رد: اخترنا لكم
 

مشغول عني ليش يا قرة العين
وانا الذي للوصل ما شفت غيرك

من بعد ما عشقك جرى في الشرايين
تهمل محبك كثر الله خيرك

واضح نويت الصد والبعد والبين
وفي سماء غيري تحلق بطيرك

.....

رد: اخترنا لكم
 

انا عليك اشتاق وأقلق واحاتي
العين الاغفت تجيها با الاحلام

منساك لاصاحي ولا في مباتي
اسمر مع طيفك على البال لاحام

يا أول اللي من بدونه حياتي
ماكنهامن ضمن عمري والايام

.....

رد: اخترنا لكم
 

‏طويت صفحات الهوى والتلاقي
‏وقلت أتسلى وأترك الجرح للوقت
‏
‏وألقـاك في قلبـي ولا زلـت باقي
‏قِمت أتامل في رسايلك وإشتقت

.....

رد: اخترنا لكم
 

علمني الليل كيف احلم على كيفي
وعلمني الصبح بان احلامنا تكذب

ارتآح بين الضلوع العوج ياضيفي
أقدارنا من قبل نخلق وهي تكتَب

.....

رد: اخترنا لكم
 

بعض الجروح تروح مع مر الايام
‏وبعض الجروح نموت وفينا اثرها

‏ياكم بنينا من اماني واحلام
‏لكن رداة الحظ الاقشر نثرها

.....

رد: اخترنا لكم
 

‏ليلة وداعه كنها ساعة الموت
‏ودعت روحي والسنين القديمه
‏
‏ماينفع الانسان لافاته الفوت
‏يجلس يقلب ذكرياتٍ اليمه
‏
‏هاتو لي النسيان للصوره والصوت
وهاتو هدوء النفس اكبر غنيمه

.....

رد: اخترنا لكم
 

‏يا سليل القمر عطني من الليل ساعة
المساري مواقد شوق والشوق حامي

الفضاء ما كفى محزون رغم اتساعه
والبحر رغم وفرة ماه مابلّ ضامي

.....

رد: اخترنا لكم
 

وشلون ساقك غرورك صوب ترحالك
‏ما تلتفت في جروحك يا مداويها

‏وقّف وعوّد هذا قدرك ومنزالك
‏وهذي بروكٍ على خبرك مفاليها

.....

رد: اخترنا لكم
 

تسهَّل والسنين تعالج المجروح
‏ويرجع مثل ما كان الشجاع أشجع

‏أنا ماني مثل غيري يجي ويروح
‏أنا مثل العمر لا راح ما يرجع

.....

رد: اخترنا لكم
 

وجهك بحر ورموشك السود سياف
‏وبين الغرق والموت برق وقلاده

‏الشال لا منه تهاوى للكتاف
‏شعرك خطف لون الدجى من سواده

‏ما عاد باقي للجميلات أوصاف
‏خذتي وصوف العالمين و زياده

.....

رد: اخترنا لكم
 

ملاذ الروح وشعورك معي ما تلحقه شكات
‏اعرف ان وجهتك وحده وغيري ما تنبيته

‏تعودني على جبر الخواطر وطيب البسمات
‏وانا لو اشتكي لجدار ماله روح هديته

‏عطيتك عمري الباقي ولا ترجع على اللي فات
‏ترا اللي فات همنً في عيون الناس بقيته

.....

رد: اخترنا لكم
 

العمر وقفات والدنيا دروس وعبر
والعاقل اللي عرف الايام وحمولها

من جادل الجاهلين يضيع له في بحر
فلا تخاطب الناس إلا بمستوى عقولها

ثنتين خذها معك يا من يهمه الأمر
وصى عليها الحكيم لطيب مفعولها

لا تمدح العود لين يحط فوق الجمر
ولا تمدح الناس حتى تظهر فعولها

.....

رد: اخترنا لكم
 

إن شانت الدنيا ترا العمر مقسوم
محدٍ حياته جت على ما يريده

دايم تفائل بالامل واترك اللوم
عش لحضتك واللي مضى لا تعيده

.....

رد: اخترنا لكم
 

احسب اني كل ما طالت المده سليت
واثر قلبي لو يطول المفارق ماسلى

كل ماعرّض خياله على بالي بكيت
آه يا ذيك الليالي وياذاك الغلى

المفارق في المحبه هوينً لودريت
قادرً جرحك يطيب وهمك ينجلى

بس فرقى غالي مات مامثله رأيت
ينبري حالك ونفسك يطاولها البلى


فهد الخضران

رد: اخترنا لكم
 

الا ياحبيبي كلما قلت جابك شوق
تجي تنبش الماضي وتعتب على الفاضي

ترا المشكلة حنا على الأرض وانته فوق
عجزنا نسلي خاطرك وانت مو راضي

بلال الحاج

رد: اخترنا لكم
 

كلما مريت في بالي مرور
تضحك الدنيا ولو هي باكية

بس فيك العنجهية والغرور
ايقضت فيني الجروح الناكية


بلال الحاج

رد: اخترنا لكم
 

يالله يامن تعز العبد والا تذل
انا أحمدك عد ما هبت علينا الهبوب

وحدك إلاهي عليك الرُكن والمُتكل
لاضاقت الأرض عندك ماتضيق الدروب

ياغافر الذنب لاجيتك ذنوبي دبل
برحمتك وانت عارف وش تكن القلوب

بلال الحاج

رد: اخترنا لكم
 

ماتضيق الا على الناس الزحول
ولا تزين الا مع الناس الهمل

وانت وانا ياصديقي ابنطول
الصعايب دام بالله الأمل



بلال الحاج

رد: اخترنا لكم
 

يعم الهدوء ويستثير السكون الصوت
‏وأنا بين صوت العقل واحساسي الجايش

‏ماضيعني وذوقني الموت قبل أموت
‏الا عقلي المتحرّص وقلبي الطايش

‏أشوف الحياة جنازةٍ في بطن تابوت
‏لكني رغم كل الصعوبات متعايش

‏ترا ما أصعب من الموت واللي خلاف الموت
‏إلا الفترة اللي لا أنت ميت ولا عايش

.....

رد: اخترنا لكم
 

‏عذرته وسامحته على كل ماسواه
‏ومديت له يمنى المفارق وودعته

‏احبه و لكن خاطري جاه ما كفاه
‏يكفيني اني لا جرحته ولا اوجعته

.....

رد: اخترنا لكم
 

ليــس الحلا بالحسن والذوق والزين
ولا بلبـــــس المغريــــات الجميلـــــه

بل حسنــك الدايـــم بالخلاق والدين
متحشمــه قــــدوه بنيــــه اصيلـــــه

وما جــوها مايــل لفعـل الشياطيـــن
متــــربيــه واخــــلاق دره فضيلــــه

ونعم بها بنــت الشيــوخ السلاطيــن
وامثــالها فــي الكــــون هاذا قليلـــه

.....

رد: اخترنا لكم
 

يــارب لاتجعلنــي الجـــى لمخلــوق
ولا تخلــي حاجتــي عنــــد واحـــد

اما تعيشنــي وراســـي الـــى فــوق
ولايجينــي المــوت راضــي وحامد

ويــارب لاتجعل حثاله مـن الســوق
تشمــخ علــى كمــن مكافح مجاهـد

ويــارب فرجهــا علــى كــل مخنوق
من حالــة الــدنيا ومـــن كل فاســد

ويـارب ترزقنـي مــن الخير وتفـوق
نفــزع مــع المحتاج ونغيض حاسد

.....

رد: اخترنا لكم
 

بعض العـرب تزهـا عليه الاماره
المعضله عنـده مثل شربة الماي

و بعض العرب كنه محطة خساره
لا نافع الرايـح و لا نافع الجاي

سعد الفعم

رد: اخترنا لكم
 

يا منير عمر لي من التتن معمار
يبرى الغليل اللي على القلب سالي

وإلا رفعت الصوت وأبديت ما صار
من شان تدري ويش ولىّ بحالي

ما اكفاك مني سجتي بعض الأمرار
أنهج جنوب وحاجتي بالشمالي

أركض مع الدنيا كما ركض دوّار
يا ما كسب زندي ويا ما غدا لي

بندر بن سرور رحمه الله

رد: اخترنا لكم
 

الرزق بامر اللي على العرش مرفوع
الله عظيم الشان جزل النعايم

والذيب يصبر كل ماحده الجوع
ويضرب تخاتيخ الخلاء والخرايم

وكثر العتب واللوم والهجر ممنوع
بين القلوب إللي بها الحب قايم

والسب مايبني للانسان مشروع
واهل الشتايم يحصدون الشتايم

‎عبدالله مشاع السمي

رد: اخترنا لكم
 

معاد من جيلي سوى واحد اثنين
قفتبهم غبر السنين السريعه

اللي مراجلهم على العسر والين
ومنزالهم بين الحفر والوريعه

سعد بن سحو

رد: اخترنا لكم
 

طويت الرّشا عن ماردٍ مابهـج ظامـيه
وصدّرت يوم النفس من مشربه طابت

تركته لو ان القلب زود الظما طاويه
ولـو ان كبدي من هـجير اللّظى ذابت

هقينا وخاب الظن في من هقينا فيه
ولا فيه أخس من الهقاوي اليا خابت

هزاع الغميسي

رد: اخترنا لكم
 

الظروف القاسيه تظهر زحول الرجال
كل مانقيت عشره خرج منهم اثنين

من ذكرك بطيب واثني لامن جالك مجال
اعرف انه المحزم الجبر والدرع المتين

.....

رد: اخترنا لكم
 

عـسى بارد الجنّه وحوض النبي والحور
جـزا واحـدن مـوجـعني اليـوم فقدانه

وعسى مجلسه في جنة الخلد منبر نور
يـجـاور بـهـا رب الـسـمـوات سـبـحانه

رحـيـل الأبـو يـتـرك فؤاد الولد مكسور
بعد كان لا ضاقت لقى الأمن بأحضانه

عبدالله بن رشيد الجش

رد: اخترنا لكم
 

يامل قلب ٍ يلوعه طاري الفرقا
كما يلوع الحمام الورق شيهانـه

إن حوّلن حوّلت وإليا رقن ترقـا
متعليّتهـن وهـي حدمه وجيعانـه

على وليفٍ نحا مع روق عن برقا
عليه عيني بصاف الدمع غرقانه

أبوثـمـانٍ رهــاف ودقــةٍ زرقـــا
موتي ولا صدته عني وهجرانـه

.....

رد: اخترنا لكم
 

يقولون لاضاقت عليك الوسيعة غن
وانا اقول لاضاقت عليك اتجه لله

لياضاق صدرك مايداويه شعر وفن
يداويه ذكر اللي بيديه الفرج كله

.....

رد: اخترنا لكم
 

لا ضاع الجميل اللي مسوى على الرديان
ما ضاع الجميل اللي مسوى لوجه الله

.....

رد: اخترنا لكم
 

ياشين شوف الدار من عقبهم شيناه
مداهيلهم ماشفت انا الزول يمشي به

والله لولا الصبر يوم اجحده واكناه
لاصيح واشلع مقدم الثوب وارمي به

.....

رد: اخترنا لكم
 

اجمع له سمان الهرج خوف من التقصير
واليا جيت أبشرح له كلامي تهيزلته


يجيني منه هيبه معزه سحى تقدير
أقابله عندي علم وأروح ماقلته

سعد بن جدلان

رد: اخترنا لكم
 

طرات الرجل لا لحقه من الزمان هموم
ما يدري بسده كود خيرة بني عمه

وسيع البنايد في الشدايد قوي عزوم
لعظك زمانك شال همّك مع همّه

سلطان الهاجري

رد: اخترنا لكم
 

مادام جودات الفتى من ذراعه
فنا طويل الباع مانيب مجهول

ماني امير مير طيب جماعه
سيف لربعي بالمواجيب مسلول

لاقدموني لابتي ظرف ساعه
قدمتهم مقدار خمسة عشر حول

سعد بن هيل الدوسري

رد: اخترنا لكم
 

بعض البشر طبعه مقدر محشوم
وبعض البشر عيب عليك احترامه

والي ستر جسمه عن الناس بهدوم
وش يستره لاصار عيبه كلامه

.....

رد: اخترنا لكم
 

يالله تقديني لدرب الصالحين
اللي مافيهم لا نفاق ولا ريا

وانا فوجهك من وجيه الكارهين
ومْن الرخوم ومن قليلين الحيا

.....

رد: اخترنا لكم
 

الردي لو يستره ثوب وش يستر رداه
دام لايحشم قرابه ولا يحشم وجيه

انصحووه يبيع ثوبه ويشريله عباه
طاح من عين المراجل ولاعادت تبيه

والسفيه ان ما تبلّاك ماتسلم غثااه
حاول انك ماتقرّب يدينك من يديه

صافح كفوف الزمن وابتسم لاجل الحياه
واعلم ان الله اذا حب عبدٍ يبتلييه

.....

رد: اخترنا لكم
 

الرجل مايملى يده قول ياليت
ومايدرك الغايات لو ماطردها

غايتك لو هي في قلوب العفاريت
انزع بيدك قلوبها من جسدها

.....