رد: اخترنا لكم شعر نبطي وفصيح
 

يا حاكم الشوق قلبي يطلب انصافه
بكرة انا وانت موعدنا مع القاضي

‌اما تجيني بطب القلب واسعافه
ولا نخلي المشاعر والهوى ماضي

.....

رد: اخترنا لكم شعر نبطي وفصيح
 

عيناك تلك الساحرة والأنيقة
جمالها الفتان زاهي وبراق

قلبي عليها اليوم يحرق حريقه
وللقاء والوصل ضامي وتواق

أضناه طول البعد وازداد ضيقه
ماقد صحى من سكر حبك ولافاق

قلبي حمل بالحب مالا يطيقه
يكفيه ما لاقى ببعدك وماذاق

داويه من سقم الجراح العميقه
ان كنت انا وياك بالفعل عشاق


.....

رد: اخترنا لكم شعر نبطي وفصيح
 

انشر لك إحساسي على شان تقراه
‏ماهو عشان تسوي اعجاب وتروح

‏حبيت تعرف ماحوى القلب واخفاه
‏وتفهم فديتك ماقصدته في البوح

‏لك في خفوقـي حب ياحب ما اقواه
‏ ولك عشق فيني ساكن الروح يا روح

‏ولك في صميمي ود ما ودي انساه
‏ولك شوق دايم مسكنه داخل الروح

.....

رد: اخترنا لكم شعر نبطي وفصيح
 

‏جتني رساله زادت القلب بأعجاب
من واحد في ذمتي مانمله

يامرحبا واهلين والفين ترحاب
عداد مزن من الحياء مستهله

.....

رد: اخترنا لكم شعر نبطي وفصيح
 

‏القلب يجبرني عليك انت بالذات
ولا العرب واجد وغيرك مزايين

ارجوك كلمني من الروح بسكات
كلمة غلا تجمع قلوب المحبين

اونس بقلبي كل ما قفيت ضيقات
مدري بلاي الحب ولا الولع شين

ان جيت ابشرحلك شعوري بما فات
ترجف ضلوعي واصبح الجرح جرحين

ما ترحم اللي يسهر الليل ما بات
ضاعت حياته بين يمكن وبعدين

يسريبي التفكير في كل الاوقات
مثل الذي يرجى تعود فلسطين

.....

رد: اخترنا لكم شعر نبطي وفصيح
 

عــواجـل الخُـبـره كُـثُـر مستـواها
في ذمـة اللايك وفـي ذمـة الشير

كــم يا مـصـادر قـولها مـن هـواها
تمشع لنا الأخـبـار مـن داخل البير

لـهـفـه للاعـجـابـات زادت غـواهـا
يا ناطـق القوات تصبح على خير

.....

رد: اخترنا لكم شعر نبطي وفصيح
 

‏ليت الزمان الي مضى يرجع اليوم
‏وترجع لنا ايام القلوب النظيفه

‏ايامنا هالحين ظالم ومظلوم
‏ونيات بعض الناس ماهي عفيفه

ياليت

رد: اخترنا لكم شعر نبطي وفصيح
 

ي مساء الخير ماهي توفيـك
لأن المساء يكـون مـن نور طلتك

يا جعلني مفقد وصالك ولا أبكيك
ويا جعلنــــي مفقد غلاك ومحبتك

آمين

رد: اخترنا لكم شعر نبطي وفصيح
 

‏يالله ياللي اليك الامـر والشكوى
يا خالـق الناس يا عالم سرايرها

سألتك العافيه والخيـر والتقـوى
والجنه اللي عبـاد الله تـدورها

آمين

رد: اخترنا لكم شعر نبطي وفصيح
 

‏اسم النساء عزوة مطانيخ وشيوخ
لولآ النساء مآجت عيال الحمايل

لآصاحت الترفه فزع كل مطنوخ
كم صيحة رآحت وراها قبايل

.....