رد: اخترنا لكم
 

‏من بغى قربك يسوي المستحيل
‏ومن يشوفك خساره اخسره

‏لا تنادي من بغى درب الرحيل
‏ابتسم له في رحيله واشكره

....

رد: اخترنا لكم
 

‏أخطيت في حقي ولا زلت غالي
‏شفتي على كبر الخطاً ما كرهتك

‏خليتك لنفسك ولسود الليالي
‏اقدر على جرحك ولكن ما جرحك

....

رد: اخترنا لكم
 

‏اتفاخر بك واحبك يالجناب الطيّب
‏واتباهى في وصالك جعل راسك سالم

‏جعلك انت اللي على باقي الحياه قريّب
‏دامني في حضرتك كنّي ملكت العالم

.....

رد: اخترنا لكم
 

‏رضا الاودام لا فضيله ولا فرض
وان ضاقو فجوج الاراضي رحيبه

معاد احب اقول للي يضيق ارض
دام الرضا ما ينوخذ بالغصيبه

واللي بيزعل لا يفوته هذا العرض
والعرض شامل للشحن والضريبه

ياخذ معه من يزعل ويضرب الارض
الضربه اللي تاخذه ما تجيبه

.....

رد: اخترنا لكم
 

‏لاتضايق لو يصير اللي يصير
كل قلب من همومه مرتوي

دام لك رب علي همك كبير
خل قلبك في مواقيفه قوي

....

رد: اخترنا لكم
 

وادع لوجه الله ولا تجّـرح إنسان
‏وأترك بعد فرقاك ذكرى جميله

‏وضعي قبل ماهو مثل وضعي الان
‏عرفت فـرق الغايه من الوسيله

.....

رد: اخترنا لكم
 

حنا ربينا في مرابي اهل الطيب
اللي تميزهم وصوف وعلامه

وان كان لبيوت المعزه معازيب
حنا معازيب الوفا والڪرامه

.....

رد: اخترنا لكم
 

‏الكلام مع بعض المخاليق لذه
‏كنه يذوقك الحلا او يقهويك

....

رد: اخترنا لكم
 

‏من عطاه الله محبة فالقلوب
‏أشهد أن الله معطيه الكثير

‏جعلني لاجيت للناس محبوب
‏وجعلني لاغبت مذكورٍ بخير

بقلمي

رد: اخترنا لكم
 

مصير الشّووق يعثى في حنايا مهجتك وتلين
بوقتٍ فيه يا بعدي عليك وصعب جيّاتي

.....