رد: ديوان شعراء السعودية في العصر الحديث (متجدد)☘️☘️
 

قصيدة صديق اليوم
الشاعر: محمد بن عمار محمد بن عمار
#العصر الحديث
#المملكة العربية السعودية
0
47 مشاهدة

أرعد سحاب القاف وأشعل بواريق

بتار سيفه، له شطورٍ رقاقه

وإنتل قلبي، له من أقصى المعاليق

نتل الرشاء للدلو، وأقفا بساقه

يرجف بصدري مثل طارالمخافيق

في يد مدعوج الرموش الدقاقه

يوم العرب للعرف، باعوا تفاريق

شريت بالجملة وصنت العلاقة

وبنيت بيتٍ مع جميع الملاحيق

أطنابه ضلوعي وصدري رواقه

على النقاء مافيه، شبهة مطافيق

مبني، بعهد الله، ومحكم وثاقه

وترى صديق اليوم حظ وتوافيق

يدري بها العاقل وراعي الحماقه

أحدٍ يصون الود، وكل المواثيق

ويسعدك. لوشوفه يجي بالشفاقه

وأحدٍ بكبدك مثل وسم المطاريق

يكويك، بالضحكة، وكثرة نفاقه

رد: ديوان شعراء السعودية في العصر الحديث (متجدد)☘️☘️
 

قصيدة المرثية
الشاعر: محمد بن عمار محمد بن عمار
#العصر الحديث
#المملكة العربية السعودية
0
46 مشاهدة

آآه وآجض قلبي من صروف الدهر

جضّة اللي مريضٍ والمداوي كواه

هزّني صدمةٍ إرتج منها الصدر

ونشف ريقي ووقفت كلمتي في اللهاه

في نهار الأحد،، جاني شنيع الخبر

من غشيمٍ فجعني، ربنا ماهداه

قال ابن سعيد مات اليوم قبل الظهر

في طريقه قبل يبدأ وضوء الصلاة

قمت أطوّح بصوتٍ منه جاري حضر

ينشد أهلي محمد يالربع وش بلاه

ودمع عيني سبقني بالبكاء وإنتثر

غرّق الخد، وابتلت ثيابي معاه

مابكيت إعتراضٍ للقضاء والقدر

ماكتب تم، وكلٍ بيذوق الوفاة

الصبر ياجماعة وين أنا والصبر

ماقويت الصبر ياناس ويش السواة

كل حبٍ عفيفٍ صار بين البشر

لو يجيبون مثله، مايساوي غلاه

ومايجي عند حبه نقطةٍ في بحر

حب في الله صادق الله اللي عطاه

رد: ديوان شعراء السعودية في العصر الحديث (متجدد)☘️☘️
 

قصيدة صباح الذوق
الشاعر: محمد بن عمار محمد بن عمار
#العصر الحديث
#المملكة العربية السعودية
0
43 مشاهدة

صباح النور ياوردٍ زما في غصنه الممدود

صباح النسمة اللي في شذاها ريحة الجوري

صباح الفل ياغصنٍ تلاعب به هبوب النود

صباح الحب يابدرٍ زها، من شدًة النوري

صباح الطير إذا غرّد بلحنه، والعباد رقود

صباح المهرة اللي تنعسف والشعرمنثوري

صباح الذوق، يا طلعت رضيعٍ توها مولود

تغشّاها بوجنتها، جمال الزين والحوري

صباح الورد ياقطرة ندى حطت على العنقود

وهّلت دمعها فوق أخضر الأوراق معصوري

صباح الخير ياشمسٍ بدت بين الغيوم السود

كما عذراءً زهت بحجابها والجسم مستوري

أنا، جيتك وأنا، كلي وله بالخافق الموعود

بتعذيب الفراق، وكلمتينٍ تجرح شعوري

أبا أصبّح عليك، بريحة الكادي ودهن العود

صباحٍ بالذهب في صفحة التاريخ محفوري

أروّض قلبي اللي في غرامك باذلٍ مجهود

وأهّدي ثايرالعبرة، حسب عرفي ومقدوري

كفاني ماجرالي، من تباريح الغلا المجحود

سهر ليل وشقا عين وطوال الوقت مقهوري

على هاللي حصل واللي بيحصل من عذابي زود

أقول إن الصبر طيب ولوهو زاد مخسوري

فراقك هم.! تبكيه العيون، وخافقٍ ملهود

وقربك عيد إلى منه حصل لي صرت مسروري

عذابي من عيونٍ رمشها في حده المحدود

أشوف الموت إذاأغضت داخل النظرات محشوري

ألا، يافتنة العشاق...! آية، ربي المعبود

تجلت صنعته، وأثني عليه الحمد مشكوري

أحبك.! يشهد الله والليالي، والنجوم شهود

أخاف الحب يظهرني، إلامن زاد عن طوري

عليّه حلف.؟ لوشافك غريرٍ في المهد ممهود

نطق لك، يذكرالله.! من جمالٍ فيه مبهوري

ولوشافك قمر شوال ليلة عيده، المعهود

يغيب..! ويجبر العالم تصوم اليوم بالزوري

رد: ديوان شعراء السعودية في العصر الحديث (متجدد)☘️☘️
 

https://diwandb.com/images/poets/por...om_c0ftcrh.jpg



قصائد : الشاعر متروك حاوي العنزي

الشاعر/ متروك حاوي العنزي شاعر سعودي تاريخ الميلاد 3/7/1379 العقيلة حائل حاليا الحدود الشمالية عرعر كتب الشعر بالعشرينات من عمره.

قصائد الشاعر متروك حاوي العنزي

رد: ديوان شعراء السعودية في العصر الحديث (متجدد)☘️☘️
 

قصيدة قصيدة الشيخ دحام بدر الهذال في قبيلة المضيان
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
579 مشاهدة

أثني على من للثناء يستحقون

والمدح يزها في عيال الحمأيل

الناس تاخذ والمضيان يعطون

وايدينهم طالت على كل طايل

اللابة اللي بالمواجيب يوفون

نعم الرجال معربين السلايل

تاريخهم ماخالفه ريب وظنون

واضح وضوح الشمس والشك زايل

اللي بهم من سالف الوقت مبخون

وتميزوا عن باقي عيال وايل

عون لمن ظن وهقا فيهم العون

وباللي نصاهم يكسبون الجمايل

لاجاهم اللي يشكي الضيم والهون

شالو حموله لو حموله ثقايل

نعم الرجال وباللوازم يسدون

والطيب فيهم له شهود ودلايل

عوق الخصيم وبالوغى يستميتون

ولايتقي من شرهم كل عايل

العزوة اللي عزها والي الكون

مثل السيوف المرهفات الصقايل

لاجردوها باللقا مايهابون

ولايحسبون حساب كل القبايل

كم فارس برماحهم صار مطعون

من عقب ماوروه نجم القوايل

خلوه وقت الحرب خاسر ومغبون

وباسبابهم شاف الشقا والهوايل

عذروبهم عن جارهم مايصدون

واقوالهم متبوعة بالفعايل

باللي يجيهم يفرحون ويهلون

والضيف عنهم مايدور بدايل

ماهو غريب وفيهم الطيب مضمون

لو تنضرب فيهم جميع المثايل

نعم بهم تنقال مره ومليون

والمرجلة ماتنوخذ بالسهايل

رد: ديوان شعراء السعودية في العصر الحديث (متجدد)☘️☘️
 

قصيدة ردي: على الشيخ دحام الهذال
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
463 مشاهدة

ياهاجسي حضر لي الشعربفنون

ابي اتفنٍ في هجوس المثايل

للشيخ دحام اكتب القاف مضمون

وقله عن التقصيرعندي دلايل

لوكنت داري يابيض الوجه ماكون

عنك اتأخر ياعريب السلايل

رد الثناء واجب وانا منك ممنون

ياالشيخ سترمنقضات الجدايل

انتم محيط الطيب والناس يدرون

وانتم كسبتوا وافيات الخصايل

من سالف أيام الزمن وانتم العون

بعدالكريم وفيكم الشك زايل

كم من كرمكم تاخذون وتحطون

انتم ذوايب للكرم والجمايل

على شواهيق المكارم تعلون

ياهل الكرم ياطيبن الفعايل

يومنها بالسيف والرمح مسنون

ترمون من فوق الرمك كل عايل

كم طاغيٍ قدامكم راح ممهون

بعد السطر ذاق العنى والهوايل

عوّد وقلبه يحمل الرعب مكنون

واصبح مسالم يوم شاف الصمايل

من خوان بتلا كم تجندل ومطعون

خلوه ماعنه عريبٍ مسايل

بالمعركة في عجة الخيل مد فون

قضوا عليهم كاسبين النفايل

اجديع لامن هد في قوم يفنون

كم عدل بفعله عن الدرب مايل

اقسى من الفولاذ لاحل في كون

في هدته يشفي قلوبٍ غلايل

ومشعان في علمه مع الناس مبخون

الشيخ كساب العلوم الجزايل

حليم لكن لاغضب منه يخشون

أعداه عن دربه تجوب المسايل

عقيد قومٍ بالمواقف يسدون

بني سهيل أحفاد بشر ابن وايل

الناس تاخذ وانتم الي بتعطون

أمثالكم ياشيخ والله قلايل

رد: ديوان شعراء السعودية في العصر الحديث (متجدد)☘️☘️
 

قصيدة الله عليك اطف نار داخلي حيه
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
432 مشاهدة

قالولي انك تبي شوفي ولك نيه

وانا لعب فيني الوسواس من قولك

خليت الأفكار بي موجب وسلبيه

تضاربت حول نظرت عيني لزولك

ان شفت عينك بكت حل العطب بيه

وان شفت ثقرك ضحك ضحكة من حولك

الله عليك اطف نارٍ داخلي حيه

تحت ركام الهموم وسرمجهولك

شف شف هنا بالصدرطفلٍ مهوليه

ان رحت يبقى يتيم بصدري وهولك

يفقد حنانك وتطري له طواريه

ثملٍ بحبك وطول فيه مفعولك

صرت الهوا والحياة وقوته وميه

الله يجبر مصابه كان مايطولك

رد: ديوان شعراء السعودية في العصر الحديث (متجدد)☘️☘️
 

قصيدة سراب الفيافي
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
430 مشاهدة

سراب الفيافي ليت تروي جفاف العين

ترجاك تروي من سرابك فيافيها!

اشوفك نهاري اتبعك واتوارى حين

أقرب على حروت مواردك تخفيها

يمرالنهار وتختفي شرهت الضامين

الاليتها مايبسة كبد ضاميها

أشيل الغضب وحط من دونها حدين

ويحل المسا وتحتلني رغبتي فيها

أناكنت اقرر بس يذهب قراري وين

لواصدرت به جملة قرارات يلغيها

غلاه أنسكن وسط الحجريفلقه نصفين

أجل ياعواذل كيف قلبي يجافيها

لك الله ياقلبٍ تحملت شين وزين

عواذل وناسٍ ماتقدر ونغليها

رد: ديوان شعراء السعودية في العصر الحديث (متجدد)☘️☘️
 

قصيدة ياناشدن عني
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
393 مشاهدة

ياناشدٍ عني من عيال وآيل

ألي لهم في قمة المجدعنوان

عنوانهم بالمجد قول وفعايل

بأفعالهم تشهد لهم كل الأزمان

ويلان لا عدة علوم الصمايل

يبقون بالقمة لهم بالفخر شان

حنا الكبار مطوعة كل عايل

حنا هل التاريخ من عصرعدنان

وقفاتنا بين القبايل جزايل

نعطي ولانطلب من الناس الأحسان

حنا الرواسي والرواسي قلايل

حنا شواهيقٍ علت كل طوفان

ماطا لنا من عابر الوقت طايل

راسين ما هز الرواسي بنا أنسان

كانك سئلت اناعطيتك دلايل

عن من أكون أعطيك ماني بخسران

مرفوع راسي وافيٍ بالخصايل

الساس وايل وأنتمائي مضيان

مضيان لاعدة علوم الأوايل

له تنحني روس المشايخ وفرسان

ماضين بفعالٍ عظامٍ جلايل

يوم أنها بالرمح والسيف شامان

الياتنادوا في ضهور الأصيل

كم واحدٍ قدامهم راح منهان

خلوه يمشي منه العقل زايل

مذهول بعدالغطرسة صابه اجنان

انعاش راسه مايدور حصايل

اوريحوه من الشقاء في خبركان

واليوم حنا عن سموم القوايل

بإلفي نرقد وارضنا أمن وامآن

من فضل ربٍ بالعطا له فضايل

ثم الملوك اهل العدل واهل الأيمان

سنة محمد مارضوله بدايل

تبقى إلى ماله نهاية بالأوطان

املوكنا ألي كاسبين النفايل

دستورهم من سالف الوقت قرآن

رد: ديوان شعراء السعودية في العصر الحديث (متجدد)☘️☘️
 

قصيدة كل يوم احس انك تغير
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
349 مشاهدة

كل يومٍ أحس انك تغير

يتضح لي عملت أمرٍ خطير

وانت طبعا مخير لامسير

بس واجب على أمرك تستشير

من سئل نال رشده ماتحير

الضرير أنسئل ولا البصير

خذ نصيحة مجرب ياصغير

المجرب مع الجاهل خبير

يرشدك في طريق الخير خير

وكل أنسان له عقل وضمير