رد: اخترنا لكم
 

ما خاب منهو يحسّن الظن بالله
‏وما ضاق صدرٍ يذكر الله دايم

.....

رد: اخترنا لكم
 

‏ويــن الذي غايــب عن العـين يا ناس
اتفرمــــت احساسي معــه في غيابه

بُعده هدم بالعقل فكري والإحساس
والقلـــب يشكي يا رفاقـــــي عذابه

أمنتـك الله لو معـك قلــب حساس
ارفق بعاشـــــق ذاب ماحــد درابه

أمسـي أفكر فيــك وأحـس باليأس
واتخيـلك في وهــــم قاسي سرابه

.....

رد: اخترنا لكم
 

الوقت لو كشر بوجهه و نابه
ما نرخص الشيمه ولا نقبل الغلب

انجابه اللي فالزمن ما يجابه
وندف بقعا دف و نليّن الصلب

واللي على الدجه يسحّب ثيابه
بكره تطلع له ليال القسا قلب

من لاسعى للرزق سعي الذيابه
يبى يعيش اليا كبر عيشة الكلب

.....

رد: اخترنا لكم
 

‏ياليت القلوب تصد قبل الدموع تحير
‏لجل مايبين الحزن ويبين تأثيره

‏أنا مؤمن ان البعد مهما حصل بيصير
‏أذا مايصير من الزمن صار من غيره

.....

رد: اخترنا لكم
 

‏من الي يعيش ايام عمره بدون ظروف
‏جميع الخلايق مرها الهم وانهكها

‏لا تقضي حياتك بين كيف القلق والخوف
‏تقدم وخوض الي بقي من معاركها

‏وجيه الليالي دربها بالعنا محفوف
‏مهي كل حاجه لا تمنيت تدركها

‏لا ضاقت عليك الارض مره وضاق الجوف
‏لا تطلب فرجها غير من عند مالكها

.....

رد: اخترنا لكم
 

‏اليا نويت الرحيل ودونك الوقت دار
‏اقرا دعاء السفر ماعاد فيها حلول

‏الحب سكه طويله والمشاعر قطار
‏لها بدايه جميله والنهايه الوصول

.....

رد: اخترنا لكم
 

ما بقى من حبه ألا بقايا ذكريات
ودي إنه راح كله وأخذها كلها

.....

رد: اخترنا لكم
 

لو إن القلوب تباع والذكريات تباع
‏تخيّرت قلبٍ ذكرياته من أمس وجاي

.....

رد: اخترنا لكم
 

على القلوب المصّده مايفيد العتاب
كنك تسولف على الاموات فقبورها

.....

رد: اخترنا لكم
 

سلام الله على اللي حبّها ما فارق الاعماق
‏وقلبي من غلاها فيه شقر وفيه ماريّة

‏تعمّدني غلاها لين حبيت وعرفت أشتاق
‏وأنا ما كنت أليين من العلاقات الغراميّة

‏صحيح انه صدفني غيرها لكن على الاطلاق
‏بعدها كن مابه ذات حسن وذات اهميّة

.....

رد: اخترنا لكم
 

‏لا تعلّمني قديم السوالف والجديد
‏الحياه مجرّبه والرّجال مجرّبه

‏واحدٍ همه من الناس وشلون استفيد
‏ياسلام الله على واحدٍ ما قرّبه

‏الليالي علمتنا القريب من البعيد
‏والحلوق اللي لسرد الكلام مدرّبه

‏من رضانا كل صبح يتجلّا صبح عيد
‏ومن رهانا كل مغرور ما ننغر به

.....

رد: اخترنا لكم
 

‏يارب عبدك خايف يفوت الأوان
‏وفي كل مرّه يذنب ويرجع يتوب

‏يركض ورى الدنيا مثل ركض الحصان
‏ويغريه صوت الفاتن الغرو اللعوب

‏والشاعر اللي عقله يعيش إتّزان
‏قلبه ترى ماهو مثل باقي القلوب

.....

رد: اخترنا لكم
 

‏في صفحة التاريخ بحط اعتراف
‏لو العيون مْن الحدث متغاضيه

‏الناس لولا التفرقه والائتلاف
‏لقيتهم شعله ونارٍ لاضية

‏مع اتفاقي ماكرهت الاختلاف
‏ومشاعري في كل حاله راضيه

‏احس مع ثورة مجال الاكتشاف
‏اني ولد ذيك السنين الماضيه

.....

رد: اخترنا لكم
 

‏قدرتك يارب تحيي الرميم من العظام
‏ورحمتك تنشاف حتى على نسايها

‏أجرني يالله من كل خطوات الحرام
‏ولا تكلّ نفـسي لنزواتها وغوايها

.....

رد: اخترنا لكم
 

‏بعثر الريح مايحلو من اوراقي
‏واستمر الضياع وسادت الكُربه

‏اقطع الدرب وأغني من أعماقي
‏ويعلم الله ماغنيت من طرربه

‏السفر غير عن ماكنت أنا هاقي
‏والبلد غير عن ماكنت افكر به

‏بين ضحكة رضاي وضيقة اخلاقي
‏غربة الرجل عن نفسه هي الغربه

.....

رد: اخترنا لكم
 

‏اشتقت للبحّه اللي دونها الوصل شح
‏ولعيونه الناعسات وصافي الوجنتين
‏َ
‏ولا هانت الضحكة اللي ما تأكدت صح
‏هي بين قوسين ولّا بين غمازتين

.....

رد: اخترنا لكم
 

‏خذيت الأمان اللي مايوخذ بنظرة عين
‏ على جال ريضان الحشا تسرح وتمرح

‏ وقريت المهابة في عيونك ثلاث سنين
‏هي اللي حورها بسطت هيبة المسرح

‏احبك واحنك واخجلك بالكلام الزين
‏ وأدور من يبشرني بجيتك وافرح

‏وأنا والله أني خابر انك طرف سكين
‏متى ما عطاك الله تمكّن تبي تجرح

.....

رد: اخترنا لكم
 

على الكون خيّم جوّ تسبيح واستغفار
‏مشاعر تعيّش فاقد الحاله الحاله

‏هنيّاً لمن يستغفر الله بالاسحار
‏وينفض غبار الصدر ويصحح اعماله

‏طقوس العبادة تنعش المخ والافكار
‏وتعطي الجسم طاقة مثل طاقة الآله

.....

رد: اخترنا لكم
 

‏لو كان بيني وبينك فالحياة اتفاق
عشنا الحياة السعيده في حياة الشقى

لكن خطاويك تمشي في طريق الفراق
ما فيه خطوه مشت لي في طريق اللقى

.....

رد: اخترنا لكم
 

‏«إستعذت مْن الدروب اللي نهايتها حسافة
‏قبل ترميني ملذّات الزمن في جوف غبة

.....

رد: اخترنا لكم
 

‏ماودي أدعي عليك ويقبل الله دعاي
‏وأشوف حالتك عقب الدعاء تندمر

‏الله يغفر خطاك ويحسن الله عزاي
‏عن كل لبيه بلساني وتآمر أمر

‏أعذارك الكاذبه طوفتها من وفاي
‏لين أصبح العذر ماله خانه ولا ممر

.....

رد: اخترنا لكم
 

عطني وعد نبقى على الحب ماشين
مهما حصل درب الغلا مارجعته

عشان لا منك تغيّرت بعدين
اذكرك في وعدك اللي قطعته

.....

رد: اخترنا لكم
 

‏الله خلقها حشيمه من سلالة حشام
‏ما تطاوع النفس في حاجه وتحتالها

‏كريمة شعور لو ما بعض الأوادم كرام
‏لو طالوا الغيم محدٍ منهم طالها

‏تسكت مثل نظرةٍ تسوى جميع الكلام
‏تاخذ من الصمت عز ومن الكبر فالها

‏ مرت عليها ليالي ما تمر بسلام
‏تقدر بوجه الليالي توقف لحالها

.....

رد: اخترنا لكم
 

محتاج لك يارب في كل خطوه
ومحتاج للتوبه قبل قطع الأنفاس

خوفي من ذنوبي على حين هفوه
ومن زله لساني على درب الإفلاس

يارب

رد: اخترنا لكم
 

كم من حبيب عن حبيبه تخلّى
هذا نسى حبه وهذا مفارق

الا انت حبك بالضماير تولاّ
أخذ على قلبي عهود ووثايق

وأستبشر الخاطر بحبك وهلاّ
بشرى السجين بيوم فك الغلايق

.....

رد: اخترنا لكم
 

‏الفراق اللي يهد الحيل ماله خانه
كل ما حاول يجرّك مع طريقه ‏عَيّي

‏وكان فرطتي بحبي فأنتِ الخسرانه
‏والله إن تبطين وانتِ ما لقيتي زيّي

.....

رد: اخترنا لكم
 

‏عقب الفطور وعقب شرب الفناجيل
‏ما عاد تلقى من الاوادم مصخن

‏العاشق يجر اللحن والمواويل
‏وعج الزقاره فوق راس المدخن

.....

رد: اخترنا لكم
 

يميّز الإنسان عقله وثقله
وأنا بعمري ما تصنعت ثقلي

أخاطب الجاهل على قد عقله
وأخاطب العاقل على قد عقلي

.....

رد: اخترنا لكم
 

‏العمر يمضي مابين ذنوب فعل وكلام
‏والرابح اللي كسب ثنتين دنيا و دين

‏ياربي أبي أمنية يوسف عليه السلام
‏توفني مسلمً وألحقني بالصالحين

آمين

رد: اخترنا لكم
 

‏سادك الحزن يا وجهٍ من أول ضحوك
‏رحت محدٍ درى عن روحك المُنهكه

‏شاحبة بسمتك وش فيك لافض فوك
‏بسمتك بسمة المهزوم في معركة

.....

رد: اخترنا لكم
 

‏خذني على قد قلبي خل عقلي بعيد
‏العقل مهما كبر فالحب وش دخله

‏مشاعر الناس ما تمشي بعقلٍ رشيد
‏تمشي بحكم الغلا والعاطفه والولَه

.....

رد: اخترنا لكم
 

‏وان شحت الايام ما شح صبري
‏انا اتغانم فرصتي ما احتريها

‏شفني كبرت من التجاريب بدري
‏ونصايح اهل المعرفه ما اشتريها

‏ولو انكسر ما بان للناس كسري
‏انا كسوري للشموخ امتطيها

.....

رد: اخترنا لكم
 

‏عليه اللوم ودموع الهقاوي والسلام الحار
‏كثر ماكان في صدري حكي قاسي ولا قلته

‏أحنه لا يحز بخاطره لومي رغم ماصار
‏وتجاهلت الشعور اللي تسبب فيه باسئلته

.....

رد: اخترنا لكم
 

‏سولف علي واذبحني بنبرة الصوت
‏وامسك خفوقي قبل تمسك يديني
‏
‏عليك ماني بداعي جعلك الموت
‏لكن عساك تعيش وتموت فيني

.....

رد: اخترنا لكم
 

‏أحيان تلقى شّخص يفرق عن الناس
‏في عزّته في طهره وطيب قلبه
‏
‏وتلقاه يحمل في ثنى صدره إحساس
‏تنسى معه كل البشر وأنت جنبه

.....

رد: اخترنا لكم
 

‏حنا نحب الطيب ونموت بالطيب
‏ونحب صدقان الوفاء والشهامة

‏عاداتنا نرقى بروس المراقيب
‏ونبقى عليها لين يوم القـيامة

.....

رد: اخترنا لكم
 

‏ياليتنا نرجع مثل اول اطفال
‏طهر وبراءه مابنا ظن كافر

‏ اللي يزعلنا يراضينا بريال
‏واللي يتوفى نحسب انه مسافر

.....

رد: اخترنا لكم
 

ثنايا طلّتك على ثنايا الخاطر المشروح
‏ يباشرها قصيدٍ عنْك لا كفّى ولا وفّى

‏ مساء الخير يا كلّ الوجيه اللي تردّ الروح
‏ ما هي بعض الوجيه اللي تردّ الليل لا قفّى

.....

رد: اخترنا لكم
 

ياقبلة الروح مدري قبلة المترفات
‏مازال حبك مقيم وذكرياتك عطر

‏لو تكثر الامنيات وتكثر المغريات
‏مالي طمع غير في صوتك وصوت المطر

.....

رد: اخترنا لكم
 

‏يزهمني الحلم لا هودل حمام الصباح
‏والأرض تغري خْطاي وتبسط كفوفها

‏إنسان صالح ومالي فالأوادم صلاح
‏وكل أُمنية مستحيلة كنّي أشوفها

.....