رد: فوق هام السحب ( الشعر الشعبي) على متن القوافي
 

ليت المواجع تبتعد عن طريقي
وليت المأسي ماتجيني من الساس

وليت الملل والياس ماهو رفيقي
وليت الزهق ماحل قلبي والانفاس

وليت الامل يملا الشعور العميقي
وليت الفرح يملاخفوقي والاحساس

وليت ان حظي ماتعلق بضيقي
وليت ان قلبي ماعرف لحظةالياس

....

رد: فوق هام السحب ( الشعر الشعبي) على متن القوافي
 

تسامحي والخطا مقرون بالنيّة
‏الناس لولا الزعل وشلون تتراضى

‏أن كنتي اكثر بنات الأرض حنيّة
‏أنا اكثر انسان يتحمّل ويتغاضى

....

رد: فوق هام السحب ( الشعر الشعبي) على متن القوافي
 

‏لاجاتك الحكمه من لسان شايب
خذها وسكر بالحشا دونها الباب

مرت به الدنيا وشاف العجايب
وجمع بقلبه من تجاريبها كتاب

....

رد: فوق هام السحب ( الشعر الشعبي) على متن القوافي
 

‏ياليتنا نرجع مثل اول اطفال
‏طُهر وبراءه ما بنا ظن كافر

‏اللي يزعلنا يراضينا بـ ريال
‏واللي توفى نحسب انه مسافر

....

رد: فوق هام السحب ( الشعر الشعبي) على متن القوافي
 

‏تستانــس الروح لاجتنــي مراسيلك
‏والنفـــس ترتاح يا نبــــض الغلا كله

‏والقلب يافرحتــه لحظــة مواصيلك
‏ينسا التعب والوجع والضيق والعله

‏سعادة الروح يوم اسمــــع تعاليلك
‏وصوتك العـذب يـوم اسمّعه مامله

....

رد: فوق هام السحب ( الشعر الشعبي) على متن القوافي
 

حـبـك بقـلـبي ثـابـتٍ ما تـغـيّر
والعين باقي في نظـرهـا خيالك

والبـال بامـرك يا ربيعـه مسـيّر
في رحلتـه يبقى مـداره مجالك

أنت الذي ذوقي لزيـنـك تخـيّر
يا مالك افكاري بطاغي جمالك

....

رد: فوق هام السحب ( الشعر الشعبي) على متن القوافي
 

‏بعض المواقف خير لك تلزم الصمت
لو الـكـلام اصبح تغابي ونسيان

كم كلمةٍ تخرج ليا من تخاصمت
تبقى طوال العمر في قلب انسان

والمعرفة بصمة ولو انت بصمت
اترك اثرها تنذكر صدق واحسان

....

رد: فوق هام السحب ( الشعر الشعبي) على متن القوافي
 

مع طيــوف الشـوق نومي جفاني
والعين مــن كثــر السهـر ماتوده

ياليل خبرنــــي عـــن الي نساني
واللي كـــوا قلبي بهجــره وصده

مشتاق له والشوق بين المحاني
من كثر شـوق القلـب مانا بقده

شوقي لها شـوق الزمـن للثواني
شـوقً في الاعماق مقــدر اعده

....

رد: فوق هام السحب ( الشعر الشعبي) على متن القوافي
 

لا تشتكــي للناس ضعفـــك وبلواك
اسمع كلامــي واطرحـــه في عيونك

كم شخص يتغنى بسرك مع اعداك
وكم شخص توثق فيه لاكن يخونك

واحـذر مــن الغدار لامـن هو جاك
والصاحب الخــداع ابـد مايصونك

وحتى قراب الناس تفــرح بمأساك
واقـرب رفاقك يا الخوي يخذلونك

....

رد: فوق هام السحب ( الشعر الشعبي) على متن القوافي
 

‏ياناس فكونا من النقد واللوم
‏كل البشر مافيهم انسان كامل

‏ما انت بوكيل ادم ولا انته بملزوم
‏وربك ماهو سائلك عن كل هامل

‏كلٍ بعقله راضي وعنده علوم
‏من بينا نحتاج حسن التعامل

‏والادمي بظروف الايام محكوم
‏لازم نسايرها ولازم نجامل

....