رد: اخترنا لكم شعر نبطي وفصيح
 

الطيب حظ وله جناحين ويطير
نوبن يصيد ونوب يعود ما صاد

وليا بذلت الجهد من دون تقصير
الحر حر أما لحق صيدته عاد

.....

رد: اخترنا لكم شعر نبطي وفصيح
 

من باب تقدير العلاقه والاصحاب
ومن باب عادات السلوم القديمة

ومن باب ستر الربع قدام الأجناب
محشوم لو ما انت بكفو للحشيمة

.....

رد: اخترنا لكم شعر نبطي وفصيح
 

‏حبيبي ترا الخط المباشر عليه ازعاج
‏لكن مبغي الا اسمك ورقمك وعنوانك

‏والله العظيم انك حبيبي ولا يحتاج
‏ولا اقدر على صدك وبعدك وهجرانك

.....

رد: اخترنا لكم شعر نبطي وفصيح
 

‏تبون الجديد اللي كتبته وانا مابغاه
لكن القريحه ما لقت ما يحمسها

جديدي ما اقول الا ياصبر العرب صبراه
على اللي ليا جاها يخرب مجالسها

يصدون عنه وكل واحد يبا فرقاه
تلافا في بعض علومه اللي يحوسها

يفصل على كيفه ويدبك على عمياه
ولا يدري انه دابل الناس ف انفسها

إليا زانت الهرجه بجدها مع المثناة
هوايه ولازم كل ليله يمارسها

يا جعله فدى اللي تكسب الطايله يمناه
منومس بني عمه ونفسه منومسها

رفيق حكيم ليا لقى له خلل يرفاه
جهوده على ما يرضي الله مكرسها

كريم وفي ما يكنز المال في مخباه
ودايم علاقاته على الطيب مأسسها

.....

رد: اخترنا لكم شعر نبطي وفصيح
 

اكـيد ما لشـوق طــب وعقاقـير
الا بشوف اللي له القلب يشتاق

ولا عنه لاحميه ولاشي محاذير
حسبي عليك الله ياداء الاشــواق

.....

رد: اخترنا لكم شعر نبطي وفصيح
 

‏مايقند راسي غير الهيل والبن الاشقر
‏ومايقند روسكم غير رشفة الفنجالي
‏
‏في مسائي كلن يقول الحض متعثر
‏الا انا امشي واضحك مع الناس سالي

.....

رد: اخترنا لكم شعر نبطي وفصيح
 

‏تقهو يا نو ر عيني من دلال الغلاء
خذلك من الكيف فنجالن يعدل المزاج

ومقداع تمرت خلاص ومعه صحن حلاء
في مجلسن لطفش يانور عيني علاج

.....

رد: اخترنا لكم شعر نبطي وفصيح
 

‏دام الهوى والشوق عذرك وعذري
ودامي أحبك حيل وأشتاق لقياك

كلمة أحبك حيل تشرح لي صدري
وبالذات لاجت ياحبيبي من شفاك

.....

رد: اخترنا لكم شعر نبطي وفصيح
 

مداهـِـيل ذگرىً شُوفَها للضِمـير علاج
عَليهـا السـّـلام وصــَادِق الودّ ما أمَلـّه

.....

رد: اخترنا لكم شعر نبطي وفصيح
 

الوفاء صار بين الناس شبه معدوم
فرطوا فيه مدري مات ولا اختفى

قبل نلقى الوفي اللي يسد اللزوم
بـركه لا لقـينا اللـي يرد الـوفى

سفر الدغيلبي