رد: ديوان شعراء السعودية في العصر الحديث (متجدد)☘️☘️
 

قصيدة شبه تذكار
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
145 مشاهدة

الله من قلبٍ عليل ومحتار

مارتاح يومٍ من عنى الهم سالي

ضاقت عليه بناظري كل الأقطار

يرف له بين الضلوع اجتوالي

لولا ضلوعي كان من ضيقته طار

حقيقةٍ ماهو كلامٍ خيالي

على وليفٍ مالفت عنه الأخبار

أبعد وخلاني وحيدٍ لحالي

هاذي دياره ممحله بعد الإزهار

وهذاك منزاله من الناس خالي

ما باقيٍ منها سوا شبه تذكار

حتى الملامح غيرتها الليالي

وقفت فيها وتفكر بما صار

بأطلالها وأنظر بها كل عالي

لي فيه ذكرى واتسلى بالأشعار

وأنااعرف أني عنه ماني بسالي

أقفت به الايام واولاد الاشرار

والبعد عذب حالتي عزتالي

حسيت زاد الوجد في قلبي النار

احرق لهبها مابقى من احتمالي

خلاص مالك ياالأمل باقي اثار

ودي اعيش بوحدتي وانعزالي

رد: ديوان شعراء السعودية في العصر الحديث (متجدد)☘️☘️
 

قصيدة ياهلي ارحموني
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
140 مشاهدة

ياهلي ارحموني من شد يد العذاب

وش تفيد الحياة بدون شوف السعاده

والسعاده غدت بعد الحقيقه سراب

ولحترق زهر عمري ويش ينفع رماده

يكفي اني سجين الحزن والأكتآب

من سنينٍ بها حضي تبين سواده

انقفل باب رحمتكم ترا فيه باب

باب منهو تكفل في مشا كل عباده

ودي امشي على ماريد دامي شباب

ودي آصل بقلبي صوب غايةمراده

ما تفيبد الوعود ولايطيب الصواب

وانتظاري يزيد اشواق قلبي زياده

كن بالقلب يطعني شطير الحراب

لاتذكرت حب الي ملكني وداده

واهني من يشوف الزين بعد الغياب

والله اني على لاماه شفقٍ شهاده

رد: ديوان شعراء السعودية في العصر الحديث (متجدد)☘️☘️
 

قصيدة صدفة وجابتني
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
134 مشاهدة

صدفه وجابتني على حدبابك

اما انت حي الظيف ولا اقفل الباب

في موقفي محرج وعاطني جوابك

في لهفتي واقف على الباب من صاب

قال العفولي مين حضرة جنابك

قلت الذي جابته الأقدار وانصاب

عندك وحنا ماحسبنا حسابك

بس القدر ساق القدم والبخت طاب

واغظى بخرسٍ سود للخدشابك

يوم ابتسم لي ونظر طعنة أحراب

طعن خفوقي قلت ياقلب صابك

هذا مقدر كل شيٍ له أسباب

صابك ومكن في صميمك صوابك

وحيا بظيفه بس من بعد ماشاب

رد: ديوان شعراء السعودية في العصر الحديث (متجدد)☘️☘️
 

قصيدة سفيه الشعر
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
133 مشاهدة

بكا سفيه الشعر بدموع شيطان

ينحب على الماضي تعقدوريده

يلطم على وجه الفلس راح خسران

مابه جديد وبس دمعه جديده

يشكي ويبكي والمغازي تبي شان

كنه ولاجته الدروس المفيده

ولاغراب المحرقه قمزه اجنان

ينعق بنغمات الفقر والجحيده

اول جناحينه تشيله وطربان

واليوم مكسور الجناح وعضيده

رح دقها رجيلي ولوكنت تعبان

تمشي ولوكان المسافه بعيده

قدرك وهذه قسمتك وانت منهان

ومن هان نفسه عل ربي يزيده

وقت الشدايد تظهر الي لهم شان

ولانت تبقا يالطريده طريده

وان عدت عدنا لك على كل ميدان

أصعب من اشكالك علينا نصيده

اسهل من المويه على كبد عطشان

واخف من ريش بعواصف شديده

وحناعدانا دوم ترجع بخذلان

نقص خشم الي تعدا ونعيده

وحنا مواقفناعلى العز شجعان

ماهو يخوفنا العدو في وعيده

وحنالياصارت سلايل مضيان

نكيد مثلك بالعلوم الأكيدة

وحناربيع الجار ياطر برمان

حنا الكرم واهل العقول السديده

وحناتربيناعلى الطيب بتقان

من اسلافنا نجي علوم (ن)فريده

وحنالياشان اللغا والعدوبان

الي مثل حضرة جنابك نبيده

وحنانجيك ان ماتعدل بك السان

والله مانخلي لحالك شريده

وحناصبرناوالصبرخيربرهان

من حلمنا قلناعساهو يفيده

هذا وننظرللبقيه بحسبان

انعادهاعدنا بجديد ونزيده

وتراه مايحصنك مسكن وبيبان

حنا تراطب القلوب البليده

ماكل شوفه تعجبك جتك مجان

شوف العقاب الصيرمي ماتريده

اذاخبطك بمخلبه تذعٍ اذعان

ريشك تبعثر بالهوا من يعيده

رد: ديوان شعراء السعودية في العصر الحديث (متجدد)☘️☘️
 

قصيدة دقات قلبي كل ماقمت تشتد
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
130 مشاهدة

اسهر معي واسمع كلامي لك بجد

يمكن بعد ما تشوفني ياغناتي

في ذمتي ماشاركك بالغلا حد

ياعزمالي ياجميل الصفاتي

بودعك وامشي وابي منك الرد

ابي الجواب ومايفيد السكاتي

امسح دموعك خايفٍ تجرح الخد

مالي على شوفت دموعك مباتي

ليت العوايق دون لاماك تنهد

واسعدك واهجرمن سعى في شتاتي

وشيل همك واعتني فيك واسعد

وادعي لمن جابك وانا في صلاتي

يالعن ابوالفرقا تحطم وتجهد

من همها صارالخلل في ثباتي

عجزت عظامي تحمل الجسم الأجرد

وصوتي تقطع دوب ياصل شفاتي

ودقات قلبي كل ماقمت تشتد

ورعشة تصيب اطرافي الناحلاتي

واهم للممشى وكني مقيد

تثقل خطاي وينزلٍ اعبراتي

وكفهن من ناظري عنه واصد

ارخصتهن لجله وهن غالياتي

رد: ديوان شعراء السعودية في العصر الحديث (متجدد)☘️☘️
 

قصيدة جالٍ جميلات المثيل بخاطري
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
128 مشاهدة

جالٍ جميلات المثايل بخاطري

مثل الظبى الي جافله في اهضابها

لاقيتهٍ واناعليهٍ شقاوي

أتعب على الجزله وحاسب حسابها

تقصر بعيدات المسافات دونها

اطوي مسافات الدروب وشعابها

ان دارة ابراسي هجوسي وروحت

مافيه جزلة تختفي عن أعقابها

أجيبها لوكان صعبٍ طريقها

ماوقفت دوني عوايق صعابها

كسبي من أخيارالجميلة جميلة

واشتاق للي غايبه في غيابها

انقا الجزيله وأفتخر يوم أجيبها

حسناء بقومٍ ماتبين عجابها

فيها اتحكم وانتقي من خيارها

شلت يدين المهزله من عصابها

ماللأهزل عندي وقارٍ لصاحبه

بضاعته ماسرته لوسعابها

لقيت من صاد الهزيله بهدته

له صفقوا له يوم لفا وجابها

ماكنه الاجا بحكمة حكيمها

وحنا علينا أن جامله في كتابها

رد: ديوان شعراء السعودية في العصر الحديث (متجدد)☘️☘️
 

قصيدة ليه التلاعب
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
126 مشاهدة

ليه التلاعب بالمشاعر والأحساس

ليه التجني والجفا والملامه

ان حان لك فرصة بها تظلم الناس

تعمل عمايلك وتقيم القيامه

لكن تذكر لو دخل قلبك أحساس

الله على الظالم سريع انتقامه

ضنيت حالك من هل العزم والباس

والغطرسة صارت لذاتك علامه

فيك الغرور اضحى يشاطرك الأنفاس

شكلك ترى عندي قليل أحترامه

مايجتمع قلبٍ بليدٍ وحساس

صعب التفاهم يارفيق الندامه

رح في طريقك شوف مثلك بالأجناس

عديم ذوق ومنه نبغى السلامه

ارحل قبل لاتاقع الفاس بالراس

وأحذر غضب رجل حليم وخصامه

خلك تروح ابسلم من قبل تنداس

كرامتك ان كان عندك كرامه

لاتاقف وتنظر لي بعين الياس

مال الندم منك بقلبي شهامه

قلبي كرهك ولابي شكلك اوناس

وصعبٍ على مثلي يغير كلامه

يكفيك خمس اسنين في قلب حساس

حطك بصدره واحتضنك بعضامه

حبك ولكن للأسف شاف الأتعاس

كل يوم في ظلمك تزيد اتهامه

يصدق معك ويسامحك وانت دساس

مالك امان وعنك فك التزامه

رد: ديوان شعراء السعودية في العصر الحديث (متجدد)☘️☘️
 

قصيدة إهداء للأخوان خالد ومخلد وعبلان المطيري وأحمد بن غازي السبيعي العنزي
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
124 مشاهدة

ثلاثة أبطالٍ لهم بالكرم شان

ذكرهم الحر الوفي القطامي

ابن دريب وخصهم طير حوران

عبد الله الوافي عزيز المقامي

وأنا بدوري شاش راسي وطربان

العلم طيب والهدف منه سامي

وسطرت من ما جابه الفكر قيفان

بالطيبين النادرين الكرامي

أعيال عود بالوصايف كحيلان

صيته دليله بالكرام الحشامي

اعز راع الطيب من وين ما كان

حلفت لهل الجود ياصل سلامي

سلام يا خالد ومخلد وعبلان

مع التحية والفخر واحترامي

ولاهان والله بالمواقف ابليهان

اللي على عده روى كل ضامي

اللي عناله راح همه ولوكان

مثل الجبال بحضرته ما يضامي

بالطيب معروفا وله صار عنوان

كفه مجرب ما يجيه الملامي

احمد ولد غازي غزى الطيب بتقان

رسا على شط المراجل اشمامي

رد: ديوان شعراء السعودية في العصر الحديث (متجدد)☘️☘️
 

قصيدة سهير الليل
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
121 مشاهدة

سهير الليل يوم الناس تهجع

أسامر نجم ليلي واشتكي له

بحزن وشوق قلب وعين تدمع

بقطرات الندا عيني كفيله

ولو يا شوق نبض القلب يسمع

ويترجم صوت نبضات جليله

تلاقيه بحروف الزين يطبع

يزخرف صورة العين الجميلة

بريشه حبرها دم الملوع

تجدد كل يوم وكل ليله

رد: ديوان شعراء السعودية في العصر الحديث (متجدد)☘️☘️
 

قصيدة على شريط الذاكرة
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
115 مشاهدة

على شريط الذاكرة مرت أشواق

ذكرى معاها هلت العين ماها

ذكرى تمر بذاكرة صابها إرهاق

راحت بذكراها علومي وراها

مرت وموت آمالنا كيف ينطاق

كنت أتأمل في حياتي لقاها

لكن ما جادت بها أيام الأشراق

إلا خياله يوم يظلم سماها

يمرني وأنا لراعيه مشتاق

شوق الحنون إن فارق أصغر ضناها