رد: فوق هام السحب ( الشعر الشعبي) على متن القوافي
 

‏ما كل من يكتب عن الحزن مجروح
‏ولا كل من يكتب غزل صار عاشق

‏خواطر تجي على البال وتروح
‏اكتب عن الاحزان والبال رايق

......

رد: فوق هام السحب ( الشعر الشعبي) على متن القوافي
 

تباهي وغني واضحكي لا يهمك شي
لا مالت ظروفك فيك لك من يعدلها

بتلقين لك في جوف قلبي براد وفي
هنا منزلك والناس تعرف منازلها

ماتقدر تزعلك الليالي وراسي حي
لو تزعلك سود الليالي بزعلها

......

رد: فوق هام السحب ( الشعر الشعبي) على متن القوافي
 

تمايلت خطواتها لبايع الورد
ودَب التنافس كل ورده عليها

تقول للبايع أبي ذي وتْصد
والورد يصرخ يامعزب نبييها

......

رد: فوق هام السحب ( الشعر الشعبي) على متن القوافي
 

دفنت الغرام بخافقي والقلوب أسرار
مشاعر .. هقيت ان الليالي تضيّعها

جحدت الغلا لين أمتلى بـ الخفوق وثار
قصايد عساها اليوم تطرق مسامعها

تكاثرت منك الصد و أثر العلوم ، كبار
لقيتك على نفسي تقلب مواجعها

يقولون ما ودّعك ؟ قلت الفراق وصار
والانسان روحه تنسلب ما يودّعها

......

رد: فوق هام السحب ( الشعر الشعبي) على متن القوافي
 

لله در الظروف وعثرت ايامي
خلتني اعرف حقايق كنت جاهلها

ما تدفي النار بردٍ داخل عضامي
ولا يدفي الكتف حمل فوق كاهلها

اورد على البير واصدّر وانا ضامي
كرامه النفس تنبع من مناهلها

......

رد: فوق هام السحب ( الشعر الشعبي) على متن القوافي
 

هنا عين ماهي لْكل نجلاء وسيعة عين
وهنا عنق يزهى اللولو المنتظم حوله

أنا لا سرحت بصوتك وقلت بالك وين
نسيت الكلام اللي قبل كنت ابقوله

عطيتك حياة أحلامها في رْقبتك دين
وروح ٍ معك عن باقي الناس مشغولة

......

رد: فوق هام السحب ( الشعر الشعبي) على متن القوافي
 

‏جتني تدوش الوطا عنقاً سحاويه
الصبح قدامها والليل خالفها

غيداً تواصيفها ….. ماهي بعاديه
تمشي على كيفها محدن تنكفها

ماعندها لـ القلوب الخضر ماويه
تدوشها بالتغنج لين تتلفها

......

رد: فوق هام السحب ( الشعر الشعبي) على متن القوافي
 

طال العتاب وبارق المعركهه لاح
من قال له كلمه يحصل دبلها

وجات الطعون الي بلا دم وسلاح
وماذاق طعم العافيه من نقلها

وبانت مواري الدمع الازرق ولا طاح
وإن طاح مامر القلوب وغسلها

صار الغلا الي كان يحتل الارواح
جنازةً يمشي بها من قتلها

ماعاد باقي غير كلمهه ونرتاح
وانا استحي لا اقولها وانت قلها

......

رد: فوق هام السحب ( الشعر الشعبي) على متن القوافي
 

قلبي تولع بزينٍ ماله اية مثيل
طاغي حلا كاملٍ في كل شيٍ يبيه

من رمش عينه الى صفة نهوده جميل
ماودك الى تشوفه و اتّلمس يديه

ابو عيونٍ حلاها فايق ومستحيل
لامن نظرته ثبت جسمي وعيني عليه

ودي اعيش العمر معاه لو هو قليل
واهيم به واعشقه واغليه ثم احتويه

......

رد: فوق هام السحب ( الشعر الشعبي) على متن القوافي
 

مرحبا لبيه ياللي وسايدك الجفون
فرشك الـ لبيه والمقربا والمرحبا

الردي من قال لك لاء يا نجل العيون
أبشري برضاك واللي يزعلّك يهبا

عودك المترف تكوّن على أجمل ما يكون
لين ورّد من نعومة وندّى من صِبا

جل من عودك خلق فيه من لين الغصون
ومن سراجيف الجياد ومن أجياد الظباء

......

رد: فوق هام السحب ( الشعر الشعبي) على متن القوافي
 

هيضني الضلع في كبد الثرى راكن
وان حدك الضيم قل للضلع ياسيدي

واركيت ظهري على ظل الجبل لكن
ماجت مواااعيد ظلّه مع مواعيدي

......

رد: فوق هام السحب ( الشعر الشعبي) على متن القوافي
 

شعر عراقي
ابد ما شاف كلبي بيوم راحات
انه شوداني للحب وله راحات

ضلت الولف ضلت وجع راحات
بنص ليل يبدي الوجع بيا

محسن ماجد

رد: فوق هام السحب ( الشعر الشعبي) على متن القوافي
 

‏ياعاشـق القـمًـه لايشقـيـك هـرًاج
‏واصـل طـريقك يابـعيد الهقـاوي

‏در البحر من دونه تهـدر الامـواج
‏وراس الجبل من دونه الذيب عاوي

......

رد: فوق هام السحب ( الشعر الشعبي) على متن القوافي
 

الصبر حكمه والامل يطرد الياس
‏والـجـد والأخلاص قيمه وشيمه

‏والعز هيبه والشرف يرفع الراس
‏والـكـذب سلعه مالها.....اي قيمه

......

رد: فوق هام السحب ( الشعر الشعبي) على متن القوافي
 

اصحابنا ماعاد مروا علينا
ابطوا ولا ادري ويش سبة بطاهم

كان الخطا منا فزعنا وجينا
وكان الخطا منهم دمحنا خطاهم

اما سعوا باللي نبيه ورضينا
ولا سعينا كلنا في رضاهم

وان ما تغاضينا قدر مانسينا
ضاعت روابعهم وضعنا معاهم


مبارك بن عيينان

رد: فوق هام السحب ( الشعر الشعبي) على متن القوافي
 

كم واحد ٍ ضاعت حقوقه على شان
ماعنده اسلوب ٍ ولاعنده اخلاق

دايم يهاجم لو على زلة لسان
ضيع ،،، حياته دوم للشر علاق

ومكارم ،،، الاخلاق هي تاج الانسان
واجره على رب ٍ كفل كل الارزاق

بين ،،، البشر لو مالقى رد الاحسان
ماضاق صدره دام للطيب سباق

بدر الجميلي

رد: فوق هام السحب ( الشعر الشعبي) على متن القوافي
 

الهرجه اللي مابها للعرب خير
تنعاف هي والشّامت اللي هرجها

يضحك على العالم ضعيفٍ معيثير
خيْله مع رجال العرب ماسرجها

واليوم جاك يبهّر الهرج تبهير
علّة عسى المولى يعجّل فرجها

اللي يسب الناس من دون تبرير
ليته سكت والسّالفة ماهرجها


عيد الخمشي

رد: فوق هام السحب ( الشعر الشعبي) على متن القوافي
 

الشدايد ميّـلت عـن كـل وجـه قـنـاعـه
وانكشف زيـف ازهـل ودورني وتلقاني

الـمراجـل طبع ذاتي والجميل طماعه
والمبادي تتضح في الموقف الانساني

عقّب اللي للردى حـط العـذر شماعـه
الله لايـحـوجـني لاشكـاله ولايـحـداني


محمد بن موفي

رد: فوق هام السحب ( الشعر الشعبي) على متن القوافي
 

طلوع المعالي ما يشابه نزول القاع
طواريقنا من شـرّد الفكـر منقيّه

يقول ويطول اللي له الكايده مطواع
قليل السوالف والمواقف حقيقيّه

فداياه عفنٍ لـين يفنى قصيـر ذراع
تضيق الفيافي فيه لا شاف طرقيّه

علومه وضيعه عنده بكل ساع قناع
يضيع القوايل ويتعامل بفوقيّه

سالم الحويمضي

رد: فوق هام السحب ( الشعر الشعبي) على متن القوافي
 

ياللي تناقشني وانا مستحي منك
ماودي اكشف لك ملف الحقايق

اخاف لايجرح ضميرك ويحزنك
ويصبح عليك الصبح مانمت فايق

غالي وحنيتك من الضيق والضنك
وعن مايثير الشك بين الخلايق

واللي من علوم المقاريد يشحنك
تراه يستانس الى صرت ضايق

سلمان بدر الحويفي

رد: فوق هام السحب ( الشعر الشعبي) على متن القوافي
 

يا فاعل الخير لاتحصي وتستكثر
اعمالك اللي لوجه الله تسويها

صحّح نواياك لا زليت واستغفر
تكسب رضا خالق الدنيا ومفنيها

اللي بذكره قلوب اهل التقى تطهر
والنفس بالطاعة العظمى يزكّيها

يافاعل الخير قدّم واحتسب واصبر
والناس مهما تحاول صعب ترضيها


رجا عوض العازمي

رد: فوق هام السحب ( الشعر الشعبي) على متن القوافي
 

لا تخلي ماضي جروحك يهدم احلامك
المصايب ما تطيح الا براس الطيب

جعل يسقئ ياحبيبي يوم كنت حزامك
كل ماضاقت اضيق بضيقتك و اغـيّب

فدوتك ماراح وابشر بالعوض قدامك
ابك انا سقت المصايب لين راسي شيّب

ماقدرت اكافح الضيقه بعز ايامك
كيف تبغاني اكافحها و منت قريّب


علي حامد

رد: فوق هام السحب ( الشعر الشعبي) على متن القوافي
 

حكمة الصمت منها عزة النفس ملت
عزتي للصراحـه والنفوس الصـريـحـه

في زمـنـا الاوادم عـن شيـمها تـخـلت
والنوايا تسودها الوجيــه الـقـبـيـحـه

كـل ماجـامـل الـعـالم تـمـادت وزلت
ان سكتنا فضيحه وان هرجنا فضيحه


محمد بن موفي

رد: فوق هام السحب ( الشعر الشعبي) على متن القوافي
 

‏ترى الغرور يحوّل الرجل من فوق
بين الرجال ايصير ماله مكانه

ابليس يلعب فيه ويحط به عوق
واللي يطيع ابليس يلقى الاهانه

من يفتقد للدّين والطيب والذوق
مثـل الذي خان العهد والامانه

كن الفكر عنده معطّل ومسروق
مثـل البهيـمه راح غلطة زمانه

ابو محمد

رد: فوق هام السحب ( الشعر الشعبي) على متن القوافي
 

صكات بقعا تنطح الأدمي نطح
والرابح اللي معه صبر وعزيمه

ماكل من باع وشرى فاز بالربح
احيان راس المال ربح وغنيمه

والمرجله والدين والخاطر السمح
من دونها الرجال من غير قيمه

ولاهان من يمناه ماتعرف الشح
في سلمه ان الشح ضلم وجريمه


جري بن عبيد

رد: فوق هام السحب ( الشعر الشعبي) على متن القوافي
 

يقولون من خاف القضا جنّب المحراف
تركّد على عمرك ترى العمر له قيمه

وانا اقول ماتسلم من الموت ياخوّاف
لو إنك تموت بدون طقّه وتعليمه

ذليله حياة اللي مايعرف ولا ينشاف
لو إنه بخير ونعمه وراحه مقيمه

عساها فدا راسي وانا اعدّي المشراف
اناطح مقاديم السحاب بمقاديمه


......

رد: فوق هام السحب ( الشعر الشعبي) على متن القوافي
 

مالقيت أمحق مصايد من شفوف النفوس
والنفوس اللي توالف ما كانت تنفره

والشيوخ اللي تخضّع على شان الفلوس
والثريّ اللي يلقّي المواجيب إظهره

والضعيف اللي يحرّك مثل حرب البسوس
والقوي إن هاز حملٍ خفيف ولا إقدره

والكلام اللي ورى درفة الصدر إمحبوس
لا ظهر في غير وقته وهِمّش جوهره


......

رد: فوق هام السحب ( الشعر الشعبي) على متن القوافي
 

‏يا رفيقي ما ورى الدنيا وأهلها طمعه
والأماني ما تحقق حلم للمتحلّم

أجتهد فالدين دام الدين راس السمعه
وأستعن بالله وخلّك للسفر متولّم

حظ من حول لوجه الله تعالى دمعه
وكل ما ضاقت به الدنيا سجد ما كلّم

وتدري الخسران منهو في نهار الجمعه
اللي ما صلى على وجه الرسول وسلّم


......

رد: فوق هام السحب ( الشعر الشعبي) على متن القوافي
 

انا لي ثلاث سنين ضرفي عديم اخلاق
قعد للإماني من عناده يعاندها

تركني رهين هموم مدري رهين اشواق
على حاجتن لي عدة سنين فاقدها

بعد صار من بيني وبين الشفوف فراق
صدوف الزمان الجايره من يجاهدها؟

دروب السعه لو من وراها تعب وارهاق
ابا اروح معها قبل ماروح مع يدها


متعب جريس

رد: فوق هام السحب ( الشعر الشعبي) على متن القوافي
 

ماعاد فينا حيل لمجاهد الناس
من زان زنا له ومن شان شنا

الكفو يربطنا معه مذهب و ساس
ولا ردي الراس .. ماهوب منا

سوالف عيال الهواين وجع راس
ماغير حنا اللي .. وحنا وحنا

قلو هل الافعال والدرع والطاس
و كثرت مرددت الكلام المغنى

سعود ابو ذراع

رد: فوق هام السحب ( الشعر الشعبي) على متن القوافي
 

شرّعت بيبـان المــوده للاقــراب
والراي لن جاء فالصميم احترمته

وانا علـّيه للسـنع بــذل الاسـباب
وليا عـرض منهاج طيب اغتنمّتـه

وإما حصلي فيه موقع ومضـراب
عقّلت مذلـوق اللسان وحشمّتـه

لكـون كثـر الهرج يفتـح مية باب
وأعلاء مراتب هيبتة الرجل صمّته


لاحق العضياني

رد: فوق هام السحب ( الشعر الشعبي) على متن القوافي
 

يارب تلبسني عن الشامـت لـبـاس
عبدك ويخطي والرجاء في سمايحك

يـاللي بـشِـعـرك تشـرح الناس للناس
والناس يعجبـها كـلامـك وتمـدحك

تـرى على مـاقـلـت يـاتيـك عسـاس
وفعلك هـو اللي للرياجيـل يشرحك


بادي النفيعي

رد: فوق هام السحب ( الشعر الشعبي) على متن القوافي
 

يا صاحبي هد الوضع لاتروّع
خل الحكي في داخل الصدر مكبوت

البعض يخلط بالفرض والتطوع
والجاهل أصبح شيخ والعلم مثبوت

ماهوب شرط ابن المطوّع مطوّع
يمكن يجي صايع وضايع وسربوت

‎
.......

رد: فوق هام السحب ( الشعر الشعبي) على متن القوافي
 

يـا ويـل منهو غافـلً عـن صلاتـه
نفسة تـرده عن صفوف المـصلين

مدري وش اللي يرتجيه بحياته
خسران فالدنيا وخسران فالدين

جزا الغيداني

رد: فوق هام السحب ( الشعر الشعبي) على متن القوافي
 

عبيد هو عبيد رغم المشاكل
رغم الهجوم اللي على سمعتي شرس

ناساً تحب السحت تشرب وتاكل
لو يدعون اسلام اذناب للفرس

عبادة الاوثان بس الهياكل
مثل البهايم عندهم ضايع الدرس

ماهمني من قال عايب وشاكل
ابقى عزيز وعزتي نابته غرس

ماهي مثل تركيب بعض النياكل
والا مظاهر مثل زينات العراس


......

رد: فوق هام السحب ( الشعر الشعبي) على متن القوافي
 

كل يبي ياخذ نصيبه وهو حي
ويلقا حسابه عند ربه ليامات

ياصاحبي ركز معي واستمع في
عندي وصيه صغتها بربع ابيات

وصية ماقلتها ارجي بها . شي
ولالي وراهايابيض الوجه غايات

اليا دعاااااك ابليس للمعصيه عي
قله اخااااااف الله رب السموات
‎

عبدالله الضبيطي

رد: فوق هام السحب ( الشعر الشعبي) على متن القوافي
 

اظن بعض المدح شتمٍ وتوبيخ
لاصار ماهو واردٍ في محله

المدح للمطنوخ نسل المطانيخ
اللي فعول الطيب عنده جبلّة

ماقال انا حـاتم ولاقال انا شيخ
لكن فعوله قالت العلـم كله
‎

عبدالله الطلحي

رد: فوق هام السحب ( الشعر الشعبي) على متن القوافي
 

الوداع اللي يقولونه وداع الميت
لاحضنته قبل قبره يحرمك من شوفه
ㅤ
الفراق فراق من عنه المنيه عيّت
خل فرقـا واحد عيّت عليه ظروفـه

......

رد: فوق هام السحب ( الشعر الشعبي) على متن القوافي
 

ياربي على وعدك و عهدك خفا وجهار
نقر بألوهيتك يا رب مـا أشركنا

إليك الرجاء و الملتجاء من عذاب النار
عسى عتقك ورحمتك يا رب تدركنا

......

رد: فوق هام السحب ( الشعر الشعبي) على متن القوافي
 

من لايراني في عيونه تجاره
اراه بعيوني خساره ونقصان

من باعني بعته ولو بالخساره
فرقاه عيد وذلفته خير واحسان

واللي شراني بالوفا والجداره
اشريه بالغالي وجودات الاثمان

الصادق الوافي رضيت اختياره
اقولها واثق ومن قلب ولسان

جنبي وانا جنبه مداري مداره
والناس لي فيهم علامه وبرهان

......