رد: اخترنا لكم شعر نبطي وفصيح
 

يالله ياللي فوق عرشك تعليت
ياباسطن ارضه ومرسي جباله

رحمتك يا معبود ياحامي البيت
انت الرحيم اللي يظلّل ظلاله

يالمعطي المانع ماغيرك ترجيت
وانت الكريم اللي عبيده تساله

منك العفو والمغفره كل ماخطيت
وارجي ثوابك يا عظيم الجلاله

.....

رد: اخترنا لكم شعر نبطي وفصيح
 

اصنع الامجاد بالفعل والعزم القوي
لا تسمع من شكى فالزمن حسايفه

والله ان الطيب والطايله ماتستوي
فالنفوس اللي من الفقر دايم خايفه

المراجل تعشق اللي على الشده خوي
خل عنك اللي يجيب العلوم الزايفه

.....

رد: اخترنا لكم شعر نبطي وفصيح
 

اللي يبي يرضي جميع المخاليق
مثل الذي يتبع سراب القوايل

هي غاية ٍ لكن بدون أي تحقيق
خسران لو يبذل جميع الوسايل

وضعه مثل من وده يحرك طويق
مايفهم ان طويق ماهو بزايل

.....

رد: اخترنا لكم شعر نبطي وفصيح
 

ياموت وش باقي من العمر قدام
قلـي تراني بعض الاحيان ساهي

انساك واطمع فـ العمر عدة ارقام
وفعـلك ليا شفـته يشـد انتباهـي

عز الله اني ماحسـب سرع الايام
ولادري عـن الايام ويـن اتجاهـي

تمضي بـي الاعوام عام ورى عام
وانا عـن الاصحاب والناس لاهي

.....

رد: اخترنا لكم شعر نبطي وفصيح
 

الموت لا من تخطاك ونصى غيرك
تراه بيزل غير ك رايحن يمك

حاول تزين مع الخلاق تدبيرك
قدام تنزل بجوف الارض وتضمك

.....

رد: اخترنا لكم شعر نبطي وفصيح
 

صنع الامجاد بالفعل والعزم القوي
لا تسمع من شكى فالزمن حسايفه

والله ان الطيب والطايله ماتستوي
فالنفوس اللي من الفقر دايم خايفه

المراجل تعشق اللي على الشده خوي
خل عنك اللي يجيب العلوم الزايفه

.....

رد: اخترنا لكم شعر نبطي وفصيح
 

العافيه لو تنشرى بالملايين
المال فيها مانعدّه خساره

لاصرت متعافي وسالم من الدَّين
تراك في نعمه وأكبر تجاره

.....

رد: اخترنا لكم شعر نبطي وفصيح
 

البارحه جانا علشان معروف
عقب إنتهى معروفنآ مآعرفنا

ما نلحق المنّه ولا نلحق حسوف
الطيب موقف والجمايل هدفنا

.....

رد: اخترنا لكم شعر نبطي وفصيح
 

اليـوم محدٍ مخْشَرِك في حلالــه
حتى أخوك اللي رصيده ملايين

ولأحد ٍ يعدّك واحد ٍ من عيالــه
لو بينك وبينه من الناس جدين

مير ان حصلك من خويك بيالـه
علي هلا ويمسهلا وخاطر ٍ زيـن

احمد ولي العرش وأشكر جلاله
غيرك مشرّد والعرب تطلبه دين

.....

رد: اخترنا لكم شعر نبطي وفصيح
 

تبسّم ترى الدنيا مثل آلة التصوير
تصورك في غفلتك وتوزع الصورة

وجوه البشر وجهين وجهٍ بشارة خير
ووجهٍ يجيب الهم شوفته وحضوره

.....