رد: اخترنا لكم
 

انا لامنها تساوت في عيوني الأمور
ما عاد تفرق معي غدت سوا كلها

اللي علي ماتمر اسمحلها بالمرور
لو اني افطن لها ماكني افطن لها

.....

رد: اخترنا لكم
 

‏لا إله إلا انت ياربي وانا مطلوبي
سترك من العالم اللي يحترون الزله

قبل روحي لاتفيض أغفر جميع ذنوبي
وثبّت لساني بكلمة لا إله إلا الله

.....

رد: اخترنا لكم
 

على مرقب العليا عروش الـمراجل كوم
تفضل واخـذ منها متـر في متـر وافـلح

يــروم الـنـوادر واحــدً لانـصـوه الـقـوم
يـحـل القضـايا قبل لايـلبس الـمشـلح

.....

رد: اخترنا لكم
 

لاقمت اتحاشا الناس واقفي شوي شوي
ولاعاد صرت احب اسولف على من شفت

تراني من الدنيا واهلها نفضت يدي
ومن جملة احلامٍ كثيرة قنعت وعفت

ناصر الحمادين

رد: اخترنا لكم
 

الياء اقبلت لك شهب الايام باقبال
عطها نحرك و مقبل الوقت مقفي

ترى السنين حداد و عراض وطوال
و الرابح اللي تالي العمر معفي

من شال هم الوقت وضروف الأحوال
ان عاش فوقه ذاري الجور يسفي

حط الك بصمة طيب في كتب الاجيال
وعمرك سراج تالي العمر يطفي

‎سعد الجذع

رد: اخترنا لكم
 

ياكثر كرهي للعفون اللي مثل شغل النمل
اللي تجمع للـــوريث ولا تـــــسر نفوســها

وياكثر حبي للرجال اللي يلــــمون الشمل
اللي يصادمها الزمان ولا يلـــــــين روسها

الراي يبغاله رجل والحـــمل يبغاله جمل
والطيب يبغاله رجال ماتــــــصر فلوسها

مفلح الرقابي

رد: اخترنا لكم
 

الفجوج اوساع والضيق فالقبر الهيال
والغناة بروج وشموخ الأنظار الدرج

أعرف أنك صعب لا كثر من حولك جدال
وأعرف إنك راس لاطرًف الذيل وهرج

عش معزز لو ماتملك جنيه ولا ريـال
خير لك من شرح ظرفك لفراج وفرج

.....

رد: اخترنا لكم
 

ياصاحبي ماللفقارى بني عم
يوم الغني كلٍ يجيك ابن عمه

.....

رد: اخترنا لكم
 

أنا لاذكــــرت المـــوت وأمفـارق الأحبـاب
تضايقـت ثــم جريــت ونـّه بأثــر ونّـه

ومن حطتـه دنياه مابيـــن ضــرس ونـاب
يذوق المراره والعـــرب لاهيـــه عنّـه

لاشك السعيـد أللي من الذنب عاف وتـاب
توجـــــه لربـه خالــــق النــار والجنّـه

.....

رد: اخترنا لكم
 

لا تزهم المقفي ولا تقول لّه ليه
لا صار مقفي عنك مالك ومـاله

حذراك حتى للنظر في محـاريـه
اجزل عنه جزل الرشا عن محاله

خله يـروح وطول الايـام يرضيـه
ممكن إقفـايـه خير لك من قباله

ما يتبـع المقفين غير المسافيـه
اللي على مـا قيـل زايـد اهبــاله

.....

رد: اخترنا لكم
 

ياهن لو عندك مفاتيح الارزاق
ان كان تقفل باب الارزاق عنا

والرزق عندالله وتيسير الاوفاق
هذا اختصار العلم منا ومنا

حنّا يكفّينا المعرفة والأخلاق
والدين والحكمه وهيبة وطنا

.....

رد: اخترنا لكم
 

الرزق بامر اللي على العرش مرفوع
الله عظيم الشان جزل النعايم

والذيب يصبر كل ماحده الجوع
ويضرب تخاتيخ الخلاء والخرايم

وكثر العتب واللوم والهجر ممنوع
بين القلوب إللي بها الحب قايم

والسب مايبني للانسان مشروع
واهل الشتايم يحصدون الشتايم

.....

رد: اخترنا لكم
 

استر على مابيننا من مراسيل
انا قطت الوصل مع كل الامه

اودعك بالمسك والورد والهيل
موفقٍ مع كل درب ٍويمّه

.....

رد: اخترنا لكم
 

زين المكان بطيب من شاركك فيه
وطيب الديار بطيب منهو سنكها

وليا تغيّر قلب من كنت تغليه
بئس القلوب وبئس منهو ضمنها

كل البشر ماكل شخصٍ بترضيه
بعض النفوس الله يخارجك منها

.....

رد: اخترنا لكم
 

مدري شبلاهم ربعنا مايردون
رد السلام بشرعهم يمنعونه

متعالي المجمول طاغي ومزيون
ويشوفنا في عينه اليوم دونه

لا ياسمي الوالده ليه هالون
مانستحق ياشوق منك المهونه

ليتك تشوف بداخل الجوف مكنون
وتشوف حبك كيف ثبت ركونه

حبي تعدى حب ليلى ومجنون
قيس ان جلس وياي هانت جنونه

.....

رد: اخترنا لكم
 

كل بنتٍ قطعة من قلب ابوها
دمعها يجرح وضحكتها تداوي

ذي حقيقة وانشـد اللي جربوها
قبل تقدِم للزواج إن كنت ناوي

‎.....

رد: اخترنا لكم
 

بيض الله وجه صكات الليالي
بينت معدن قليلين المروه

الله اكبر كم واحد كان غالي
إنقلب ميزان قدره من علوه

يوم جاء للموقف الحاسم مجالي
بان راع الزيف والوجه المشوه

.....

رد: اخترنا لكم
 

من لايثمن جيتك لانصيته
أحذر تحث خطاك يمه وتنصاه

جنب طريقه لاتجي يم بيته
خله على يسراك ومش وتعداه

للي ليا منك نصيته وجيته
يشوش ويرحب ويضحك محياه

أتلى العهد بالهم ساعة لفيته
ألله يطول عمره وعمر شرواه

.....

رد: اخترنا لكم
 

امك وابوك اللي من الصغر ربوك
أحـرص على تقديرهم واحترمهم

يبـغون مـنك المنفعه يــوم جابوك
لاتجحـد المعـروف و الخير منهم

انته لهــم يا طيب الفـــال مملوك
أحـــذر زعلــهم وادفع الشر عنهم

كم مرة في وسط الاحضان حطوك
من شـــان تفــرح لو تكـــدر زمنهم

.....

رد: اخترنا لكم
 

الوقت هذا طبعِه أقشر يروّع
الكذِب له جمهور والصدِق مكبوت

والكفو من ماهو يشوفِه ملَوّع
صار الخبِل له دور والعلِم مثبوت

وقتٍ يهَمّشْ فيه شيخ ومطوّع
ويمجّدون الناس بالكذِب سربوت

.....

رد: اخترنا لكم
 

لاتنخدع بالعالـم المتمصلحـه
مجَوّفين الروس وكبار البطون

لويمدحونك يوم لاجل المصلحه
بعده يذمونك سنين ويسخطون

.....

رد: اخترنا لكم
 

تعال خاشرني ترا الحي للحيّ
الخير خير الله ماهوب خيري

حلفت ما اكنز من حلالي ولاشيّ
كيف اكنـزه وانا ادري انه لغيري

عسى بيـوت ٍ ما لجـدرانها فيّ
تصيبـها دعـوة الاميـر السديري

فلاح القرقاح

رد: اخترنا لكم
 

نشدت لي شايبً عن زبدة علومه
جاوب سّوالي وعينه جالھا لمعه

اربع تھز الصُبور وتكسّر عزومه
جور الولد والفقر والشيب والدمعه

.....

رد: اخترنا لكم
 

العذر عند اهل الوجيه المطاليق
مقبول لو ان الخطأ كبـر ابانــات

مهما حصل ما دققوا فيه تدقيق
من طيبهم كل الدعاوي سهالات

.....

رد: اخترنا لكم
 

الرفقه اللي ماتوثق على ساس
لو جاملوا فيها قصيرٍ مداها

لا بدها من يوم تخرب وتنحاس
بعدين كيف الناس تكسب رضاها

.....

رد: اخترنا لكم
 

مهما بلغت من المكانة بالاعراق
ومهما ملكت أضعاف مايملكه حي

دام الرصيد أصفار في بنك الأخلاق
تأكد إنك شخص ماتمتلك شي

.....

رد: اخترنا لكم
 

ﺗﺪﺭﻱ ﻭﺵ ﺍﻟﻠﻲ ﻳﺠﺮﺡ ﺍﻟﻜﺒﺪ ﻳﺎﺳﻌﻮﺩ
ﺯﺭﻉ ﺍﻟﺠﻤﻴﻠﻪ ﺑﺲ ﻓﻲ ﻏﻴﺮ ﺃﻫﻠﻬﺎ

ﻳﺎ ﻛﺜﺮ ﻧﺎﺱ ٍ ﺗﺠﺰﻱ ﺍﻟﺒﻴﺾ ﺑﺎﻟﺴـﻮﺩ
ﻭﻏﺮّﺍﺕ ﺑﻴﻀـﺎﻥ ﺍﻟﻮﺟﻴـﻪ ﺇﺗﺨﺘﻠﻬـﺎ


...

رد: اخترنا لكم
 

لاتهمل صلاتك واغتنمها مدامك حي
من اهمل صلاته والله ان عيشته ودْره

لو ان عنده امن المال مالً مهوب شوي
لايمكن بكثر المال يشري سعة صدره

.....

رد: اخترنا لكم
 

إن طاب حظك باعلك وإشترالك
واذا تردى فاطيب أرياك يعميك

وان طاب حظك في المجالس حكالك
وليا تردى الحظ قام وحكى فيك

وان خاب حظك آه وعزتالك
راحت عذاريب العرب كلها فيك

وإذا تردى الحظ عزي لحالك
أدنات مابه ناقص العقل يذّيك

.....

رد: اخترنا لكم
 

ماهو بشرط النور نور المصابيح
النور والله نـور قـلـب وبصيره
.
ترى طراة العمر ذكرٍ وتسبيح
دام البنادم بين طـاري وسيره

.....

رد: اخترنا لكم
 

للرجل لامنك عرضت العزومه
لا تحرج الرجال في كثر الاديان

اعزم وجوب وفرحةً في قدومه
وليا رفض معذور والعلم نيشان

ترا العزومه فال ماهي خصومه
تقدير ويقدم من إنسان لنسان

الناس كلاََ وسط صدره علومه
وفلان ظرفه يختلف عنك يافلان

.....

رد: اخترنا لكم
 

بعض الخلايق مثل الافعى والحنشّ
يتصيّد العثرات ويبثّ السموم

وبعض الخلايق مثل حرّك تبتلشّ
تمزح معه ويجيك فالعجّه يحوم

وبعض الخلايق لايهشّ ولاينشّ
لاينطح الغاره ولايقضي اللزوم

ياراسي الشامخ تنصّب وانتعشّ
واللي يطيح يطيح جعله مايقوم

.....

رد: اخترنا لكم
 

تلاث مذمومه وضايع سندها
على ردي الحظ ماهي غرابه

زلة رفيقٍ فالمحافل قصدها
وطعن القريب اللي يخون القرابه

وااللي من الثنتين امرْ وادها
اللي يخون الدار وقت الحِرابه

.....

رد: اخترنا لكم
 

تدري وش اللي يرفعك عند مولاك
والحاجه اللي تجعل الناس تغليك

لا زانت اخلاقك وطابت نواياك
وثابت على نهجك وصادق مباديك

وتدري وش اللي ضر دينك ودنياك
لاشانت اخلاقك وبارت مساعيك

والناس من حولك تذمك وتشناك
وخاب الرفيق اللي هقى هقوةً فيك

.....

رد: اخترنا لكم
 

الكذب ما احبه ولا اطيق راعيه
ولاتنبني بيني وبينه علاقه

اللي لا سولف قام ينفخزعلابيه
وليا بحثت العلم مقطوع ساقه

اللي يزوٌرْ هرجته وش تبي فيه
قلعة سواليفه ومطيب فراقه

رد: اخترنا لكم
 

لا شانت الدنيا وشفت الغرابيل
والصدر ضايق من هموم المعاصي

صل الصلاه الخاشعه تالي الليل
واسجد بقلبك مع سجود النواصي

وازبن على اللي رحمته تسبق الويل
ما خاب منهو جاه تايب وناصي

اللي عليه المغفرة والتساهيل
رازق جميع الخلق داني وقاصي

.....

رد: اخترنا لكم
 

من قصّة آدم وحنّا ابليس معمسنا
يالله يارب لاتبحث خفايانا

ياكثر مانذنب ونخطي على أنفسنا
وياكثر مايغفر الله من خطايانا

لولا الشيم والقيم والدين يحبسنا
يمكن تغيّر سذاجتنا سجايانا

وسلوم اهلنا من الماضي يحسسنا
بالواجب على دربه مطايانا

.....

رد: اخترنا لكم
 

ياللي عزمت الضيف وتقول عيا
الضيف يفطن للعزيمه لياجات

شكله يعرف انك عزمته كذيا
بعض العزايم مثل قولة خدمات

.....

رد: اخترنا لكم
 

هـذا زمـان الي يـغـره زمانـه
من طيشته يشوف محدٍ بقده

وده يجي مكان ماهـو مكانه
والناس حتى فالرخا ماتعـده

ماعنده امجادن تثبت كيانه
لاذكر ابوه ولا ذكر فعل جده

.....

رد: اخترنا لكم
 

‏من لا صحى من صكت الوقت لا دار
ما عاد يصحي لو تدور الدواير

ومن لا قراء معنى الاشاره باالانظار
ما عاد ينفع لا انفضح له سراير

الحر يفقس بيضته عزم وإصرار
ولا ضف ريشه يعتلي الجو طاير

.....