منتديات قبائل شمران الرسمية

منتديات قبائل شمران الرسمية (http://vb.shmran.net/index.php)
-   المنقولات الأدبية (http://vb.shmran.net/forumdisplay.php?f=153)
-   -   اخترنا لكم (http://vb.shmran.net/showthread.php?t=88208)

الحمدان 04-29-2025 01:43 AM

رد: اخترنا لكم
 
اختر خوة الي لا عطتك الظروف آيعاز
هبد صدره وحرر قيودك من الضيقه

خطوى نادر ماهوب يزمل ولا ينهاز
في نظرت عيونه حلمك تشوف تحقيقه

واترك خوة الي لا بدا لازمك ينحاز
تقول آدْمي ٍ متوكد من تفافيقه

عسى الي يثمن وقفت الطيب المعتاز
يفاجى بشيك يربك البنك تصديقه

.....

الحمدان 04-29-2025 01:44 AM

رد: اخترنا لكم
 
لمحت جرح الثرياء في ظلام الليال
يوم اشتكت نجمة الاحلام من جرحها

انا ادري انك حقيقه في رفوف الخيال
واكبر دليل الغبار اللي على سطحها

.....

الحمدان 04-29-2025 01:45 AM

رد: اخترنا لكم
 
وقفنا على باب الأمل وقفة المحتاج
ورجينا كريمٍ ماهو يصكّ بيبانه

يناجيه عبده وما يردّه سحا واحراج
ويطلبه من فضله ومدّته واحسانه

عسى مِقبِل الأيام يسر ورخا وافراج
وعسى ما مضى يمحاه عفوه وغفرانه

.....

الحمدان 04-29-2025 01:47 AM

رد: اخترنا لكم
 
الصباح اللي يجي مع طلته لك سـيره
أشهد إنه صبح متميز ولاهو عادي

والغيـاب اللـي يطول ولاحصل تبريره
يشغل افكاري وروحي تفقدك وتنادي

.....

الحمدان 04-29-2025 01:48 AM

رد: اخترنا لكم
 
الصبح به ميزات عن كل الأوقات
ماتـشمل اللـي للفجر مايقومون

دقايقه تمضي تتابَع سبوقات
يظفـر بها اللـي للفرايض يؤدون

واللي يبي يشوف هذي الفروقات
يقوم ويصلي مع اللي يصلون

.....

الحمدان 04-29-2025 01:49 AM

رد: اخترنا لكم
 
مادام الحياه موليه والعمر محدود
ونا مسلم ومومن وربي معافيني

ابا اتبع هوا نفسي وبطلب من الله زود
ولامت عسى الله من النار ينجيني

.....

الحمدان 04-29-2025 01:51 AM

رد: اخترنا لكم
 
قربك من اهل الطيب فيه المكاسيب
تـجـني ثـمـرهـا بـالحـيـاه الكـرامـه

ان جـيتهم يطربك زيـن الـتـراحيب
وان رحـت عـنـهم ودعـوك السلامه

واهل الردى قربك من بيوتهم عيب
لأجـيـتـهم ماشلت غـيـر الـمـلامـه

مايـنـكـرون افعالهم بالاصـاحـيـب
عـدوان تبغـى لرفيق انهـزامـه

.....

الحمدان 04-29-2025 01:52 AM

رد: اخترنا لكم
 
سرينا سرينا ياخويي حداني الضيق
علي الطواري ي احمر العين مجتمعه

يغلوي فوادي يبن ابي مثل غلو بريق
ولا باقي الا شوي واسيل الدمعه

شعفني هبوب بقيق من يوم جيت بقيق
وانا ادرى على المنقود وادرى على السمعه

.....

الحمدان 04-29-2025 01:53 AM

رد: اخترنا لكم
 
سقنا الهقاوي الى العليا وساقتنا
عزايم من ظروف الوقت مالانت

وان جات زلة رفيق من رفاقتنا
ماضاقت اخلاقنا منها ولاشانت

الا لامنها تعدت فوق طاقتنا
نصد والنفس لاذلت ولاهانت

حتى ولو نرجع وترجع علاقتنا
لايمكن انها بترجع مثل ماكانت

.....

الحمدان 04-29-2025 01:54 AM

رد: اخترنا لكم
 
لو كان نحسب كل زلـة وتقصير
كـان البشر ما فـيـهم اللي نـوده

عيش وتعايش في حياتك مع الغير
وإذا أرتـخى حبل العلاقات شـده

ومن لا يبي شوفك عسى فاله الخير
مـن راح لا تـطـرد وراه وتـرده

.....

الحمدان 04-29-2025 01:55 AM

رد: اخترنا لكم
 
يافاطري حني حنينك بلاحيك
كلٍ رقد وانا اخر الليل واعي

في ديرة الاجناب والله لاضريك
بالمبرك الصّفره وعقل الذراعي

.....

الحمدان 04-29-2025 01:56 AM

رد: اخترنا لكم
 
أنا ويش ابا بالرفقه اللي ماهيب اتدوم
علاقـة مصالح وآخر الوقت منـتهيـه

جدايد علاقتها عزايم وحب خشـوم
وبعد ما انتهت مالحيةٍ قالت إلّحيـه

.....

الحمدان 04-29-2025 01:57 AM

رد: اخترنا لكم
 
لا صارت الخوه هروج ومناقيد
ماللي وراها يابن الاجواد حاجه

ان كان ماللطيب فيها مواريد
طارت مع اللي طيرتها العجاجه

.....

الحمدان 04-29-2025 01:58 AM

رد: اخترنا لكم
 
نصون العهود ونحفظ الود والتقدير
ولاتخلف الدنيا واهلها مبادينا

تطمن ياراع الخير ماحاصل الا خير
ترانا على هقوات منهو هقى فينا

.....

الحمدان 04-29-2025 01:59 AM

رد: اخترنا لكم
 
الخبل لامنه تجرا على النــاس
قـام يتـبعج بالمجـالس خبالــه

أما نقل لـه هرجةٍ مالـها راس
والا صنـع لـه كذبةٍ من حلالـه

.....

الحمدان 04-29-2025 03:07 AM

رد: اخترنا لكم
 
ماهو بشرط النور نور المصابيح
النور والله نـور قـلـب وبصيره

ترى طراة العمر ذكرٍ وتسبيح
دام البنادم بين طـاري وسيره

.....

الحمدان 04-29-2025 03:08 AM

رد: اخترنا لكم
 
اليا أبليت بكملتن مالها علاج
عوجا وجاتك من عوج صد منها

دور لها يامحكم الشور مخراج
ولا تنشد اللي جابها عن ثمنها

مانته مكلف بين ناقل وهراج
أرفع مقامك يابيض الوجه عنها

.....

الحمدان 04-29-2025 07:27 PM

رد: اخترنا لكم
 
فكر بحالك وانتبه في خطاياك
حاسب ضميرك لاتمادى بعيبك

الموت ماتقدر ترده اليا جاك
وماقدر المولى لزومٍ يصيبك

خلك على اللي يرفع الراس ممشاك
وتواضعك للناس من زود طيبك

واحذر من التقصير في حق مولاك
وابعد عن اللي في حياتك يعيبك

.....

الحمدان 04-29-2025 07:34 PM

رد: اخترنا لكم
 
صواريخ العيون النرجسيه
رمني من هدبها واوقعني

هدفها تقتل النفس البريه
الا يالله بها لاتمتحني

.....

الحمدان 04-29-2025 07:35 PM

رد: اخترنا لكم
 
اجمل ثلاثه شـفتهم في حياتي
الورد والبسمه وطيش المحبين

واسوأ ثـلاثه ياعساها ما تاتي
الضيق والدمعه وتفريق شخصين

.....

الحمدان 04-29-2025 07:37 PM

رد: اخترنا لكم
 
‏وش ذنب من حبك وهو ما يشوفك
والقلب من طول المسافات مفجوع

اكتب على صــدري بــداية حـروفك
والقــلب دقــاته من البـعد موجــوع

.....

الحمدان 04-29-2025 07:52 PM

رد: اخترنا لكم
 
مساء يمر بغير شوفتك ينعاف
يالذت أيامي وياوأحلا مسائي

يافرحت أللي بالزمن شاف ماعاف
من يوم شافك باألوجود استراحي

قلبي عليك من ألغلا يرجف أرجاف
ألا ملكته من جميع ألنواحي

.....

الحمدان 04-29-2025 07:54 PM

رد: اخترنا لكم
 
لا تعشقين القصيد ولا تحبينه
إن كان عندك وفاء حبّيني لحالي

حتى طريق المحبة لا تمرينه
خليه ما دمتي تمرين في بالي

.....

الحمدان 04-29-2025 07:54 PM

رد: اخترنا لكم
 
‏لك منزلٍ بين الرجا والتمني
ولك دعوةٍ مافارقت قلب ولسان

ادعي عساك تكون فيني ومني
عل وعسى مايملكك غيري انسان

.....

الحمدان 04-29-2025 07:55 PM

رد: اخترنا لكم
 
يوم إنها قامت تخطّى على الطين
والريح يعزل ثوبها عن جسدها

قلت ابعد النظرات ليسار ويمين
من خوف روحي لا يجيها جهدها

وما ابطت بي الدعوى وانا الدّ بالعين
إلين عيني وقعت في نهدها

.....

الحمدان 04-29-2025 07:56 PM

رد: اخترنا لكم
 
‏لاشفتني في قمة الضيق اناشدك
عن وجهك اللي يفتن ابعد عباتك

تسعدني عيونك عسى الله يسعدك
وانه يسهل لك جميع امنياتك

.....

الحمدان 04-29-2025 08:06 PM

رد: اخترنا لكم
 
تـرى الـغـلا يـاخـذه من يستحقه
وانت استحقيت الغلا حق في حق

غلاك مثـل الـبـحـر كـبـره وعمقه
وحبك اغـزر مـن غـزارته واعـمق

سيطر على غربي خفوقك وشرقه
وصار له فـي حـانـيـه حق مطلق

في الثانيه يخفق لك الفين خفقه
ويصير في بعدك من الضيق اضيق

محدن حـكـم قلبي غـرامـه وعشقه
الا انت مدري كيف لـك خافقي رق

.....

الحمدان 04-29-2025 08:07 PM

رد: اخترنا لكم
 
خلك معي لآخر محطات عمري
حسبة يتيم تكفله من ضياعه

وأمانتك روحي وقلبي وقدري
صنها ترى الوافي يصون الوداعه

.....

الحمدان 04-29-2025 08:09 PM

رد: اخترنا لكم
 
‏أيش اجــبرك تبعد وانا خاطري فيك
والله جــريمــه يا عديــــم المشــاعر

هجـــرتني وانا احبــــــك واغليــــك
وكســرت فـــيني والقسـم كل خاطر

ياســاكــن اعماقـــي انا مـيتن فـيك
والقلــب يا قـلبي عليــك انـت ثايــر

ليتــك تداري قلـب بالصــدر يبـغيـك
وتصــون قلبي مــن جـميـع الكسـاير

.....

الحمدان 04-29-2025 08:17 PM

رد: اخترنا لكم
 
‏سلموا لي على اللي غاب وأخلى مكانه
‏عقب ماغاب وأحوالي ماهي مستقره

‏له بعمري كيان وله بقلبي مكانه
‏ما نقص منها لو كان مثقال ذره

‏ودي استرجع اللحظات واجلس وزانه
‏مبطي من السعاده والفرح والمسره

‏مستعد أهجر العالم وأضّحي عشانه
‏واحد تل خفاقي على حين غره

.....

الحمدان 04-29-2025 08:18 PM

رد: اخترنا لكم
 
عمر المسافه ما تعيق المحبين
ولا تنهي الاشواق بعد المسافات

يبقى الغلا والشوق لو هم بعيدين
في قلوبهم مصدر جميع المسرات

.....

الحمدان 04-29-2025 08:20 PM

رد: اخترنا لكم
 
قالت احبك والغلا في كياني
يمطر طيوفك شوق واحساس وشعور

كنك ملكت اللي مضى من زماني
تامر على قلبي ولبيك بسرور

الله عليك ياذيب حبك بلاني
وادخلتني واحات للحب وقصور

.....

الحمدان 04-29-2025 11:05 PM

رد: اخترنا لكم
 
‏الصمت يغني عن كثير من الكلام
‏والحظ ياحظي من القلب جافل

‏راحت ليالي العمر احلام واوهام
‏كتاب عمري من عنا الشوق حافل

.....

الحمدان 04-29-2025 11:06 PM

رد: اخترنا لكم
 
‏كم جابني الشوق ملهوف على بابك
وانا اردع النفس في بعدك واعزيها

إن جيت للجد ما اقوى لحظه غيابك
هذي حقيقة شعوري مقدر أخفيها

.....

الحمدان 04-29-2025 11:06 PM

رد: اخترنا لكم
 
فنجال قهوه و ابتسامه و سعة بال
تلقى المساء يروق لو كنت ضايق

لا تقول مالي خلق و تـكدر الحال
وحاول تعيش من التفـاؤل دقايق

.....

الحمدان 04-29-2025 11:08 PM

رد: اخترنا لكم
 
فقدنا وجيهٍ شوفها للمريض علاج
عسى الله يِجمعنا بها يوم غفرانه

عليها ولو طال الزّمن بالضلوع خلاج
عيونٍ تذكرهم من الفقد سَهرانه

.....

الحمدان 04-29-2025 11:09 PM

رد: اخترنا لكم
 
ارحب بعد حان المساء واقلط تعال
الـبيـت بيتـك و المـيانـه طـايحــه

اصب لك فنجال من صفر الدلال
اللـي مـبهرهـا غـلاك وفـايـحـه

.....

الحمدان 04-29-2025 11:09 PM

رد: اخترنا لكم
 
يارفيع الذّوق يالعذب الخجول
يا شبيه الحلم وأبعاد الخيال

ياربيع العمر في كلّ الفصول
عانق أسراب الغلا شوق وتعال

.....

الحمدان 04-29-2025 11:10 PM

رد: اخترنا لكم
 
النيه الطيّبه مــن طيـــب منبعهـــا
وكلّن على قدر طيبه يسرج خيوله

مـثل القصيده يدلّـك طيب مطلعها
عنها وتبقـى بكـل لسـان مقيــولــه

.....

الحمدان 04-29-2025 11:11 PM

رد: اخترنا لكم
 
‏ما فيه قلبٍ من أحداث الليالي سليم
ولا فيه شجره نسيم الريح ما هزها

على النقا والوفا والعز والله كريم
تعيش وتموت نفس الذرب في عزها

.....


الساعة الآن 11:09 PM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية