والضيق له بين الحــواجب علامه

.....

رد: اخترنا لكم
 

‏يوم طاب السهر عيت تطيب النفوس
‏جت من الله وأنا كم كنت محتاجها

‏كنها من حلاها كل ليلة عروس
‏خايفة من عيون الناس وإحراجها

.....

رد: اخترنا لكم
 

دار الزمن حولي وانا في مكاني
حاولت ارجع كل شي لا مكانه

لاكن حسافه مافهمني زماني
ولا فهمته بعدما اسرج حصانه

.....

رد: اخترنا لكم
 

‏يا مُنــادي إذا ناديت فينا شديــد
ودهم بـس والا فأبشــرك بالسعد

كلنـا يد وحــده عنــد رأي السديد
يأمـر الحاضـر الغايب وجاه المدد

عند زحــف الكتايب ما ندبر شريد
من حضــر مننا غطى وما أحد رقد

في حِمَــانا تقَدِّم كُل أُسْرَة شهيديد
قافِلــة خِيرة الجدعــان واَحنِج ولد

وإن قـدرنا عــدلنا وإن نقصنا نـزيد
من طناخة بنــي عمي نسينا العدد

الله اللي خلقنــا احرار ما احنا عبيد
لو تقــوم القيامة ما خضعنـا لاحد

.....

رد: اخترنا لكم
 

‏اصبـر على الـدنيـا وقـدر ثمنهــا
ولا تبيــع الاخـرة لاجــل دنيـــاك

بالعقل تعـرف قبحهـا من حسنها
وبالقلب تعرف من يحبك ويشناك

ان اقبلـت لا تأمـن العيـــب منهـا
وان ادبـرت نـوخ على الله مطـاياك

الاقــدار ما تعمـي اذا الله دحنـــها
والابصـار ما تنجيك لو جت منـاياك

.....

رد: اخترنا لكم
 

يا كثركم يا جعلكم ما تكثرون
‏ياهل الهروج اللي ما منها فايده

‏وقت العوافي تذبحون وتصلخون
‏وقت القسى ماتنطحون الكايده

.....

رد: اخترنا لكم
 

من جـاد لك جـد له وخصـه بتقدير
واحرص على وصله وعطه اهتمامك

وان كان قـصّـر فالتمس له معـاذير
وافـتـح له ابـواب الـغـلا واحـترامك

ما ينـكر المعـروف من يبـذل الخـير
والطيب حـبـله بـين الاخيـار سـامك

.....

رد: اخترنا لكم
 

يالله يامجري تصاريف الاقدار
ياعالمٍ جهري وخافي السريره

اعوذ بك من عثرة الوقت لا دار
واسألك توفيقٍ وحسن البصيره

.....

رد: اخترنا لكم
 

الجرح لا طول يجي فيه التهاب
‏مير التحف عنه العباه الدافيه

‏دور علاجه في الطبابه والكتاب
‏وأحذر تولع ناره اللي طافيه

‏كثر المجامل يورث النفس العذاب
‏لكن لا تجرح نفوسٍ صافيه

.....

رد: اخترنا لكم
 

‏المواقف تكشف الطيبين من الرخوم
وكل طير سـود الايام تكشف برقـعه

.....

رد: اخترنا لكم
 

‏الكنز كنز القناعه والغنى بالنفوس
والحـر عبد المطامع فـي ملذاتهـا

وفقر العقول البلا ماهو بفقر الفلوس
وغنى النفوس الكفاف وكبح رغباتها

.....

رد: اخترنا لكم
 

لك في القمر صوره وله فيك صوره
يظهر تشـابهها باســآليب آخــرى

غاب القمــر وجهـــك يمثل حظـوره
غبت انت يملى خانتك بألف ذكرى

مقــدرت اميــز بين نـورك ونـوره
غاب القمـر غدرى وغبت انت غدرى

لا غبــت عــن قلبــي تشتت شعوره
وتطيب في وصلك جروحي وتبرى

ويـــزورنـي ليـــل اشتيـــاقي وآزوره
وانـثـر صباباتــي مــن الوجــد نثـرى

وإطــلالتك تبعــث بقلبــي ســروره
تلقي ثمان إحســاسه العذب عشرى

.....

رد: اخترنا لكم
 

‏زله لسان الأدمي بعض الأحيان
تقطع علاقات الرفيق برفـيقه

كم رفقه دامت زمان وازمان
عقب المعزه أنتهت في دقيقه

.....

رد: اخترنا لكم
 

‏خلك على النيه تجيك التوافيـق
‏لو أغلب قلوب المخاليق ظلماء

‏اللّه يبل الريق في حزة الضيق
‏لاشحت كفوف المخاليق بالماء

.....

رد: اخترنا لكم
 

الناس في أول لقاء ميه على ميه
‏مشكلتي إني مصيد الناس من بدري

‏عفوي وأعامل عباد الله بعفويه
‏وأطير فيهم وأقلطهم بصدر صدري

‏كم واحدٍ تحسبه ماشي على النيه
‏وتلاحظ إنك على النيه ولا تدري

رد: اخترنا لكم
 

‏ماقِلت أحبك ولا قد قلت ما أحبِك
‏ الحب مالي عيوني وإنت تسواها

‏لو تدري إشكثر تعني لي تعرف إنَّك
‏ آخر أمل في حياتي وأول مُناها

‏يا كثر أحسّ إنْ بِك مني وبي منِك
‏روح قسمها على شخصين مَولاهَا

.....

رد: اخترنا لكم
 

‏فز قلبي لا طرا لي مثل فزة سجين
‏سامعٍ عقب البطى صوت أخيه وشايبه

.....

رد: اخترنا لكم
 

‏يالـيـت القلوب الـبـاردة تنعرض للسوم
‏ابا اشـريـك ياقـلب اجـوديٍّ عـلى بـالي

‏ابا آخذك وقت النوم لين انّي اشبع نوم
‏وارجعك حين اصحى من النوم طوالي

.....

رد: اخترنا لكم
 

‏حـيّ الله اللي لـيامن غبت يفقـدني
‏إلي يـزول الزعل والضيق بـقـدومـه

‏إقـرب وسولف علي لـكنْ لاتنشدنـي
‏مغليك لا شاف عينك ضاعت علوم

.....

رد: اخترنا لكم
 

‏في حياة الناس ماعندي فضول
‏الخلايق يستر الله حالها

‏ادري ان الناس عاقل ومهبول
‏وافصل العقال عن جهّالها

‏يرجح الميزان في حجم العقول
‏ماهو بهندامها واموالها

‏والطيور تطير وتحوم وتجول
‏ولا توقع غير فوق اشكالها

.....

رد: اخترنا لكم
 

‏حظك كبير بصّفة الريش ياطير
‏لك خاطرً ما بيّح الوقت سدّه

‏عطني جناحك بس في حزة عصير
‏ولك وجهي إنه لظلم الليل ارده

.....