رد: فوق هام السحب ( الشعر الشعبي) على متن القوافي
 

كلهم شافوك واحد بس انا شفتك وطن
والله انك في عيوني كل كوني والحياه

لو يشوفونك في عيني شافوا ان مالك ثمن
يا غناة اللي يدور من فقر عمره غناه

انت ضحكات الأماني وانت لذات الشجن
وانت دعوة والديني من بعد فرض الصلاة

....

رد: فوق هام السحب ( الشعر الشعبي) على متن القوافي
 

‏أنا اشهد ان الـذوق معروف راعيه
وآنا اشهد ان الزين يغري حضـوره

طاريك عنــدي كنه العطــــر لافاح
يا بدر فـــي كبد السمـاء شـع نوره

....

رد: فوق هام السحب ( الشعر الشعبي) على متن القوافي
 

ياوجه اللي لبسك الحزن لبس الثياب
قل لي وش الحزن في ذيك الملامح يبي

لو الحزن يستحي من وجهها كان تاب
الحزن مايدري ان شكله عليها غبي ؟

وان دمعها لو يطيح تطيح دونه رقاب
ومايدري ان قلبها وصّى عليه النبي

....

رد: فوق هام السحب ( الشعر الشعبي) على متن القوافي
 

ان شبهوها جهد وان وصفوها حرام
هذي هي الي لا قالوا مخلاتن طروقها

يهدي نظرها الرضاء وشفاها الابتسام
الشهد في ثغرها والسحر في ردوفها

من ذوقها الناس خلوها محط اهتمام
الين صار البعض يلبس على ذوقها

عذروبها انها لا جات تسبب الازدحام
ويضيق صدر المكان وصدر معشوقها

....

رد: فوق هام السحب ( الشعر الشعبي) على متن القوافي
 

جنّدي روحي تحت راية دلالك
و مهجة ٍ كنّك برمشك قاسمتها

قامة ٍ فيها من الفتنة مهالك
وش مخُيلتي لو إنها راسمتها

معركة طرفي على مجابه جمالك
معركة من قبل تبدأ حاسمتها

ما يغيب السارح إلاّ معْ خيالك
صورتك في كل بال ٍ واسمتها

....

رد: فوق هام السحب ( الشعر الشعبي) على متن القوافي
 

مهره عينها عين الظبي
‏لامشت جنب العذارئ فارقه

‏شفتها بين البراقع والعبي
‏كنها شمس عليهم شارقه

....

رد: فوق هام السحب ( الشعر الشعبي) على متن القوافي
 

تباهي وغني واضحكي لا يهمك شي
لا مالت ظروفك فيك لك من يعدلها

بتلقين لك في جوف قلبي براد وفي
هنا منزلك والناس تعرف منازلها

ماتقدر تزعلك الليالي وراسي حي
لو تزعلك سود الليالي بزعلها

....

رد: فوق هام السحب ( الشعر الشعبي) على متن القوافي
 

فتنة الأرض و أبواب الفرح و السَعاده
زين خُلق وحسن خلقه وساسٍ معرب

من لقاك بـ حيْاته وش يبي في مراده
ذا مراد الطموح وذا لجوء المهرّب

احضنيني و نسيني الشقى و أجتهاده
لين احس اني لبسّمات عمري مقرب

ايه انا اللي لقى في طهر كفّك بلاده
إن قربتي مكث .. و إليا رحلتي تغرب

....

رد: فوق هام السحب ( الشعر الشعبي) على متن القوافي
 

‏كل ما عانقت نجمه من نجوم امجادي
مرّني طاري سموّك واسفهلّت فكره

غايتي قبل ادخل قلوب الاوادم هادي
بذكرك وانت الحبيب اللي ينومس ذكره

جعلني ما ابكيك وشعور البشر منقادي
وانت قدرك فوق وشعوري معك محتكره

كل ما حسيت بك عادي تجي متمادي
مثل موتي في هواك اللي بليّا سكره

....

رد: فوق هام السحب ( الشعر الشعبي) على متن القوافي
 

توقّد في ترايبك الذهب واشعل لهيب الشوق
‏يضاهيك الذهب لكن وصوفك من يضاهيها

‏حبيبي كانت أحبك كلام وتسليّة مخنوق
‏أحبك ذيك ماهي مثل هذي هذي أعنيها

‏تدلّل للدلال اللي مثل هذا علّي حقوق
‏من اللي تزعل عيونك عليه وما يراضيها

....