رد: اخترنا لكم
 

هنا والقصيد العذب بسم الله الرحمن
‏يديني على قلبي وقلبي وش يساير

‏عسى الغالي اللي كنت اداريه مهما كان
‏ما يهدم مقرّه ريحً من الهجر ساير

‏على كثر ما كنت اهتوي عودّه الريان
‏يراودني ان القلب يشكي رعي جاير

‏ذبحني وقوفي بين لحظة قلق وامان
‏وانا اللي يوقف وقفتي ماهو بحاير

‏ادور على طاري يجيبه من أي لسان
‏لو يجيبه الطاير تعلقت بالطاير

‏اثر لكة البندق مثل صدّة الخذلان
‏تشوف المشاعر و الفشق حالهم باير

‏ترا اللي يذوقك الجفا يا غصيْن البان
‏مثل من يحط القيد في قبضة الثاير

‏عرفت انك تذوق المراره من الحرمان
‏مثل ما عرفت ان الظبا بينهم ذاير

‏وانا اللي يقول لسانك اعبر من البركان
‏محلفّك بالله لا يعوّد علي فاير

‏معك مستعد انسى المصايب قدر إلامكان
‏لو تقول وش صاير لنا ؟ قلت وش صاير

.....

رد: اخترنا لكم
 

‏تهزّع على ماشفت من عِرق يا محلوّ
‏ترى كل مرّه تسرق القلب واطوّف

‏تخيلك عيون الناس كنها تخيل النوّ
‏وانا اللي عيونه تختصر كل متشوّف

‏تعاريج صوتك تعطي البال زينة جوّ
‏لا غابت تقول انّه من العالم امعوّف

‏لأن ما بقى في الوقت شيً مثل ما هو
‏انا اللي معك من كل الاشياء متخوّف

.....

رد: اخترنا لكم
 

‏الظلام اللي بصدره ودي ادري وش ينيره
‏كيف شاف البعد راحه والمفارق شي عادي

‏موتة الاحلام فيني كنها موتة ضميره
‏لا جميل ولا حنين ولا حياة لمن تنادي

.....

رد: اخترنا لكم
 

نجامل قلوبنا من باب بكره تزين
‏ونحمل صدورنا شي ما تستحمله

‏نداري شعورنا مخافة انها تبين
‏واظهارها مشكله واخفايها مشكله

.....

رد: اخترنا لكم
 

غفلنا عن الدنيا ودارت بنا بسكات
وضحكنا وأثر الأيام ماهي بضحاكه

.....

رد: اخترنا لكم
 

غلاك ما يحتاج توثيق وحلوف
‏الله خلق حبك من الحب فيني

‏عزفت نغمة عشق عن كل معزوف
‏وسكنت في قلبي وروحي وعيني

‏أغلى المشاعر جتك في شعر وحروف
‏قلبي كتبها قبـل تكتبها يميني

.....

رد: اخترنا لكم
 

‏أنا فدا اللي ما انتظر مني أعذار
‏وما لامني وأنا أستحق الملامه

‏ما غير ينشد عن علومي والأخبار
‏أخَّر عتابه لي وقدم سلامه

.....

رد: اخترنا لكم
 

‏صاحوا تناخوا دوّروا بي عذاريب
‏تجمعوا ليلة وزا سولفوا بي

‏أثري مسوي بالقلوب الأعاجيب
‏وأنا مثل وجه السماء نقش ثوبي

.....

رد: اخترنا لكم
 

‏وشلون مااكتب لك شعر وأرفع الصوت
‏وأنـت الـــوزن والقافيــه والمعانـي

‏تبينـي أكتـب بيـت راح أكتب بيوت
‏راح أشـعـل الليله قصيد وأمـانـي

.....

رد: اخترنا لكم
 

‏الغـلا والشــوق ما نخــفي شعـــوره
‏خص لا صار الوله في القلب واضح

‏ اخــتصر ما قاله العذب ابو نــوره
‏ كيف نخفي حبنا والشوق فاضــح

.....

رد: اخترنا لكم
 

‏يـارب تــرحــمـني لـياقـيـل من راق
‏في ساعة تصعب علي بـلـعة الريـق

‏لاجا الوعد وإلـتـفـت الساق بـالساق
‏واتـلى الكلام الـغـرغره والـتـشاهيق

.....

رد: اخترنا لكم
 

‏يا شارع الاعشى هدمت البدايات
‏وشلون مافي في الحب رأي وتعاطف

‏باسبابكم عشنا شعور النهايات
‏وعشنا شعورك يا سعد مع عواطف

.....

رد: اخترنا لكم
 

‏على كثر ما غنى المغني على ليلاه
‏معايير راحة خاطري ماهي بواجد

‏ابي فرحة اللي رده الله على مرباه
‏وابي راحة اللي هل دمعه وهو ساجد

.....

رد: اخترنا لكم
 

‏ياصاحبي بعد ذكر الله وذكر الرسول
‏ترى الميانه مضرّة لا انفتح بابها

‏باب الخروج اعرفه قدام باب الدخول
‏واللي بصدرك مخازن صدرك اولى بها

‏لاتندفع خلف رغبات الثقة والفضول
‏اسرارك اسهوم ترميها وترمى بها

.....

رد: اخترنا لكم
 

‏يـاهواي وشف بالي ومطلوبي
‏كل كلمة حب في خاطرك قلها

‏عطني من الود حقّي وماجوبي
‏واكشف اسرار المحبين وازهلها

‏وان قضى هرج المحبّه يامحبوبي
‏مفردات الحب عدها من أولها

.....

رد: اخترنا لكم
 

‏ياحي القصيد الزين والبيت والبيتين
‏اليا صار سلة سيف ماهوب جنبيه
‏ِ
‏أنا بنت قومٍ فعلهم في الطغاه يبين
‏ولي عزةٍ فوق النجوم السماويه
‏ِ
‏مانطرد ورى المقفي ولا نتبع الغاوين
‏خلقنا كباريه ونبقى كباريه

.....

رد: اخترنا لكم
 

‏الكفيف اللي علــى المسجد سعـى
‏ما اتعض من فعلته شخصٍ بصير

‏العــمى بالقلـــب دامــه ما وعــى
‏دام قلبــك غافلٍ فانــت الضــرير

.....

رد: اخترنا لكم
 

‏عجزت أوصف ملامحها وأنا شاعر
‏ومن يوم ماشفتها تملاني الدهشه

‏حنا بدو فالحروب ألعن من الكافر
‏لكن بوقت الغرام قلوبنا هـشّه

.....

رد: اخترنا لكم
 

‏ياللي سرقت النوم والعافيه سـرق
‏يازاد قلب اللي هواك وحروبه

‏تغيب ما همك وانا الاحي الورق
‏ولا تخاف من الجفا والعقوبه

‏الوصل مرهم كبد ولا الجفا حرق
‏والصبر ينفض في غيابك جيوبه

‏كسرت كل ابواب وصلك من الطرق
‏وغيرك طرق قلبي ولانيب صوبه

.....

رد: اخترنا لكم
 

‏عندي طلب يا اخواني اللي فالإسلام
‏لامن بدر مني خطأ سامحوني

‏وان كان قفت بي مقادير الأيام
‏اما اذكروني بخير ولا اتركوني

بقلمي

رد: اخترنا لكم
 

‏حيل الله أقوى مابقى في يدي شيّ
‏مافيه حل ٍ في يدي ماذخرته

‏حاولت لكن المحاصيل هيّ هيّ
‏الطير طار ولا بقي الا شجرته

.....

رد: اخترنا لكم
 

‏على طواري غرامك و اجمل ايامك
‏تاخذني الزفره اللي قطّعَت جوفي

‏وش السوات بخفوقٍ حبك وهامك
‏تعطيه يسرى الجفى ويمناه لك توفي

.....

رد: اخترنا لكم
 

‏يارب تـخـشع تـحت هيبتـك الـجـبال
‏وبـأسمآك تـسبح فُـلك ويسبّح فـلك

‏وفــكـل وقـت وكـل أمــروكــل حـال
‏الحمدُلك والـشـكـرُ لك والـفـضلُ لك

.....

رد: اخترنا لكم
 

‏نخطي ونستغفرمن الذنب ونتوب
‏ونرجع على نفس الخطاء مادرينا

‏يارب يامن رد يوسف ليعقوب
‏عفوك وغفرانك وسترك علينا

‏اللهم ثبتنا على طاعتك

رد: اخترنا لكم
 

‏يقول من بِلش وبحل
‏بمعادلة صبر وجبر

‏شفنا المذاهب والنِحل
‏شفنا الهوايل والعِبر

‏من تطعمه شَهد النحل
‏ياتقل تسقيه الصِبر

‏ومن ترفعه باعلى محل
‏يستعذب القاع الغَبر

‏راع الوفا عشبة محل
‏والصادق معدّى خبر

‏ايحبّ من طبّ الوحل
‏لو هو من الحال بثبر

‏ويعاف من لامس زحل
‏مهما ارتقى ما يعتبر

.....

رد: اخترنا لكم
 

‏نستحي من حزننا لا نكشفه
‏والحزن لا لقى الفرصه بطش
‏
‏كل يوم يصب كاس ونرشفه
‏وأرتوينا صح لكن با لعطش

.....

رد: اخترنا لكم
 

‏أحلى القلوب اللي بها خشية الله
‏وأحلى الكلام اللي نقوله بذكره

‏وأجمل شعور اللي مع الله كله
‏وأجمل محبة حُب ربي وشكره

.....

رد: اخترنا لكم
 

عسى الماضي اللِي فات ما يلتفت للجاي
‏وعسى الجاي ما ياخذ طبوعه مِن الماضي

.....

رد: اخترنا لكم
 

‏الطيبين انواع واطيبهـم نـوع
‏الي لو يشوف الردى ما تـردى

.....

رد: اخترنا لكم
 

‏ورثنا القبال الزين لو ما ورثنا المال
ما نافس وساع صدورنا إلا مجالسنا

.....

رد: اخترنا لكم
 

‏قلبي سجين الحيا والطيب عذروبه
‏لو شان وجه الزمن ما شانت أخلاقي

.....

رد: اخترنا لكم
 

ان طبت طبنا فوق طيبك وزدنا
ون شنت ما كنا على الارض شفناك

.....

رد: اخترنا لكم
 

خل قلبك جسور وواجه الي تواجه
ما مع الذل عز وما مع الذل عيشه

.....

رد: اخترنا لكم
 

ماغاب طاريك عن بالي ولاساعه
لو رحت سد البحر طيفك يباريني

القلب يشكي عليك الهم ووجاعه
وحضورك اكثر مسكن لي يداويني

.....

رد: اخترنا لكم
 

طوّعت لعيونك عيون القوافي
كل القوافي همها كيف ترضيك

لو شاب ذيب الضلع ماشاب قافي
فيض المشاعر من طربها تناديك

جوي وجو الشعر رايق وصافي
ما الوم جزل الشعر دام انكتب فيك

.....

رد: اخترنا لكم
 

راسٍ يبادلك الوفا حب خشمه
حطه علي يمناك وارفع مقامه

وراسٍ يقلل قيمتك لا تحشمه
لو زان في وجهك لقاه وكلامه

.....

رد: اخترنا لكم
 

تل قلبي فارع الجيد مزموم النحر
ادعجٍ كنك تشوف الرضى في غرّته

.....

رد: اخترنا لكم
 

لو أنها بالطيب محداً غلبنا
لكنها بالحظ والحظ من الله

.....

رد: اخترنا لكم
 

حدتني الحاجه عشانك على اقصاي
ونـزلت لـي فـي مـنـزلاً مـابـغـيـتـه

وانا من اول مـاضـرب الراي بـ الراي
لـو انـهـا اعـوج مـن خطـوط البهيته

لكن فـ المـوضـوع ماشفت شـرواي
شفت الضعيف من الرجـال ووطيته

لـيـت الـدعـاوي كـلـهـا عند مخبـاي
والله مـاعمري جيت شخص ورجيته

عمر العطاوي

رد: اخترنا لكم
 

‏في كـل ساعة من الأيـام تجمعنا
‏ودي أقول لك كلمة بيني وبينك

‏تعال قرب لا أحد يفطن ويسمعنا
‏يازين الأيام في قربك ويازينك

.....