رد: اخترنا لكم شعر نبطي وفصيح
 

انا من عذابك يا إلهي يجيني خوف
عسى الروح يا ربي من النار معصومه

انا عبدك اللي للعفو والرضا ملهوف
قبل ساعتن فيها المخاليق مضيومه

آمين

رد: اخترنا لكم شعر نبطي وفصيح
 

خِف نفسك للخوي والعواني والضيوف
وان لقيت اللي يَبا يزم نفسه ِزمّها

لا تراخى فالمواجيب وتطيع الضعوف
خَمّةٍ تمشي عروق الردا في دمّها

اقِف في موفقك لو كان ممنوع الوقوف
وان نصحك قليّل العِرف يا ويل أُمها

.....

رد: اخترنا لكم شعر نبطي وفصيح
 

يالله وانا مابين خوفي ورجواك
ارجوك تلطف بي وتغفر ذنوبي

علمك يفوق العقل وحدود الادراك
الكون كله في يدك والـغـيـوبـي

رحماك يا معبود الآنام رحماك
اكتب لي التوفيق والرشد صوبي

.....

رد: اخترنا لكم شعر نبطي وفصيح
 

إفعل المعروف واقدم لا تردّد
ولا تقول انك فعلت ولا تماري

من نخاك ابذل جهودك لا تصدد
اجبر عزومك على النخوه اجباري

لا تـنـافــق لأهل المال وتــودّد
عيش عمرك حر وامر الله جاري

صاحب الغايات في هجره تشدد
لا تدرا والـضـعـافـه بالـمـداري

.....

رد: اخترنا لكم شعر نبطي وفصيح
 

نقوم بالواجب ولا نحسب حساب
وش عذرنا لا من تركنا المواجيب

حنا علينا بالرجاء فعل الاسباب
وعلى الله المعبود كل المطاليب

عشنا بوسط المجتمع مثل الاغراب
من الحظوظ العاثره عيشة الذيب

تبقى الكرامه لو على قطع الارقاب
ولا همنا غيض الوجيه المغاضيب

.....

رد: اخترنا لكم شعر نبطي وفصيح
 

الله يمحق بارد الوجه والحيل
في كل مجلس بالنميمة مساهم

خبلٍ عجز يلحق فعول الرياجيل
وقام يتردى بالحكي في قفاهم

.....

رد: اخترنا لكم شعر نبطي وفصيح
 

الناس ï»» تحرص على القرب منها
للقرب مقياسه وللبعد مقياس

ترى البخيت اللي حياته وزنها
لا هوب في عزله وï»» يقرب الناس

.....

رد: اخترنا لكم شعر نبطي وفصيح
 

يا ما هرجنا قبل لا يطفح الكيل
ولاصمل معنا على الحق صامل

واليوم واقعنا مخادع وتمثيل
من يوم صرنا بالنفاق انتعامل

لاحلت البغضا قلوب الرجاجيل
ماعاد يدمحها الريا والمجامل

.....

رد: اخترنا لكم شعر نبطي وفصيح
 

زلة بني عمك وغلطة مصافيك
وهفوة خويك طوها في كفنها

والمعوز اللي حده الفقر عانيك
عطه الحذية لو تسلف ثمنها

ولاتستمع للهرج لا حل طاريك
بعض السوالف قفل الإذن عنها

خلك جبل لا يستفزك معاديك
خله يموت بعلته ما حقنها

.....

رد: اخترنا لكم شعر نبطي وفصيح
 

اربع تعلي مقام الرجل وتعزه
الدين والجود والاخلاق والذمه

واربع تنزل مقام الرجل وتهزه
البخل والكذب والعصيان والنمه

.....