رد: فوق هام السحب ( الشعر الشعبي) على متن القوافي
 

‏حي المساء اللي نشوفك تجي فيه
ياللي عليك الروح كل يوم توله

يالذ واجمل شي تطري طواريه
ياغاية المشتاق واللي يقوله

....

رد: فوق هام السحب ( الشعر الشعبي) على متن القوافي
 

‏موسوعة*إعيونك دواوين الاشعار
فيها هوى شاعر وفيها ترف ليل

رد اعتبار الشمس لعيون الازهار
يالجادل الرعبوب يافتنة الجيل

....

رد: فوق هام السحب ( الشعر الشعبي) على متن القوافي
 

مثل المطر وصلك يريح الخواطر
ومثل العطر طاريك لامر في البال

يشبه حضورك كبرياء الأباطر
ولو ماحمل قلبك من الكبر مثقال

....

رد: فوق هام السحب ( الشعر الشعبي) على متن القوافي
 

‏والله لو موتي مصيره على أيديك
لاسلمك روحي وانا منك مرتاح

تأمر وتنهى واتعب الحال وارضيك
وحس ان بطلتك تشفي جراحي

....

رد: فوق هام السحب ( الشعر الشعبي) على متن القوافي
 

انت المساء اللي احبه لحالي
وغيره من الاشياء ما همني شي

مسامعي تضمى وصوتك خيالي
امطر عليها من حلا صوتك شوي

....

رد: فوق هام السحب ( الشعر الشعبي) على متن القوافي
 

‏يا لبيه يامن لك بقلبي غلاً مخصوص
‏بسولف عليك ومن كلامي خذ الزبده

‏هنيّ الصغير اللي على ضمّتك مرخوص
‏لاخالف يديك وغـطّ كبدك على كبده

....

رد: فوق هام السحب ( الشعر الشعبي) على متن القوافي
 

‏القاف يسري والمعاني تحاديه
‏والشوق يطغي ويفضحه كل خافي

‏والقلب يسلب مني الفكر ويعطيه
‏ رجف الخفوق و يسمعه كل وافي

....

رد: فوق هام السحب ( الشعر الشعبي) على متن القوافي
 

‏الصمت عن بعض المخاليق حكمه
والشوق مع غدر المحبين ممنوع

من تمدحه اليوم بكره تذمه
تظهر حقايق وينعرف كل مقنوع

والصدمه يلي تعتبر حيل صدمه
بعد الفوات تكتشف انك مخدوع

....

رد: فوق هام السحب ( الشعر الشعبي) على متن القوافي
 

عمر الحكي ماكان له بالغلا دور
وحبٍ ماهو من قلب صعبٍ قبوله

الحب صدق القلب إحساس وشعور
والا الكلام الزين كلٍ يقوله

رد: فوق هام السحب ( الشعر الشعبي) على متن القوافي
 

ياراعي الورد وينك ماتواصلني
هـو خلّص الورد والا يبست أوراقه

لاتحرم القلب حاكيني وجاملني
مادام قلبي هداكم باقة أشواقه

أرسل غرامي واشوفك ماتراسلني
وأعطيك قلبي وزدت اليوم بحراقه

بطل غرورك وبطـل لاتغافلني
الحـب ماهو مواسم داخل أسواقه

....