رد: ديوان شعراء السعودية في العصر الحديث (متجدد)☘️☘️
 

قصيدة وشلون هانت عشرتي واتركوني
الشاعر: غازي بن عالي غازي بن عالي
#العصر الحديث
#المملكة العربية السعودية
0
347 مشاهدة

ياشيخ أنا فاقد مواليف واحباب
علمي بهم قبل العشاء فارقوني
باعوا مودتنا بلا علم واسباب
وانا احسب إنهِم بالغلا يشتروني
راحو وخلو هجرهم ضيق سكاب
في داخلي همٍ قضى في عيوني
ياليتهم بالوقت مازادو إغياب
ياليتهم مازودو في طعوني
ياليتهم باقين احباب واقراب
ياليتهم ياليتهم.. يسمعوني
طيّرت من عيني تلاويح واسراب
تنثر حنيني في مساحات كوني
ولقيتني من ضيق الايام مرتاب
اسأل عليهم وحدتي في ظنوني
واعاتب الاحساس لا جاء ينساب
في خِلسته ماهو عليّه يموني
يجرح مشاعر فقدها مابعد طاب
يروي ضماه ويسكبه في جفوني
يغرس طويله بالحشا داخلي ناب
وتتقطع الحيلات تضعف إمتوني
وانا على قسواه بالحتف منصاب
في ذمتي ارتاح لو يرجعوني!!
هذي اماني والاماني لها ابواب
تقفلت من يمهم حيل دوني
وبقى السؤال الي به الوصف ينجاب
وشلون هانت عشرتي وإتركوني؟

رد: ديوان شعراء السعودية في العصر الحديث (متجدد)☘️☘️
 

حكيآ يراودني من العام ياعبيد

والعلم أصبح يالعضيد متساوي

تعبت أعديها على القول وازيد

انهض سما فوق الرفيع السماوي

دام الوطا يزهى على واطي البيد

ل الفرقدين عيون ترقب سناوي

ياعبيد حدوني كثير المقاريد

وانا على الزلات.. مانيب قاوي

يرحم صحيبٍ لابدا العلم صنديد

واليا ارتكى ينطح كثير البلاوي

ماناوش الي وصوفوها على الغيد

وفي قربهن دايم طريحً وثاوي

ولاهو من الي يسردونه مساريد

لا جاك عفنن بالسوالف شفاوي

شفي على الي لانهض دايم يصيد

من كف طيبآ.. بالمواقف نداوي

شديد باسآ ثابتٍ كنه الحيد

مايذخر الوقفه بعيد الهقاوي

هداج طيبٍ مالقي به مناقيد

دايم يمد من الجزيل الرهاوي

طبعٍ تورث في وصوف الاجاويد

الي على الطولات دايم إتراوي

شفي عليه اليوم من دون ماشيد

شفً تنقى من بديع النقاوي

رد: ديوان شعراء السعودية في العصر الحديث (متجدد)☘️☘️
 

قصيدة سلمان الحزم
الشاعر: غازي بن عالي غازي بن عالي
#العصر الحديث
#المملكة العربية السعودية
0
318 مشاهدة

ياعاصفة حزم القلوب المغاوير

هبي على حبر العروبه نسايم

هبي على سلمان نسل المناعير

اللي لزم للدين فوق اللزايم

ومن بعدها لا زان بدع التصاوير

يقرى على مسحوبها كل هايم

اخطها واكفخ عليها كما الطير

في وسط جوآ يطرب الشعر حايم

عليه من وسمي خضار ونواوير

ماسيّمه من كان للشعر سايم..

يوم الدلايل واقفه كالطوابير

تزهى صريمٍ فاق كل الصرايم

سلمان ياعز الحشود المناصير

من غيرك الحامي ل كبر الجرايم

اخواننا في شرقنا مالهم غير

وقفات تبهج ضيق من كان ضايم

في بورما ياسيدي والآسى بير

في داخله دم الغلابى ركايم..

اجساد تُحرق والملى له نواظير

بالصمت ناخذ ذلنا بالوزايم

وفي بورما والوقت تاليه تاثير

والبوذ اشبه في عقول البهايم

العاشقه للدم في غدرها تغير

تشبه فعول منكسين العمايم

الي علينا ساقوا الحرب تصدير

ما لامهم من روسهم كل لايم

ويالله عسى نجتثهم بالبواتير

الي فتاويهم تزيد النمايم

والخاتمه يارب في عطفك تجير

على بلاد الخير بشكر ونعايم

رد: ديوان شعراء السعودية في العصر الحديث (متجدد)☘️☘️
 

وننفض من الماضي بقايا الغبارا

رد: ديوان شعراء السعودية في العصر الحديث (متجدد)☘️☘️
 

قصيدة مكاسر العنبر
الشاعر: غازي بن عالي غازي بن عالي
#العصر الحديث
#المملكة العربية السعودية
0
281 مشاهدة

من منطلق فن الكتابة في عصورٍ ماضيات

ارخيت انا خطام القصيد الي بدع مثايله

وعلى بساط حروف شعرآ بالوصايف عاليات

جيت اتباها بالقصيد الي ب صدري شايله

جيت انسج المعنى دُرر يرقى طويل النايفات

فوق السحاب الي عيوني كل يوم تخايله

تخطّني قصيدتي بين الملاقى والشتات

وأجمّع اشتات المعاني عن دروب المايله

نعم كذا لا قلتها فكرآ يغرد في سُبات

خل الشعر ينسى كلام الي كتب هزايله

وياحاسدي لاقلتها مايستويلك من صحات

اترك طريق الي كتب فوق السما جزايله

الي يقول القول ماله لو حكى ذرة قوات

منهو جحد حق النشاما كذب الله قايله

وياحايل العز المسمى والقصور الباديات

في صفحة الشعر المقفى والسنين تهايله

قد قالها راكان ابن حثلين يوم الواقعات

من باب عمان السعد حتى مشارف وايله

الغانمه ترقى سنام المجد فوق الطايلات

صاروا عليها كل قومي بالفعايل حايله

حقّن علينا عزنا يرقى سنام الشامخات

مدام غلباء سُميت كسبٍ ينومس نايله

وآل الرشيد الي فعايلهم قديمٍ باقيات

فعلٍ جعل كل الطنايا بالوصايف طايله..!!

مكاسر العنبر فخر شعى شعى فوق السرات

رقى رقى حتى تعلى ب العُلا نزايله..!!!

بدّيتها بين القصايد وافيه من وافيات

تزهى لكم يالابتي شعرٍ يجمّل قايله..!!!

رد: ديوان شعراء السعودية في العصر الحديث (متجدد)☘️☘️
 

قصيدة خلي عيوني بالغلا تذرف دموع
الشاعر: غازي بن عالي غازي بن عالي
#العصر الحديث
#المملكة العربية السعودية
0
278 مشاهدة

خلي عيوني بالغلا تذرف دموع
دامك بكيت وسالت دموع عينك
دمعي ودمعك بالوفا صارو جموع
تناصفوا مابين قلبي وبينك
وش حيلتي لاصار هالقلب موجوع
واسم الوجع كله فعايل يدينك
حبيت فيك الحب والحب مردوع
طغى على روحي وضيّع ظنينك
وينك تشوف القلب ضايق ومفجوع
ضايق ينادي ليتك تحس وينك
صدري طعون وغيبتك زادت اللوع
ومن التعب زادت مواري حنينك
اقسم قسم بالله ماعاد به طوع
وانا من الفرقى عيوني تدينك
إمآ تجيني تعلن الحبَّ ب إسروع
والا ترى بآموت وانا حزينك
وذنبي غدى في داخل القلب موضوع
اثمٍ تشوفه بين رمشك وعينك
خلك تعيش الحب ضايق ومقطوع
على امل ترجع وتسعد سنينك
ويطول يصبح حلمك اليوم ممنوع
والحلم يصبح من قساتك سجينك
ذوق المهانه وابكي الفقد بدموع
هذا جنى فعلك ومدتّ يمينك

رد: ديوان شعراء السعودية في العصر الحديث (متجدد)☘️☘️
 

قصيدة شفرة الموس
الشاعر: غازي بن عالي غازي بن عالي
#العصر الحديث
#المملكة العربية السعودية
0
275 مشاهدة

البارحه كني على شفرة الموس

مابين نايم نوب وأحيان صاحي

أقلّب أفكاري على كل هاجوس

مع ذكرياتٍ.. في ضميري تلاحي

البارحه مرّت على ريش طاؤوس

مترتعه.. بين الشفق والصباحي

ساعة ندهته إنبرى كل مغروس

من سلسبيل الحرف عذبٍ مُباحي

أبتعدى في حدودي بلاروس

قاموس روح الفلسفه بنْ فااااحي

إن زمجرت دقت على كل ناقوس

ب أجراس قسيسٍ.. يذر الذحاحي

كتب أنا مبطي على الذات مهووس

ياذات من فينا غدى اليوم صاحي

طاحت رؤوسٍ شامخه ترقب جلوس

وشاخت هلايم بايعين الصلاااحي

اليا انكفوا عجلين يعطونك دروس

هماجهم ه الوقت أصبح قراحي

صارت شيوخٍ.. بالهيط تنثر فلوس

في بست أرض المعركه والمطاحي

صعب التفكر في زمن كلّه إدسوس

من وين ماوجهت بذيك النواحي

يبين لك جساس مع فتنة الروس

وحرب البسوس الي عثت بالجراحي

إن كان حظك خايبٍ قيل منحوس

وإن كان حظك.. عاليآ قيل شاحي

حبر القلم في سجن الاضلاع محبوس

راسب يدوّر.. دور.. نحو النجاحي

رد: ديوان شعراء السعودية في العصر الحديث (متجدد)☘️☘️
 

قصيدة فوحت دلال الشمري يوم حيّا
الشاعر: غازي بن عالي غازي بن عالي
#العصر الحديث
#المملكة العربية السعودية
0
270 مشاهدة

حبن واحبك حب ساكن هنيا

بين الضلوع العوج ياشوق روحي

حبن.. واحبك.. بالغلا لو تهيا

ماغيرك اللي في..سمايه يشوحي

اخايلك.. برقٍ.. ترادم.. عليّا

في مرزمات خيال شوفه تلوحي

يالغاليه.. بالله.. مابي جفيا

حتى لو انه في.. كلام المزوحي

استوحشك في ظلمة الليل ضيا

يانوري اللي زاهيٍ ف الصبوحي

أعلّق.. آمالي.. سما.. ف الثريا

يوم إن قلبك بانيٍ لي صروحي

لا يابعد حيي ترى القلب عيا

عن حب غيرك ما طرى له يبوحي

قلبي عليك اليوم قد زاد غيا

وفي طلّتك صال الغلا لك يفوحي

فوحت دلال الشمري يوم حيا

في مجلسٍ راعيه وجهٍ سموحي

عليك لا من قلت.. بالله تريا

لايجرحن سيف الصدود الذبوحي

لدي بشوفك يوم أنا اقول هيا

ترى الوصال اليوم يبري جروحي

مشتاق لك شوقٍ.. مكانه هنيا

بين الضلوع العوج ياشوق روحي

رد: ديوان شعراء السعودية في العصر الحديث (متجدد)☘️☘️
 

قصيدة زاد الفكر
الشاعر: غازي بن عالي غازي بن عالي
#العصر الحديث
#المملكة العربية السعودية
0
268 مشاهدة

يوم المعاني بيّنت لي هتافا

ولاحت مشاهيبٍ على ناظري شف

وبديت أحكّم في كبير الكلافا

طغيان فكرآ يشعبه قاسي الكف

وتعاندت ف بحورها والمرافا

ب سفنٍ تلاطم موجها يوم يجرفْ

وتوافدو.. يتلون.. جن العرافا

على رجوج الصوت للحرب دف دفْ

وتبادو الي.. كنهم وصف قافا

مع عيزفوف الجان تشتت الصف!!

وامسوا يرومون المعاني شعافا

والعوشزه صارت على حال منكفْ

ماخطط الي مختزل له.. خُرافا

والصدق ناشي له اخيالٍ تكشفْ

يمطر.. وتتخشع.. رؤوسٍ تخافا

وفي محكم التنزيل آيآت تعصفْ

تشكيك حال البعض كله سخافا

فكرآ.. تغلغل.. في كلامٍ محرّفْ

زاد،، الفكرإقرأ وتلقى اعترافا

إمدونٍ.. بالصدق في عالي الرفْ!

رد: ديوان شعراء السعودية في العصر الحديث (متجدد)☘️☘️
 

قصيدة إحساسٍ تنفسته
الشاعر: غازي بن عالي غازي بن عالي
#العصر الحديث
#المملكة العربية السعودية
0
262 مشاهدة

عظيمه ه القلوب اللي تعيش ب عالمه حلمين

على ليلٍ نسيمه.. باب وانتي الشوق حارسته

يهيمك من عزف لك بالمعاني داخل الضلعين

على احساسك الباذخ قرع من شانك أجرسته

على جيتي من الفرحه على آبي على تشرين..

على شوقٍ رفع يمناه.. ب إحساسه وخامسته

من الفرحه نسيت اقول ياحيي فدتك سنين

فداك اللي من الطنيه صرخ عزوه ب سنعسته

تطاول غيبتك رجلٍ نسج من عالمه تكوين

شموخه طيب ياحيّه.. فخر لا قيل نومسته

أحبك كثر مااكتب قصيدي بالجنون يحين

وأحبك كثر ماجيت المكان.. وضاقت أجلسته

واحبك أكثر من أول.. أحبك غايتي تدرين؟

أحبك.. يالشعور.. اللي.. من أول يوم لامسته

تعالي لي بعللك بقصيدي.. والحروف إتبين

حضورك صبحٍ أشرق بي من إحساسك تنفسته

أشوف إغيابك مطول أشوفك ماتبين إتجين

إزار.. غيابك.. القاسي خذى من قدك أللبسته

وش أكتب فيك لا مني مللت اهيم ف التخمين

أخمّن.. مره.. إتحبن.. وكثير أمرار.. وسوسته

كرهت الشعر والابيات كرهت أسرابك الغاوين

كرهت الخاطر اللي فيك من الاحساس قوسته

على خد الغياب اللي رسم من صورتك تلوين

على برواز صورتك.. البهيّه.. قمت.. هوجسته

واناظر وجهك ب عيني وأشوفك روعة الغالين

حنين ب كفي الصوره.. غلا.. ب إحساس بوسته

تسافربي من أشواقي من أحداقي على اللاهين

وانا دايم ألاحي بك.. حنيني فيك كرسته..

فمان الحلم يوم اني ألوّح ب الكفوف إيدين

وعيني دمعها.. عِزآ.. إلى ه الحين حابسته..