رد: فوق هام السحب ( الشعر الشعبي) على متن القوافي
 

‏إنت الحروف اللي كتبها قصيدي
‏فيك المشاعر ساكنه داخل الروح

‏يفداك عمري والفؤاد وريدي
‏ياللي تهيض داخلي لجلك البوح

....

رد: فوق هام السحب ( الشعر الشعبي) على متن القوافي
 

‏وطن مْعَزّي؛
‏وفي ذرى عياله العزوة..
‏
‏سنبقى على العهد نرعى الذمم
‏حُماة البلاد حُماة العلم

رد: فوق هام السحب ( الشعر الشعبي) على متن القوافي
 

ماجيتك ألعب بالمشاعر وأخليك
وماجيت لأجل أستغفلك وأستغلك

كيف أنشغل عنك وأنا منشغل فيك
ليت الشعور اللي بقلبي وصل لك

....

رد: فوق هام السحب ( الشعر الشعبي) على متن القوافي
 

الله عطا بعض العرب ذوق واسلوب
زين بل عقل ويـجذبك في كلامه

مملـوح بـالـفطره وللناس محبوب
لبى خـفـوقه لاضحك بابـتـسامه

....

رد: فوق هام السحب ( الشعر الشعبي) على متن القوافي
 

أحدن لـو إنـه زاد قدره وشانه
لاغاب تلقى من يعـوضك ودّه

وأحدن إليا من غاب يبقى مكانه
لو تجتمـع كل البشـر ما تسدّه

....

رد: فوق هام السحب ( الشعر الشعبي) على متن القوافي
 

‏يا عديل الروح يا حلو الوصايف
‏يا بعد من شافت عيوني عيونه

‏ايه احبك غير عن كـل الولايف
‏حب صعب ان الاوادم يفهمونه

....

رد: فوق هام السحب ( الشعر الشعبي) على متن القوافي
 

الصاحب الي تل قـلبي وبه هـمت
وبسبته مـانمت باليـل سهـران

يمكـنك انـي بالمـحبه توهـمـت
والي يتوهم يصبح اليوم خسران

‏زرعـت فـي قلبـي غـلاك وتمكنت
‏وأول حصادي منك صده وهجران

‏دنيـاك ماتسـوى على غيبتـك أنـت
‏يـامـولــع بـالقلـب حسـره ونيـران

....

رد: فوق هام السحب ( الشعر الشعبي) على متن القوافي
 

‏بيتن عجبني ياعرب يقعد الراس
رضى البشر يا ناس ماهو فريضه

اعيش جوي واترك الناس للناس
مالى ومال اهل العقول المريضه

....

رد: فوق هام السحب ( الشعر الشعبي) على متن القوافي
 

ستر المواجع داخل القلب راحه
‏لو يمتلي صدري بها ماتكلمت

‏ماهو جديد القلب يخفي جراحه
‏ولاهو غريب الضحك مهما تألمت

....

رد: فوق هام السحب ( الشعر الشعبي) على متن القوافي
 

‏الوقت قاسي ومنة النفس مقهورة
‏والحزن في وقتنا القاسي يحاصرنا
‏
‏يالله وان جاتك الدعوات مكسورة
‏افرد جناح الرضا واجبر خواطرنا

....