|
رد: فوق هام السحب ( الشعر الشعبي) على متن القوافي
صاحب الحاجه ولو طالت لحوح
وصاحب الحلم القديم يغازله واعذاب القلب من كثر الجروح كم سيف بالعذاب ينازله أخفي الطّعنات وعيوني تبوح كن الاوجاع بهدبها نازله غايتي بليل ظلامه مايروح بيني الايّام وبينه عازله كل ما مشيت له عنّي يروح وعيّت الخطوه تجي منازله والهوى بالقلب وهّاج يضوح لو يسوقه للمنايا جازله كل ياس يطرده فيني طموح وكل عزمٍ خافقي ينحازله خالد الفيصل |
رد: فوق هام السحب ( الشعر الشعبي) على متن القوافي
ياللي حياتي كلها منك تجريح
مامر يوم سالم ماجرحته والمشكل إنك واجد اللوم وتصيح وإنت الذي طفل الموده ذبحته ما انت تعرف تريح النفس وتريح كم منظر حلو بكفك مسحته لو حت بي في ليل الأحزان تلويح هذا عطاك وربحي اللي ربحته إبيك تبرالي على هبة الريح وتناصح القلب الذي بك نصحته أثرك تدور عثرتي وين أبا اطيح وش ينفعك لاقلت..خلك طرحته خالد الفيصل |
رد: فوق هام السحب ( الشعر الشعبي) على متن القوافي
عز القصيد وزاعلتنى حروفه
من يوم غاب اللي قصيدي ... مهاويه غابت به الدنيا وخلت طيوفه عزي ... لمن مثلى زمانه يعاديه عقب الملاقي بس بالقلب اشوفه وعقب المناجي ... بس بالفكر اناجيه كلامي وشوفي لغيره ... حسوفه من غيره يخاوي غريبي واخاويه يالوعه المشتاق تصفق كفوفه لين التفت ماشاف بالدار غاليه كن العيون بكل شين محذوفه والقلب كن جموع ... الأيام ترميه تسابقني من زماني سيوفه تجرح مرادي .. في حياتي وترميه ياعونه الرحمن ... وين النكوفه لين انتحي ... الخفاق وش عاد يثنيه مارحت ادور عند خلى مروفه مايرحم ... الا الله فلا شك مغليه خالد الفيصل |
رد: فوق هام السحب ( الشعر الشعبي) على متن القوافي
أنا والصحاري والمطر والفرس والطير
ونبت الخزامى والظبي والشعر خلان بنيت البيوت من الشعر والشعر تعبير عن الماضي الحاضر وعما يكون وكان أحب القنص بارض قفر ما وطاها الغير وصهوة فرس كل الكرامه لها ميدان ومنظر غدير ترتعش فيه شمس عصير وطعس حمر عقب المطر ما مشاه انسان وشوف القطا سرب تواقع وسرب يطير وفزة ظبي حذر بها غافل الغزلان شمس مضت بدر ظهر والنجوم تسير وريح النفل هيض شجوني وأنا ولهان وبالليل أشب الضو مع ضيفي التفكير وبالفكر تقدح لمعة النجم والضيان أقلب جمر ضوي وبي مثلها تجمير شرار و شرار وليل ومولع حيران خالد الفيصل |
رد: فوق هام السحب ( الشعر الشعبي) على متن القوافي
تجيني على موعد ومن غير موعد جت
وأنا ما دعاني للوصل شوق ومشتاق تجيني متى شاءت لها كل وقت وقت تهز البدن والروح ما دونها واقي وإذا ما هقيت أني من معاشرتها مت تفهق وأشوف بقى بالعمر باقي وفاها معي يذبح ورا ما تخون وخنت أبا أسمح جعله اتلى مواعيد الأشواق خالد الفيصل |
رد: فوق هام السحب ( الشعر الشعبي) على متن القوافي
دستور يالساحل الغربـي
فلّيت في بحرك شراعـي ياموج هوّن علـى قلبـي داعيه من شطّكـم داعـي اللي لهـا مبسـمٍ عذبـي رعبوب و عيونها وساعي مملوحـه زادهـا ربّـي لفتة ظبي يـوم يرتاعـي لو ما تهيّت على دربـي لقتنـي بدربهـا ساعـي حنّيتها من حمـل ذنبـي لى مت* وعيونها تراعي خالد الفيصل |
رد: فوق هام السحب ( الشعر الشعبي) على متن القوافي
قريت خطّك بالوفا عشر مرّات
في كل مرّه تنثر العين ماها ذكرتني هاك الليال الجميلات لو كان قلبي ذاكر(ن) ما نساها من عقبكم ما عاد للعيش لذّات ما التذّ في دنيا مخالف هواها اليوم انا مثلك جداي التنهات عيني تهل دموعها من عناها هايم بعيد الدّار سهران ما بات أتبع هواجيس(ن) بعيد(ن) مداها نار(ن) تلهّب بين الاضلاع زافات نار(ن) لجت بالخوف العالي سناها خالد الفيصل |
رد: فوق هام السحب ( الشعر الشعبي) على متن القوافي
لبست الّليل وعانقني قمرها
وزفّتني نجوم الليل ساري ركبت الموج أسافر في بحرها على شطّين ليلي مع نهاري وعيني صاحبت لاجلك سهرها وقلبي وهّج الظّلما بناري غروب الشمس أواصله بْسحرها بنورٍ من شعاع الحب جاري وإذا شفتك نسيت أطول شهرها وطارت فرحتي والوقت طارِِِ ضحك في عيني بشوفك بصرها وغنَّى سمعي بْصوت الكناري وهلّت غيمتي باحْلى مطرها وطالت كل الأغصان القصارِ رعاك الله يا ناعم زهرها تفوح بريحك ريْاض الصحارى خالد الفيصل |
رد: فوق هام السحب ( الشعر الشعبي) على متن القوافي
اخلفتني نظرة عيون الهنوفه
خلفة الصقار لا شاف الحباري واقت النظره على قلبي تشوفه واشعل بقلبي كما البرّاق ساري صد عني طاغي النظره مروفه ظالم(ن) قلبي وهو بالظلم داري ياحبيبي صدتك عني حسوفه ارسل سهوم الذوابح لاتداري ارسل رماح الهوا وارسل سيوفه يشتهيك القلب في كل الطواري عيني لحسن الذي غيرك عيوفه في عيوني غيرك من الحسن عاري خالد الفيصل |
رد: فوق هام السحب ( الشعر الشعبي) على متن القوافي
يا سيّدي عاش راسك عاش
عسَى أكثر الناس يفدونه شيخ(ن) لكل المراجل حاش ما يتلي الناس يتلونه صدره بحب العرب جيّاش تضحك ثناياه وعيونه ومخلاب صقر(ن) إلَى من ناش يفصل عن الهامه مُتونه يا سيّدي ما أرغب المطراش لولا لزوم(ن) تعرُفونه أخاف من هرجة الأوباش يمشون بالكذب يرمونه ياما تمنّيت لكن ماش أسير مع ظلّك ودونه وما البس بدال الحرير خُياش ومن حبّه القلب ما خونه وإن سلم راسك برَدْت الجاش وما فات يا شيخ يا هونه خالد الفيصل |
رد: فوق هام السحب ( الشعر الشعبي) على متن القوافي
انا شاقني بالحيل منظر حمام شهار
صلاة العصر يوم انحدر بأسفل الوادي لحظني شبكني ثم قفّى وانا محتار دفعني غرامي له على غير معتادي تطاير حمام الشوق والقلب مني طار تلاعب جناحه بالهوى لعب بفوادي أنا امّا حصلي يا سعد يمهم مسيار تراهم سبب ذبحي إلَى جاك نشَّادي خالد الفيصل |
رد: فوق هام السحب ( الشعر الشعبي) على متن القوافي
هب نسناس الهوا لي من شمال
حامل ريح الخزامي والنفل من فياضٍ ظبيها يلعب دلال لى لمح ظله من النشوه جفل يذبح العشاق صعاب المنال كم شطير بالقناصة قد قتل مثل شمس العيد فضاح الجمال كل نجم لا ظهر نوره افل خصني بمواجه السحر الحلال واشهد ان السحر في قلبي نزل ضاري بمقابل فحول الرجال وارتعش قلبي من الفتنه خجل قلت راح العمر من دون الوصال قال لو حاولت يا القاطع حصل قلت لوني طامع لو بالخيال كان بدلت التوجد بالأمل يا ندى الغيمه على ورد الجبال يا عبير زهور ريضان السهل اجتمع حسن الحلا بك والجلال ما تبدل بك مع العالم بدل خالد الفيصل |
رد: فوق هام السحب ( الشعر الشعبي) على متن القوافي
اليوم اول السنه وامس آخر العام
و الشمس تشرق و الملا لاهي في ساحة العمر كل(ن) يقرع طبوله ماشفت للنفس عن درب الخطا ناهي كل(ن) على ماتبي نفسه يطربها و الذهن عن عبرة ايام الدهر ساهي يا غافل القلب لا يغريك زاهيها أفطن ترى الورد مايبطي و هو زاهي ياجامع المال يامن غايته دنيا وش حيلتك في غياب المال و الجاهِ دنياك لو زخرفت لك شمسها واضحت ترى البلا في خبايا ليلها راهي لابد للدرب مهما طالت نهايه و العمر لو طال به حبل الرجا واهي الرّابح اللي نسيم الحظ له ذعذع قدّاه ربه على التقوى ولا تاهِ خالد الفيصل |
رد: فوق هام السحب ( الشعر الشعبي) على متن القوافي
من رياض المجد لامجاد الكويت
من ثبات العلم للعلم الثبات جيت أصافح بالتّهاني كل بيت للشّهيد الخلد والحي الحياه فوق غيمة شوق من أبها مشيت من نداها فزّت الصّحرا نبات سيّرتني نشوة الحب وسريت للكويت الّلي هويت أكتب غناة في غناتي للشّرف صوت وصيت ومن غناتي يرفع الفارس حداة وللكرامة عرضة في كل بيت والسجايا بالشهامه نايفات ياالكويت الّلي على الباغي عصيت يوم بعض الرّبع ينسى المكرمات يوم بان الغدر قلنا له خسيت كل شيطان رجمناه بحصاه دارت الدنيا عليهم واعتليت وانهزم جيش النّفوس الخاينات يالفهد عند الوعد قلت ووفيت طاغيات الرّوس عادت صاغرات مااختلفت ولاذخرت ولاشكيت شامخ مثل الجبال الراسيات دلّك الله يالسنافي واهتديت والنّصر من عند رب الكاينات مايغط الحق رجال بخيت مانسينا يالكويت السابقات يوم عز بدارنا حلو المبيت إستضفتونا زمان النّايبات لين ابو تركي ظهر من فوق هيت واصطفق من نجد لجبال السّراه يرفع القرآن والسيف الصليت واسترد الحكم من عقب الفوات ياالصّباح وياالسعودي لى انتخيت عزوتك عنّاز راعي الطّايلات ويالامير الّلي على العليا نشيت جابر العثرات محمود الصفات في بلادك كل تكريم لقيت والنشامى ماكتفوا بالواجبات بالكويت أعطاني الشعر وعطيت وبالكويت الشعر له طعم وحلاة خالد الفيصل |
رد: فوق هام السحب ( الشعر الشعبي) على متن القوافي
قام يرغي عقب هاك الهدير
كافر الدين كذّاب العرب لاذ خلف الرهاين يستجير يوم ثارت عواصيف الغضب يزحف الموت و اللحظه تسير موعد عصابة الغدر اقترب كل خاين ترى حبله قصير دام للحق طلاّب و طلب لا تعدّى حدودك يا غرير سيفنا صَلب و سيوفك خشب ما لكسرٍ كسرنا بك جبير من هوى سيفنا فوقه عطب ياصغير تشبث في صغير الذنب كيف يتبع له ذنب ما بقى لك على الباطل نصير شف تبيعك تنكّر و انقلب من فهد جاك يا جابر بشير قاد لك مجلس الامن و حرب و ارسلوا يم صدام النذير طاع ولاّ غصبناه انسحب خالد الفيصل |
رد: فوق هام السحب ( الشعر الشعبي) على متن القوافي
قصيدتي منك مجروحه
اخلفتني واختلف شعري يا ونتي منك مبحوحه لو ما طلع صوته عذري ذي رايتي منك مطروحه طرحتها وانت ما تدري شف دمعة الشوق مسفوحه والوجد في ملحها يسري مواجع القلب مفتوحه داريتها واحترق صدري حمامه الوصل مذبوحه يا خوفتي قبرها قبري خالد الفيصل |
رد: فوق هام السحب ( الشعر الشعبي) على متن القوافي
بنت الكحيله مهرتي
وخيالتي من كل اصيل ألقى عليها طربتي بين المعنق والشليل صدر وقطاة فلوتي العنق والساق الطويل وقع الحوافر نغمتي وحداتنا رجع الصهيل أبوي وجدي قدوتي لو ما لهم عندي مثيل بالدين تفخر عزوتي والرمح والسيف الصقيل ماكر حرار ديرتي ما في هل العوجا ذليل خالد الفيصل |
رد: فوق هام السحب ( الشعر الشعبي) على متن القوافي
ياصقر و اهنيك لك جناح تطير
لى طرى لك نزعت وطرت يم الهوا بين قلبي وبينك فرق والله كبير لى كفخت انطلقت ولى كفخت التوى انت حايم وانا بالقاع دوبي اسير في صحاري زماني ذيب ليلي عوى فوق جوك سحاب وحدر جوي هجير القدم فوق رمضا والخفوق التوى الحذر يا صقر لا يشبكونك اسير ويل صقرٍ يتله مربطه لى نوى برقعته اللّيالي فوق وكرٍ قصير عقب صفقه جناحه بالهوا لى اهتوى كل حرٍ الى ضاق انتهض للمطير حومته بالسما ساعة لقلبه دوا واعذاب الجناح اللّي يجره كسير كّلما فزّ مكسور النواهض هوى الأمير خالد الفيصل |
رد: فوق هام السحب ( الشعر الشعبي) على متن القوافي
جعلنا في حاجة الي نخانا قادرين
إن ذكر معروفنا وإن جحد معروفنا نجتهد وندور الطيب لأنا طيبين ماهو بوالله عشان الرجال تشوفنا خالد ماطر |
رد: فوق هام السحب ( الشعر الشعبي) على متن القوافي
ماتفرقنا عن الحق المصالح
وما تجممعنا على الظيم القرابة أن رأينا ألحق كنا دعم واضح دون نخشى مرتزق ولّا عصابة ون رأينا الظلم جافينا التسامح نكتفي بالسيف عنوان الإجابة لن ترى للمسكنة فينا ملامح بل لنا حض الأسد في كل غابة عزنا في كفة الميزان راجح شامخ البنيان والعالم يهابه ما لعيش إلا بصحبة عز رابح أو لقول الموت لاجا ياهلابه محمد مبارك المرزقي |
رد: فوق هام السحب ( الشعر الشعبي) على متن القوافي
أحمد الله ما بقالي على الدنيا حسّوف
الفرح يلقى شكر .. والحزن دفعة بلا الليّالي علمتني وأنا طبعي عيوف أرتجي رب الملا .. ما ترجيت الملا والله إني ما تضيعف مع الناس الضعوف أقفي اليا صار .. مالي قبول ولا غلا ...... |
رد: فوق هام السحب ( الشعر الشعبي) على متن القوافي
ما بين ليت ويا عساها ولا باس
دربٍ عطى عمره للأحزان كله ما أحتاج ترسيخ العلاقة مع الناس أحتاج ترسيخ العلاقة مع الله ...... |
رد: فوق هام السحب ( الشعر الشعبي) على متن القوافي
حاول تداري شعورك قد ماتقدر
ماتحرق الجمره الا رجل واطيها اللي مايقسم عسر ، مكتوب ، ومقّدر كثر التحاسيف تمرض كبد راعيها ...... |
رد: فوق هام السحب ( الشعر الشعبي) على متن القوافي
كل الأمور اللي تجينا مقادير
تدور فينا الأرض وندور فيها يالله براحة بال وبخاتمة خير وأعمال قبل الموت نحسد عليها ...... |
رد: فوق هام السحب ( الشعر الشعبي) على متن القوافي
يكتمل نضج البنادم في شعوره
لا شرا الخلوه وملَّ من التواجد ولا أنا ياوجه غيبتْه وحضوره ماخذٍ حتى خشوعي في المساجد كل فجرٍ يطرق الشبّاك نوره كيف أسج وفيه من ضحكتك واجد ...... |
رد: فوق هام السحب ( الشعر الشعبي) على متن القوافي
الله يزيل الضيق عن شاكي الضيق
ويعوض الضايق سرور وسعادة ويحقق الأحلام للناس تحقيق ويزود الصابر صمود وجلادة ...... |
رد: فوق هام السحب ( الشعر الشعبي) على متن القوافي
ترى صدور الناس مثل المخازن
ياما بداخلها من الشر والخير ٰ وأكبر نجاحك في الحياة التوازن والصبر لا صكت عليك المقادير ...... |
رد: فوق هام السحب ( الشعر الشعبي) على متن القوافي
تطوي خطاوينا مسافات الأيام
وتجنح بنا الدّنيا وحنّا غافلين يالله تنجينا من دروب الظلام وتختم لنا الدنيا وحنّا ساجدين ...... |
رد: فوق هام السحب ( الشعر الشعبي) على متن القوافي
الحديد يَفك بالضرب والقاسي يلين
وقو عزمك لو ضعوف الرجال تحاربك ٰ داحم اهل الطيب بالطيب والجنب المتين لين عطران الشوارب تعطر شاربك |
رد: فوق هام السحب ( الشعر الشعبي) على متن القوافي
متابعيني كلهم قمـــة الذوق
من حُبهـم حتى التواصــل هويته اناوهم تشبيه عاشق ومعشوق وغلاتهم داخـل خفوقي بنيته هذا كلام القلب من كل الاخفوق من قلب صادق بالمحبه حكيته ارسل لهم حبي مع كامل الشوق لكل غالـي في حياتــي هديته الحمدان ..... |
رد: فوق هام السحب ( الشعر الشعبي) على متن القوافي
لمن عزيتهم في خاطــري تتجــدد الذكــرى
وتتوثق معــي وتردنــي لا سابـــق الايام علاقتنا بطي كانت مثــيل النوب والزهــره وأما اليوم صـارة تمنيه ومجــردة احـــلام اذا غاب المطر تتصلب العيدان في الشجره وللارض الخضيره والجناء ماسارت الاقدام قديميــه بلا تقلــوب شلــوها على الشهــره ومن مجد سلوبتها في الأسواق مايلتام وفي عون العرب مانميز الإيمان ع اليسرى ولكن لي قـسم ياصاحــبي ما عدل الاقسام ...... |
رد: فوق هام السحب ( الشعر الشعبي) على متن القوافي
ان زرعنا طيبنا باللي ما منّه حصيل
ان رحل مسموح وان ردّ قلنا له هلا يا تشيل صدورنا الودّ والا ما تشيل وامّا بالخير اسمنا ينذكر والا فلا ما ندوّر بالجمايل على ردّ الجميل نعتبرها لا جحدها الردي دفعة بلا ...... |
رد: فوق هام السحب ( الشعر الشعبي) على متن القوافي
الـعوض قـدآم .. والمآضي فـدى
من شرآك اشره ومن باعك بعه مــــا تـربـينــا .. عـلـى درب آلـردى والمـقـفـي طـبـعـنا مـــانتبعــه ...... |
رد: فوق هام السحب ( الشعر الشعبي) على متن القوافي
أحب الرفيق اللي تعامل معي بـ إنصاح
علومه على وضح النقى ما يفبركها نزيه الضمير وفزعةٍ فـ اللزوم سلاح تجي لا ابطت فزوع الردي في مباركها ...... |
رد: فوق هام السحب ( الشعر الشعبي) على متن القوافي
يقـول خلف بن هذال:
ما هو ضروري كل حاقد أعاديه ولا ضروري كل طيب رفيقي علم الردي و الطيب يبقى لراعيه وانا على دربي و عارف طريقي |
رد: فوق هام السحب ( الشعر الشعبي) على متن القوافي
جيتك وأنا ارجي من معاليك الانصاف
لعّل من جرح الضلوع أتحرّر لي قلب شاف مْن أقرب الخلق ما شاف وياما من الزلّات طوّف ومرّر ما أخاف أحبّك يا السنافي أنا أخاف ويّاك نكبات الغرام اتْكـرّر ...... |
رد: فوق هام السحب ( الشعر الشعبي) على متن القوافي
من صيَّرتني بلاد ، و ودَّعتني غريب
عجزت لا استامن الايام من دونه ان جابه الحظّ نعمه ، و ان خذاه النصيب حتّى بالافكار ، ماراح اقدر اخونه ...... |
رد: فوق هام السحب ( الشعر الشعبي) على متن القوافي
خبرك عتيق لكن احرص بمشراك
من جنبك لا تقول والله فقدتّك اسبابها الرؤيا خذ العلم وعفاك يامدهلي لولا الضما ما وردتّك ....... |
رد: فوق هام السحب ( الشعر الشعبي) على متن القوافي
ياصاحبي ماعادك ب صاحبي ذاك
عز الله ان ما انت ب مثل ماعهدتّك هو جاك مني شي ولا انت وش جاك؟ لو كان ماانت ب غالي مانشدتّك ...... |
رد: فوق هام السحب ( الشعر الشعبي) على متن القوافي
رفقا بقلبي فالسهاد يذيبه
ولا تدري انت كم تزيد لهيبه وفى كبدي نار تزيد تلهبا وبحكم الدلال انت لا تجيبه منائي من الدنيا افوز بقربك فانت شفاء لالام قلبي وطبيبه عسي القلب يبراء من طول كربه رحمة انت للقلب ارجو ان تصيبه سبحان من سواك في اجمل صورة حزت كل الجمال من ذا يعيبه ...... |
| الساعة الآن 02:06 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية