رد: فوق هام السحب ( الشعر الشعبي) على متن القوافي
 

تدري وش اللي في غيـــــــابك يسلي
نسخة مــراسيلك ومـاضي شعــــورك

اســـــد فيها فجــــــوة العطف واملي
منهــا فـــــراغي وانشغل في إمــورك

كلما سقط واستعمر الشـــــــوق كلي
اعـــود في حرب الهوى من سطورك

إســـال عليا كل خــــــاطر وصل لي
وكل جمله عـــابره من بحـــــــــورك

إسال بريـدك والــــــــــرسايل وقلي
ايش بايقوله عني اخــــــــر ظهورك

افطر على ماضي شعــــورك واحلي
في همسة إعجــابك وريحة مرورك

....

رد: فوق هام السحب ( الشعر الشعبي) على متن القوافي
 

يقول خالد الفيصل:
ترى العتب دايم دليل المحبه
محد يعاتب واحد ما يدانيه

رد: فوق هام السحب ( الشعر الشعبي) على متن القوافي
 

جيت احطك في خفوقي واعتذر
قال حملي ماقوى سطـوت غـلاه

جيت احطك في عيوني والنظـر
فـز جـفـنـي قـال يشعيني ضيـاه

قـلـت خـلـولي مـتـاهـات السهـر
يكفي ان روحي تنعّم في حِـمـاه

....

رد: فوق هام السحب ( الشعر الشعبي) على متن القوافي
 

‏عز نفسك وارتفع فوق النجوم
لو حياتك كلها هم وشقا

المراجل تبتغي رجلاً يروم
للمعالي كل صعباً ارتقا

مثل حرا فالسما دايم يحوم
لابغى الما من السحايب استقا

فرق واضح بين حر وبين بوم
وش يجيب البوم للحر النقا

لكن احذرمن مخاوات الرخوم
لاترجى من مخاواهم بقا

....

رد: فوق هام السحب ( الشعر الشعبي) على متن القوافي
 

ياللي لك الشعر يُكتب والمشاعر تذوب
الشوق ماهو بيرحم والطواري بلا

تعال ما فيه واحد خالي من الذنوب
اما كذا مواصل العشاق ولاّ فلا

ان كان للحب دوله تستضيف القلوب
من غيرك اباييعه واقدّم لْه الولا

انا معك خاطري واسع وصدري رحوب
حتى لو اني حزين وخاطري ماسلا

....

رد: فوق هام السحب ( الشعر الشعبي) على متن القوافي
 

راس يبادلك الوفا حب خشمه
‏حطه على يمناك وارفع مقامه

‏ وراس يقلل قيمتك لاتحشمه
‏ لو زان في وجهك لقاه وكلامه

....

رد: فوق هام السحب ( الشعر الشعبي) على متن القوافي
 

‏غلاك عندي ما يقدر بالأثمان
مليار في مليون لو يضربونه

لو يقسمون الثلث للأنس والجآن
تتعب أصابعهم وما يحسبونه

....

رد: فوق هام السحب ( الشعر الشعبي) على متن القوافي
 

‏لو نكتب الشوق ما تفنى دفاترنا
يفنى الورق والقلم يكتب لنا وصاته

ولو نكتب الشوق يطلع في مدامعنا
الشوق واضح على المشتاق نظراته

....

رد: فوق هام السحب ( الشعر الشعبي) على متن القوافي
 

رسالتي لك....

القلق لا يغير شيء
ولكن الثقة بالله تغير كل شيء
صلاة الفجر ميعادُ العطايا
قرانٌ مشهود
وركعتان خيرٌ
من الدنيا وما فيها

رد: فوق هام السحب ( الشعر الشعبي) على متن القوافي
 

خارج الصندوق....

والمرأة في لسان العرَب يُقال لهَا [ حَنَّة ]
فيُقال: (فُلانة حَنَّة فُلان)
أي زوجته
ويقول ابن القيّم في هذا :
سُميت الزوجة حَنَّة
لأن الرجل يحن إليها أين كان
وأمّا الحنين فهو الشَوق
وتوَقان النفس
وإنه لمِن آثار الحب وموجِباته

بقلمي