رد: فوق هام السحب ( الشعر الشعبي) على متن القوافي
 

في الوقت لي ماعاد به ناس غالين
أنت الغلا لك زايدٍ فوق حدّه

بعيوني اسكنتك ووسط الشرايين
وباب المحبّة ماهقيتك تصدّه

....

رد: فوق هام السحب ( الشعر الشعبي) على متن القوافي
 

يامهرةالعز عيشي اجمل اوقاتك
ست الاصايل فريده صعب ترويضك

‏جزل القوافي تفاخر في مناجاتك
طاغي حظورك جميل وصعب تعويضك

....

رد: فوق هام السحب ( الشعر الشعبي) على متن القوافي
 

ترا الوحيد اللي من الناس هو انت
يامر على ضلوعي وقلبي وروحي

ايقنت بـ ان الحب لعبه وايقنت
انك مع الدنيا تزود جروحي

....

رد: فوق هام السحب ( الشعر الشعبي) على متن القوافي
 

‏مرحبا يـ ام خصرً كن طاويه جوع
من يشوفه يحلْف انه مجوّع شهر

‏حط فيك الله مْن الزين من كل نوع
‏لبةٍ تسحر وعين وقوام وطهر

والله اني قنوع وفيك ماني قنوع
‏ودّي أسوق لك كل العذارى مهر

‏قومي وطفي اللّمبه وشبّي الشموع
‏وقولي لـ فارعات الطول موتن قهر

....

رد: فوق هام السحب ( الشعر الشعبي) على متن القوافي
 

‏يوم اقّبلت قام السحاب يتزبّر
‏عيونها والموت ما بينهم فرق

‏الرمش اقام الفرض والجفن كبّر
‏وعيونها الثنتين صلّت بنا شرق

....

رد: فوق هام السحب ( الشعر الشعبي) على متن القوافي
 

ي عظيمه ليه نظراتك حزينه
‏اضحكي دنياك اصغر من حزن
‏
‏دمعتك بَ عيون خلق الله ثمينه
‏كيف اجل بعيون من شافك وطن

....

رد: فوق هام السحب ( الشعر الشعبي) على متن القوافي
 

شفت الفرح والشوق بعيون الاحباب
‏هذا شعوري لاتواجهت وياك

‏تشتاق لك عيني وترمش بالاهداب
‏ترقب حضورك كل ماحل طرياك

....

رد: فوق هام السحب ( الشعر الشعبي) على متن القوافي
 

‏اللي تبينه على خشمي وجعله فداك
‏والطعنة اللي تجيني من يدك جايزة

‏إن كان هذا تغلي مايغرك غلاك
‏وإن كان هذا تحدي فأنتي الفايزة

....

رد: فوق هام السحب ( الشعر الشعبي) على متن القوافي
 

ماكنت افكر بالمحبه والاحباب
ودايم اقول الحب روّح زمانه

حتى صدفته وصار مابيننا إعجاب
وضحيت باللي يعَشقوني عشانه

انا اشهد انه يابشر حَل الاعصاب
وصار قلبي في المحبه مكانه

وصار اغلى من عيوني والاهداب
وصار عندي كل حاجه أمانه

....

رد: فوق هام السحب ( الشعر الشعبي) على متن القوافي
 

ياقلبي أدري فيك طاهر وحساس
لاباس وإن كانت جروحك كثيره

حزنك وضيقك وإنعزالك عن الناس
صدقني إنها بعض الأحيان خِيره

....