رد: اخترنا لكم شعر نبطي وفصيح
 

دامك تشوف البُعد حالة جميلة
ما توقف الدنيا على مفارق إنسان

إذا فقدت إنسان يسوى قبيلة
يجي بداله شخص يسوى له أوطان

.....

رد: اخترنا لكم شعر نبطي وفصيح
 

انهزم قدم الحبيب اللي يكابر في عناده
كيف امثل والشعور الداخلي كله حقيقه

.....

رد: اخترنا لكم شعر نبطي وفصيح
 

ماكان عابر كان كل الامـاني
كان الوطن لاجيت ادور امانـه

ولو كان فيني حيل واحب ثاني
برجع احبه لو تغير زمانـه

.....

رد: اخترنا لكم شعر نبطي وفصيح
 

مـن يتقـي لله فـي حسـن ظـنه
جته السـعاد والفـرح له تواجد

ومن يرتجي له امنيه دون منه!
سبيـلها وقت الرجا وانت ساجد

.....

رد: اخترنا لكم شعر نبطي وفصيح
 

‏دام استعنت بمن خلقك وتوّكلت
فلا تضيق وعند ربك فرجها

.....

رد: اخترنا لكم شعر نبطي وفصيح
 

العقل نعمه والتعامل ثقافه
‏وكلن على ماقيل عقله يدله

.....

رد: اخترنا لكم شعر نبطي وفصيح
 

‏لا تساليني عن غلاي ودليله
‏أنا اختلف عن كل عاشق وربك

‏لأني احبك انا اشوفك جميله
‏ ما هو على شانك جميله احبك

.....

رد: اخترنا لكم شعر نبطي وفصيح
 

‏ارْقا جبال العـز وتشوف لك ناس
‏في سوق صعبات المراجل تجوّل
‏
‏ان كان تبغى مثلهم حـارب الياس
‏وان كان تبغى مـــــوتة النار حوّل

....

رد: اخترنا لكم شعر نبطي وفصيح
 

‏معذور يا راعي القولون
‏ما تفهم الناس قولونك

‏عن حالتك ليتهم يدرون
‏تزيد لا قالوا شلونك

‏عن مجتمعهم قبل يلفون
‏انحش وقفّل تلفونك

‏عاقل وبعيونهم مجنون
‏وانت اعقل الخلق بعيونك

‏نفسّيتك تشرح المضمون
‏لكن عسى الله في عونك

.....

رد: اخترنا لكم شعر نبطي وفصيح
 

في مدخل الفندق ، ولحظة من غرور
‏شاعر ، وانيقة .. في حسنها كم ذبل

‏كنّا نتعازم .. من هو اولى بالمرور
‏قالت : تفضّل .. قلت انا انتي قبل
‏
‏من وقتها الدنيا .. ولا عادت تدور
‏منهو يقول الريح ما هزّت جبل
‏

‏كل النساء .. كانوا يمروني عبور
‏الا بعبروك قلبي اللي .. ما قبل

‏كنّا نتبادل بالنظر .. اجمل شعور
‏لو ما تبادلنا الرسايل ، والقُبل

‏لا نادلت النادل .. يلبون الحضور
‏كل الحضور النادل اعجاب وهبل
‏
‏مخلوقةٍ من طين ، ولا من عطور
‏كل حسن بالدنيا .. خذت منّه دبل

‏قالت وش اسمك ؟ قلت انا المدعو غيور
‏من يقتله غيمٍ على ثوبك وبل
‏

‏من آدم الاول .. إلى يوم النشور
‏انا اكثر اللي حب في طهر ، ونبل

‏عشرة ليالي .. كانت الاجمل شعور
‏فيها اعتذر وقتي .. عن ايامي قبل

.....