رد: ديوان شعراء السعودية في العصر الحديث (متجدد)☘️☘️
 

قصيدة إنقسام الذات
الشاعر: غازي بن عالي غازي بن عالي
#العصر الحديث
#المملكة العربية السعودية
0
150 مشاهدة

بين إنقسام الذات ومهادن الذات

أحيان أحس إن الفرح باب عُزله

وكلما بغيت أقطع دروب ومسافات

شفت الصعايب دايم الدوم سهله

حنيت أشب بداخلي جُملة أبيات

تضوي عتيمٍ خلفه فقد طفله

أكتب على جرحي تباريح وآهات

فيها تبدت.. ضيقة الشوق وهله

من علم الأحساس يكتب عبارات

على رفات.. العقل..لا زاد جهله

دوكم خيالي ضيق كله متاهات

وسطه قبور آمال ب الوجد ضحله

أنا البسيط الي خلق له مساحات

وأنا اليتيم.. ونفسه اليوم وجله

وأنا.. أنا.. وأعوذ من كل شمات

اليا لحض بي.. ضيقةٍ زاد نقله

ماهمني منهو على الذِل يقتات

يلبس على سِتره من العيب دقله

دون العتب نقصر طويل المسافات

ولاهيب صعبه دامها اليوم سهله

رد: ديوان شعراء السعودية في العصر الحديث (متجدد)☘️☘️
 

قصيدة غيهب الهم
الشاعر: غازي بن عالي غازي بن عالي
#العصر الحديث
#المملكة العربية السعودية
0
150 مشاهدة

البارحة في غيهب الهم سالي

مع الذواري اضرب اخماسي اسداس

جاني كبير الهم.. لايج وجالي

جاني بتال.. الليل.. لليل عساس

قلطته المعلوق في شف بالي

وأصبحت أحامي له على الدرع والطاس

هو الوحيد اللي عشاني عنى لي

يوم إنهم قربي على.. الدوم جلّاس

ضيف القسا في صدري اليوم غالي

عمّر.. مدينة.. داخلي.. كلها.. ياس

مدينة الخِذْلان.. هي راس مالي

من ضلعي الأول إلى.. قفل الأقواس

مالي ومال اللي.. تركني لحالي

ل العزلة اللي ما بها.. شوف الأوناس

ما شفت منهو ردد الصوت عالي

وما شفت منهو قال جيتك وأنا حاس

غنو على.. النكران في لال لالي

وغنيت أنا شويّخ غدا ب أرض مكناس

إحساسهم.. مفقود أول وتالي

وإحساسي الليّن غدى ماهو إحساس

رد: ديوان شعراء السعودية في العصر الحديث (متجدد)☘️☘️
 

قصيدة تعددت احوالنا
الشاعر: غازي بن عالي غازي بن عالي
#العصر الحديث
#المملكة العربية السعودية
0
138 مشاهدة

تعددت أحوالنا والقسى زمْ
حمول الضعاف الي غِطاها رهيفه
راح الزمان الي على الناس به عم
خيرآ كثيف وجود خيره كثيفه
لا والله الا حظنا صار معتمْ
والحِلم نفسه من قساها شفيفه
في هالزمن لا قلت الله واعلمْ
ان القلوب اليوم ماهي نظيفه
ماعمهم لا والذي بخلقه اتمم
عقلٍ يميّز بين حيه وجيفه
مير المواقف تلزم الي يلزّمْ
من ضيقةٍ بالصدر ماهي خفيفه
الجيل هذا يارفيقي يألمْ
صار القسى ويّا القطاعه حليفه
تخالف الاصحاب بالمال والدم
هذا يقول القول وهذا وصيفه
وهذا شبيه بليس وبليس له عم
وبليس عنده مستلم له وظيفه
بالفرقه الي ليلها حيل مظلمْ
ضاعت فصول سنينها مع خريفه
ولاهو غريب الحال لو زاده الذمْ
تقدع نميمه وإتهقوى حسيفه
كلن يقول إنه على الحق عمم
وكلن يغني في كلامه بكيفه
وكلن على كيفه وكيفه يسمم
عقول الصغار الي غدت بالنكيفه
الحرص نعمه لو توقى وتحلمْ
ماطاح دمع وسل هالحرف سيفه
شرحت علمٍ كود هالغير يعلمْ
من واقعٍ شفناه وانباج زيفه
وختامها صلاة ربي وسلمْ
على رسول الله بختم الصحيفه

رد: ديوان شعراء السعودية في العصر الحديث (متجدد)☘️☘️
 

قصيدة كثير احظوظ
الشاعر: غازي بن عالي غازي بن عالي
#العصر الحديث
#المملكة العربية السعودية
0
137 مشاهدة

كتبت القاف من بدعي ودنا

عباير صوت مغناها شوايق

أغنيها.. على هيلٍ وبنّا

طرايب حسها يرقى شهايق

نجومن.. لون بارقها تسنا

اليا نامت من الضيقه خلايق

شريد البال باله ماتهنا

من الضيقات حظه دوم عايق

يسريها على درب المعنى

ولا له في مقاضيها طرايق

والى من شاف رجمٍ فيه غنا

على جاله من اللوعه تهايق

يشوف هموم حاله يوم حنّا

ويعوقه من بلاويّه عوايق

يسولف عن قساه اليا تونا

سريب الدمع ولع به حرايق

كثير احظوظ سادت في زمنا

ولا لي في مشاهيها وفايق

على الله ياكريمٍ فيك حِنا

تكافينا شراير كل بايق

رد: ديوان شعراء السعودية في العصر الحديث (متجدد)☘️☘️
 

قصيدة ماعدت مثل اول مع الناس طايب
الشاعر: غازي بن عالي غازي بن عالي
#العصر الحديث
#المملكة العربية السعودية
0
136 مشاهدة

ماعدت مثل اول مع الناس طايب

في معزلا مالي هوى شوفة الناس

بيتن.. يراودني.. بليا.. سبايب

منّه غدى غازي على الدوم محتاس

لا باغين.. مبعد ولا آبي قرايب

عن شوفة الاثنين مخلي ب هوجاس

إن قلت هانت يالظروف العصايب

أدمى ضميري جرح يطعن بالأحساس

الضيغمي راحت جروحه عطايب

مجروح لكن.. معليآ.. هامة الراس

ماينكسر.. رجلآ.. فعوله نجايب

لو دونه.. الحسيد.. قطاعة أنفاس

يصبر على ضيم الليالي مهايب

ولا يرتضي من قال ب العلم لا باس

طيب الفتى لا صار جهرآ وصايب

يلقى نتاجه.. ب الصحايف له قياس

شطرآ لأبوي اليوم دون الطلايب

ألقى به الحكمه.. على دق الأجراس

منهو بغى طيبه ب عال الرقايب

يفعل وتاتيه.. المدايح من الناس

رد: ديوان شعراء السعودية في العصر الحديث (متجدد)☘️☘️
 

قصيدة تفاحة نيوتن
الشاعر: غازي بن عالي غازي بن عالي
#العصر الحديث
#المملكة العربية السعودية
0
134 مشاهدة

تفاحة نيوتن جذبها غلاها

وانتي جذبك الي عشق ترفة الغيد

الشاعر الي لا.. بغاها.. بغاها

بالطيب والا ب نكبة العيد بالعيد

الضيغمي عانق ب حبه سماها

حتى غدى ملهوف في أتلع الجيد

قصيدتي عذرى تمخطر خطاها

فيها غنج طفله تمهيف على البيد

اليا مشت شفت التباهي تباها

في مشيها إيقاع تك تك ويزيد

دايم.. مُنايا.. ذايبٍ في مُناها

أجر من صدري.. عليها التناهيد

اليا همست غازي وغنّا غناها

يتجدد الاحساس بالشوق تجديد

يالعنبوها،، ماهواني سواها

ولا هويت الا غلا باشة الغيد

رد: ديوان شعراء السعودية في العصر الحديث (متجدد)☘️☘️
 

قصيدة عذّب
الشاعر: غازي بن عالي غازي بن عالي
#العصر الحديث
#المملكة العربية السعودية
0
126 مشاهدة

عذب دخيل الشوق وامطرني إجروح

عذب ترى محلى قساك وعذابك

بين الغلا والشوق مسموح مسموح

تفداك روحٍ ماسلت في غيابك

لو تفتح الصدر الشمالي على الضوح

قام الغلا حياك رحب هلابك

من عقب غيبه ماطرآ خاطري نوح

يا ارض ماشفنا مطرك وسحابك

عطشان واللهفه على دفتري بوح

بين السطور الي روت من سرابك

بسمة خفوقي ماطرا يوما تبوح

حتى تشاغب حلم نام وغفى بك

كن الظما في شوفتك حيل مشفوح

في ليل نام الشوق وليته صحى بك

شفني على كبر الآسى حيل مجروح

مامرت الامال من يم بابك

وانا على طول اللقى عايش بروح

ترجي وصالك لاقبل الليل جابك

مجروح فرقى والاسى دمع مسفوح

بعيون ترجي من ذهابك إيابك

سافر وخل القلب مدمي ومطروح

مثلي تعود غيبتك واغترابك

رد: ديوان شعراء السعودية في العصر الحديث (متجدد)☘️☘️
 

قصيدة رحيل مسافره
الشاعر: غازي بن عالي غازي بن عالي
#العصر الحديث
#المملكة العربية السعودية
0
124 مشاهدة

ياشعر لو قلت لك هات المزيد

في وصوف اللي حلاها نادره

فاخره بالوصف لو قلنا نعيد

ولو نعيد البيت دايم فااااخره

مهرةٍ فيها المعاني وصف جيد

والمعاني قدم عينك صاااغره

ياسمو الزين في عين السعيد

لا نظر لك جاك عاني من آخره

يابديع الذوق قلي وش تريد

وصفك النادر.. يغني سااااحره

ساحره بالزين وصفك مايحيد

من عيونٍ..سلهمتها خاااااادره

يالبديع اللي بديعك لي يزيد

زايدن غنجك.. دلع ياباااااااهره

انزعي هجرك انا ماني بليد

دامك ب روحي وحبك ذاااخره

هاتي الأشواق واكتبلك جديد

شمريّك صوت شعره جاااااهره

إيه ياشوق المعاني لك رصيد

وسط خفااااااقي رياضك زاااهره

زينك الباذخ.. يابحر القصيد

وسط مينا الشوق تبحر باااااخره

خوذي الاحساس من نبعي نشيد

وغني أشواقي رحيل مسااااافره

رد: ديوان شعراء السعودية في العصر الحديث (متجدد)☘️☘️
 

قصيدة العيد هذا غير
الشاعر: غازي بن عالي غازي بن عالي
#العصر الحديث
#المملكة العربية السعودية
0
124 مشاهدة

العيد هذا غير ومعايده غير

في شوفة ربوعي وجمعت لقانا

في شفهم سقت المعاني طوابير

للحاضرين اقراب والي لفانا

يامرحبآ بعدآد ماغرد الطير

وإعداد ماهلت علينا سمانا

وإعداد مافاحن دلالٍ مباهير

تنساق للأجواد في ملتقانا

ياربعنا ما للتخاذل معاذير

وحنا الوفا منكم ترا هو وفانا

جينا نسوق الحرف نهدي تباشير

جينا وفا واحساس يكتب ولانا

جينا لدرب الطيب جينا مناعير

جينا وصل للي صبر واحترانا

وقال المواصل فطرةٍ لكن الغير

ماحسّب الي في معاه ومعانا

ولاهو كلام مضيعين التدابير

الي حكيهم جرح زوّد طنانا

العيد هذا غير ومعايده غير

في شوفة ربوعي وجمعت لقانا

رد: ديوان شعراء السعودية في العصر الحديث (متجدد)☘️☘️
 

قصيدة اعزف على جرح الغريب المهايب
الشاعر: غازي بن عالي غازي بن عالي
#العصر الحديث
#المملكة العربية السعودية
0
123 مشاهدة

أذنبت بك عشق ومشاعر وغلطات

ورجعت من فرقاك.. ياشوق تايب

أخطي واتوبك صدق تخطي بزلات

وأرجع أحبك.. موت حق وطلااايب

أكبر من إوصوف المعاني والابيات

إنك.. تعيش.. إمفارقٍ لك حبايب

(ملتاع) يوم اني اناديك ب الذات

إسمع صدايه بين.. عوج الحدايب

إسمع تناهيدي قصيدي معانات

وإعزف على جرح (الغريب المهايب)

أعزف بها لا قلتلك بالشعر هات

انا.. قسم.. بالله.. مانيب.. طايب

يالشمري لو تعزف اهات واهات

عمر الحزن..مارد لي..شوف غايب

أمسيت أغني في جميل العبارات

على هوى المسحوب سقت الطرايب

جوع المشاعر داخل الشعر يقتات

تحيا.. معاني.. واردات.. العذايب

وش عاد لو زادت علي المسافات

منفاي.. غربه..في كثير النشاااايب

التيه فيني.. راسمٍ له.. مدارات

في عالم (اللقيا).. يشن الحرايب

راحت.. مراويح الليال الطويلات

راحت ودمعي بين ضيق وكرايب

عايش كذا مابين هم.. ومتاهات

أستسقي الآمال..شوف السحايب

تمطر لقى وصل الغلا يجلي إشتات

بلسم على كل (الجروح العطايب)