رد: اخترنا لكم
 

‏بين رمشٍ شطير وبين طرفٍ خدير
‏كم من عقل خَفّ وكم من قلب سال

‏يستريح الفـرزدق كثر راحـة جرير
‏عينك أفصح حديث العُرب شعر ومقال

‏أنتِ الدهشة اللي مالها حَـد أخير
‏وإمتزاج الحقيقة في محال الخيال

‏يبتدون العذارى حولك الحكي مير
‏ينتهي لا لفحتي بالجديل الجدال

.....

رد: اخترنا لكم
 

‏انكسر غصن القصيد وغاب ظلّه
‏والقمر جنّب عن أسوار المدينة

‏بين ليت الّي نبيه وبين علّه
‏من يرجّع لهفة العمر وسنينه

‏والسؤال الّي عجز قلبي يحلّه
‏هو بخير وما ذبح قلبه حنينه

‏الشعور شهور لين يموت كلّه
‏والعيون إلى متى تبقى حزينة

.....

رد: اخترنا لكم
 

‏وانت تدري كل ما تحتاجني تلقاني
‏يشهد الله عنك ماتقدر تشح يديه

‏بس تكفى لاتعذبني ولاتنساني
‏ضمني يانور عيني في حشاك شويه

‏كل ماشفتك تدخلني بعالم ثاني
‏عين تنظر لك بشر والثانيه حوريه

.....

رد: اخترنا لكم
 

وش يداوي جرح سببه الغياب
لا نفع صد فه ولا عازف عزف

النصيب يصيب لو قلبي عذاب
اه من جرحا علا غالي نزف

.....

رد: اخترنا لكم
 

مديت لك عمري على كف يمناك
‏وغيرك على رجوى هلا مد عمره

‏نزعت بيبان الثقل غاية رضاك
‏وشرّعت لك قلبي ويا طول صبره

‏ميّت شعور وفز قلبي لطرياك
‏وأعرف شعوري ما يجي غير مرّه

.....

رد: اخترنا لكم
 

حِل عنّي يا هوى مالك ولي
خَل روحي في خلاها خلّها

خَـلّـها حول الخليفه والـولي
مـن يـحـررهـا ومـن يحتلها

مَن يفسّر لغز غامضها الجلي
مَـن يخلّـص نقلها مِن عقلها

خل لي حالي بحالي مختلي
خَل عبله تركـب اْعلى خيلها

حاضري ناقم على مستقبلي
حكمتي عـزّت على من ذلّها

مَخرجي نفسه بداية مدخلي
مَدخلي في خٓرجها لا،دخلها

يالـجـان الـحـل لا تتـشـكّـلي
مـشكـلتـنا مـشـكلـتـها حـلها

كـلـمـا قلـنا عـساهـا تنـجـلي
ضاعفت مـا بعدها ما قـبلها

زغـردي يا عَـبـل وِلّا ولـولي
عـنـتره حـل الحكايه حـلّهـا

كان حبك فـوق ما تتـخيلي
ويل نفسك من هواها ويلها

قد علمتي بعض مما تجهلي
سالفه مـرمـر عسلـهـا خلّـها

.....

رد: اخترنا لكم
 

ابوعـلـي قـال الله الله ياعـلـي
ماشي قلق مهما حصل دنيا ودين

سوا تضيق الارض وإلا تنجلي
احـنـا خُلقنا ياعـلـي متـعـودين

بقلمي

رد: اخترنا لكم
 

‏كبـرنا مع كـبر القسـى والعـزوم كبـار
سنين العمــر تمضـي والاشواق نزاعة

وتعبنــا ولكــن مـا تركنــا ولا مضمـار
نسج القـدم لو ما بقي في العمر ساعة

يــدور الـزمان وترجع الكايـدات صغار
وتقـدم رجـال يعـدلـوا الميـل قطاعــة

يـدلك حكيم الـراي في معترك الاشـوار
ويعميــك مـن رايــة مـع قــوم تباعــة

اذا عشت لك مـوقف قـوي ما عليه غبار
فـدعهـا على الله كل احـد عنده اوجـاعة

على مطلـع الاسـرار والخيـر فيمـا اختـار
لـه الحكـم والتقديـر والسمـع والطـاعـة

.....

رد: اخترنا لكم
 

‏ذبحتـني بالشـوق يامبـعد الـدار
وهاجوس فكري كـل ليله يطـوفك

امسي علئ ذكراك واصبح على نار
ويسرح خيالي لين المـس كـفوفـك

.....

رد: اخترنا لكم
 

الناس في غفله وبيبان الحقايق مقفله
عن كل ما يرقا بفعله من تصرف به وقال

الدين والاخلاق جمله اصبحت مستعمله
تعبير للظاهر بشكله في سبيل الانتقال

من مرحله اولى ورحله ثانيه مستجعله
في غاية الغارق بجهله ينتصر بالاحتيال

المبدا القايم بشمله يفتقر للامثله
واهل الاشاعات المظله روجو من كل حال

للكذب في صوره ممله تنعدم فيها الصله
بالوعي والادراك كله كلما يخطر سؤال

في بال من قد ضج عقله والقناعه تسأله
ما سر هذا النفي للواقع وتصديق الخيال

.....

رد: اخترنا لكم
 

رميت الأحـلام في وجه الـزمـان البخيل
عزيت نفسي وعـز النفس عـصـيانها

من أجل صون الكرامه بفعل المستحيل
وادعس حـيـاة الـمـذلـه واقـلـع أعـيانـها

.....

رد: اخترنا لكم
 

ماهوب متعبني إن الوصل متشوّه
متعبني إن الجفَا ما عاد يتعبني

عبدالله آل لزيوح

رد: اخترنا لكم
 

‏ياحبني للوجيه السمحه الرحبة
‏اللي ابتساماتها تسبق سوالفها

.....

رد: اخترنا لكم
 

‏الجلال من الحطب في نارك المشعومه
‏من بداية قدحة الكبريت لين يجمّر

‏كن صدري منقله وعروق قلبي كومه
‏واستلمه اللي يخم من البكت ويعمّر

ضايقٍ صدره وكاثرةٍ عليه همومه
‏ولو يموت من الفقر ما تسمعه متذمّر

‏والله ان هذا خفوقي لا تقوم تلومه
‏يتظاهر بالحياه وداخله متدمّر

.....

رد: اخترنا لكم
 

لو قالوا الناس لك يومٍ ورح عش به
‏حذفت عمري وراي وجيتك مسيّر

.....

رد: اخترنا لكم
 

بعض المشاعر نطلعها نبيها تموت
ونموت منها ميّة مرّه وهي عايشه

.....

رد: اخترنا لكم
 

تعال خذني من الليل الطويل الحزين
‏وافتح يدينك وشف قلبي يجيك يعدي

.....

رد: اخترنا لكم
 

مافيه موت اشد من موت الحماس
‏ تعيش فوق الارض كنك تحتها

.....

رد: اخترنا لكم
 

‏للروح قيمة وعزّ الروح دايم لذا
اصبر ولو تثقل العزة على كاهلك

لا تعطي قلبك سوا اللي عارفٍ وش خذا
ما كلّ مخلوق في دنياك يستاهلك

.....

رد: اخترنا لكم
 

‏هو خايف اني ماعاد ارجع وانا مثله
‏خايف من الرجعه اللي مالها داعي

.....

رد: اخترنا لكم
 

تعال زف السوالف وانحر سكوتك
شوفتك عندي بهالدنيا ومافيها

عودتني كل صبح اصبّح بصوتك
عوايدك خابر انّك ماتخلّيها

.....

رد: اخترنا لكم
 

الحاجه اللي تمرك بين فتره وحين
‏احلا من الحاجه اللي دايم تشوفها

.....

رد: اخترنا لكم
 

تمر الشمس والقمرا تحت شبّاكي المكسور
ولا أدري كم صباح وليل مرّ من توادعنا

.....

رد: اخترنا لكم
 

الي يبي العز لاينشد عن الراحه
نيران الامجاد تبغى من يصاليها

.....

رد: اخترنا لكم
 

‎لآ تشـتري ميزان توزن به الناس
الـناس مـا يوزنها إلا الشدايـد

عند الشدايد كـل مخلوق ينقاس
وتـرجـح الكفـات لاهـل العوايـد

.....

رد: اخترنا لكم
 

السحاب اللّي جحدني يوم أجي له ظامي
‏لا يجيني لا أرتويت ودمعته مصبوبه

‏والشروق اللّي تمنّيته يزيل عتامي
‏ما قدرت أشرق معاه ولالحقت غروبه

‏الفضا الّلي ما يعاتب بالغياب أنسامي
‏ليه ألومه يوم غابت عن فضاي هبوبه

‏والله أن الدمع ما جرب يضمّ أكمامي
‏كيف أصافح بسمةٍ من خاطري مسلوبه

.....

رد: اخترنا لكم
 

سمي وش اللي بس تبينه وألبيه
لا رحم أبو من لا سعى في دلالك

من بحة حروفك الين آخر التيه
ضاعت علومي بين رجفه حبالك

أنتي القصيد العذب وأنا مغنيه
وأنتي القبول اللي تخير جمالك

ودي ألم الوقت حولي وأهنيه
وأكايد الحظ الردي في سؤالك

.....

رد: اخترنا لكم
 

ياليل لاتسرق من عيوني النوم
كافي سهر ماعاد للعين قدره

.....

رد: اخترنا لكم
 

‏نور الـمساء اللي على طلتك فاق
يقطف من اشواق المحبين باقـه

بينك وبين المساء تحتار الأذواق
سكـر حضـورك نادراً في مـذاقـه

.....

رد: اخترنا لكم
 

‏اسجد لربك واحضن الارض في ذل
لاضاق صدرك من هموم المعاصي

واخضع خضوع العبد يوم القدم زل
وانص الذي ماخاب من جاه ناصي

.....

رد: اخترنا لكم
 

أقم صلاة المزن عند المعاطيش
‏من سدرة الماضي لكبوة جوادي

‏عطيتهم حلمي وردوه بخشيش
‏واصبحت ادوّر في بلادي بلادي

‏مسافة السكة خناجر وتهميش
‏واوّل محطات الوصول البعادي

‏في سفرة همومي بقى الصوت مانيش
‏أغسل يدين الصمت واقول عادي

.....

رد: اخترنا لكم
 

‏كم غايب ماغاب ذكره عن البال
وكم حاضر يشبه حضوره غيابه

ماكل من يبتعد عن العين ننساه
بعض البشر طيبه يعوض غيابه

.....

رد: اخترنا لكم
 

‏يالعيون اللي تراقب من بعيد
‏يا عساها مـا تشووف الا الهنا

‏استريـح يـا الغلا ما من جديد
‏العهـد بـاقي وأنـا مازلت أنـا

.....

رد: اخترنا لكم
 

الطيب فطره والمراجل مكاسيب
والناس به صنفين طيب وخايب

أرفع مقامك فوق عالي المراقيب
وأبذل على سمعتك كل السبايب

أن جاك ضيفٍ قم بكل المواجيب
ورزقك على الرزاق منشي السحايب

وأخذ النصايح من ملا رأسه الشيب
من شاف صكات الزمن والعجايب

. ماجدعبدالله

رد: اخترنا لكم
 

النفوس العظيمه تعرف اللي تبيه
ما تدور رضا العالم وتركض وراه

من يجامل وجيه ويستحي من وجيه
راح عمره وهو يمشي بدون إتجاه

ألبس ما يعجبك وأكل ما تشتهيه
دامك في طاعة الرحمن عيش الحياه

لا تروح لمكان إلا وراحتك فيه
ولا تجي من مكان إلا بسيره وجاه


.....

رد: اخترنا لكم
 

من راح عنا رافقته السلامه
واللي يجي مرحبا به ترليون

ياما وفينا والوفاء له علاامه
وياما صبرنا والصبر تالي العون

قرار صادر باطبق نظامه
للاقرباء والاصدقاء واللي يبعدون

اليوم أنا سكرت باب الندامه
اللي يجي يجي واللي يروح هون

يا كم وضعنا ناس فوق الغمامه
وقلبه علينا بالحماقات مشحون

.....

رد: اخترنا لكم
 

ياهم قلبي حسب وجهة ظروفي
لين الخطاوي ما تصافح قدرها

والنفس لا عافت رجولك تعوفي
وتنعى عجاج الدرب وتقطع أثرها

.....

رد: اخترنا لكم
 

بنت الأصول الحره ماتعرف تجافي
لو يعترضها الشر كم تجهل طريقه

كم تعيش المر وجروحه تخافي
ضحكته تخضر لو تخفي الحقيقه

لوجالسه ع الجمر أو ع الشوك حافي
عالقه بالصبر ما تترك رفيقه

كم تقول الدر في نظم القوافي
عالمه بالشعر في حروفها وقصيده


.....

رد: اخترنا لكم
 

انثر صوتك الهادي على مسمعي
‏مرت شهور ما حسيت بالعافيه
‏
‏ودي اعيش باقي العمر وانتَ معي
‏والله إن الليالي الي مضت كافيه

.....

رد: اخترنا لكم
 

العقل زينه والوفاء يرفع الراس
والصدق شجاعه ما تقدر تهزه

ومن عز نفسه مايذلونه الناس
ومن ذل نفسه لأ يدور معزه

بخيل النفس فقير الاحساس
ما يملكه يخفيه على لي يعزه

وكريم النفس طيب الانفاس
محبوب وكل الناس حوله تعزه

.....