رد: اخترنا لكم شعر نبطي وفصيح
 

‏مدوّرينك واجد وحالهم سيّ
‏وقلوبهم خلفك تهوش وترامح

‏محدٍ قدر يكسب من إعجابك شويّ
‏مع أن كلٍ في محبّتك طامح

.....

رد: اخترنا لكم شعر نبطي وفصيح
 

‏قالو تزوره قلت انا وين بلقاه
‏قالو تحاول قلت كيف الطريقة

‏قالوا نسيته قلت انا ماقدر انساه
‏قالو تحبه قلت هذه الحقيقه

.....

رد: اخترنا لكم شعر نبطي وفصيح
 

‏لمت الزمان ولايم الوقت غلطان
‏حوادث الايام من فعل اهلها

‏كل يغني مع زمانه على شان
‏هذا يميلها وهذا عدلها

.....

رد: اخترنا لكم شعر نبطي وفصيح
 

‏جريت صوتي تالي الليل جره
‏ والناس هجعا وأرفع الصوت بأبيات

‏ولقيت في سود الليالي مضره
‏ كم كلمة ولّت وراحت ولا جات

‏النوم يعرض للعيون وتمره
‏ مر الكرام اللي خطاهم سريعات

.....

رد: اخترنا لكم شعر نبطي وفصيح
 

‏ياقلب فيك من الزمن مايكفيك
‏يكفيك عن كثرت كلامي قليله

‏هذي هي الأيام تأخذ و تعطيك
‏ويلي عطاك الوقت لازم تشيله

‏لو تجمع الدنياعلى راحت يديك
‏ما يأخذ المخلوق إلا حصيله

‏ويلي كتبه الله ابد ما تخليك
‏تجيك لو تشوفها مستحيله

‏والرزق عندالله مايحتاج تكتيك
‏رزقك يجيلك دام ربك كفيله

.....

رد: اخترنا لكم شعر نبطي وفصيح
 

‏كنا نـسولـف لا بـدا الليل يـنـســاق
‏وتـطلـع علينا الـشـمس ولا دريـنــا

‏راحت وباقي الحب ما بـين الاعماق
‏وغنـا على قـلبي الـزمن وانـتـهـيـنــا

‏اول لاقالوا تالي الحب الـفـراق
‏نضحك واثاري الوقت يضحك علينا

.....

رد: اخترنا لكم شعر نبطي وفصيح
 

يقول الشاعر :

‏ماعندكم سمكري فنان
‏يسمكر الـقلب ويـرشّه

‏يرده اخضر مثل ماكان
‏جديد ماعمر احد غشه

‏ورد عليه شاعر :

‏إصلاحه ماعاد بالإمكان
‏صدا وطول الزمن هشه

‏ماله قطع تنشرى تلفان
‏بكره يجي الونش ويقشه

‏طرفه

رد: اخترنا لكم شعر نبطي وفصيح
 

عطاك الله وجهٍ قد سعى فيه القصيد وطاف
‏يا قربه من هدب عيني ويا بعده عن كفوفي

‏لو ان اللي يدور بـ مهجة صدور البشر ينشاف
‏لقوك الناس في صمتي وفي سمعي وفي شوفي

.....

رد: اخترنا لكم شعر نبطي وفصيح
 

أصبر على الدنيا ونكبات الايـام
وأتبع طريق الحق جره بجره

عن واقعك لا ياخذك طيش الأحلام
وأعرف ترى حاجتك للناس مره

.....

رد: اخترنا لكم شعر نبطي وفصيح
 

‏يجمح خفيف الروح مثل الاصايل
‏لمفوّر ٍ يستنعش الصبح منّه

‏ومقلطه يشبه ورود الخمايل
‏طبيعةٍ ما هي نضارة ومنّة

‏ترى الكريم اللي يصفّ الجزايل
‏بعيونه الحيل المراديم جنّة

.....