رد: اخترنا لكم شعر نبطي وفصيح
 

🇸🇦 🇸🇦
بعنا العَمار ولعنبا اللّي مايبيعون العَمار
دون المليك ودون عز الديره وحدّانها

واللّي جهل ويش السعوديين قل له بإختصار
قومٍ ماسرّك حال من عدّوه من عدوانها🇸🇦

رد: اخترنا لكم شعر نبطي وفصيح
 

ملامحك شي وضحكتك رحلة استجمام
‏كلامك حياة وصوتك يرتب اوراقي

‏لعب بي غرامك لعبة الغصن والانسام
‏على قمة الي قمته تتعب الراقي

‏عسى عيونك اللي بين الاغضاي والسلهام
‏مايجذب نظرها الا سَحابي وبراقي

.....

رد: اخترنا لكم شعر نبطي وفصيح
 

في وصوفك شي ياخذني بعيد
في جمالك كون ينبض بالحياه

في عيونك سحر يجعلني سعيد
في عيون الناس قلبي مالقاه

أنت قلبي وانت شريان الوريد
في جمالك شفت كوني يا حلاه

لاتقول اني أبحث عن جديد
كيف ابحث وانت حبي من صباه

من يسيب الورد والحب المجيد
مع هبوب الريح يغمرني شذاه

انت حبي وانت أسباب القصيد
وانت نور القلب لا شع بدجاه

.....

رد: اخترنا لكم شعر نبطي وفصيح
 

ودي اكتب والقلم عيـّـا يطيع
ما ادري الأشواق والا انت السبب

كيف اعبر والحكي مني يضيع
اسعفيني يا قواميس العرب

.....

رد: اخترنا لكم شعر نبطي وفصيح
 

ممشاه بالمعروف وطيب التدابير
يـزها عـلى الـعليا ولا شـي يعيبه

كـريـم نـفس وفـيه زيـن الـتعابير
الـطيب والـمعروف مـعطيه هيبه

.....

رد: اخترنا لكم شعر نبطي وفصيح
 

‏على اتفه سبب تزعل ولا ادري اجيك منين
‏أحدى وانا اللي ما اذكر احد تحداني

‏علشان ما تزعل وتشره علي بعدين
‏تأكد منْ اللي راح فينا ونسى الثاني

.....

رد: اخترنا لكم شعر نبطي وفصيح
 

أبشرك سكرت من دونك الباب
‏ما عاد يشملك السكن والضيافه

‏إسلم وسلم لي على كل من غاب
‏الخاطر إليا عاف له شي عافه

.....

رد: اخترنا لكم شعر نبطي وفصيح
 

‏عسى الله يوفقنا بفضله لما يرضيه
‏ويصفح ويرحم ضعفنا ويعفى عنا

‏دعينا كريم مايخيب رجاء دآعيه
‏وعلى اللي عليه ارزآق خلقه توكلنا

سبحانه

رد: اخترنا لكم شعر نبطي وفصيح
 

‏في صدري علوم واسرار وضجيج وكلام
‏والله لو انه بحر ماقد رست باخره

‏البحث لازال جاري عن شعور السلام
‏اللي نسيمه عليل وطلته فاخره

.....

رد: اخترنا لكم شعر نبطي وفصيح
 

فلا تغرّكَ عينايَ التي امتَنَعَتْ
عن البكاءِ فدمعُ القلبِ مُنهمرُ

.....