|
رد: فوق هام السحب ( الشعر الشعبي) على متن القوافي
من عادة الوقت لامن خاب ، يوجعنا
ومن عادة الصمت يحكي كل مافينا وأصدق دروس الحياه اللي ، تعلمنا دنيـا قصيره ،تضـــحكنا ، وتبكــينا ...... |
رد: فوق هام السحب ( الشعر الشعبي) على متن القوافي
لاتضايق لو يصير اللي يصير
كل قلبٍ من همومه مرّتوي ٰ دام لك ربٍ على همك كبير خل قلبك في مواقيفه قوي ...... |
رد: فوق هام السحب ( الشعر الشعبي) على متن القوافي
ياليل من الهوا والشوق ڪيف انّه
يسهّـــرنـــي يعنّيني يبڪيني يا ليت القلب ينسى بس ما اظنّه أنا محتـــاج لي شــيٍّ ينسيني حبيبي ڪيف ترضى الهم والونَّـه وانا فيني من الدنيا ما يڪفيني عطيتڪ روحي وعمري بلا منّه وحطيتڪ من العالم وسط عيني نــاظـــرنـــي وشـــوف عيوني ڪيـــف الشـــوق ســـوّا فيها ڪــلّمنـــي وقـــل وش لونـي تــڪفينـــي لــو تســـويهـــا مـا اسمعهـــم لــو ينادونـي عــالـم مـــا يهــــــم ارضيهـا مـــا ابيهـــم و لـو يبغـــونـي انـــت الــدنيـــــا بــاللي فيها غيابڪ ڪل هالعالـــم دروا عنّه ڪثر ما هي من دموعي تواسيني انا لي قلب طيب ليتڪ تحنّه تهديني وتضحڪ لي وترضيني تبسّم بسمة الغالـــي مــن السنة وزيّن خاطـرڪ خل الحزن فينـي ترا وجهڪ رضا وفي بسمتڪ جنة وقربڪ يا بعد ناسي يڪفيني ...... |
رد: فوق هام السحب ( الشعر الشعبي) على متن القوافي
جتنا من الدنيا كبار الصواديف
عشنا معاها ماوراها شكـــينا الوقت لو انّه ماجانا على الكيف ماهو مغيّر شي لا دار فــــينا ...... |
رد: فوق هام السحب ( الشعر الشعبي) على متن القوافي
يا ضمير ٍفيك من جاير الفرقى رسوم
وبينك وبين الشقا مابقى الا فاصله دام ترهقك الطواري وتسهر كل يوم لو تدوّر ( راحة البال* ماهي بـ حاصله ادري انك صاير ٍماش وعلومك علوم والحزن له مدّه* يواصلك وتواصله ومبطي من السجّه اللي تنسيك الهموم والمزاج الزين* والنومه المتواصله ...... |
رد: فوق هام السحب ( الشعر الشعبي) على متن القوافي
مدح فارس بن صفوق الجربا و تعتبر اجمل ما قيل في المدح
يا شيخ انا جيتك على الفطّر الشيب قـزّان مـن دار المحبيـن دبّـاب دبـاء علـيّ و دبّ منـي بتقريـب قل المواشي يـا ذراء كـل من هـاب من دارنا جينـا لـدارك مغاريـب يمّـوم نجـمِ لا تغيّـر و لا غـاب متخيرك يا منقـع الجـود والطيـب لا خيّب الـله للاجاويـد طـلاّب سلام من قلبٍ محـبٍ بـلا ريـب له يستتبّ الشاب و يشبّ من شاب يالجوهر الناريز يالعطـر يالطيـب يالصعل يالصهّال يا حصان الاطلاب يالزير يالزحّـار يالنمـر يالذيـب يالّليث ياللاّيوث يالشبـل يالـداّب يالضاري الضرغام عطب المضاريب يالفرز يا مفراص ضده و الاجنـاب يالنّادر الهيلـع عقـاب المراقيـب يا نافلٍ جيلـه بعيديـن و أقـراب نطّاح طابـور العساكـر إليا هيـب ستر العذارى لا غشى الزمل ضبضاب عيبك الى من قالوا الناس بك عيـب بالسيف لأرقـاب المناعيـر قصّـاب و عيبك الى من قالوا الناس بك عيب للسمن فوق مفطّح الحِيـل صبّـاب وذبح الغنم و الكوم حرش العراقيب وأعطى المهار و بذل مالٍ بلا حساب وبك شارةٍ كب الفـراد المحاديـب وبذل الطعـام و للتنافيـل كسّـاب ونمـراء تجـرّه للعـداء و الاجانيـب تفجاء بها غرّات ضـدّك بالاسبـاب ومن عقب ذا بالعون مابك عذاريب احلى من السكّر على كبد شـرّاب جيناك فوق الهجن شيب المحاقيـب لمشاهدك يا شوق وضّـاح الانيـاب الحر يضرب بالكفـوف المعاطيـب والتّبع قناصه من الصيد مـا جـاب وانت الذي تافي بكـل المواجيـب كنك هديب الشام بالحمِل عتّـاب تثني لابو صلفيـق ما بـه تكاذيـب شيخ الصخى معطي طويلات الارقاب ياما عطيت اللي يجونـك طلاليـب كم واحد جاء لك من الوقت منصاب و فرجت همّه في كبـار المواهيـب من عيلمٍ يزمي كما يزمـي الـزّاب عز الله انك طيب و تفعـل الطيـب والطيب يجنى منك يا زاك الانسـاب ولا هو كثيرٍ يا مهـدي الاصاعيـب أفعالكم يعـدّه اللـي بالاصـلاب خضر الصعيليك الشمري |
رد: فوق هام السحب ( الشعر الشعبي) على متن القوافي
وله ايضا بالامير محمد العبدالله
سبحان من يفعل و هو ربـي العلـى عجل الفرج للعين بإغضـاة موقـه عالم دبيب الذر فـي ليلـة الدجـى عالـم خفيّـه مـا تحتهـا و فوقـه بأمـره و تدبـاره و عـزّه و وليـتـه مع ابرك الساعات ما احلى وفوقـه اللي صخر من باب صنعاء الى الجبل للشام يمشـي ختمنـا مـا يعوقـه بسعـود زيـزوم الطنايـا محـمـد ربي نوى لـه رحمـة مـن وفوقـه مزن ٍ نشى يرعـد و قطّـنٍ مخايلـه وقّـع لـه الأولـى تدانـى لحوقـه بروقـه القصديـر و رعـوده الـدواء و الهنـد و الجوهـر ملاعـج بروقـه هلّت و هلّت و إستهلّت و هلهلت و هلّت على حمر الطياقي حقوقه و صبّت و اصابت و إستصبّت و صبصبت و صبّت عليهم من دحاريـج موقـه و سقنا و ساوقنـا و سيقـوا و ساوقـوا من ضرب مدناة القناء مـن عروقـه و رجنا و روّجنا و راجـوا و روّجـوا و جاهم من الغربـي ريـاحٍ تسوقـه و اقفـوا و قفّـوا و إقتفاهـم محمـد فهد الزراج الـى عثـى بـي فروقـه حلف بهم بالسيف قلبه من الغضـب مناكـب الهنـدي قليـل عتـوقـه حميـر هكـر و بالمعـاذر مغفّلـة تدانـت و قـراد عسـوا يسـوقـه جوكم كرام الضيف صلّوا و سبّحـوا يا مضيّعة للضيف واجـب حقوقـه سقاكم عقب السكِّري حنظل الشرى ما تف فـي كفّـه وسـاع فتوقـه و انا اذكر الله و الصلاة علـى النبـي اعداد ما غابـت و يطلـع شروقـه خضر الصعيليك الشمري |
رد: فوق هام السحب ( الشعر الشعبي) على متن القوافي
هذه الابيات التالية بمعشوقته الكردية
يا صاحبي ما بك نصيبٍ يرجويـن لا بالشباب و لا بعد عارضي شاب عن دارنا بديار الأجناب منحين تل الذهب عن دار حيي والأغراب بديرة ما به صديـقٍ يشاكيـن الا الضفادع حسهن تقل طنـّاب بديرة ما به صديـقٍ يشاكيـن الا الخشب يمشي مع الشط هراب مع أيمن الفكّه جنـوبي حمريـن غربٍ من الفتحه شمال عن الزاب أدير به عينـي و أحـل الرماميـن خلاصةٍ تركى على كير شبـّاب و جديلته فوق الحجيّج صفيفيـن ريش النعام اللي مع الدو هـراب و نهود سطرات الفناجيل بالصيـن دزن و مزن في جديدات الأسـلاب و العنق عنق اللي تقـود المغيريـن لاهلهلت به سابقٍ عقب مطراب و العين عين مكركمات الشياهين أو عين قواد المهاء خضع الأرقـاب و ريقه طعم تفاح طلـع البساتيـن أو سكرٍ يشرى من الهند و يجـاب و ردفين كالحزفين في سوق شارين علّق مطاويهن على لايح البـاب يا شبه وضحاء مع فريقٍ مطرّيـن ترعى طنف تتلي مصاليح الأجناب خضر الصعيليك الشمري |
رد: فوق هام السحب ( الشعر الشعبي) على متن القوافي
دنيت محماسي و كفى خذا ميل
بريّة من سوق صنعـاء مقـرّه ياما حلاء صبّه برقط الفناجيل من دلةٍ مثل البريسـم تجـرّه ياخذت من بكره ثلاثة فناجيل راح العماس و عيمتك راح شرّه خضر الصعيليك الشمري |
رد: فوق هام السحب ( الشعر الشعبي) على متن القوافي
على كثر الوجيه الغايبة ظ« عن راسي المزحوم
حضر وجهك نيابه عن عموم وجيه غيّابي يعسّ بـ قاع بالي فيضة جروح ومناقع لوم وينصب له خيام من السهر ويطيّر أسرابي خذاك الحلم من نوم العوافي لين صح النوم وخذاني ليلٍ لا جيت أرقده وقف على أهدابي ...... |
رد: فوق هام السحب ( الشعر الشعبي) على متن القوافي
قل للسنين اللي تراهني على كسرة عصاي
ضربت الأرض لين ثوَّرت الغبار من الصدور أنا على ما تشتهي نفسي و وين ألقى هواي محدٍ يحرك وجهة شراعي على السبع البحور ليا رضيت أطيّر الحاجة و أوصلها سماي وليا زعلت أخلي الحاجة دبورٍ في دبور ...... |
رد: فوق هام السحب ( الشعر الشعبي) على متن القوافي
دوّر على الطيّب المطنوخ واحرص عليه
و اذا ما حصلت طيّب لا تعلّق فاحد ترررى ضعيف الروابع لو تعلّقت فيه يوميييين و الثالث اما باار والا جحد و بعض العلاقات ما تبطي و بعض الوجيه اثقل على النفس و انكد من دوام الاحد ...... |
رد: فوق هام السحب ( الشعر الشعبي) على متن القوافي
ماني بشرهانه على فايت العام
يوم انزرع في وسط صدري حدايق يكبر شعوري قبل لا أكبر بالأيام ويزداد تفكيري وعي بالدقايق ماني بحاجة وقت وشهور وأعوام لجل اصبح الراشد فطين الحقايق العمر كبرني .. على كل الارقام خلاني لحمول الثقيلات طايق ...... |
رد: فوق هام السحب ( الشعر الشعبي) على متن القوافي
كانك تكاثرت ليلة من ليال الخلود
أنا حياتي علشانك تشاويتها خل الأماني على حطة يدين الوعود وش قيمة اللي توارى قبل توقيتها أنا بوجه العدم والفقد كنت الوجود وعروق قلبي طريق ومهجتي بيتها حاجة تجيني بعد طول انتظار وجحود زكاتها نظرة مودّع وخليتها ...... |
رد: فوق هام السحب ( الشعر الشعبي) على متن القوافي
انا سمحت وطابت النفس واقفيت
ماعاد لي صوب الرجوع التفاته محدٍ على الثاني ترى اليوم مجبور وكانه ع النسيان عندي استطاعه ي صاحبي معذور أَنا وأنت معذور ما يجتمع مغلي ومرخص بضاعه ...... |
رد: فوق هام السحب ( الشعر الشعبي) على متن القوافي
رحيق الثغر في شفتيك سكر
وفي عينيك والنظرات خنجر على خديك تنتحر القوافي ومن لهب الجوى الله أكبر هي أني أتيت إليك طفلاً شقي الطبع معزفه تكسر أتى يبكي وفي عينيه دمع وبين يديه أقلام ودفتر فضميني إلى نهديك حتى أذوق الحب في النبضات كوثر كذلك يفعل الأطفال مثلي وأنت أحب من نفسي وأكثر فقالت: ما عقلت من الصبايا ومازال الغرام عليك يظهر تخادعني وعندك ألف حضن وحولك ألف عاشقة وجؤذر من البيض الكواعب كاللآلي وكم خد كريح المسك أسمر أتخدعني بدمعك والقوافي وثغرك من صباغ الغيد أشقر أشك وقد رأيتك ذات يوم وخدك من دم القبلات أحمر تشبه كل أجسام الصبايا فذي فل وذاك الخد مرمر وهذا العطر في خديك يلهو ويجري في دمائك منه عنبر فما للشعر تنصبه شباكاً أرى الشعراء من أبليس أخطر وأنت على ضفاف النيل ترعى مع الغزلان تذبحها وتنحر فقلت لعل كذاباً غيوراً تدخل بين ألفتنا ودمرًّ أمد يدي إليك وأنتِ حمقى ويغلب طبعك الخيلاء والشر فإن لم نلتق فلعل يوماً يعود لأهله الغادي ويظفر فقالت لا فأنت نزيل روحي تعال الوصل بعد الهجر أيسر ..... |
رد: فوق هام السحب ( الشعر الشعبي) على متن القوافي
قوافي الحب ريحان معطر
جداوله سرت مسكاً وعنبر وبالغزل العفيف يهيم قلبي وأهتف معلناً الله أكبر وروض الصبّ أزهار وفل وكم خد كريح المسك أسمر أراك تهيم في غزل الصبايا وحولك ألف عاشقة وجؤذر أراك بأفقك العلوي تدنو وثغرك من صباغ الغيد أشقر أراك بهودج في صدر هيفا كطفل بين نهديها تكسر أقد عنيزة أو جيد عبلا فتنت به كقيس أو كعنتر ولولا العشق بالعظماء يزري لكان لمن مضى نهد وكوثر وذكر الثغر والنهدين سقط وإن قيلت من العظماء أخطر فهوِّن في انفتاحك وامض قدماً تزمجر كالرعود وكالغضنفر رزقت مواهباً في كل فن فأنت القائد الداعي المظفر وروِّض بيانك السحري عذب وحلو حديثك الفكري أعطر وضيء الوجه براق الثنايا حصيف العقل عذب القول سكر جهودك ماتزال لها غصون وغرسك في بناء الجيل أثمر ومركبك الجميل شذىً وفناً رسمت ألواناً وعليه تشكر وفيه نسجت أشعاراً وفكراً به الأيام والأجيال تفخر فلا ترسل إلى الغزلان شعراً فذا فلٌ وذاك الخد مرمر تغزل بالطبيعة والمغاني وبالآمال والماضي المدثر تغزل بالعفاف إذا توارى وبالقيم النبيلة حين تقبر ترى الآلام تعصر كل حر وأنت بمسرح الأهواء تقهر مآذننا توارت في المهاوي ومسرانا بأيدي البغي يُعقر أتهوى والخطوب تعم قومي وتعشق والنساء هناك تؤمر وتلهو والحضارة في غروب وأمتنا بسوط الظلم تقهر وأطفال تموت بغير ذنب وأموال بغير الحق تهدر رزايا لو تحط على جبال لأضحت صفصفاً قاعاً مبعثر هموم لاتقر على فؤاد يذوق الحب في النبضات كوثر وفي النهدين يبسط راحتيه شقي الطبع معزفه تكسر يهيم مع الكواعب والغواني وبين يديه أقلام ودفتر ويسكن في ضفاف النيل يلهو مع الغزلان يذبحها وينحر فأين تعفف الشعر المرجى وخدك من دم القبلات أحمر وأين الفكر تعصره القوافي فأنت به أدرى وأكثر يزيّنه البديع كضوء فجر ويشمخ مثل أشجار الصنوبر لعل الصبَّ هزّ لكم جَناناً ولامس مهجة العاني المكدر فأنشدت الهوى من غير قصدٍ رحيق الثغر في شفتيك سكر لعل صباوة الماضي أفاقت فحركت الذوائب ألف محبر لعل الشارع المصري غذى فؤادك بالهوى الحسيُّ أكثر لعلك قلتها في أم زيدٍ وأم محمد أو أم بندر لعلك قد أردت الشعر عذباً يغني في ثغور الغيد أجدر فغير وجهة المرمى ورشد قوافي الشعر للهدف المكبّر ولاترم اللواحظ بالقوافي فتغمد في فؤادي الطهر خنجر ...... |
رد: فوق هام السحب ( الشعر الشعبي) على متن القوافي
ماتكنّ القلوبوماتشيل المخابي
بوحها يلحق الرجّال شكه وريبه بين هرجة عذول وبين شخصً حكابي العرب صدقوا وانا دفعت الضريبه لو نواياي تستر ماانكشف من ثيابي المجامل ب من لايستحقه مصيبه محمد مريبد |
رد: فوق هام السحب ( الشعر الشعبي) على متن القوافي
خل الشماتة يابن عمي وقل خير
ماتضمن اللي صابهم لايجينا يمكن تجي حاجاتنا في يد الغير من عقب ماحاجاتهم في يدينا اخوان يوسف عقب حطوه بالبير دار الزمان وجوه من بدو سينا قالوا بعد وقفت على بابه العِير اوفي لنا الكيل وتصدق علينا عبدالله الطلحي |
رد: فوق هام السحب ( الشعر الشعبي) على متن القوافي
من فايض الوحشة ومن عسر المرام
يارب أنا مالي سوى وجهك ولي افسح لي من الأرض وأهلها مقام تسوقني رجلي على حدّ جهلي في وجهك إن وقفت قِل وانعدام لا تفرح أعدائي ، ولا تزعل هلي علمني أثبت كلما عز الكلام ولا أحب اللي ما هو مكتوب لي ...... |
رد: فوق هام السحب ( الشعر الشعبي) على متن القوافي
أقبلـي يـا طب قلبـي وإرتياعـي
أقبلي عقب المسافات الطويله واحضنيني يا جميله من ضياعي الضياع اللـي مـاخـلا لي وسيلـه مرحبابـك من ذراعي لـ ذراعـي جابك الله علم وأنتي حلم ليله يا ثمر قلبي وشوقي وإندفاعـي يا غناتي فالسنين المستحيلـه ...... |
رد: فوق هام السحب ( الشعر الشعبي) على متن القوافي
يا من تطلب الله كثّر الحمد والتكبير
وعلى الحمد والتكبير داوم ولا تجنب طلبته وانا مذنب وكثر علي الخير فما بالك بطلبة فقيرٍ ماهو مذنب ...... |
رد: فوق هام السحب ( الشعر الشعبي) على متن القوافي
تغانموا فعل الجمايل مع الناس
الناس صعبات الظروف اجرحتها فعل الوفاء والخير فالناس نوماس الطيب فوق الأرض ماهو تحتها ...... |
رد: فوق هام السحب ( الشعر الشعبي) على متن القوافي
مهما الزمن يخفيك ياراعي الطيب
يبقى شذا طيبك على النفس طايب وفي كل يوم تشرق الشمس وتغيب تبقى رفيق الروح .. وإن كنت غايب ...... |
رد: فوق هام السحب ( الشعر الشعبي) على متن القوافي
ياسامرين الليل في بحر الاشـواق
ياليتني معكم يلـوح شراعـي بين القمر والموج لمعه وبراق والنسمه العذبـه للاحبـاب داعِـي القرب ياالغالين للروح ترياق والبعد ذباح القلوب الوجاعـي ...... |
رد: فوق هام السحب ( الشعر الشعبي) على متن القوافي
لا تمادى فالخطا مرّه و مرّه
غلطة العاقل تنقّص من وقاره ان تشرّهنا لنا حق إنتشرّه وإن سكتنا يفهم الحر الاشاره ...... |
رد: فوق هام السحب ( الشعر الشعبي) على متن القوافي
من بادي الوقت هذا طبع الايامي
عذبات الايام ما تمدي لياليها حلو الليالي توارى مثل الاحلامي مخطور عني عجاج الوقت يخفيها أسري مع الهاجس اللي ما بعد نامي وأصوّر الماضي لنفسي وأسليها أخالف العمر أراجع سالف أعوامي وأنوخ ركاب فكري عند داعيها تدفا على جال ضوّه بارد عظامي والماء يسوق بمعاليقي و يرويها إلى صفى لك زمانك علّ يا ظامي اشرب قبل لا يحوس الطين صافيها الوقت لو زان لك يا صاح ما دامي يا سرع ما تعترض دربك بلاويها حتى وليفك و لو هيّم بك هيامي صيّور الأيّام تجنح به عواديها الأمير خالد الفيصل |
رد: فوق هام السحب ( الشعر الشعبي) على متن القوافي
يا عقاب مدري مدح والبستك اوشاح
والا الرموز يْحلها من طرقها يا سيّد الزرقا تعلّي ومرواح لن سقتها مع قبة الكون سقها تكّي بصدرك للذعاذيع وارتاح وافلج محاديب السحايب وفقها خلّ السواري عنك وانزاح وانزاح واعلا مراقيبٍ على الجدي وقها مثلك ليا ستّل جناحه مع الضاح وارخى سمار الريش في معتلقها استسلمت كل الجوارح لمن شاح عنها وجدّد من علّوه رهقها سيفٍ ليا جرّد على الصيد ذبّاح وموسٍ ليا ناش الضوافي حلقها اهواي نجم وكفختك بارقٍ لاح وتكبيرة الميت على اللي لحقها وما بين مخلابك وفلاج الاصباح بيض الثنادي قبل يرهج علقها زوعتك سيل وطعنتك عَيْلم ارماح من مخلبٍ واليا صفقها صفقها لا ملت شلت ولا تواسيت وان طاح ضلّك على كبد الطريده فلقها والا ليا نشت الخريشه من الراح ما كن ربك بعد تدمي خلقها واليا شلعت وجالك صْياح وطْياح كنّك وكنّ اللي ذبحها وفقها وصف الاصيل اللي ليا لز طفاح هذي توطاها وهذي فهقها عن بعد حر ولا تقاربت سراح وان جيت عبد اضنى الحرار وعتقها واخطا عليك مْسمي الصقر يا صاح بالحر وانت الحر للي فرقها وشلون حر وجذب راسه بْملواح عيشه على كف الرجال وْعرقها وانته سندك عْضود وصْعود وجْناح وحداد سم الطايره في شنقها ما ذلّك البرقع ولا ردّك صْياح ومن حيث ما تبغى مع الكون سقها خالد العتيبي |
رد: فوق هام السحب ( الشعر الشعبي) على متن القوافي
خلوني ارقـى عاليـات المراقيـب
في تختخ ما حولـي الا الهبايـب في عالي مدهال عكـف المخاليـب شقر الحرار اللي تعلـى الرقايـب واسلى من هموم سواة المغاليـب صكت علي ما بين مخطي وصايب واشوف روض فيه حرش العراقيب خطل الايـادي زاهيـات الجنايـب جرد الرقاب اللي عليها الكلاليـب هزع الفقـار ونابيـات الترايـب فجح من السيقان سود الحنازيـب وساع النحور بشوفها البال طايـب فنس الخشوم اللي ذنيها نواصيـب روس السهوم مركزات الحرايـب ذود لنا من عاد وقـت المكاسيـب ماجات في سوق الجلايب جلايـب اليا مشت تبري الجروح المعاطيب كنها على الممشى تقـود الكتايـب يازينها في ساقة السقس والجيـب في فياض نجد اللي سقته السحايب والعمـر مـره والليالـي مكاتيـب والموت حـق والمنايـا سبايـب وانا من الدنيا خذيـت التجاريـب توني شباب وفي التجاريـب شايـب اقدر اللـي يقـدرون المواجيـب من قاصي العربـان والا القرايـب وابعد مجالي عن ربوع العذاريـب قلال الروابـع تابعيـن النسايـب ياقربهم اليـا صفـن المشاريـب ويابعدهم عنـد احتكـام النوايـب خليل بن هدلان |
رد: فوق هام السحب ( الشعر الشعبي) على متن القوافي
واطيري اللي مانبي غيره خيار
حر كما وصف ثلاث بوفاها عدل المناكب لابرق الريش حشار لاشاف حفال الحباري نصاها يودع بديد الريش بالجو نثار وعينه كما عين العديم بسناها ليا انطلق يكرك تو الخرب ماثار وصكه بكفه والثنادي فراها هديته عصير واثر طلعه طيار طالع خلوج مقفيه واقتفاها وسقت الونيت بساقته حد الاسفار والارض ماانظر رملها من حصاها بس العيون بساقة الطير سمار ونظرات عيني شاطحه في سماها والشمس غابت وحال من دونها ستار ليل غشى روس الجبال وغطاها وامسيت بالحروة وبس اقعم النار واقول كود اللي يجيبه سناها واصبحت في راس الطويلات سبار ولابه طويل الا ونيتي رقاها واصيح بالملواح واقول نصار واصيح صيحات يجلجل صداها وانكفت ميس منه من عقب ماصار ونصار مدري وين دار نواها تكفون ياللي مولعين وصقار وحروات طيري تضربون بحراها ترى وصوفه بينه ياهل الكار اوضح من شمس الضحى في ضحاها اشقر وفيه دقات رشات صغار بياض على ذيك المناكب زهاها حرش كفوفه مخلبه تقل شنكار افجح حنف هجر الكراع بوفاها تضفي سراويله على الوكر لادار وحجول سبقه من رهاها يخطاها والزور طالع والثنادي له كبار متفهن الجنحان عدل سواها وعنقه طويل وجوهره يعيط انوار لاقام يهاوز طلعته وانتواها افدع تقول جفون عينه صبر نمار والعين عين اللي غضبها ملاها عين العديم اللي حضر صيحة الجار فادى بنفسه والقوافي نساها عقاب بن مصقال السهلي |
رد: فوق هام السحب ( الشعر الشعبي) على متن القوافي
أعالج لوعة المغرم وتكبر لهفة المشتاق
بحسن رضاي أسوق خطاي أقدم رجلي وأفهقها أهوجس من طلوع الشمس ليما غيبة الأشفاق ورجلي في ظلام الليل مدري وش يوافقها أبصبر وآتصبر مير أظن الصبر ما ينطاق لقيت الصبر مرّ ولو ينوش الكبد يحرقها ألا يا كاملين المعرفة سلك الغرام دقاق إلى صاب القلوب الله يعافينا يخرّقها أنا لي صاحب ٍ خدّه ورا الشيلة كما البرّاق بعرض المزنة اللي مثل شمس الظهر بارقها خلقها الله وزيّن خُلقها وأخلاقها الخلاق قليلٍ جنسها في جيلها سبحان خالقها لها عينٍ ليا لدّت بها تذبح بها العشّاق وبها وصفين من عين المهاه وطول عاتقها إلى ما شفتها ضاقت بي الدنيا وصدري ضاق وأنا لولا الهوى لي كان عيني ماتفارقها أحب مشاهد الغالي عسى ما هو بحب فراق ولو راح أتبعه في مغرب الدنيا ومشرقها إلى جا الليل ماشفته يزيد بقلبي الدقّاق معه روحي بسلك العنكبوت الله معلّقها ليا عرّض علي آقف مثل وقفة كسير الساق وساعات الوداع أسرع من الكدلك دقايقها أنا ويّاه جدّدنا القسم والعهد والميثاق ولكن قدرة الله سابقة ما احد ٍ يسابقها تعاطينا العهد في واحد ٍ من عاهده ما باق ما دام إن الثقة بالنفس يلزمنا نوثّقها أنا أعرف ناس ماتنقاد بالدنيا ولا تنساق ولو تعطيك عهد الله وأمانه لا تصدّقها تشوف أزوالهم مثل العرب مال الله الرزاق متى ما هب نسناس الهوى يظهر حقايقها أحمد الناصر الشايع |
رد: فوق هام السحب ( الشعر الشعبي) على متن القوافي
ظلمتني والله قوي يجازيك
باللي بلاني خالق الناس يبلاك شابهت عدواني وانا طامع(ن)فيك اقرب قريب(ن) لي هقيت انه اياك اللي جرالي منك ماهوب خافيك روحي على حد الخطر من سواياك والله ماغيرك بقلبي يوازيك اغلى من الدنيا على الخد ماطاك أشفق على اللايم إلى جاب طاريك ودي يطول الشرح في حال طرياك الشاهد الله من كثر ماني أغليك في سبّتك لو راحت الروح تفداك خالد الفيصل |
رد: فوق هام السحب ( الشعر الشعبي) على متن القوافي
تعبت عيوني بس أدور واراعي
و أنشد عن الزينات واشتاق واشوف لاشك ما قد تاه فكري وضاعِ ألين شفتك و أصبح القلب مشعوف اللي داعاني لك من الحب داعي داعي غرام للمحبين معروف ملكتني يا بوعيون وساعِ أسير حبك بين أياديك مكتوف ليتك تخفف من عظيم التياعي لو تبتسم لي شفتها منك معروف متى يصير بنور عيني اجتماعي و ألقى التّعب من سيد الأحباب مخلوف خالد الفيصل |
رد: فوق هام السحب ( الشعر الشعبي) على متن القوافي
مرت الستين والشايب طفل
توي أدرس في كتاتيب الحياه مرت الستين مازال الجهل كل ما جيت استره يكشف غطاه مرت الستين فكري ما اشتعل كلمااشعل جذوته وقتي طفاه مرت الستين دربي ما كمل واقف في راسه أتأمل مداه ألتفت والوقت يدفعني عجل ماانتهيت من امس وباكر ذا سناه كل يوم أقول في باكر أمل وان حضر باكر رجيت اللي وراه أرفع الهقوات لو حظي نزل واقنص القاع الذي ما احد وطاه المراجل ما بطلبتها خجل يخجل اللي يقدر الطيب وعصاه السنين اشعار والشاعر مثل يفهمه من شاف بالعقل وقراه أكتب الايام في شعري غزل كل بيت عاش في عمري حياه خالد الفيصل |
رد: فوق هام السحب ( الشعر الشعبي) على متن القوافي
ياللي تعرفون الهوى لا تلومون
يلومني من لا درى ويش حالي الحب يودع عاقل الناس مجنون يودع كبير السن مثل العيال واهل الكرم والجود لاجله يذلون يشحذ عزيز النفس فيه الوصال ان ساعد العشاق حظِ يسجّون اسعد ليالي العمر هاك الليالي وان عاكست سود الليالي يموتون الحب غربال من اول وتالي خالد الفيصل |
رد: فوق هام السحب ( الشعر الشعبي) على متن القوافي
يا صاح انا قلبى من الحب مجروح
جرح عطيب ما لقى له من يداوي لو ينشرى قربه شريناه بالروح مير البلا شوفه غدى به هقاوي أهل دمع فوق الاوجان مسفوح على الذى ما هو بللغدر ناوي انا ادرى انه مثلي اليوم مطروح لاشك ما يقوى و لاني بقاوي لولاي ادارى سر الاحباب لا ابوح و ابيع بيعة الهبيل الفداوي لكنى اجحد فيه عن كل مفضوح خوفي عليه من الحكي و الدعاوي حسبي على اللى حط فى الدرب ساموح العذيل اللي جرّ كل البلاوي من اول باب المواصيل مفتوح يوم ان عذال المودة خلاوي واليوم يسد الباب لوح(ن) على لوح و امسيت انا يا صاح قلبى شقاوي خالد الفيصل |
رد: فوق هام السحب ( الشعر الشعبي) على متن القوافي
يا ساعة الفرحه تشوقت للعيد
عيد العيون وعيد قلب الصبابه رد الجمال لشوفتي يا اتلع الجيد واسحب على حرفي لحون الربابه حرفي بصوتك يا اجمل الصوت تغريد يا رمز حبي هاك رمز الكتابه يا صبح عمر فيك للعمر تجديد وحبك يجدد كل يوم شبابه للعين والقمرا وحسنك مواعيد وليل الهوى شرع للأحباب بابه ياما زعجت الصوت باسمك تراديد وياما نسيم الوجد يمك سرابه وياما تمنيتك على باقي الغيد واقول مثلك يا غلا الروح ما به ابيك تهوى مثل ما اهواك وتزيد يا من خفوق القلب حسنك غدا به يا قطرة الغيمه على يابس البيد رد الحياة لخافقي يا ذهابه خالد الفيصل |
رد: فوق هام السحب ( الشعر الشعبي) على متن القوافي
كضت الحق الهارب ومتمرّد افكاري
ابا اروّض الفكره على حالي الجاري ابا اقضب عنان الطامح الجامح العاصي ابا المس حنان الساهم الحالم الساري ابا اجمع شتاتي عقب رحلات غرباتي واناغم هواجيسي على باكي اوتاري تعبت ?وجرحني يا اهل المعرفةدربي وطالت مسافاتي وانا اطارد افكاري وراها توارى من ورا حاضر ايامي وراها تسافر من ورا قدرة اسفاري وراها تواري عجزي تشوفه عيوني وراها تطير وكلي قيود واعذارِ حبسني رماني بالثرى والسما حلمي اغازل سحاباتي وانا اكتب لها اشعاري اروّح لها صوتي مع رايح النسمه واقول امطري ياغيمتي جفت انهاري ويمسي علي الليل خالي وانا خالي لا باح لي سرّه ولا بحت باسراري نجوم السما تقدح وليلي بها ساكن عجيب السكون بليل فيه الفلك جاري ويافكري الهارب ويانوري الغارب بدونك فراشاتي تهاوت على ناري وانا لو عذرت الغير مااعذر افكاري انا موطن افكاري ودار الفكر داري خالد الفيصل |
رد: فوق هام السحب ( الشعر الشعبي) على متن القوافي
يمرّني كل عام يوم ميلادي
يوم أعرفه ويوم انسى مواعيده يمرّني وانتبه للغايب البادي واهوجس بحال غيري من مواليده أرتاع وارتاح له يفرق وهو عادي ينقص من العمر عام في ضحى عيده أناغم الحرف ذا باكي وذا شادي وارسل مع كل دمعه وجد تغريده ياوابل الغيث كان الحظ به جاد يزهر حياتي نداه وتزدهر بيده ياركب الايام معك العمر ينقاد كم ليلة(ن) وسّدتني فيك تنهيده ويارحلة العمر في صحوات ورقاد ويارعشة الجفن في غفوه وتسهيده في لحظة العمر تسري فزّة فوادي لحظه وفزّه وباقي العمر ترديده الّلحظه الماضيه ما عاد تنعاد والقادم من العمر باالغيب تفنيده ثلاثة ايّام للرجّال يا هادي يومين دنياه ويوم البعث تخليده خالد الفيصل |
رد: فوق هام السحب ( الشعر الشعبي) على متن القوافي
ماعاد لي بمطارد الصيد حاجه
إلاغزالن صادني قبل اصيده ريمن لبس في عالم الزين تاجه عزاه داري عن دياره بعيده خشفن طعن قلبي وعنده علاجه ماله سلاحن غير عينه وجيده إلى اظلمت دنياي ولع سراجه يمشي على دربه فوادن يريده ياعاذلين القلب هذي سذاجه خلوني آحبه واحبه وازيده القلب قلبي والمخالج خلاجه وكثر الحكي يااهل الحكي مايفيده خالد الفيصل |
| الساعة الآن 09:17 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية