رد: فوق هام السحب ( الشعر الشعبي) على متن القوافي
 

أحبك وعرّضت النقاييد هبوب النود
فعولك اتنومسني وذكرك يْهيضني

يالبيه يا وجهٍ عليه الرضا معقود
أشوفه وأشوفك في سنيني معوضني

....

رد: فوق هام السحب ( الشعر الشعبي) على متن القوافي
 

ما الله خلقني للمخاليق تبّاع
ولا أشرب الشربه وغيري سكبها

أما خذينا مطلب الروح بذراع
وإلا تعف أرواحنا عن طلبها

....

رد: فوق هام السحب ( الشعر الشعبي) على متن القوافي
 

صغير السن قدرك مثل قدر المكان
في عيون الي يحب المكان ولا يجيه

عينك الي مابعد مرها جور الزمان
شافت الي ما يحب الخطاء واخطت عليه

لازم ارخصلك حياتي قبل وجهي عشان
تدري ان العمر ماهوب اهم أمن الوجيه

....

رد: فوق هام السحب ( الشعر الشعبي) على متن القوافي
 

مشكلتي اني مزاجي وانتقائي حضور
إذا انتهوا فوضويّين الظهور ابتدي

بيني وبين المقام السهل حالة نفور
ادوّر الحاجه اللي تستحق اجهدي

....

رد: فوق هام السحب ( الشعر الشعبي) على متن القوافي
 

كل ما جيت اعترفلك قلت فاتك
ما لقيت لطاري الفرقا مبرر

تعتبرني ذكرى حلوه في حياتك
وانت فرصة في حياتي ما تكرر

....

رد: فوق هام السحب ( الشعر الشعبي) على متن القوافي
 

الخلا عن زحمة الناس بوابة نجاه
يوم أشوف الذود والعين يبعد مدها

عاد شوف الذود حاجه توسع فالحياه
للصدور اللي من الوقت ماهو ودها

....

رد: فوق هام السحب ( الشعر الشعبي) على متن القوافي
 

حاولت اعديها مع الصدر الوسيع
وارسم على وجه الزعل وجه الرضا

لكن بعض الاحيان قلبي ما يطيـٰع
بعض الخطأ يضيق به وسع الفضا

....

رد: فوق هام السحب ( الشعر الشعبي) على متن القوافي
 

روّح فمان الله من غير تبرير
عيّت عليك أقدارك المستحيله

أوعدك حفظ السر حتى عن البير
وإن زلّت الدمعه بحقك قليله

راحت بك ظروفك ولا رحت للغير
وأنا أملك الغايه ولا أملك وسيله

مافي يدي غير إني أدعيلك بخير
مخلوق ماعندي بالأقدار حيله

....

رد: فوق هام السحب ( الشعر الشعبي) على متن القوافي
 

ليه أترك الحلم وأذرف من وراه الدموع
وأحلام الإنسان توخذ غصب ما تنعطى

تشكّلي يا ظروف الدهر ومن أيّ نوع
بـ أجيك هادي ومتوازن وواثق خطى

القلب ضد الكسر والراس ضد الخضوع
والمتن للشيل واليمنى لبذل العطا

....

رد: فوق هام السحب ( الشعر الشعبي) على متن القوافي
 

يابنت ياللي قدام عيوني تقهويين
شفايفك بانت وانا رحت فيها

اما تعالي ندبل الكاس كاسيين
ولا شفاتك عن عيوني استريها

....