رد: ديوان شعراء السعودية في العصر الحديث (متجدد)☘️☘️
 

قصيدة لا ترتجي للي قضى ف ابن عمه
الشاعر: غازي بن عالي غازي بن عالي
#العصر الحديث
#المملكة العربية السعودية
0
103 مشاهدة

دام القسى في داخل القلب مغروس

مالك ومال الضيق لا فآض جمه

الي مثل حالي قضى ليله هجوس

ينزف على بيض الورق حبر دمه

يامعاتب الاصحاب لاصرت محسوس

لا ترتجي للي قضى ف ابن عمه

الي يطيح وهامته تعتلي روس

مطيحةٍ ترقى،،، على راس قمه

ماهي خفايا تنكتب داخل نفوس

لو زادها بالضيق،،، همه وغمه

الي نوى للفايده ياخذ فلوس

بكرا يطيح،،،، ولا لقى من يلمه!!

مجالس الاجواد في نبعها دروس

مجالسٍ ماهي على كيف سمه!!!!

منهو يروم الطيب يلقى له غروس

معه على طول الزمن مايذمه!

هذا مرادي والشعر جملة حسوس

خطيتها والحرف،، هذا متمه!!

رد: ديوان شعراء السعودية في العصر الحديث (متجدد)☘️☘️
 

قصيدة أجر التصدق
الشاعر: غازي بن عالي غازي بن عالي
#العصر الحديث
#المملكة العربية السعودية
0
102 مشاهدة

لو كان تدري يالبنادم وتعلم

عن التصدق في امور الشريعه!

جاهد على ذكر الاله المعظم

الي جميع الخلق ترجي نفيعه..!

افعل عسى فعلك مع الناس يغنم

الوقت يمضي والليالي سريعه!

اجر التصدق يجلي الضيق والهم

يوم ان بعض الناس همه يريعه!

لا ضاقت الدنيا تزايد على الكم

كم كم واحد فرصته مايطيعه!

جنب عن الزلات تسعد وتنعم

لا ترتجي للي تشوف الهزيعه!

ناسٍ مساريهم خنا ماتعلّم

لاضاع ضاع وضيعته في مضيعه!

المصلح الله ثم ناسٍ تسهّمْ

ترجي لك الخيرات ب خيرآ تشيعه!

اخواننا في الدين فيهم اعمم

الي فعايلهم خيارن صنيعه،،!

وختامها صلاة ربي وسلم

على الذي نفسه علينا شفيعه..!

رد: ديوان شعراء السعودية في العصر الحديث (متجدد)☘️☘️
 

قصيدة الذكريات العتيقه
الشاعر: غازي بن عالي غازي بن عالي
#العصر الحديث
#المملكة العربية السعودية
0
100 مشاهدة

من يسمعن لا من همست وتكلمت

وخطيت من حزني معاني غريقه

دونتها ب إحساس في ضيقته كمت

ل التايه اللي ضاع.. ضيّع طريقه

البارحه بالشوق في ليلتي قمت

اطوي شريط..الذكريات العتيقه

ومرت مواني رحلة الذات في صمت

وإستلهم العالي على كل ضيقه

وغنّيت بك يومي عرفت وتندمت

إن كذبة الأشواق صارت حقيقه

وإن الورود اللي بها قد تشممت

صارت بدونك دون عبق ورحيقه

واني انا ماني من اللي.. تعلمت

فيما يُطاق..إن كان.. مالا أطيقه

تعبت أخمن كان فيها.. تحزمت

تعبت أشبك وسط صدري حريقه

تعبت وقلت وشبت يومي توهمت

على نقيض أشباه.. ذيك الخليقه

ليت الليالي يوم فيها.. توسمت

طرق الهوى.. نسماتها لي رقيقه

ماشفتها يومي.. عليها تكرمت

صدرآ بها عاف.. الزفير وشهيقه

رد: ديوان شعراء السعودية في العصر الحديث (متجدد)☘️☘️
 

قصيدة نايح الورق
الشاعر: غازي بن عالي غازي بن عالي
#العصر الحديث
#المملكة العربية السعودية
0
100 مشاهدة

منهو يعلمني وش الي بلاها

يوم انها قفت عن ديارنا شرق

مايستوي بعيني شبيهٍ سواها

هي فارقه نورآ كما لامع البرق

الي تقول اليوم نفسي دواها

انشهد إنها يالوصف فارقه فرق

الله يلعن.. من حرمني غلاها

وخلى لهيبه لاذعٍ كنه الحرق

وا شيب عين الي تلاوح سناها

لاقام تطري له على نايح الورق

شفت الطعون الي لفت من جفاها

وأصبحت أنا في بحرها غارقٍ غرق

الناس نامت من تحيّن غفاها

وانا عيوني هالسهر..سارقه سرق

أهيم في واد.. المعاني.. معاها

واكتب لها القيفان طرقٍ ورى طرق

رد: ديوان شعراء السعودية في العصر الحديث (متجدد)☘️☘️
 

قصيدة غطلس الليل
الشاعر: غازي بن عالي غازي بن عالي
#العصر الحديث
#المملكة العربية السعودية
0
99 مشاهدة

ليت الحظوظ البيض قد لوحت لي

في مندرج صدقٍ لي اليوم ينباج

يوم الهموم ب ثقلها سربلت لي

ما بان لي في غطلس الليل وهاج

حنيت للي بالعطا ما عطت لي

مريضها في شوفها يطلب علاج

ناديتها ب غفايتي وإسمعت لي

ناديتها وأنا لها.. حيل.. محتاج

لو انها متريّضه واحسمت لي

ما فودت لي همومها مثل الأفواج

سهمٍ لفاني من يدينٍ نوت لي

هي صوبتني ب الثنادي والامهاج

تصفق بجوفي ثقلها لا زمت لي

تلاطم حشوده مثل لطم الأمواج

مشيت لين أقدام رجلي حفت لي

عطشان واسراب اللقى مثل هداج

امشي بها لو الأماني عصت لي

عسى تواليها مع الصبر مخراج

إن كانها عدت عليّه هدلت لي

وان كانها قفت ترى الحظ منعاج

والغاية اللي بالأمل ما صفت لي

يالله عساها تبتهج لي بالإفراج

رد: ديوان شعراء السعودية في العصر الحديث (متجدد)☘️☘️
 

قصيدة أحيي بي الإحساس
الشاعر: غازي بن عالي غازي بن عالي
#العصر الحديث
#المملكة العربية السعودية
0
97 مشاهدة

أبكتبك في حرف فاخر وحسّاس

وأبعزفك ب إحساس شعر ومعاني

وأبرسمك في ريشتي فوق كراس

ب إبداع دافنشي.. جنون.. وتفاني

وبلبّسك تاجٍ.. لمع فوقه ألماس

أميرتي.. حياك.. داخل.. كياني!

حياك يا غاية جنوني.. والأنفاس

أيه اجلسي بين الضلوع المحاني

إيه اسكني صدرٍ لك اليوم مجلاس

إثرائك.. الفاخر.. بديع..وتغاني

لا لا يهمونك قسى باقي الناس

لا يا بعد ه الناس قاصي وداني

أحيي بي الإحساس يكفيني أتعاس

احيي بي إشعور.. الغلا والأماني

مبطي وأنا حالي سكن وسطه اليأس

ما صرت جاني.. مير قربك جفاني..

الليل هم وطاري الشوق نسناس

لا ذعذع الهم المسمى..دعاني

غيبتك عني زودت فيني الباس

عشتك قهر.. والضيق يمّه حداني

بلاش تبعد يالغلا تجرح إحساس

عوّد تراني.. حيل.. منّك أعاني

رد: ديوان شعراء السعودية في العصر الحديث (متجدد)☘️☘️
 

قصيدة ياسعود علمي جاك
الشاعر: غازي بن عالي غازي بن عالي
#العصر الحديث
#المملكة العربية السعودية
0
95 مشاهدة

ياسعود هاك العلم وارقى به سنود

ومثلك يسند للمعالي سموه

سندت لك حرفٍ قويٍ ومشدود

ماخذ سمو اسمي بوصفه علوه

ماله طمان ولا عرف حزة رقود

يومن كثير الهرج قال وتفوه

ينسج سحايب مزنها برق ورعود

في ظلمة الديجور يجتاح ضوه

وعقب الثناء ياسعود مانيب مزهود

وان زادت الاصوات ناجح بقوه

علمي على الجزلات وافي ومحمود

في ذمتي ماروم غير المروه

وان جاني علمٍ من سفيهٍ ومقرود

مشيتها من دون حرب وفتوه

لن اللسان حصان والخير به جود

يجود بك خيره ويكفيك سوه

بس ان حسد الناس باقي وموجود

واقرب مثال الي قريبه عدوه

ياسعود علمي جاك وارقى به سنود

ومثلك يسند للمعالي سموه

رد: ديوان شعراء السعودية في العصر الحديث (متجدد)☘️☘️
 

قصيدة عمرو بن العاص رضي الله عنه
الشاعر: غازي بن عالي غازي بن عالي
#العصر الحديث
#المملكة العربية السعودية
0
94 مشاهدة

الا يالله ياعالم بحال الي خفاه إحباط

يكابر من قسى وقته على ضيقات حبّاطه

ربطني بالحبال الي تربط بالقسا برباط

ربطني حظي العاثر قسى واستاح برباطه

كوابيس الزمان الي تلاوح بي على الاغلاط

الا يالله.. ياربي.. تجنبي.. عن.. أغلاطه

أخبّي عن عيون الناس كل دمعٍ يجي بأشواط

سرايب ضيقةٍ زادت جحافلها من أشواطه

على ذكرى واي ذكرى عباراته نسيج إنقاط

تسريني على الدفتر حروف خطوط نقاطه

سرايا من ورى بُصرى عليها الطيلسان أقباط

جحافل ناس من مصر العروبه هابت أقباطه

عليها حزن من عاصه فتوحاتٍ بدت بأشراط

بكى عمرو فرح يومه تحقق تالي اشراطه

عليه إمن السلام اللي يلاحي فالسما فسطاط

بناها عز واقترنت.. على إسمه ب فسطاطه

وإلى هالحين والبتراء تسوق العلم للأنباط

من الرومان.. والتاريخ.. يروي.. ناتج أنباطه

عظيمه ي لُغة أحمد يخطك ل الملى خطاط

كتب حرفه على صدرك فخر في حبر خطاطه

رد: ديوان شعراء السعودية في العصر الحديث (متجدد)☘️☘️
 

قصيدة قلب وافي


https://diwandb.com/images/poets/thu...om_qcbebpj.jpg غازي بن عالي

#العصر الحديث #المملكة العربية السعودية

0

93 مشاهدة


تركت انا حبك مع الوقت واقفيت
مشيت لكن.. ردني قلب وافي
حآولت لكني مع الوقت عييت
شفني على الفرقا خذلت اعترافي
ماقلت ببعد لو حلمت وتمنيت
ان الفراق احيان شين خُرافي
كافي غياب وكافي للصد حدّيت
قلبن طوآه الهم واصبح يجافي
يصدح آلم من ضيقته لا تونّيت
تمحل عليك سنين صارن عجافي
عفت الفيافي في غيابك وصديت
وانا وربي ما اعوف الفيافي
دامك ربيع القلب لجلك تحديت
شعري بدونك ينقصه بدع قافي
خليت فكري يتبعك لو تباطيت
مجنون وصلك مكتفى.. قال كافي
تركت انا حبك مع الوقت واقفيت
مشيت لكن.. ردني قلب وافي

رد: ديوان شعراء السعودية في العصر الحديث (متجدد)☘️☘️
 

قصيدة حلوة الغيد
الشاعر: غازي بن عالي غازي بن عالي
#العصر الحديث
#المملكة العربية السعودية
0
91 مشاهدة

تبختري مادامها اليوم تدليل

أبيات شعري سقتها لك هدايا

تدلعي ياحلوة الغيد بالجيل

الجيل جيلك.. ياغلاي وهوايا

تمخطري في خطوتينٍ لي تخيل

إيقاع بدعك من جميل العطايا..

مادامي بعينك أفوق الرجاجيل

انتي ب عيني عن جميع الصبايا..

انتي وانا والشوق والثالث الليل

وحلو السهر.. مابيننا.. له حكايا

نعزف على بدع المشاعر مواويل

إحساس شاهق في عوالي سمايا..

نسهر غلا.. شوف اللقا دايم يميل

نسايمك.. شوقٍ.. تسربل مسايا

جيتك على حلم الليال المقابيل

في داخلي حبٍ غِرس..ف الحشايا

ماقول غبتي صدق ياروعة الجيل

وانتي معي وسط الضلوع الحنايا..