رد: اخترنا لكم شعر نبطي وفصيح
 

يازين السكوت ان صار ماللسوالف راس
وياحلو الكلام الصايب اللي على حله

.....

رد: اخترنا لكم شعر نبطي وفصيح
 

يارب تسعد ضايـق الصدر والبال
عجل فـرج مخلوق بالحيل ضايق

بدل عسر دنياه في يسر الاحـوال
وعسى مزاجه ويـن ماراح رايـق

آمين

رد: اخترنا لكم شعر نبطي وفصيح
 

اجمعوا كل الأماني مع الثلث الاخير
وارسلوها بين سجدة وترديدة دعاء

ما تخيب الدعوة اللي لها ربٍ قـديـر
يا تجيكم بأعظم الخير يا تدفع أذى

بقلمي

رد: اخترنا لكم شعر نبطي وفصيح
 

‏حتى لو ان اوضاعنا دون في دون
والناس ثار سلاحها من يديها

بخير دام عندنا من يقولون
متى الصلاة وكم باقي عليها

.....

رد: اخترنا لكم شعر نبطي وفصيح
 

‏ركعة وتـر في تالي الليل تغنيك
عن ما جمعته في حياتك من أموال

من فضلها يمكن من النار تنجيك
يوم الحساب وتصفيت كل الأعمال

آمين

رد: اخترنا لكم شعر نبطي وفصيح
 

‏احفظ لسانك لابلوك المعاثير
والكلمة اللي دون ميزان خفها

يجوز ترمي كلمةٍ دون تفكير
والصبح سودان القلوب تخطفها

عبدالرحمن بن بديع

رد: اخترنا لكم شعر نبطي وفصيح
 

‏طال الزمان وبان فرق الرياجيل
لا واحسافه هقوتي في بعضهم

مرضى القلوب محاربين المشاكيل
اصعب مرض ما ينتعالج مرضهم

محمد أبوعبيه

رد: اخترنا لكم شعر نبطي وفصيح
 

‏سبحان من يعطي قـبول المخـاليق
وسبحان من يفرق عطا عبد عن عبد

بعض الأوادم شوفها يجلي الضيق
وبعض الأوادم شوفها يدبل الكبد

ضويحي العماني

رد: اخترنا لكم شعر نبطي وفصيح
 

‏لوضاقت الدنيا بها حل وافراج
لابد من عسرٍ يجي فيه تيسير

اشتك على اللي يطلبه كل محتاج
الواحد اللي عنده الرزق والخير

والصبر خله لك طريقه ومنهاج
ان كان تبغالك معزه وتقدير

مولاك يجعل لك من الهم مخراج
الرازق المعطي ولي المقادير

سعود عايد العلوي الحربي

رد: اخترنا لكم شعر نبطي وفصيح
 

‏الوقت ما يضمن على الزين والشين
والناس فوق الارض جايع وشابع

اهل الكلام حدود سـبعة مـلايـين
واهل الـفعـول نـعـدّهـم بالاصابع

سلمان بن دبسان