|
رد: فوق هام السحب ( الشعر الشعبي) على متن القوافي
لاجيت بكتب من قـصيـدي عبارات
اختار مــــنـها ما يحـاكـي شعــــوري اسري مــع الهــاجـس بكل الـمسارات واغرس عـلى كـل المــعاني جـذوري احيان عن معــنى المحبه لي ابيات واحيان عن شوقي ولهـفــة ســروري احيان اكتب عن مدا الضيق حالات واحيان همـي ينقطع به حـضوري ...... |
رد: فوق هام السحب ( الشعر الشعبي) على متن القوافي
البارحه جيت أفتكر شيء تنآسيته وأحن
وأدري بيذبحني الحنين إن طاوع القلب وحكى مثل الغريـب اللي ليا جآ يذكر ديآره يجن لو مآتذكرها يذوب ولو تذكرها بكى ..... |
رد: فوق هام السحب ( الشعر الشعبي) على متن القوافي
في كسـور القلب ما فاد الكلام
والله إن الصمت نص العافيه لا كلام ولا عتـاب ولا ملام عافت النفس القلوب القاسيه ...... |
رد: فوق هام السحب ( الشعر الشعبي) على متن القوافي
أقبلـي يـا طب قلبـي وإرتياعـي
أقبلي عقب المسافات الطويله واحضنيني يا جميله من ضياعي الضياع اللـي مـاخـلا لي وسيلـه مرحبابـك من ذراعي لـ ذراعـي جابك الله علم وأنتي حلم ليله يا ثمر قلبي وشوقي وإندفاعـي يا غناتي فالسنين المستحيلـه ...... |
رد: فوق هام السحب ( الشعر الشعبي) على متن القوافي
يفداك قلبي والتعب والمسافه
دام آخر المشوار شوفة عيونك ويفداك عمر ضاع كلـه حسافه على الزمان اللي قضيته بدونك جيتك بقايا حــب هــذا إعترافه أهواك أحبك أعشقك ما أخونك و لو خفوقي كتاب تقـرا غلافه أقسم قسم بالله أعشق جنونك ...... |
رد: فوق هام السحب ( الشعر الشعبي) على متن القوافي
عام هجري جديد ١٤٤٦
العمر يمضي والليالي مديدة عام انصرم والعام الاخر لفانا وش رايكم نبدا بصفحة جديدة عنـوانها نبغا نعدل خطانا بقلمي |
رد: فوق هام السحب ( الشعر الشعبي) على متن القوافي
نطوي مع الايام عام ورا عام
تمر ساعات الفرح في دقايق ايام راحت بالعمر مثل الاحلام يوم بها زعلان وايام رايق درست من دنياي واتعبت الاقدام وبدلت عن بعض الطرايق طرايق وكفخت بافكاري كما الطير لاحام وما عاقني عن ماكر العز عايق مطلق الثبيتي |
رد: فوق هام السحب ( الشعر الشعبي) على متن القوافي
علم اللـي كل واحد مايشوف الثاني
ماتفيد العيشه اللـي ماوراها جمعه يابنادم لـو يطـول العمر عمرك فـاني كل عام يمرتطفي من سنينك شمعه لو تـدورنـي بـعـد مـده ولا تـلقانـي وش يفيدك بعد موتي لوتهل الدمعه وان رحلنا ياعسانا نفوز بالـ أحساني وياعسانا مانخلي غيرطيب السمعه فهد الشبلي |
رد: فوق هام السحب ( الشعر الشعبي) على متن القوافي
يا سرعها سرعاه دورات الايام
العام كنّه شهر واليوم ساعه اعمارنا في نقص عام ٍ بعد عام وتزيدنا سود الليالي بشاعه تلبّس الصادق من الوهم هندام وتلبّس الكاذب ثياب القناعه وتقول للصاحي ترا الوعد قدام وتقول للمجنون سمعاً وطاعه سعيد العلياني |
رد: فوق هام السحب ( الشعر الشعبي) على متن القوافي
بين عامٍ يروح وبين عامٍ يجينا
ياالله انك تجملنا بحسن الختام يوم نرحل من الدنيا ويبكي علينا كل غالي عزيز و كل راعي مقام فايز المنصوري |
رد: فوق هام السحب ( الشعر الشعبي) على متن القوافي
القلب عالقلب شاهد والمحبه دليل
والعشق لوحال عاشق ماعرف مستواه ياغايبً في غيابه كل شي مستحيل الحب جنه ونهر الحب عالي وفاه بسماتك اشعال وغيابك وصدك جميل ليت الجمالات تهدا من دمي لادماه دخيل قلبك وقلبي فيك وحده دخيل ودخيل روحك من الفرقا وتالي نباه كثر الصدود اشعلت قلبي وانت الوكيل وحسبي الله على من راح* ناظر وراه بوصلك اتخيل الأحباب في كل ليل وفي غيابك اشوف الحب يشكي مناه روحي بروحك رهينه وانت مالك بديل والحب ماله بدل والقلب قلبي فداه مالي من الأرض في غيبتك لوهو قليل وما ودي الكون ودي قربك اللي اباه ...... |
رد: فوق هام السحب ( الشعر الشعبي) على متن القوافي
يشتاق لـك قلبـي وتشتـاق عينـي
واوله على همس الشعر من شفاياك همسك يبدد هاجـس الشـك فينـي شف وشكثر قلبي على البوح ينخاك أسكب شعورك لي عشق وأحتوينـي وانا أشعل أشموعي وله وأتحـراك دمعك سحاب وحزنك اسمى من الذات وجزرك بحور ومد بوحـك سفينـه ماينحكي بعض الألم وسـط الابيـات خل القلـوب اللـي حزينـه حزينـه الحب ماله في سماء الوجـد ميقـات ياللي على قسـوة شعـوره تعينـه لبيه لو تطلب من أنفاسي أنفاس بالورد اغلف غالي العمر وأهديك ...... |
رد: فوق هام السحب ( الشعر الشعبي) على متن القوافي
شعوري ابلغ من ظهوره وكبته
شـعـور عـاجز حيـلته ما لقيها شعور شايب يجمع اشلاء بنته وارمله تـحـضـن مـلابس بنيها وايتام ما لاقت مع الناس(حتّه) نظراتها تحكيك ما يـعـتـريـهـا تنـاشـد الـعـالم وجبنه وصمته ذا ما رمش له جفن واحد عليها من عالم الاسلام؟من غزه اخته ومـن ظـهـر شوقه وتوقه الـيها والموت من فوق ابن آدم وتحته فيـهـا وربـي مطّـلع ويـش فيها ..... |
رد: فوق هام السحب ( الشعر الشعبي) على متن القوافي
معزبن لاجيت يضحك،،،،،،،حجاجه
يزيد في وجهك كثير،،،،،،التراحيب علي الكرم والطيب مضوي،،سراجه ومن طيب باسه ماتبين،،،،لعذاريب ومعزبن لاجيت مثل،،،،،،،العجاااجه طبطاب صيف ولايعرف المواجيب ابومشعان |
رد: فوق هام السحب ( الشعر الشعبي) على متن القوافي
من لايثمن جيتك لانصيته
أحذر تحث خطاك يمه وتنصاه جنب طريقه لاتجي يم بيته خله على يسراك ومش وتعداه للي ليا منك نصيته وجيته يشوش ويرحب ويضحك محياه أتلى العهد بالهم ساعة لفيته الله يطول عمره وعمر شرواه مسفر حزام السبيعي |
رد: فوق هام السحب ( الشعر الشعبي) على متن القوافي
الصاحب اللي ينصحك لا تمله
هو راس مالك فـ الليال المعاسير واللي يخاف العيب ويراقب الله احرص على خوته كانك تبي الخير واحفظ لسانك لا يجي منك زلة تندم بيوم ٍما تفيده معاذير وابعد عن دروب الردىظ° والمذلة فوق ٍ على ذنبك هموم ومخاسير سعود بن غنيم |
رد: فوق هام السحب ( الشعر الشعبي) على متن القوافي
لاتضيق من الصراحه والحقيقه مرّه
ماستر وجـه الرخامه ملبس العاريه من رضا بالهون خلوه العرب فالجرّه قدم نيبان السباع وقدم ناب الحيه الغشيم اللي مضاريب العلوم تغـرّه والضعيف اللي عيونه في طويل الفيه واحدٍ ماطاب في برد الزمان وحرّه يستريح من الجـدال ويتبع الرجليه لاحق العضياني |
رد: فوق هام السحب ( الشعر الشعبي) على متن القوافي
ماني رفيق الـضعيف قـليل الهمّه
اللـي لـيا مــرّته هـرجه تــولّجها خـدشٍ عيـونه علـى زلّة بني عمه اللـه ولا عــالمٍ هـذي مـناهجها إمـا فـعولٍ تــوصّلـنا لـيا الـقمّه وإلا حزام الصبر والرب يـفرجها بعض الهقاوي لها مردود ومطمّه كم هـقوةٍ تتعب الهاقي مخارجها لاحق العضياني |
رد: فوق هام السحب ( الشعر الشعبي) على متن القوافي
الكلــمه اللـي ماتخصــك وتعــنيك
مـالــك وراهــا يــاعـزيــزي فـــوائـد تحط فــنفوس البــشر فيك تشكيك ويصير موضـوع الحكى عنــك زايد ترا الحكي الزايد مع الناس يـؤذيـك ولا تـجـــني الا مــن وراه الـنـكـايـد محيسن القوس |
رد: فوق هام السحب ( الشعر الشعبي) على متن القوافي
في غير حبل الصلاح وخوة الصالحين
مافيه حبل وثيق ولا خوي ثقه الرجل اذا كان مايفرق بتقوى ودين ولا عن العالم الباقين ويش فرقه واصبر على المرجله والله مع الصابرين ومدام ينساق لك فعل الجمايل سقه وان قيل من انت منه قل من المسلمين ترى الاسم لاذكر مع الجميل محقه ...... |
رد: فوق هام السحب ( الشعر الشعبي) على متن القوافي
ترى االثقل نعمه دآيمآ يحتمي رآعيه
من الي ايدور نقطة آلضعف وآلزله حميد السجايا لو زعل ماضهر خافيه يحس ان صمته وصفة علاج للعله يمآل آلشحم لا تاخذ الحكي وتوديه كلامً يمرك مآ يناسب معك خله ليا صآر عقلك كل كلمه بتثر فيه نهآيتك تصبح طقطقه بين خلق الله متعب مرزوق |
رد: فوق هام السحب ( الشعر الشعبي) على متن القوافي
تبين الخفايا لاحصل مــوقفٍ حساس
مثل ما تبين الشمس من عقب غيبتها حــداني زماني لين جربت بعض الناس هل السمعة اللـي مـا تمثل حقيقتها بـروقٍ تلـــوح ولا لقاء سيلها العساس لـو رعـودها تثّر عـــلى السـمع لجتها مظاهر ..تلامع مثل مـا يلمع الالماس واذا كبرت الدعوى تجـي دون لمعتها عون |
رد: فوق هام السحب ( الشعر الشعبي) على متن القوافي
فزعة الطيب لشرواه مخلوفه
وفزعتن في غير واجبها عمى ماعلى الناقص اليا قصر حسوفه يذبحك لاكان قرم ولاحتمـى راشد الاطرم |
رد: فوق هام السحب ( الشعر الشعبي) على متن القوافي
الله يا سرع الليالي والايـام
راحت سنه من عمرنا مادرينا قبل امس اذكر توّنا بأول العام واليوم بالعام الجديد ابتدينا لا هين بالدنيا على حمر الانعام نضحك على الدنيا وتضحك علينا ...... |
رد: فوق هام السحب ( الشعر الشعبي) على متن القوافي
نسهــــر ۈتسهــــرنآ مقآدير آلأعـۈآم
ۈدرۈبنـــــــآ متفــــــرقه ۈمعــــــزۈله آلعمــــــر ۈلى ۈآلبخت طـــآح مآقآم آلحـــــظ ۈقف ۈآلليآلي عجـــــــۈۈله نصبح على هم ۈنمسي على أۈهآم ضيم آلدهر في آلدرب نۈخ ذلــــــۈله بأحــــلآم عشنآ ۈآفترقنآ بآلأحـــــــلآم نحــلم ۈنحـــلم من زمـــــآن آلطفــۈله ...... |
رد: فوق هام السحب ( الشعر الشعبي) على متن القوافي
خفت اسألك ، ماخفت رد الاجابات
وانت اُمنيه .. تسوى جميع امنياتي تشرق علي ابيات ، وتغرّب ابيات لا مر طيفك .. قمت ادوّر ثباتي جيتك من الا شيء مملي طموحات لا تردني .. خايب وبيدك نجاتي ذيك السنه عدّت وهذي سنه جات وفي كل سنه .. قدرك يزيد بحياتي ...... |
رد: فوق هام السحب ( الشعر الشعبي) على متن القوافي
أنا ربتني الدنيا على جزل العطا والجود
ونفسي للوفا والطيب وفعل الخير جزامه وأعارض منهج الهابط وأوافق للصعود صعود وأسيّر نفسي بعقلي مدام النفس هدامه ولا تثّر بي البسمة ولا كحل العيون السود ولا يقوى على قلبي صغير الحسد وأجسامه أردّ الجود بأمثاله وأقابل بالجحود جحود وترى لا خير في رجلٍ يوطّي للردى هامه وعندي مع أهل العِليا مواثيق وثلاث عهود أوفي له مطاليبه وأودّه وأرفع أعلامه أعايش مركب الدنيا على متن القدر مولود أبعرف هو صحيح إنّ القدر بالناس دوّامه ومن وين الزمن مقبل وإلى وين الليال تقود ومن في هالزمن يقدر يوجّه خطوة أقدامه ومن له بالزمن غاية ومن عنده هدف منشود ومن منّا قدر يعرف خفايا مقبل أيامه عرفت إنّ الشقا باقي عرفت إنّ الحسد موجود عرفت إنّ القدر يفرض علينا بأسوأ أحكامه لقينا بالعرب حاسد وشفنا بالعرب محسود وبه ناسٍ لنا ضامت وبه بالناس منظامه وينقص بعضنا خوّه وينقصنا وفاء وعود مدام الحسد باقي وبعض الناس نمامه ولا ترجى بها الدنيا من ربوعك يجيك اسنود ولا تشره على رجلٍ عيونه خانت أقدامه وقابل خطوة بخطوة وجازي بالصدود صدود تناسى غلطة الصاحب عليك بلحظة اخصامه ولا تخطي ترى لصبر الحليم اليا سلاك حدود تروّى واعرف بضرب الحديد تفكك لحامه تجنب كسرة الخاطر ولو حبل الزعل مشدود تراك بكسرة الخاطر حكمت القلب بعدامه ولا تزعل على رجلٍ بذل لك ولرضاك جهود ولا تأمن من الحاسد رضاه ورفعة ابهامه نبي نصبر على الدنيا قلوبٍ بالحياة زهود مدام إنّ البخت عيّت توّفق رمعة سهامه وأنا ما قلتها راجي ولا أطلب بعدها مردود ولكن الفتى ودّه يحقق جملة أحلامه وبمشي لآخر الدنيا ولو كلّ الأنام اقعود وعن وجه الزمن بكشف حقيقة وارفع الثامه صحيح إني صغير السن ولكن قدها وقدود وأنا عندي مع الدنيا مواقف ترفع الهامة طموحي يملي العالم ولا به للطموح قيود مدام إن الأمل طبعي عرين وصرت ضرغامه خلقنا الله من ترابه ولأحضان التراب نعود تحت رمل الثرى نبقى تغطي جسمنا خامه سلفنا ما لحقناهم تحت قاع التراب رقود ولا يبقي من الميت سوى ذكراه وعظامه ولو طال العمر فاني وترى عمر الفتى محدود وكلٍ يطلب المولى يبيحه يحسن ختامه وأنا بلّغت بلساني وربي والأنام شهود وصحف البيّنة جفّت وعنها رفعت أقلامه ...... |
رد: فوق هام السحب ( الشعر الشعبي) على متن القوافي
أوصيك زلات الصديق إن عثا فيك
ما زال يغطاها الشعر فاحتمل ذاك راعه ولو ما شفت إنه يراعيك عساك تكسر نيته عن معاداك واحذر عدوّك لو ظهر بي يصافيك خلك نبيه وراقبه وين ما جاك لا تأمنه واطلب من الله ينجيّك ويكفيك ربَّك شر ذولا وذولاك شفني أنا يابوك بآمرك وانهيك عن التعرّض بين الاثنين حذراك إذا حضرت طلابة مع شرابيك اسعى لهم بالصلح واللاش يفداك ابذل لهم بالطيب ربَّك ينجّيك ولا تجضع الميزان مع ذا ولا ذاك أما الشهادة فادّها إن دعوا فيك بيّن عمود الدين لا عميت ارياك بالك تماشي واحد لك يردّيك طالع بني جنسك وفكّر بممشاك ...... |
رد: فوق هام السحب ( الشعر الشعبي) على متن القوافي
سنينك لو رقيت بعدلها يطرحك مايلها
تعلّم واعرف إن الدرب قدامك سهل وجبال جبال تطولها وجبال بعيونك تخايلها ومعوّض خير يا حيٍ وردت الماء بدون حبال يطول بك الوقوف وشربة الماء ما تحصّلها وقوفك عند راس البير مايسقيك لو فنجال ولا ينفعك شوف الجمه اللي منت طايلها ومعوّض خير يا حيٍ خدعك من الرجال أشكال تشوف أشكالها وتحطها أرفع من منازلها تعلّم من زمانك لا تصير من أجهل الجهال ترى في كل يوم تجيك عبرة لا تجاهلها إذا ربي وهب لك عقل تلقى في الرجال رجال تعرف اللي يطلّع قيمتك واللي ينزلها ترى من بعض ما يندي الجبين ويحرج الرجال ليا ساق الميانه في نفوسٍ ما تقبّلها ومهما شفت في صاحبك من نخوة وطيبة فال ترى بعض السجايا كثرة الإلحاح يقتلها معاريف الرجال ديون وديون الرجال ثقال ليا صرت متعافي ليش تغرق في جمايلها رصيدك في حياتك سمعتك مع طيبين الفال رجال الطيب والمعروف بالمعروف عاملها ولا تبدي بجاهك في مقام ما يسر الحال ولا تشفع لناسٍ ما تنومسك بفعايلها ليا جاتك تعذّرها مدام العذر له مدخال ووقت الجد قول لها الصحيح ولا تجاملها وخذ مني نصيحة لا تصدق كل ما ينقال يجرك للنميمة لين يطرحك بحبايلها يجيلك ناقل النمّات بهروجٍ تغث البال سوالف في قفاك وحظك أطيب يوم تجهلها يبرّر بالحمية والصداقة شينة الأفعال يجمّل صورته بعلومه اللي ما تجمّلها ولو كانت حميّه فيك رد المخطيه في الحال ولا كان استمعها في قفاك وجاك شايلها ترى من جاب لك ودّى وهذي عادة النقال يحاول يقتنص من فمك كلمة لأجل ينقلها ومثل ما قال عندك راح عنك وعند غيرك قال وزوّد عشر فوق الكلمة اللي كنت قايلها تجنّب مجلسه لا تجلس إلّا مع كريم خصال تحمّل ميلته وإن ملت ميلتك يتحمّلها ولا تصبر على الجار الردي لو هي ثلاث ليال تضرك جيرته لو كان بيبانك تقفلها وبيع الدار بأول سومةٍ تعرض على الدلال ورزقك عند ربٍ كاتب اللقمة وكافلها وبنتك لا تزوجها الردي لو هو كثير المال تربيها على الطالات وتشوّه سلايلها وكم من لاش يرمي خيبة ابنه فوق رأس الخال لو إن الخال من روس الرجال ومن دلايلها ليا منك عرفت تميّز الطيّب من البطال وفادتك التجارب في الحياة وفي مسايلها وكشفت الفرق ما بين الصحيح وحيلة المحتال وتعلمت الفراسه في الوجيه اللي تقابلها بعد هذي ترى مالك غنى عن صحبة العقّال يدلّونك برايٍ ينقض الدعوة ويفتلها يقولون الرجال اللي سوالفهم حِكم وأمثال ليا من ضاعت الحيلة يدل القوم عاقلها نصيحة واحدٍ جرّب وشاف من الزمان أهوال يقدّم لك خلاصة هجرةٍ جرّب هوايلها ...... |
رد: فوق هام السحب ( الشعر الشعبي) على متن القوافي
أحترامك للبشر طــبع الكـرام
والتواصـــل من أساليب الوفا يعشــقون الناس فيك الإحترام ويكرهونك لاحصـل منك جفا بقلمي |
رد: فوق هام السحب ( الشعر الشعبي) على متن القوافي
مع العزله احس بقناعة رضى وشعور
لو اني من الايام فيني وما فيني وادور على كسَب الجمايل بدون قصور ولا اعطيت ما ادور من الناس تعطيني واسامح واعذر الناس لو* مَاني بمعذور وعسى الله عن الناس وعطا الناس يغنيني عسى راسي بطيب الوفا والنبا مذكور وعسَاها على الماجوب ما تقصر يديني ..... |
رد: فوق هام السحب ( الشعر الشعبي) على متن القوافي
الصبر زين وعزت النفس تغنيك
عن منة العربان قاصي وداني أن ماعطاك الله فلا احدً بمعطيك أقنع بمقسومك ترى العمر فاني ...... |
رد: فوق هام السحب ( الشعر الشعبي) على متن القوافي
لاتامن جميع اصحابك الله يبارك فيك
من اسباب فقـدان الامن يـوم تامنها ترى احيان يطلع راعي اقدرك واغليك هـو اشر عدوانك على الارض والعنها ورفـيق ٍمهوب يناصحك كنه معاديك لو تعيش معه افضل لياليك واحسنها مامثل الرفيق اللي مثل لمبة التشييك لياشاف عندك مشكله حـذرك منها سليمان النصيف |
رد: فوق هام السحب ( الشعر الشعبي) على متن القوافي
يالله عسى فالامر خيره ومقسوم
عن ماتعاف النفس واللي تحبه ارزاقنا تاتي على غير معلوم العبد يسعى .. والعطا عند ربه ...... |
رد: فوق هام السحب ( الشعر الشعبي) على متن القوافي
ودي اشوفك تبعد الهم عني
تروي عيوني من ضما الشوق ساعه جتني طيوفك حايمه واسهرني ضميتها و القلب زاد ا نشلاعه غيبتك هدت حيلي اللي سكني واطراف جسمي فاقده للمناعه كل شي فيك الا غيابك وحشني تعال قبل العمر يطوي شراعه ...... |
رد: فوق هام السحب ( الشعر الشعبي) على متن القوافي
هبت هـبوب الهوى من عطـر ريميـه
حبيبتي تحب الشعر والليـل والشاهي مالوم قلب الهواوي لانكوى كيــه من كثـر م الحسن فيك حيل متراكي لو تكثـر الابيـات بكِ حاجـهً طبيعيـه الشعـر نفسـه بوصفك حيل متباهي ...... |
رد: فوق هام السحب ( الشعر الشعبي) على متن القوافي
ماجاء ردى مني ولا جيت بقصور
طبعي كذا دايم مع الخلق كـله لي عزةٍ تطــغى على كـل دستــور من خلقتي والطيب عندي جبله ياقلب من قفى عن العين معــذور نفــسي عزيـزة والمقــفي تمــله ...... |
رد: فوق هام السحب ( الشعر الشعبي) على متن القوافي
عزوتي حمر النواظر ليا هاب الذليل
روس قومن تحتمي قولها وافعالها بنت ربعن لاعتزوو ومزبان الدخيل يشبهون الموت الاحمر لاجا مجالها ...... |
رد: فوق هام السحب ( الشعر الشعبي) على متن القوافي
وشلون ابكتب .. جديد البوح واصارح
وأبدد .. هموووم صدرٍ فيه ملتمّه من ضحكة الأمس لين أحزاني البارح عجزت أجمّع .. شتات الفكـر وألمه أحيان اجـاوب صدى مكنوني الجارح وآحيان اقـول النوايا تـبري الـذمه ...... |
رد: فوق هام السحب ( الشعر الشعبي) على متن القوافي
السنين شحاح والجمّه عليها مايح
والهقاوي مضمحلّه والظنون تخيّب والليالي رايحه والعمر كله رايح والدروب طوال والرحله مهيب قريّب دامني من عين ابو وجهين طايح طايح جعلني ما اطيح من عين الرفيق الطيّب ...... |
| الساعة الآن 02:56 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية