رد: فوق هام السحب ( الشعر الشعبي) على متن القوافي
 

أنا اعتبر مزحك دواء كل علّة
امزح معي واللي يجي منك مقبول

ومن ناحـيـة هـم الزعـل لا تشله
معقوله ازعل منك ماهو بمعقول

حتى لو أزعل والزعل في محله
بزعل عليك شوي وأرضى على طول

....

رد: فوق هام السحب ( الشعر الشعبي) على متن القوافي
 

خلك بـحر غامض وباعماقك أسرار
وفي ظاهـرك للناس عزه وهيبــة

لاتشتـكي جــرح الليــالي والاقدار
يدوس جرحك من تحسبه طبيبه

....

رد: فوق هام السحب ( الشعر الشعبي) على متن القوافي
 

من يهمه حضـوري يسعد الله نباه
ومن لا يهمه حضوري مرحبا به هلا

وانت يَااللي وجـودك يلفت الانتباه
من وجودك عساني يَاالغلا ماخلا

....

رد: فوق هام السحب ( الشعر الشعبي) على متن القوافي
 

طول غيابك ولا حصلت منك نباء
مابين لحظه ولحظه اعتبرها سنين

ارسلت اغلاء رسائل يازمان الصباء
عنوانها شوق قاتل والرسائل حنين

جني سليمان ارسلته وهدهد سباء
لاشفت جني ولا هدهد رجع باليقين

....

رد: فوق هام السحب ( الشعر الشعبي) على متن القوافي
 

مرحبا يانادر الوصف يابو المغريات
انت مخلوقاً من تراب ولا من زهر

ينكتب في قدك الزين عشر معلقات
ومن زعل يزعل وجعله يطق من القهر

ووجهك المملوح يحرق كروت الفاتنات
والعيون الناعسه حسن ولا من سهر

والقوام اللين اللي مافيه ملاحظات
والجديل اللي على عاتقك مجرا نهر

....

رد: فوق هام السحب ( الشعر الشعبي) على متن القوافي
 

غروٍ ذبحني فارع الطول مزّاح
هو غايتي لامن حبيبي تهيّا

العنق عنق الريم والخد وضّاح
يطوي قرونه فوق الأمتان طيّا

العين سودا وسطها سيف ذبّاح
والوجه يضوي مثل نجم الثريّا

....

رد: فوق هام السحب ( الشعر الشعبي) على متن القوافي
 

ياحـــب يادرة اصحـــابي واحـــبابي
يجـــري مجاري نفس روحي وينهبها

انت البعيـد القريب وصفـــحة كتابي
في شـاطي الشوق ترسـي بي مراكبها

عايش وتاهت خطاي وتعبت اعصابي
مابين رغبــة هــوى نفسي وواجـــبها

وأهيــم في خبت خالي كل شي غــابي
واحــاول انسى الهموم واذكر اطيبهــا

من زود همي تعبـت وناخــت ركـابـي
والارض من لوعـتي ضـــاقت مناكبــها

سنيــن تمضي وانا جالس على النــابي
والــيوم مثل السنة لــوجيت تحسبــها

هذه حكــاية عــذابي وانــت ادرى بـي
ما ادري كتبها القــدر والا انــت كاتبها

‎....

رد: فوق هام السحب ( الشعر الشعبي) على متن القوافي
 

‏وش بقى في الشعر شيٍ ما كتبته
ووش بقى بالشوق أكثر من أبيك

ووش بقى بالحسن زودٍ ماوصفته
واحلف لك إنّه مايليق إلاّ عليك

....

رد: فوق هام السحب ( الشعر الشعبي) على متن القوافي
 

يقول سلمان بن خالد :

والله اني بحاجه للغغياب الطويل
دام كل شي احبه بالحياه اخسره

رد: فوق هام السحب ( الشعر الشعبي) على متن القوافي
 

قال أنت جالس لحالك تنتظر من يجيك
قلت انتظر نفسي اللي ما اعرف وينها

....